Chapter 15

tato nārāyaṇo viṣṇurniyuktaḥ surasattamaiḥ |
jānannapi surānevaṃ ślakṣṇaṃ vacanamabravīt || 1 ||
[Analyze grammar]

upāyaḥ ko vadhe tasya rākṣasādhipateḥ surāḥ |
yamahaṃ taṃ samāsthāya nihanyāmṛṣikaṇṭakam || 2 ||
[Analyze grammar]

evamuktāḥ surāḥ sarve pratyūcurviṣṇumavyayam |
mānuṣīṃ tanumāsthāya rāvaṇaṃ jahi saṃyuge || 3 ||
[Analyze grammar]

sa hi tepe tapastīvraṃ dīrghakālamariṃdama |
yena tuṣṭo'bhavadbrahmā lokakṛl lokapūjitaḥ || 4 ||
[Analyze grammar]

saṃtuṣṭaḥ pradadau tasmai rākṣasāya varaṃ prabhuḥ |
nānāvidhebhyo bhūtebhyo bhayaṃ nānyatra mānuṣāt || 5 ||
[Analyze grammar]

avajñātāḥ purā tena varadānena mānavāḥ |
tasmāttasya vadho dṛṣṭo mānuṣebhyaḥ paraṃtapa || 6 ||
[Analyze grammar]

ityetadvacanaṃ śrutvā surāṇāṃ viṣṇurātmavān |
pitaraṃ rocayāmāsa tadā daśarathaṃ nṛpam || 7 ||
[Analyze grammar]

sa cāpyaputro nṛpatistasmin kāle mahādyutiḥ |
ayajat putriyāmiṣṭiṃ putrepsurarisūdanaḥ || 8 ||
[Analyze grammar]

tato vai yajamānasya pāvakādatulaprabham |
prādurbhūtaṃ mahadbhūtaṃ mahāvīryaṃ mahābalam || 9 ||
[Analyze grammar]

kṛṣṇaṃ raktāmbaradharaṃ raktāsyaṃ dundubhisvanam |
snigdhaharyakṣatanujaśmaśrupravaramūrdhajam || 10 ||
[Analyze grammar]

śubhalakṣaṇasaṃpannaṃ divyābharaṇabhūṣitam |
śailaśṛṅgasamutsedhaṃ dṛptaśārdūlavikramam || 11 ||
[Analyze grammar]

divākarasamākāraṃ dīptānalaśikhopamam |
taptajāmbūnadamayīṃ rājatāntaparicchadām || 12 ||
[Analyze grammar]

divyapāyasasaṃpūrṇāṃ pātrīṃ patnīmiva priyām |
pragṛhya vipulāṃ dorbhyāṃ svayaṃ māyāmayīmiva || 13 ||
[Analyze grammar]

samavekṣyābravīdvākyamidaṃ daśarathaṃ nṛpam |
prājāpatyaṃ naraṃ viddhi māmihābhyāgataṃ nṛpa || 14 ||
[Analyze grammar]

tataḥ paraṃ tadā rājā pratyuvāca kṛtāñjaliḥ |
bhagavan svāgataṃ te'stu kimahaṃ karavāṇi te || 15 ||
[Analyze grammar]

atho punaridaṃ vākyaṃ prājāpatyo naro'bravīt |
rājannarcayatā devānadya prāptamidaṃ tvayā || 16 ||
[Analyze grammar]

idaṃ tu naraśārdūla pāyasaṃ devanirmitam |
prajākaraṃ gṛhāṇa tvaṃ dhanyamārogyavardhanam || 17 ||
[Analyze grammar]

bhāryāṇāmanurūpāṇāmaśnīteti prayaccha vai |
tāsu tvaṃ lapsyase putrānyadarthaṃ yajase nṛpa || 18 ||
[Analyze grammar]

tatheti nṛpatiḥ prītaḥ śirasā pratigṛhya tām |
pātrīṃ devānnasaṃpūrṇāṃ devadattāṃ hiraṇmayīm || 19 ||
[Analyze grammar]

abhivādya ca tadbhūtamadbhutaṃ priyadarśanam |
mudā paramayā yuktaścakārābhipradakṣiṇam || 20 ||
[Analyze grammar]

tato daśarathaḥ prāpya pāyasaṃ devanirmitam |
babhūva paramaprītaḥ prāpya vittamivādhanaḥ || 21 ||
[Analyze grammar]

tatastadadbhutaprakhyaṃ bhūtaṃ paramabhāsvaram |
saṃvartayitvā tat karma tatraivāntaradhīyata || 22 ||
[Analyze grammar]

harṣaraśmibhirudyotaṃ tasyāntaḥpuramābabhau |
śāradasyābhirāmasya candrasyeva nabho'ṃśubhiḥ || 23 ||
[Analyze grammar]

so'ntaḥpuraṃ praviśyaiva kausalyāmidamabravīt |
pāyasaṃ pratigṛhṇīṣva putrīyaṃ tvidamātmanaḥ || 24 ||
[Analyze grammar]

kausalyāyai narapatiḥ pāyasārdhaṃ dadau tadā |
ardhādardhaṃ dadau cāpi sumitrāyai narādhipaḥ |
kaikeyyai cāvaśiṣṭārdhaṃ dadau putrārthakāraṇāt || 25 ||
[Analyze grammar]

pradadau cāvaśiṣṭārdhaṃ pāyasasyāmṛtopamam |
anucintya sumitrāyai punareva mahīpatiḥ || 26 ||
[Analyze grammar]

evaṃ tāsāṃ dadau rājā bhāryāṇāṃ pāyasaṃ pṛthak || 27 ||
[Analyze grammar]

tāstvetat pāyasaṃ prāpya narendrasyottamāḥ striyaḥ |
saṃmānaṃ menire sarvāḥ praharṣoditacetasaḥ || 28 ||
[Analyze grammar]