Book 31 - ekatriṃśamāhnikam

atha śrītantrāloke ekatriṃśamāhnikam |
atha maṇḍalasadbhāvaḥ saṃkṣepeṇābhidhīyate |
sādhayitvā diśaṃ pūrvāṃ sūtramāsphālayetsamam || 1 ||
[Analyze grammar]

tadardhayitvā madhyaprākpratīcīṣvaṅkayetpunaḥ |
tato'pyardhatadardhārdhamānataḥ pūrvapaścimau || 2 ||
[Analyze grammar]

aṅkayettāvatā dadyāt sūtreṇa bhramayugmakam |
matsyasandhidvayaṃ tvevaṃ dakṣiṇottarayorbhavet || 3 ||
[Analyze grammar]

tanmadhye pātayetsūtraṃ dakṣiṇottarasiddhaye |
yadi vā prākparāktulyasūtreṇottaradakṣiṇe || 4 ||
[Analyze grammar]

aṅkayedaparādaṅkāt pūrvādapi tathaiva te |
matsyamadhye kṣipetsūtramāyataṃ dakṣiṇottare || 5 ||
[Analyze grammar]

matakṣetrārdhamānena madhyāddikṣvaṅkayettataḥ |
sūtrābhyāṃ digdvayotthābhyāṃ matsyaḥ syātpratikoṇagaḥ || 6 ||
[Analyze grammar]

matsyeṣu vedāḥ sūtrāṇītyevaṃ syāccaturasrakam |
ekasmātprabhṛti proktaṃ śatāntaṃ maṇḍalaṃ yataḥ || 7 ||
[Analyze grammar]

siddhātantre maṇḍalānāṃ śataṃ tatpīṭha ucyate |
yattanmadhyagataṃ mukhyaṃ maṇḍalānāṃ trayaṃ smṛtam || 8 ||
[Analyze grammar]

madhyaśūlaṃ tritriśūlaṃ navaśūlamiti sphuṭam |
tatra śūlavidhānaṃ yaduktaṃ bhedairanantakaiḥ || 9 ||
[Analyze grammar]

tadyoni maṇḍalaṃ brūmaḥ sadbhāvakramadarśitam |
vedāśrite caturhaste tribhāgaṃ sarvatastyajet || 10 ||
[Analyze grammar]

bhāgaiḥ ṣoḍaśabhiḥ sarvaṃ tattatkṣetraṃ vibhājayet |
brahmasūtradvayasyātha madhyaṃ brahmapadaṃ sphuṭam || 11 ||
[Analyze grammar]

kṛtvāvadhiṃ tato lakṣyaṃ caturthaṃ sūtramāditaḥ |
tatastiryagvrajet sūtraṃ caturthaṃ tadanantare || 12 ||
[Analyze grammar]

koṣṭhe cendudvayaṃ kuryādbahirbhāgārdhabhāgataḥ |
tayorlagnaṃ brahmasūtrāttṛtīye marmaṇi sthitam || 13 ||
[Analyze grammar]

koṣṭhakārdhe'paraṃ ceti yugmamantarmukhaṃ bhavet |
brahmasūtrāddvitīyasmin haste marmaṇi niścalam || 14 ||
[Analyze grammar]

kṛtvā pūrṇenduyugalaṃ vartayeta vicakṣaṇaḥ |
brahmasūtragatāt ṣaṣṭhāt tiryagbhāgāttṛtīyake || 15 ||
[Analyze grammar]

kṛtvārdhakoṣṭhake sūtraṃ pūrṇacandrāgralambitam |
bhramayedunmukhaṃ khaṇḍacandrayugvahnibhāgagam || 16 ||
[Analyze grammar]

tiryagbhāgadvayaṃ tyaktvā khaṇḍendoḥ paścimāttataḥ |
koṇaṃ yāvattathā syācca kuryāt khaṇḍaṃ bhramadvayam || 17 ||
[Analyze grammar]

sutīkṣṇakuṭilāgraṃ tadekaṃ śṛṅgaṃ prajāyate |
dvitīyasminnapi proktaḥ śṛṅga eṣa vidhiḥ sphuṭaḥ || 18 ||
[Analyze grammar]

madhyaśṛṅge'tha kartavye tṛtīye ūrdhvakoṣṭhake |
caturthārdhe ca candrārdhadvayamantarmukhaṃ bhavet || 19 ||
[Analyze grammar]

tacca pūrṇendumekaṃ prāgvartitaṃ prāpnuyādyathā |
anyonyagranthiyogena baddhāratvaṃ prajāyate || 20 ||
[Analyze grammar]

evaṃ dvitīyapārśve'sya khaṇḍendudvayavartanāt |
madhyābhyāṃ gaṇḍikā śliṣṭā parābhyāmagrato nayet || 21 ||
[Analyze grammar]

sūtraṃ pārśvadvaye yena tīkṣṇaṃ syānmadhyaśṛṅgagam |
pārśvadvayādhare paścādbrahmasūtraṃ dvitīyakam || 22 ||
[Analyze grammar]

avadhānena saṃgrāhyamācāryeṇohavedinā |
bhavetpaścānmukho mantrī tasmiṃśca brahmasūtrake || 23 ||
[Analyze grammar]

madhyaśṛṅgaṃ varjayitvā sarvaḥ pūrvodito vidhiḥ |
tato yadunmukhaṃ khaṇḍacandrayugmaṃ puroditam || 24 ||
[Analyze grammar]

tato dvayena kartavyā gaṇḍikāntaḥsusaṃgatā |
dvayenāgragasūtrābhyāṃ madhyaśṛṅgadvayaṃ bhavet || 25 ||
[Analyze grammar]

adho bhāgavivṛddhyāsya padmaṃ vṛttacatuṣṭayam |
tataścakraṃ ṣoḍaśāraṃ dvādaśāraṃ dvidhātha tat || 26 ||
[Analyze grammar]

madhye kuleśvarīsthānaṃ vyoma vā tilakaṃ ca vā |
padmaṃ vātha ṣaḍaraṃ vā viyaddvādaśakaṃ ca vā || 27 ||
[Analyze grammar]

tritriśūle'tra saptāre śliṣṭamātreṇa madhyataḥ |
padmānāmatha cakrāṇāṃ vyomnāṃ vā saptakaṃ bhavet || 28 ||
[Analyze grammar]

miśritaṃ vātha saṃkīrṇaṃ samāsavyāsabhedataḥ |
tataḥ kṣetrārdhamānena kṣetraṃ tatrādhikaṃ kṣipet || 29 ||
[Analyze grammar]

tatra daṇḍaḥ smṛto bhāgaḥ ṣaḍarāmalasārakaḥ |
sutīkṣṇāgraḥ suraktābhaḥ kṣaṇādāveśakārakaḥ || 30 ||
[Analyze grammar]

yā sā kuṇḍalinī devī taraṅgākhyā mahormiṇī |
sā ṣaḍaśreṇa kandākhye sthitā ṣaḍdevatātmikā || 31 ||
[Analyze grammar]

aṣṭabhāgaiśca vistīrṇo dīrghaścāpi tadardhataḥ |
tato dvārāṇi kāryāṇi citravartanayā kramāt || 32 ||
[Analyze grammar]

vedāśrāyatarūpāṇi yadivā vṛttamātrataḥ |
spaṣṭaśṛṅgamatho kuryādyadivā vaiparītyataḥ || 33 ||
[Analyze grammar]

unmukhaṃ candrayugmaṃ vā bhaṅktvā kuryāccatuṣṭayam |
kuṭilo madhyataḥ spaṣṭo'dhomukhaḥ pārśvagaḥ sthitaḥ || 34 ||
[Analyze grammar]

uttāno'rdho'samaḥ pūrṇaḥ śliṣṭo granthigatastathā |
candrasyetthaṃ dvādaśadhā vartanā bhramabhedinī || 35 ||
[Analyze grammar]

antarbahirmukhatvena sā punardvividhā matā |
tadbhedānmaṇḍalānāṃ syādasaṅkhyo bhedavistaraḥ || 36 ||
[Analyze grammar]

pīṭhavīthībahiarbhūmikaṇṭhakarṇakapolataḥ |
śobhopaśobhāsaṃbhedādguṇarekhāvikalpataḥ || 37 ||
[Analyze grammar]

svastikadvitayādyaṣṭatayāparyantabhedataḥ |
bhāvābhāvavikalpena maṇḍalānāmanantatā || 38 ||
[Analyze grammar]

tato rajāṃsi deyāni yathāśobhānusārataḥ |
sindūraṃ rājavartaṃ ca khaṭikā ca sitottamā || 39 ||
[Analyze grammar]

uttamāni rajāṃsīha devatātrayayogataḥ |
parā candrasamaprakhyā raktā devī parāparā || 40 ||
[Analyze grammar]

aparā sā parā kālī bhīṣaṇā caṇḍayoginī |
dṛṣṭvaitanmaṇḍalaṃ devyaḥ sarvā nṛtyanti sarvadā || 41 ||
[Analyze grammar]

anarcite'pyadīkṣeṇa dṛṣṭe dīkṣyeta mātṛbhiḥ |
kiṃvātibahunoktena tritriśūlārasaptakāḥ || 42 ||
[Analyze grammar]

