Chapter 51

sa dṛṣṭvā paramaprīto viśvāmitro mahābalaḥ |
praṇato vinayādvīro vasiṣṭhaṃ japatāṃ varam || 1 ||
[Analyze grammar]

svāgataṃ tava cetyukto vasiṣṭhena mahātmanā |
āsanaṃ cāsya bhagavān vasiṣṭho vyādideśa ha || 2 ||
[Analyze grammar]

upaviṣṭāya ca tadā viśvāmitrāya dhīmate |
yathānyāyaṃ munivaraḥ phalamūlamupāharat || 3 ||
[Analyze grammar]

pratigṛhya ca tāṃ pūjāṃ vasiṣṭhād rājasattamaḥ |
tapo'gnihotraśiṣyeṣu kuśalaṃ paryapṛcchata || 4 ||
[Analyze grammar]

viśvāmitro mahātejā vanaspatigaṇe tathā |
sarvatra kuśalaṃ cāha vasiṣṭho rājasattamam || 5 ||
[Analyze grammar]

sukhopaviṣṭaṃ rājānaṃ viśvāmitraṃ mahātapāḥ |
papraccha japatāṃ śreṣṭho vasiṣṭho brahmaṇaḥ sutaḥ || 6 ||
[Analyze grammar]

kaccitte kuśalaṃ rājan kacciddharmeṇa rañjayan |
prajāḥ pālayase rājan rājavṛttena dhārmika || 7 ||
[Analyze grammar]

kaccitte subhṛtā bhṛtyāḥ kaccittiṣṭhanti śāsane |
kaccitte vijitāḥ sarve ripavo ripusūdana || 8 ||
[Analyze grammar]

kaccidbale ca kośe ca mitreṣu ca paraṃtapa |
kuśalaṃ te naravyāghra putrapautre tathānagha || 9 ||
[Analyze grammar]

sarvatra kuśalaṃ rājā vasiṣṭhaṃ pratyudāharat |
viśvāmitro mahātejā vasiṣṭhaṃ vinayānvitaḥ || 10 ||
[Analyze grammar]

kṛtvobhau suciraṃ kālaṃ dharmiṣṭhau tāḥ kathāḥ śubhāḥ |
mudā paramayā yuktau prīyetāṃ tau parasparam || 11 ||
[Analyze grammar]

tato vasiṣṭho bhagavān kathānte raghunandana |
viśvāmitramidaṃ vākyamuvāca prahasanniva || 12 ||
[Analyze grammar]

ātithyaṃ kartumicchāmi balasyāsya mahābala |
tava caivāprameyasya yathārhaṃ saṃpratīccha me || 13 ||
[Analyze grammar]

satkriyāṃ tu bhavānetāṃ pratīcchatu mayodyatām |
rājaṃstvamatithiśreṣṭhaḥ pūjanīyaḥ prayatnataḥ || 14 ||
[Analyze grammar]

evamukto vasiṣṭhena viśvāmitro mahāmatiḥ |
kṛtamityabravīd rājā pūjāvākyena me tvayā || 15 ||
[Analyze grammar]

phalamūlena bhagavan vidyate yattavāśrame |
pādyenācamanīyena bhagavaddarśanena ca || 16 ||
[Analyze grammar]

sarvathā ca mahāprājña pūjārheṇa supūjitaḥ |
gamiṣyāmi namaste'stu maitreṇekṣasva cakṣuṣā || 17 ||
[Analyze grammar]

evaṃ bruvantaṃ rājānaṃ vasiṣṭhaḥ punareva hi |
nyamantrayata dharmātmā punaḥ punarudāradhīḥ || 18 ||
[Analyze grammar]

bāḍhamityeva gādheyo vasiṣṭhaṃ pratyuvāca ha |
yathā priyaṃ bhagavatastathāstu munisattama || 19 ||
[Analyze grammar]

evamukto mahātejā vasiṣṭho japatāṃ varaḥ |
ājuhāva tataḥ prītaḥ kalmāṣīṃ dhūtakalmaṣaḥ || 20 ||
[Analyze grammar]

ehyehi śabale kṣipraṃ śṛṇu cāpi vaco mama |
sabalasyāsya rājarṣeḥ kartuṃ vyavasito'smyaham |
bhojanena mahārheṇa satkāraṃ saṃvidhatsva me || 21 ||
[Analyze grammar]

yasya yasya yathākāmaṃ ṣaḍraseṣvabhipūjitam |
tat sarvaṃ kāmadhugdivye abhivarṣakṛte mama || 22 ||
[Analyze grammar]

rasenānnena pānena lehyacoṣyeṇa saṃyutam |
annānāṃ nicayaṃ sarvaṃ sṛjasva śabale tvara || 23 ||
[Analyze grammar]