Chapter 6

puryāṃ tasyāmayodhyāyāṃ vedavit sarvasaṃgrahaḥ |
dīrghadarśī mahātejāḥ paurajānapadapriyaḥ || 1 ||
[Analyze grammar]

ikṣvākūṇāmatiratho yajvā dharmarato vaśī |
maharṣikalpo rājarṣistriṣu lokṛṣu viśrutaḥ || 2 ||
[Analyze grammar]

balavānnihatāmitro mitravān vijitendriyaḥ |
dhanaiśca saṃcayaiścānyaiḥ śakravaiśravaṇopamaḥ || 3 ||
[Analyze grammar]

yathā manurmahātejā lokasya parirakṣitā |
tathā daśaratho rājā vasañjagadapālayat || 4 ||
[Analyze grammar]

tena satyābhisaṃdhena trivargamanutiṣṭhatā |
pālitā sā purī śreṣṭhendreṇa ivāmarāvatī || 5 ||
[Analyze grammar]

tasminpuravare hṛṣṭā dharmātmanā bahuśrutāḥ |
narāstuṣṭādhanaiḥ svaiḥ svairalubdhāḥ satyavādinaḥ || 6 ||
[Analyze grammar]

nālpasaṃnicayaḥ kaścidāsīttasminpurottame |
kuṭumbī yo hyasiddhārtho'gavāśvadhanadhānyavān || 7 ||
[Analyze grammar]

kāmī vā na kadaryo vā nṛśaṃsaḥ puruṣaḥ kva cit |
draṣṭuṃ śakyamayodhyāyāṃ nāvidvānna ca nāstikaḥ || 8 ||
[Analyze grammar]

sarve narāśca nāryaśca dharmaśīlāḥ susaṃyatāḥ |
muditāḥ śīlavṛttābhyāṃ maharṣaya ivāmalāḥ || 9 ||
[Analyze grammar]

nākuṇḍalī nāmukuṭī nāsragvī nālpabhogavān |
nāmṛṣṭo nānuliptāṅgo nāsugandhaśca vidyate || 10 ||
[Analyze grammar]

nāmṛṣṭabhojī nādātā nāpyanaṅgadaniṣkadhṛk |
nāhastābharaṇo vāpi dṛśyate nāpyanātmavān || 11 ||
[Analyze grammar]

nānāhitāgnirnāyajvā vipro nāpyasahasradaḥ |
kaścidāsīdayodhyāyāṃ na ca nirvṛttasaṃkaraḥ || 12 ||
[Analyze grammar]

svakarmaniratā nityaṃ brāhmaṇā vijitendriyāḥ |
dānādhyayanaśīlāśca saṃyatāśca pratigrahe || 13 ||
[Analyze grammar]

na nāstiko nānṛtako na kaścidabahuśrutaḥ |
nāsūyako na cāśakto nāvidvān vidyate tadā || 14 ||
[Analyze grammar]

na dīnaḥ kṣiptacitto vā vyathito vāpi kaścana |
kaścinnaro vā nārī vā nāśrīmānnāpyarūpavān |
draṣṭuṃ śakyamayodhyāyāṃ nāpi rājanyabhaktimān || 15 ||
[Analyze grammar]

varṇeṣvagryacaturtheṣu devatātithipūjakāḥ |
dīrghāyuṣo narāḥ sarve dharmaṃ satyaṃ ca saṃśritāḥ || 16 ||
[Analyze grammar]

kṣatraṃ brahmamukhaṃ cāsīdvaiśyāḥ kṣatramanuvratāḥ |
śūdrāḥ svadharmaniratāstrīn varṇānupacāriṇaḥ || 17 ||
[Analyze grammar]

sā tenekṣvākunāthena purī suparirakṣitā |
yathā purastānmanunā mānavendreṇa dhīmatā || 18 ||
[Analyze grammar]

yodhānāmagnikalpānāṃ peśalānāmamarṣiṇām |
saṃpūrṇākṛtavidyānāṃ guhākesariṇāmiva || 19 ||
[Analyze grammar]

kāmbojaviṣaye jātairbāhlīkaiśca hayottamaiḥ |
vanāyujairnadījaiśca pūrṇāharihayopamaiḥ || 20 ||
[Analyze grammar]

vindhyaparvatajairmattaiḥ pūrṇā haimavatairapi |
madānvitairatibalairmātaṅgaiḥ parvatopamaiḥ || 21 ||
[Analyze grammar]

añjanādapi niṣkrāntairvāmanādapi ca dvipaiḥ |
bhadramandrairbhadramṛgairmṛgamandraiśca sā purī || 22 ||
[Analyze grammar]

nityamattaiḥ sadā pūrṇā nāgairacalasaṃnibhaiḥ |
sā yojane ca dve bhūyaḥ satyanāmā prakāśate || 23 ||
[Analyze grammar]

tāṃ satyanāmāṃ dṛḍhatoraṇārgalām gṛhairvicitrairupaśobhitāṃ śivām |
purīmayodhyāṃ nṛsahasrasaṃkulāṃ śaśāsa vai śakrasamo mahīpatiḥ || 24 ||
[Analyze grammar]