śūlayāgāḥ ṣaṭ sahasrāṇyevaṃ sārdhaśatadvayam |
yā sā devī parā śaktiḥ prāṇavāhā vyavasthitā || 43 ||
[Analyze grammar]

viśvāntaḥ kuṇḍalākārā sā sākṣādatra vartitā |
tattvāni tattvadevyaśca viśvamasminpratiṣṭhitam || 44 ||
[Analyze grammar]

atrordhve tantumātreṇa tisraḥ śūlāragāḥ sthitāḥ |
āsanatvena cecchādyā bhogamokṣaprasādhikāḥ || 45 ||
[Analyze grammar]

tāstu mokṣaikakāmasya śūlārāviddhamadhyakāḥ |
tasmādenaṃ mahāyāgaṃ mahāvibhavavistaraiḥ || 46 ||
[Analyze grammar]

pūjayedbhūtikāmo vā mokṣakāmo'pivā budhaḥ |
asya darśanamātreṇa bhūtavetālaguhyakāḥ || 47 ||
[Analyze grammar]

palāyante daśa diśaḥ śivaḥ sākṣātprasīdati |
mandaśaktibalāviddho'pyetanmaṇḍalapūjanāt || 48 ||
[Analyze grammar]

satataṃ māsaṣaṭkena trikajñānaṃ samaśnute |
yatprāpya heyopādeyaṃ svayameva vicārya saḥ || 49 ||
[Analyze grammar]

dehānte syādbhairavātmā siddhikāmo'tha siddhyati |
maṇḍalasyāsya yo vyāptiṃ devatānyāsameva ca || 50 ||
[Analyze grammar]

vartanāṃ ca vijānāti sa gurustrikaśāsane |
tasya pādarajo mūrdhni dhāryaṃ śivasamīhinā || 51 ||
[Analyze grammar]

atra sṛṣṭisthitidhvaṃsān kramāt trīnapi pūjayet |
turyaṃ tu madhyato yadvā sarveṣu paripūrakam || 52 ||
[Analyze grammar]

catustriśūlaṃ vā guptadaṇḍaṃ yāgaṃ samācaret |
tatra tat pūjayetsamyak sphuṭaṃ kramacatuṣṭayam || 53 ||
[Analyze grammar]

ityetatkathitaṃ gupte ṣaḍardhahṛdaye pare |
ṣaṭke proktaṃ sūcitaṃ śrīsiddhayogīśvarīmate || 54 ||
[Analyze grammar]

agrataḥ sūtrayitvā tu maṇḍalaṃ sarvakāmadam |
mahāśūlasamopetaṃ padmacakrādibhūṣitam || 55 ||
[Analyze grammar]

dvāre dvāre likhecchūlaṃ varjayitvā tu paścimam |
koṇeṣvapica vā kāryaṃ mahāśūlaṃ drumānvitam || 56 ||
[Analyze grammar]

amṛtāmbhobhavārīṇāṃ śūlāgre tu trikaṃ trikam |
śūla itthaṃ prakartavyamaṣṭadhā tat tridhāpivā || 57 ||
[Analyze grammar]

evaṃ saṃsūcitaṃ divyaṃ khecarīṇāṃ puraṃ tviti |
sthānāntare'pi kathitaṃ śrīsiddhātantraśāsane || 58 ||
[Analyze grammar]

kajaṃ madhye tadardhena śūlaśṛṅgāṇi tāni tu |
śūlāṅkaṃ maṇḍalaṃ kalpyaṃ kamalāṅkaṃ ca pūraṇe || 59 ||
[Analyze grammar]

atha śūlābjavinyāsaḥ śrīpūrve triśiromate |
siddhātantre trikakule devyāyāmalamālayoḥ || 60 ||
[Analyze grammar]

yathoktaḥ sāraśāstre ca tantrasadbhāvaguhyayoḥ |
tathā pradarśyate spaṣṭaṃ yadyapyuktakramādgataḥ || 61 ||
[Analyze grammar]

