Chapter 55

evamukto vasiṣṭhena viśvāmitro mahābalaḥ |
āgneyamastramutkṣipya tiṣṭha tiṣṭheti cābravīt || 1 ||
[Analyze grammar]

vasiṣṭho bhagavān krodhādidaṃ vacanamabravīt || 2 ||
[Analyze grammar]

kṣatrabandho sthito'smyeṣa yadbalaṃ tadvidarśaya |
nāśayāmyeṣa te darpaṃ śastrasya tava gādhija || 3 ||
[Analyze grammar]

kva ca te kṣatriyabalaṃ kva ca brahmabalaṃ mahat |
paśya brahmabalaṃ divyaṃ mama kṣatriyapāṃsana || 4 ||
[Analyze grammar]

tasyāstraṃ gādhiputrasya ghoramāgneyamuttamam |
brahmadaṇḍena tacchāntamagnervega ivāmbhasā || 5 ||
[Analyze grammar]

vāruṇaṃ caiva raudraṃ ca aindraṃ pāśupataṃ tathā |
aiṣīkaṃ cāpi cikṣepa ruṣito gādhinandanaḥ || 6 ||
[Analyze grammar]

mānavaṃ mohanaṃ caiva gāndharvaṃ svāpanaṃ tathā |
jṛmbhaṇaṃ mohanaṃ caiva saṃtāpanavilāpane || 7 ||
[Analyze grammar]

śoṣaṇaṃ dāraṇaṃ caiva vajramastraṃ sudurjayam |
brahmapāśaṃ kālapāśaṃ vāruṇaṃ pāśameva ca || 8 ||
[Analyze grammar]

pinākāstraṃ ca dayitaṃ śuṣkārdre aśanī tathā |
daṇḍāstramatha paiśācaṃ krauñcamastraṃ tathaiva ca || 9 ||
[Analyze grammar]

dharmacakraṃ kālacakraṃ viṣṇucakraṃ tathaiva ca |
vāyavyaṃ mathanaṃ caiva astraṃ hayaśirastathā || 10 ||
[Analyze grammar]

śaktidvayaṃ ca cikṣepa kaṅkālaṃ musalaṃ tathā |
vaidyādharaṃ mahāstraṃ ca kālāstramatha dāruṇam || 11 ||
[Analyze grammar]

triśūlamastraṃ ghoraṃ ca kāpālamatha kaṅkaṇam |
etānyastrāṇi cikṣepa sarvāṇi raghunandana || 12 ||
[Analyze grammar]

vasiṣṭhe japatāṃ śreṣṭhe tadadbhutamivābhavat |
tāni sarvāṇi daṇḍena grasate brahmaṇaḥ sutaḥ || 13 ||
[Analyze grammar]

teṣu śānteṣu brahmāstraṃ kṣiptavān gādhinandanaḥ |
tadastramudyataṃ dṛṣṭvā devāḥ sāgnipurogamāḥ || 14 ||
[Analyze grammar]

devarṣayaśca saṃbhrāntā gandharvāḥ samahoragāḥ |
trailokyamāsīt saṃtrastaṃ brahmāstre samudīrite || 15 ||
[Analyze grammar]

tadapyastraṃ mahāghoraṃ brāhmaṃ brāhmeṇa tejasā |
vasiṣṭho grasate sarvaṃ brahmadaṇḍena rāghava || 16 ||
[Analyze grammar]

brahmāstraṃ grasamānasya vasiṣṭhasya mahātmanaḥ |
trailokyamohanaṃ raudraṃ rūpamāsīt sudāruṇam || 17 ||
[Analyze grammar]

romakūpeṣu sarveṣu vasiṣṭhasya mahātmanaḥ |
marīcya iva niṣpeturagnerdhūmākulārciṣaḥ || 18 ||
[Analyze grammar]

prājvaladbrahmadaṇḍaśca vasiṣṭhasya karodyataḥ |
vidhūma iva kālāgniryamadaṇḍa ivāparaḥ || 19 ||
[Analyze grammar]

tato'stuvanmunigaṇā vasiṣṭhaṃ japatāṃ varam |
amoghaṃ te balaṃ brahmaṃstejo dhāraya tejasā || 20 ||
[Analyze grammar]

nigṛhītastvayā brahman viśvāmitro mahātapāḥ |
prasīda japatāṃ śreṣṭha lokāḥ santu gatavyathāḥ || 21 ||
[Analyze grammar]

evamukto mahātejāḥ śamaṃ cakre mahātapāḥ |
viśvāmitro'pi nikṛto viniḥśvasyedamabravīt || 22 ||
[Analyze grammar]

dhigbalaṃ kṣatriyabalaṃ brahmatejobalaṃ balam |
ekena brahmadaṇḍena sarvāstrāṇi hatāni me || 23 ||
[Analyze grammar]

tadetat samavekṣyāhaṃ prasannendriyamānasaḥ |
tapo mahat samāsthāsye yadvai brahmatvakārakam || 24 ||
[Analyze grammar]