Chapter 26

atha tāṃ rajanīmuṣya viśvāmiro mahāyaśāḥ |
prahasya rāghavaṃ vākyamuvāca madhurākṣaram || 1 ||
[Analyze grammar]

patituṣṭo'smi bhadraṃ te rājaputra mahāyaśaḥ |
prītyā paramayā yukto dadāmyastrāṇi sarvaśaḥ || 2 ||
[Analyze grammar]

devāsuragaṇān vāpi sagandharvoragānapi |
yairamitrānprasahyājau vaśīkṛtya jayiṣyasi || 3 ||
[Analyze grammar]

tāni divyāni bhadraṃ te dadāmyastrāṇi sarvaśaḥ |
daṇḍacakraṃ mahaddivyaṃ tava dāsyāmi rāghava || 4 ||
[Analyze grammar]

dharmacakraṃ tato vīra kālacakraṃ tathaiva ca |
viṣṇucakraṃ tathātyugramaindraṃ cakraṃ tathaiva ca || 5 ||
[Analyze grammar]

vajramastraṃ naraśreṣṭha śaivaṃ śūlavaraṃ tathā |
astraṃ brahmaśiraścaiva aiṣīkamapi rāghava |
dadāmi te mahābāho brāhmamastramanuttamam || 6 ||
[Analyze grammar]

gade dve caiva kākutstha modakī śikharī ubhe |
pradīpte naraśārdūla prayacchāmi nṛpātmaja || 7 ||
[Analyze grammar]

dharmapāśamahaṃ rāma kālapāśaṃ tathaiva ca |
vāruṇaṃ pāśamastraṃ ca dadānyahamanuttamam || 8 ||
[Analyze grammar]

aśanī dve prayacchāmi śuṣkārdre raghunandana || 9 ||
[Analyze grammar]

dadāmi cāstraṃ painākamastraṃ nārāyaṇaṃ tathā |
āgneyamastra dayitaṃ śikharaṃ nāma nāmataḥ || 10 ||
[Analyze grammar]

vāyavyaṃ prathamaṃ nāma dadāmi tava rāghava |
astraṃ hayaśiro nāma krauñcamastraṃ tathaiva ca || 11 ||
[Analyze grammar]

śakti dvayaṃ ca kākutstha dadāmi tava cānagha |
kaṅkālaṃ musalaṃ ghoraṃ kāpālamatha kaṅkaṇam || 12 ||
[Analyze grammar]

dhārayantyasurā yāni dadāmyetāni sarvaśaḥ |
vaidyādharaṃ mahāstraṃ ca nandanaṃ nāma nāmataḥ || 13 ||
[Analyze grammar]

asiratnaṃ mahābāho dadāmi nṛvarātmaja |
gāndharvamastraṃ dayitaṃ mānavaṃ nāma nāmataḥ || 14 ||
[Analyze grammar]

prasvāpanapraśamane dadmi sauraṃ ca rāghava |
darpaṇaṃ śoṣaṇaṃ caiva saṃtāpanavilāpane || 15 ||
[Analyze grammar]

madanaṃ caiva durdharṣaṃ kandarpadayitaṃ tathā |
paiśācamastraṃ dayitaṃ mohanaṃ nāma nāmataḥ |
pratīccha naraśārdūla rājaputra mahāyaśaḥ || 16 ||
[Analyze grammar]

tāmasaṃ naraśārdūla saumanaṃ ca mahābalam |
saṃvartaṃ caiva durdharṣaṃ mausalaṃ ca nṛpātmaja || 17 ||
[Analyze grammar]

satyamastraṃ mahābāho tathā māyādharaṃ param |
ghoraṃ tejaḥprabhaṃ nāma paratejo'pakarṣaṇam || 18 ||
[Analyze grammar]

somāstraṃ śiśiraṃ nāma tvāṣṭramastraṃ sudāmanam |
dāruṇaṃ ca bhagasyāpi śīteṣumatha mānavam || 19 ||
[Analyze grammar]

etānnāma mahābāho kāmarūpānmahābalān |
gṛhāṇa paramodārān kṣiprameva nṛpātmaja || 20 ||
[Analyze grammar]

sthitastu prāṅmukho bhūtvā śucirnivaratastadā |
dadau rāmāya suprīto mantragrāmamanuttamam || 21 ||
[Analyze grammar]

japatastu munestasya viśvāmitrasya dhīmataḥ |
upatasthurmahārhāṇi sarvāṇyastrāṇi rāghavam || 22 ||
[Analyze grammar]

ūcuśca muditā rāmaṃ sarve prāñjalayastadā |
ime sma paramodāra kiṃkarāstava rāghava || 23 ||
[Analyze grammar]

pratigṛhya ca kākutsthaḥ samālabhya ca pāṇinā |
manasā me bhaviṣyadhvamiti tānyabhyacodayat || 24 ||
[Analyze grammar]

tataḥ prītamanā rāmo viśvāmitraṃ mahāmunim |
abhivādya mahātejā gamanāyopacakrame || 25 ||
[Analyze grammar]