vedāśrite trihaste prāk pūrvamardha vibhājayet |
hastārdhaṃ sarvatastyaktvā pūrvodagyāmyadiggatam || 62 ||
[Analyze grammar]

tryaṅgulaiḥ koṣṭhakairūrdhvaistiryak cāṣṭadvidhātmakaiḥ |
dvau dvau bhāgau parityajya punardakṣiṇasaumyagau || 63 ||
[Analyze grammar]

brahmaṇaḥ pārśvayorjīvāccaturthāt pūrvatastathā |
bhāgārdhabhāgamānaṃ tu khaṇḍacandradvayaṃ dvayam || 64 ||
[Analyze grammar]

tayorantastṛtīye tu dakṣiṇottarapārśvayoḥ |
jīve khaṇḍenduyugalaṃ kuryādantarbhramādbudhaḥ || 65 ||
[Analyze grammar]

tayoraparamarmasthaṃ khaṇḍendudvayakoṭigam |
bahirmukhaṃ bhramaṃ kuryāt khaṇḍacandradvayaṃ dvayam || 66 ||
[Analyze grammar]

tadvadbrahmaṇi kurvīta bhāgabhāgārdhasaṃmitam |
tato dvitīyabhāgānte brahmaṇaḥ pārśvayordvayoḥ || 67 ||
[Analyze grammar]

dve rekhe pūrvage neye bhāgatryaṃśaśame budhaiḥ |
ekārdhendūrdhvakoṭisthaṃ brahmasūtrāgrasaṅgatam || 68 ||
[Analyze grammar]

sūtradvayaṃ prakurvīta madhyaśṛṅgaprasiddhaye |
tadagrapārśvayorjīvāt sūtramekāntare dhṛtam || 69 ||
[Analyze grammar]

ādidvitīyakhaṇḍendukoṇāt koṇāntamānayet |
tayorevāparājjīvāt prathamārdhendukoṇataḥ || 70 ||
[Analyze grammar]

tadvadeva nayetsūtraṃ śṛṅgadvitayasiddhaye |
kṣetrārdhe cāpare daṇḍo dvikaraśchannapañcakaḥ || 71 ||
[Analyze grammar]

ṣaḍvistṛtaṃ caturdīrghaṃ tadadho'malasārakam |
vedāṅgulaṃ ca tadadho mūlaṃ tīkṣṇāgramiṣyate || 72 ||
[Analyze grammar]

ādikṣetrasya kurvīta dikṣu dvāracatuṣṭayam |
hastāyāmaṃ tadardhaṃ vā vistārādapi tatsamam || 73 ||
[Analyze grammar]

dviguṇaṃ bāhyataḥ kuryāttataḥ padmaṃ yathā śṛṇu |
ekaikabhāgamānāni kuryādvṛttāni vedavat || 74 ||
[Analyze grammar]

dikṣvaṣṭau punarapyaṣṭau jīvasūtrāṇi ṣoḍaśa |
dvayordvayoḥ punarmadhye tatsaṃkhyātāni pātayet || 75 ||
[Analyze grammar]

eṣāṃ tṛtīyavṛttasthaṃ pārśvajīvasamaṃ bhramam |
etadantaṃ prakurvīta tato jīvāgramānayet || 76 ||
[Analyze grammar]

yatraiva kutracitsaṅgastatsaṃbandhe sthirīkṛte |
tatra kṛtvā nayenmantrī patrāgrāṇāṃ prasiddhaye || 77 ||
[Analyze grammar]

ekaikasmindale kuryātkesarāṇāṃ trayaṃ trayam |
dviguṇāṣṭāṅgulaṃ kāryaṃ tadvacchṛṅgakajatrayam || 78 ||
[Analyze grammar]

karṇikā pītavarṇena mūlamadhyāgrabhedataḥ |
sitaṃ raktaṃ tathā pītaṃ kāryaṃ kesarajālakam || 79 ||
[Analyze grammar]

dalāni śuklavarṇāni prativāraṇayā saha |
pīṭhaṃ tadvaccatuṣkoṇaṃ karṇikārdhasamaṃ bahiḥ || 80 ||
[Analyze grammar]

sitaraktapītakṛṣṇaistatpādān vahnitaḥ kramāt |
caturbhirapi śṛṅgāṇi tribhirmaṇḍalamiṣyate || 81 ||
[Analyze grammar]

