Tantraloka [sanskrit text]

by Jun Takashima | 2020 | 46,255 words

The Sanskrit text of the Tantraloka of Abhinavagupta including grammatical analysis, English glossary and comparative print editions. The Tantraloka (“light on Tantra”) was written by Abhinavagupta in the 10th century in Kashmir and represents a major Encyclopedic work in Shaivism dealing with many core aspects and terminology.

Book 30 - triṃśamāhnikam

atha śrītantrāloke triṃśamāhnikam |
atha yathocitamantrakadambakaṃ trikakulakramayogi nirūpyate |
tāvadvimarśānārūḍhadhiyāṃ tātsiddhaye kramāt || 1 ||
[Analyze grammar]

pratibuddhā hi te mantrā vimarśaikasvabhāvakāḥ |
svatantrasyaiva ciddhāmnaḥ svātantryāt kartṛtāmayāḥ || 2 ||
[Analyze grammar]

yamāviśanti cācāryaṃ taṃ tādātmyanirūḍhitaḥ |
svatantrīkurvate yānti karaṇānyapi kartṛtām || 3 ||
[Analyze grammar]

ādhāraśaktau hrīṃ pṛthvīprabhṛtau tu catuṣṭaye |
kṣlāṃ kṣvīṃ vaṃ kṣamiti prāhuḥ kramādvarṇacatuṣṭayam || 4 ||
[Analyze grammar]

haṃ nāle yaṃ tathā raṃ laṃ vaṃ dharmādicatuṣṭaye |
ṛṃ ṝṃ ḷṃ ḷḷṃ catuṣke ca viparītakramādbhavet || 5 ||
[Analyze grammar]

oṃ auṃ hastrayamityetadvidyāmāyākalātraye |
anusvāravisargau ca vidyeśeśvaratattvayoḥ || 6 ||
[Analyze grammar]

kādibhāntāḥ kesareṣu prāṇo'ṣṭasvarasaṃyutaḥ |
sabinduko daleṣvaṣṭasvatha svaṃ nāma dīpitam || 7 ||
[Analyze grammar]

śaktīnāṃ navakasya syācchaṣasā maṇḍalatraye |
sabindukāḥ kṣmaṃ prete jraṃ śūlaśