Chapter 46

saptadhā tu kṛte garbhe ditiḥ paramaduḥkhitā |
sahasrākṣaṃ durādharṣaṃ vākyaṃ sānunayābravīt || 1 ||
[Analyze grammar]

mamāparādhādgarbho'yaṃ saptadhā viphalīkṛtaḥ |
nāparādho'sti deveśa tavātra balasūdana || 2 ||
[Analyze grammar]

priyaṃ tu kṛtamicchāmi mama garbhaviparyaye |
marutāṃ saptaṃ saptānāṃ sthānapālā bhavantvime || 3 ||
[Analyze grammar]

vātaskandhā ime sapta carantu divi putrakāḥ |
mārutā iti vikhyātā divyarūpā mamātmajāḥ || 4 ||
[Analyze grammar]

brahmalokaṃ caratveka indralokaṃ tathāparaḥ |
divi vāyuriti khyātastṛtīyo'pi mahāyaśāḥ || 5 ||
[Analyze grammar]

catvārastu suraśreṣṭha diśo vai tava śāsanāt |
saṃcariṣyanti bhadraṃ te devabhūtā mamātmajāḥ |
tvatkṛtenaiva nāmnā ca mārutā iti viśrutāḥ || 6 ||
[Analyze grammar]

tasyāstadvacanaṃ śrutvā sahasrākṣaḥ puraṃdaraḥ |
uvāca prāñjalirvākyaṃ ditiṃ balaniṣūdanaḥ || 7 ||
[Analyze grammar]

sarvametad yathoktaṃ te bhaviṣyati na saṃśayaḥ |
vicariṣyanti bhadraṃ te devabhūtāstavātmajāḥ || 8 ||
[Analyze grammar]

evaṃ tau niścayaṃ kṛtvā mātāputrau tapovane |
jagmatustridivaṃ rāma kṛtārthāviti naḥ śrutam || 9 ||
[Analyze grammar]

eṣa deśaḥ sa kākutstha mahendrādhyuṣitaḥ purā |
ditiṃ yatra tapaḥ siddhāmevaṃ paricacāra saḥ || 10 ||
[Analyze grammar]

ikṣvākostu naravyāghra putraḥ paramadhārmikaḥ |
alambuṣāyāmutpanno viśāla iti viśrutaḥ || 11 ||
[Analyze grammar]

tena cāsīdiha sthāne viśāleti purī kṛtā || 12 ||
[Analyze grammar]

viśālasya suto rāma hemacandro mahābalaḥ |
sucandra iti vikhyāto hemacandrādanantaraḥ || 13 ||
[Analyze grammar]

sucandratanayo rāma dhūmrāśva iti viśrutaḥ |
dhūmrāśvatanayaścāpi sṛñjayaḥ samapadyata || 14 ||
[Analyze grammar]

sṛñjayasya sutaḥ śrīmān sahadevaḥ pratāpavān |
kuśāśvaḥ sahadevasya putraḥ paramadhārmikaḥ || 15 ||
[Analyze grammar]

kuśāśvasya mahātejāḥ somadattaḥ pratāpavān |
somadattasya putrastu kākutstha iti viśrutaḥ || 16 ||
[Analyze grammar]

tasya putro mahātejāḥ saṃpratyeṣa purīmimām |
āvasatyamaraprakhyaḥ sumatirnāma durjayaḥ || 17 ||
[Analyze grammar]

ikṣvākostu prasādena sarve vaiśālikā nṛpāḥ |
dīrghāyuṣo mahātmāno vīryavantaḥ sudhārmikāḥ || 18 ||
[Analyze grammar]

ihādya rajanīṃ rāma sukhaṃ vatsyāmahe vayam |
śvaḥ prabhāte naraśreṣṭha janakaṃ draṣṭumarhasi || 19 ||
[Analyze grammar]

sumatistu mahātejā viśvāmitramupāgatam |
śrutvā naravaraśreṣṭhaḥ pratyudgacchanmahāyaśāḥ || 20 ||
[Analyze grammar]

pūjāṃ ca paramāṃ kṛtvā sopādhyāyaḥ sabāndhavaḥ |
prāñjaliḥ kuśalaṃ pṛṣṭvā viśvāmitramathābravīt || 21 ||
[Analyze grammar]

dhanyo'smyanugṛhīto'smi yasya me viṣayaṃ mune |
saṃprāpto darśanaṃ caiva nāsti dhanyataro mama || 22 ||
[Analyze grammar]