daṇḍaḥ syānnīlaraktena pītamāmalasārakam |
raktaṃ śūlaṃ prakurvīta yattatpūrvaṃ prakalpitam || 82 ||
[Analyze grammar]

paścāddvārasya pūrveṇa tyaktvāṅgulacatuṣṭayam |
dvāraṃ vedāśri vṛttaṃ vā saṃkīrṇaṃ vā vicitritam || 83 ||
[Analyze grammar]

ekadvitripuraṃ tulyaṃ sāmudgamathavobhayam |
kapolakaṇṭhaśobhopaśobhādibahucitritam || 84 ||
[Analyze grammar]

vicitrākārasaṃsthānaṃ vallīsūkṣmagṛhānvitam |
śrīdevyāyāmale tūktaṃ kṣetre vedāśrite sati || 85 ||
[Analyze grammar]

ardhaṃ dvādaśadhā kṛtvā tiryagūrdhvaṃ ca tiryajam |
bhāgamekaṃ svapārśvordhvaṃ guruḥ samavatārayet || 86 ||
[Analyze grammar]

madhyasthaṃ taṃ tribhāgaṃ ca tadante bhramayedubhau |
bhāgamekaṃ parityajya tanmadhye bhramayetpunaḥ || 87 ||
[Analyze grammar]

tṛtīyāṃśordhvato bhrāmyamūrdhvāṃśaṃ yāvadantataḥ |
caturthāṃśāttadūrdhvaṃ tu ūrdhvādho yojayetpunaḥ || 88 ||
[Analyze grammar]

tanmānādūrdhvamābhrāmya caturthena niyojayet |
ūrdhvādyojayate sūtraṃ brahmasūtrāvadhi kramāt || 89 ||
[Analyze grammar]

kramādvaipulyataḥ kṛtvā aṃśaṃ vai hrāsayet punaḥ |
ardhabhāgapramāṇastu daṇḍo dviguṇa iṣyate || 90 ||
[Analyze grammar]

bhāgaṃ bhāgaṃ gṛhītvā tu ubhayoratha gocarāt |
bhrāmyaṃ pippalavat patraṃ vartanaiṣā tvadho bhavet || 91 ||
[Analyze grammar]

ṣoḍaśāṃśe likhetpadmaṃ dvādaśāṅgulalopanāt |
tadūrdhvaṃ madhyabhāge tu vārijanma samālikhet || 92 ||
[Analyze grammar]

madhyaśṛṅgāvasāne tu tṛtīyaṃ vilikhettataḥ |
savyāsavye tathaiveha kaṭisthābje samālikhet || 93 ||
[Analyze grammar]

karṇikā pītalā raktapītaśuklaṃ ca kesaram |
dalāni padmabāhyasthā śuklā ca prativāraṇī || 94 ||
[Analyze grammar]

śūlaṃ kṛṣṇena rajasā brahmarekhā sitā punaḥ |
śūlāgraṃ jvālayā yuktaṃ śūladaṇḍastu pītalaḥ || 95 ||
[Analyze grammar]

śūlamadhye ca yatpadmaṃ tatreśaṃ pūjayetsadā |
asyordhve tu parāṃ dakṣe'nyāṃ vāme cāparāṃ budhaḥ || 96 ||
[Analyze grammar]

yā sā kālāntakā devī parātītā vyavasthitā |
grasate śūlacakraṃ sā tvicchāmātreṇa sarvadā || 97 ||
[Analyze grammar]

śāntirūpā kalā hyeṣā vidyārūpā parā bhavet |
aparā tu pratiṣṭhā syānnivṛttistu parāparā || 98 ||
[Analyze grammar]

bhairavaṃ daṇḍa ūrdhvasthaṃ rūpaṃ sādāśivātmakam |
catasraḥ śaktayastvasya sthūlāḥ sūkṣmāstvanekadhā || 99 ||
[Analyze grammar]

eṣa yāgaḥ samākhyāto ḍāmarākhyastriśaktikaḥ |
atha traiśirase śūlābjavidhirdṛṣṭo'bhilikhyate || 100 ||
[Analyze grammar]

vāmāmṛtādibhirmukhyaiḥ pavitraiḥ sumanoramaiḥ |
bhūmiṃ rajāṃsi karaṇīṃ khaṭikāṃ mūlato'rcayet || 101 ||
[Analyze grammar]

caturaśre caturhaste madhye śūlaṃ karatrayam |
caṇḍo dvihasta ūrdhvādhaḥpīṭhayugvipulastvasau || 102 ||
[Analyze grammar]

vasvaṅgulaḥ prakartavyaḥ sūtratrayasamanvitaḥ |
dvādaśāṅgulamānena daṇḍamūle tu pīṭhikā || 103 ||
[Analyze grammar]

dairghyāttūcchrāyāccordhve ca caturaṅgulamānataḥ |
ūrdhve'pyucchrāyato vedāṅgulā dairghyāddaśāṅgulā || 104 ||
[Analyze grammar]

