Chapter 3

śrutvā vastu samagraṃ taddharmātmā dharmasaṃhitam |
vyaktamanveṣate bhūyo yadvṛttaṃ tasya dhīmataḥ || 1 ||
[Analyze grammar]

upaspṛśyodakaṃ saṃyanmuniḥ sthitvā kṛtāñjaliḥ |
prācīnāgreṣu darbheṣu dharmeṇānveṣate gatim || 2 ||
[Analyze grammar]

janma rāmasya sumahadvīryaṃ sarvānukūlatām |
lokasya priyatāṃ kṣāntiṃ saumyatāṃ satyaśīlatām || 3 ||
[Analyze grammar]

nānācitrāḥ kathāścānyā viśvāmitrasahāyane |
jānakyāśca vivāhaṃ ca dhanuṣaśca vibhedanam || 4 ||
[Analyze grammar]

rāmarāmavivādaṃ ca guṇāndāśarathestathā |
tathābhiṣekaṃ rāmasya kaikeyyā duṣṭabhāvatām || 5 ||
[Analyze grammar]

vyāghātaṃ cābhiṣekasya rāmasya ca vivāsanam |
rājñaḥ śokavilāpaṃ ca paralokasya cāśrayam || 6 ||
[Analyze grammar]

prakṛtīnāṃ viṣādaṃ ca prakṛtīnāṃ visarjanam |
niṣādādhipasaṃvādaṃ sūtopāvartanaṃ tathā || 7 ||
[Analyze grammar]

gaṅgāyāścāpi saṃtāraṃ bharadvājasya darśanam |
bharadvājābhyanujñānāccitrakūṭasya darśanam || 8 ||
[Analyze grammar]

vāstukarmaniveśaṃ ca bharatāgamanaṃ tathā |
prasādanaṃ ca rāmasya pituśca salilakriyām || 9 ||
[Analyze grammar]

pādukāgryābhiṣekaṃ ca nandigrāma nivāsanam |
daṇḍakāraṇyagamanaṃ sutīkṣṇena samāgamam || 10 ||
[Analyze grammar]

anasūyāsamasyāṃ ca aṅgarāgasya cārpaṇam |
śūrpaṇakhyāśca saṃvādaṃ virūpakaraṇaṃ tathā || 11 ||
[Analyze grammar]

vadhaṃ kharatriśirasorutthānaṃ rāvaṇasya ca |
mārīcasya vadhaṃ caiva vaidehyā haraṇaṃ tathā || 12 ||
[Analyze grammar]

rāghavasya vilāpaṃ ca gṛdhrarājanibarhaṇam |
kabandhadarśanaṃ caiva pampāyāścāpi darśanam || 13 ||
[Analyze grammar]

śarbaryā darśanaṃ caiva hanūmaddarśanaṃ tathā |
vilāpaṃ caiva pampāyāṃ rāghavasya mahātmanaḥ || 14 ||
[Analyze grammar]

ṛṣyamūkasya gamanaṃ sugrīveṇa samāgamam |
pratyayotpādanaṃ sakhyaṃ vālisugrīvavigraham || 15 ||
[Analyze grammar]

vālipramathanaṃ caiva sugrīvapratipādanam |
tārāvilāpasamayaṃ varṣarātrinivāsanam || 16 ||
[Analyze grammar]

kopaṃ rāghavasiṃhasya balānāmupasaṃgraham |
diśaḥ prasthāpanaṃ caiva pṛthivyāśca nivedanam || 17 ||
[Analyze grammar]

aṅgulīyakadānaṃ ca ṛkṣasya biladarśanam |
prāyopaveśanaṃ caiva saṃpāteścāpi darśanam || 18 ||
[Analyze grammar]

parvatārohaṇaṃ caiva sāgarasya ca laṅghanam |
rātrau laṅkāpraveśaṃ ca ekasyāpi vicintanam || 19 ||
[Analyze grammar]

āpānabhūmigamanamavarodhasya darśanam |
aśokavanikāyānaṃ sītāyāścāpi darśanam || 20 ||
[Analyze grammar]

abhijñānapradānaṃ ca sītāyāścāpi bhāṣaṇam |
rākṣasītarjanaṃ caiva trijaṭāsvapnadarśanam || 21 ||
[Analyze grammar]

maṇipradānaṃ sītāyā vṛkṣabhaṅgaṃ tathaiva ca |
rākṣasīvidravaṃ caiva kiṃkarāṇāṃ nibarhaṇam || 22 ||
[Analyze grammar]

grahaṇaṃ vāyusūnośca laṅkādāhābhigarjanam |
pratiplavanamevātha madhūnāṃ haraṇaṃ tathā || 23 ||
[Analyze grammar]

rāghavāśvāsanaṃ caiva maṇiniryātanaṃ tathā |
saṃgamaṃ ca samudrasya nalasetośca bandhanam || 24 ||
[Analyze grammar]

pratāraṃ ca samudrasya rātrau laṅkāvarodhanam |
vibhīṣaṇena saṃsargaṃ vadhopāyanivedanam || 25 ||
[Analyze grammar]

kumbhakarṇasya nidhanaṃ meghanādanibarhaṇam |
rāvaṇasya vināśaṃ ca sītāvāptimareḥ pure || 26 ||
[Analyze grammar]

bibhīṣaṇābhiṣekaṃ ca puṣpakasya ca darśanam |
ayodhyāyāśca gamanaṃ bharatena samāgamam || 27 ||
[Analyze grammar]

rāmābhiṣekābhyudayaṃ sarvasainyavisarjanam |
svarāṣṭrarañjanaṃ caiva vaidehyāśca visarjanam || 28 ||
[Analyze grammar]

anāgataṃ ca yat kiṃ cid rāmasya vasudhātale |
taccakārottare kāvye vālmīkirbhagavānṛṣiḥ || 29 ||
[Analyze grammar]