Chapter 61

śunaḥśepaṃ naraśreṣṭha gṛhītvā tu mahāyaśāḥ |
vyaśrāmyat puṣkare rājā madhyāhne raghunandana || 1 ||
[Analyze grammar]

tasya viśramamāṇasya śunaḥśepo mahāyaśāḥ |
puṣkaraṃ śreṣṭhamāgamya viśvāmitraṃ dadarśa ha || 2 ||
[Analyze grammar]

viṣaṇṇavadano dīnastṛṣṇayā ca śrameṇa ca |
papātāṅke mune rāma vākyaṃ cedamuvāca ha || 3 ||
[Analyze grammar]

na me'sti mātā na pitā jñātayo bāndhavāḥ kutaḥ |
trātumarhasi māṃ saumya dharmeṇa munipuṃgava || 4 ||
[Analyze grammar]

trātā tvaṃ hi muniśreṣṭha sarveṣāṃ tvaṃ hi bhāvanaḥ |
rājā ca kṛtakāryaḥ syādahaṃ dīrghāyuravyayaḥ || 5 ||
[Analyze grammar]

svargalokamupāśnīyāṃ tapastaptvā hyanuttamam |
sa me nātho hyanāthasya bhava bhavyena cetasā |
piteva putraṃ dharmātmaṃstrātumarhasi kilbiṣāt || 6 ||
[Analyze grammar]

tasya tadvacanaṃ śrutvā viśvāmitro mahātapāḥ |
sāntvayitvā bahuvidhaṃ putrānidamuvāca ha || 7 ||
[Analyze grammar]

yatkṛte pitaraḥ putrāñjanayanti śubhārthinaḥ |
paralokahitārthāya tasya kālo'yamāgataḥ || 8 ||
[Analyze grammar]

ayaṃ munisuto bālo mattaḥ śaraṇamicchati |
asya jīvitamātreṇa priyaṃ kuruta putrakāḥ || 9 ||
[Analyze grammar]

sarve sukṛtakarmāṇaḥ sarve dharmaparāyaṇāḥ |
paśubhūtā narendrasya tṛptimagneḥ prayacchata || 10 ||
[Analyze grammar]

nāthavāṃśca śunaḥśepo yajñaścāvighnato bhavet |
devatāstarpitāśca syurmama cāpi kṛtaṃ vacaḥ || 11 ||
[Analyze grammar]

munestu vacanaṃ śrutvā madhuṣyandādayaḥ sutāḥ |
sābhimānaṃ naraśreṣṭha salīlamidamabruvan || 12 ||
[Analyze grammar]

kathamātmasutān hitvā trāyase'nyasutaṃ vibho |
akāryamiva paśyāmaḥ śvamāṃsamiva bhojane || 13 ||
[Analyze grammar]

teṣāṃ tadvacanaṃ śrutvā putrāṇāṃ munipuṃgavaḥ |
krodhasaṃraktanayano vyāhartumupacakrame || 14 ||
[Analyze grammar]

niḥsādhvasamidaṃ proktaṃ dharmādapi vigarhitam |
atikramya tu madvākyaṃ dāruṇaṃ romaharṣaṇam || 15 ||
[Analyze grammar]

śvamāṃsabhojinaḥ sarve vāsiṣṭhā iva jātiṣu |
pūrṇaṃ varṣasahasraṃ tu pṛthivyāmanuvatsyatha || 16 ||
[Analyze grammar]

kṛtvā śāpasamāyuktānputrānmunivarastadā |
śunaḥśepamuvācārtaṃ kṛtvā rakṣāṃ nirāmayām || 17 ||
[Analyze grammar]

pavitrapāśairāsakto raktamālyānulepanaḥ |
vaiṣṇavaṃ yūpamāsādya vāgbhiragnimudāhara || 18 ||
[Analyze grammar]

ime tu gāthe dve divye gāyethā muniputraka |
ambarīṣasya yajñe'smiṃstataḥ siddhimavāpsyasi || 19 ||
[Analyze grammar]

śunaḥśepo gṛhītvā te dve gāthe susamāhitaḥ |
tvarayā rājasiṃhaṃ tamambarīṣamuvāca ha || 20 ||
[Analyze grammar]

rājasiṃha mahāsattva śīghraṃ gacchāvahe sadaḥ |
nivartayasva rājendra dīkṣāṃ ca samupāhara || 21 ||
[Analyze grammar]

tadvākyamṛṣiputrasya śrutvā harṣaṃ samutsukaḥ |
jagāma nṛpatiḥ śīghraṃ yajñavāṭamatandritaḥ || 22 ||
[Analyze grammar]

sadasyānumate rājā pavitrakṛtalakṣaṇam |
paśuṃ raktāmbaraṃ kṛtvā yūpe taṃ samabandhayat || 23 ||
[Analyze grammar]

sa baddho vāgbhiragryābhirabhituṣṭāva vai surau |
indramindrānujaṃ caiva yathāvanmuniputrakaḥ || 24 ||
[Analyze grammar]

tataḥ prītaḥ sahasrākṣo rahasyastutitarpitaḥ |
dīrghamāyustadā prādācchunaḥśepāya rāghava || 25 ||
[Analyze grammar]

sa ca rājā naraśreṣṭha yajñasya ca samāptavān |
phalaṃ bahuguṇaṃ rāma sahasrākṣaprasādajam || 26 ||
[Analyze grammar]

viśvāmitro'pi dharmātmā bhūyastepe mahātapāḥ |
puṣkareṣu naraśreṣṭha daśavarṣaśatāni ca || 27 ||
[Analyze grammar]