śūlamūlagataṃ pīṭhīmadhyaṃ khābdhisamāṅgulam |
kṛtvā daṇḍaṃ triśūlaṃ tu tribhirbhāgaiḥ samantataḥ || 105 ||
[Analyze grammar]

aṣṭāṅgulapramāṇaiḥ syāddhastamātraṃ samantataḥ |
śūlāgraṃ śūlamadhyaṃ tacchūlamūlaṃ tu tadbhavet || 106 ||
[Analyze grammar]

vedī madhye prakartavyā ubhayośca ṣaḍaṅgulam |
dvādaśāṅguladīrghā tu ubhayoḥ pārśvayostathā || 107 ||
[Analyze grammar]

caturaṅgulamucchrāyānmūle vedīṃ prakalpayet |
ubhayoḥ pārśvayoścaivamardhacandrākṛtiṃ tathā || 108 ||
[Analyze grammar]

bhrāmayet khaṭikāsūtraṃ kaṭiṃ kuryāddviraṅgulām |
vaipulyāddairghyato devi caturaṅgulamānataḥ || 109 ||
[Analyze grammar]

yādṛśaṃ dakṣiṇe bhāge vāme tadvatprakalpayet |
madhye śūlāgravaipulyādaṅgulaśca adhordhvataḥ || 110 ||
[Analyze grammar]

caturaṅgulamānena vaipulyāttu ṣaḍaṅgulā |
ucchrāyāttu tataḥ kāryā gaṇḍikā tu svarūpataḥ || 111 ||
[Analyze grammar]

pīṭhordhve tu prakartavyaṃ śūlamūlaṃ tu suvrate |
śūlāgramaṅgulaṃ kāryaṃ sutīkṣṇaṃ tu ṣaḍaṅgulam || 112 ||
[Analyze grammar]

arāmadhyaṃ prakartavyamarādhastu ṣaḍaṅgulam |
caturaṅgulanimnaṃ tu madhyaṃ tu parikalpayet || 113 ||
[Analyze grammar]

pūrvāparaṃ tadeveha madhye śūlaṃ tu tadbahiḥ |
kārayeta tribhiḥ sūtrairekaikaṃ vartayeta ca || 114 ||
[Analyze grammar]

kajatrayaṃ tu śūlāgraṃ vedāṃśairdvādaśāṅgulam |
kramāddakṣānyamadhyeṣu tryaṣṭadvādaśapatrakam || 115 ||
[Analyze grammar]

cakratrayaṃ vātapuraṃ padmamaṣṭāṅgulārakam |
vidyābhikhyaṃ śūlamūle rajaḥ paścātprapātayet || 116 ||
[Analyze grammar]

triśūlaṃ daṇḍaparyantaṃ rājavartena pūrayet |
sūtratrayasya pṛṣṭhe tu śuklaṃ cārātrayaṃ bhavet || 117 ||
[Analyze grammar]

śuklena rajasā śūlamūle vidyāmbujaṃ bhavet |
raktaṃ raktāsitaṃ śuklaṃ kramādūrdhvāmbujatrayam || 118 ||
[Analyze grammar]

śuklena vyomarekhā syāt sā sthaulyādaṅgulaṃ bahiḥ |
tāṃ tyaktvā vedikā kāryā hastamātraṃ pramāṇātaḥ || 119 ||
[Analyze grammar]

vaipulyatriguṇaṃ dairghyāt prākāraṃ caturaśrakam |
samantato'tha dikṣu syurdvārāṇi karamātrataḥ || 120 ||
[Analyze grammar]

tridhā vibhajya kramaśo dvādaśāṅgulamānataḥ |
kaṇṭhaṃ kapolaṃ śobhāṃ tu upaśobhāṃ tadantataḥ || 121 ||
[Analyze grammar]

prākāraṃ caturaśraṃ tu sabhūrekhāsamanvitam |
sitaraktapītakṛṣṇai rajobhiḥ kārayettataḥ || 122 ||
[Analyze grammar]

raktai rajobhirmadhyaṃ tu yathāśobhaṃ tu pūrayet |
asyā vyāptau purā coktaṃ tatraivānusarecca tat || 123 ||
[Analyze grammar]

arātrayavibhāgastu praveśo nirgamo bhramaḥ |
anāhatapadavyāptiḥ kuṇḍalyā udayaḥ paraḥ || 124 ||
[Analyze grammar]

hṛdi sthāne gatā devyastriśūlasya sumadhyame |
nābhisthaḥ śūladaṇḍastu śūlamūlaṃ hṛdi sthitam || 125 ||
[Analyze grammar]

śaktisthānagataṃ prāntaṃ prānte cakratrayaṃ smaret |
utkṣipyotkṣipya kalayā dehamadhyasvarūpataḥ || 126 ||
[Analyze grammar]

śūladaṇḍāntamadhyasthaśūlamadhyāntagocaram |
praviśenmūlamadhyāntaṃ prāntānte śaktiveśmani || 127 ||
[Analyze grammar]

aspandakaraṇaṃ kṛtvā ekadā spandavartanam |
mūlamānandamāpīḍya śaktitrayapadaṃ viśet || 128 ||
[Analyze grammar]

tatra pūjyaṃ prayatnena jāyante sarvasiddhayaḥ |
samastādhvasamāyogāt ṣoḍhādhvavyāptibhāvataḥ || 129 ||
[Analyze grammar]

samastamantracakrādyairevamādiprayatnataḥ |
ṣaṭtriṃśattattvaracitaṃ triśūlaṃ paribhāvayet || 130 ||
[Analyze grammar]

viṣuvatsthena vinyāso mantrāṇāṃ maṇḍalottame |
kāryo'smin pūjite yatra sarveśvarapadaṃ bhajet || 131 ||
[Analyze grammar]

svastikenātha kartavyaṃ yuktaṃ tasyocyate vidhiḥ |
nāḍikāḥ sthāpayetpūrvaṃ muhūrtaṃ parimāṇataḥ || 132 ||
[Analyze grammar]

śakravāruṇadiksthāśca yāmyasaumyagatāstathā |
ekonatriṃśadvaṃśāḥ syurṛjutiryaggatāstathā || 133 ||
[Analyze grammar]

aṣṭau marmaśatānyekacatvāriṃśacca jāyate |
vaṃśairviṣayasaṃkhyaiśca padmaṃ yugmendumaṇḍalam || 134 ||
[Analyze grammar]

rasasaṃkhyairbhavetpīṭhaṃ svastikaṃ sarvakāmadam |
vasusaṃkhyairdvāravīthāvevaṃ bhāgaparikramaḥ || 135 ||
[Analyze grammar]

randhravipraśarāgnīṃśca lupyedbāhyāntaraṃ kramāt |
marmāṇi ca caturdikṣu madhyāddvāreṣu sundari || 136 ||
[Analyze grammar]

vahnibhūtamunivyomabāhyagarbhe purīṣu ca |
lopayeccaiva marmāṇi antarnāḍivivarjitān || 137 ||
[Analyze grammar]

dvāraprākārakoṇeṣu netrānalaśarānṛtūn |
nāḍayo brahmavaṃśasya lopyā netrādrasasthitāḥ || 138 ||
[Analyze grammar]

vahnernetrānalau lopyau vedānnetrayugaṃ rasāt |
netraṃ saumyagataṃ lopyaṃ pūrvādvedānalau rasāt || 139 ||
[Analyze grammar]

lokasthā nāḍikā hitvā netrādvedāgnayaḥ kramāt |
śarairvahnigataṃ caiva yugaṃ netrāgnayo rasāt || 140 ||
[Analyze grammar]

netrāt pūrvagatāccaiva sumerurdvārasaṃjñitaḥ |
svastikā ca purī ramyā caturdikṣu sthitāvubhau || 141 ||
[Analyze grammar]

marmaṇāṃ ca śate dve ca ṛṣibhirguṇitā diśaḥ |
netrādikāṃśca saṃmārjya mārgamadhyāt suśobhane || 142 ||
[Analyze grammar]

ṛṣitrayakṛte madhye viṣayaiḥ karṇikā bhavet |
netrīkṛtānvasūn patraṃ netraṃ sakṛdvibhājitam || 143 ||
[Analyze grammar]

vahniṃ vasugataṃ kṛtvā śaśāṅkasthāṃśca lopayet |
vahnīṣuṛṣimadhyācca lopyaṃ pīṭhendukāvadhi || 144 ||
[Analyze grammar]

brahmaṇo netraviṣayānnetrādvedānalau haret |
sāgare netrakaṃ lopyaṃ nāḍayaḥ pūrvadiggatāḥ || 145 ||
[Analyze grammar]

bhūtanetragatānmūrdhnā netrāddvivahnidṛktrikāt |
saumyagāt pīṭhakoṇeṣu lopayeta caturṣvapi || 146 ||
[Analyze grammar]

dalāni kāryāṇi sitaiḥ kesaraṃ raktapītalaiḥ |
karṇikā kanakaprakhyā pallavāntāśca lohitāḥ || 147 ||
[Analyze grammar]

vyomarekhā tu susitā vartulābjāntanīlabhāḥ |
pīṭhaṃ rekhātrayopetaṃ sitalohitapītalam || 148 ||
[Analyze grammar]

svastikāśca caturvarṇā agnerīśānagocarāḥ |
vīthī vidrumasaṃkāśā svadikṣvastrāṇi bāhyataḥ || 149 ||
[Analyze grammar]

indranīlanibhaṃ vajraṃ śaktiṃ padmamaṇiprabhām |
daṇḍaṃ hāṭakasaṃkāśaṃ vaktraṃ tasyātilohitam || 150 ||
[Analyze grammar]

nīladyutisamaṃ khaḍgaṃ pāśaṃ vatsakasaprabham |
dhvajaṃ puṣpaphalopetaṃ pañcaraṅgaiśca śobhitam || 151 ||
[Analyze grammar]

gadā hemanibhātyugrā nānāratnavibhūṣitā |
śūlaṃ nīlāmbujasamaṃ jvaladvahnyugraśekharam || 152 ||
[Analyze grammar]

tasyopari sitaṃ padmamīṣatpītāruṇaprabham |
cakraṃ hemanibhaṃ dīptamarā vaiḍūryasaṃnibhāḥ || 153 ||
[Analyze grammar]

arāmadhyaṃ supītaṃ ca bāhyaṃ jvālāruṇaṃ bhavet |
mandiraṃ devadevasya sarvakāmaphalapradam || 154 ||
[Analyze grammar]

śrīsiddhāyāṃ śūlavidhiḥ prāk kṣetre caturaśrite |
hastamātraṃ tridhā sūryānnavakhaṇḍaṃ yathā bhavet || 155 ||
[Analyze grammar]

madhye śūlaṃ ca tatretthaṃ madhyabhāgaṃ tridhā bhajet |
navabhiḥ koṣṭhakairyuktaṃ tato'yaṃ vidhirucyate || 156 ||
[Analyze grammar]

madhyabhāgatrayaṃ tyaktvā madhye bhāgadvayasya tu |
adhastādbhrāmayetsūtraṃ śaśāṅkaśakalākṛti || 157 ||
[Analyze grammar]

ubhayato bhrāmayettatra yathāgre hākṛtirbhavet |
koṭyāṃ tatra kṛtaṃ sūtraṃ nayedrekhāṃ tu pūrvikām || 158 ||
[Analyze grammar]

aparadvārapūrveṇa tyaktvāṅgulacatuṣṭayam |
rekhāṃ vināśayetprājño yathā śūlākṛtirbhavet || 159 ||
[Analyze grammar]

śūlāgre tvardhahastena tyaktvā padmāni kārayet |
adhaḥ śṛṅgatrayaṃ hastamadhye padmaṃ sakarṇikam || 160 ||
[Analyze grammar]

mukhāgre dhārayetsūtraṃ tribhirhastaistu pātayet |
madhye cordhvaṃ tataḥ kuryādadhastādaṅguladvayam || 161 ||
[Analyze grammar]

rekhādvayaṃ pātayeta yathā śūlaṃ bhavatyapi |
adhobhāgādibhiścordhvaṃ tatra rekhā prapadyate || 162 ||
[Analyze grammar]

samīkṛtya tataḥ sūtre ūrdhve dve evameva tu |
madhyaṃ padmaṃ pratiṣṭhāpyaṃ śūlādhastādyaśasvini || 163 ||
[Analyze grammar]

ityeṣa maṇḍalavidhiḥ kathitaḥ saṃkṣepayogato mahāgurubhiḥ || 164 ||
[Analyze grammar]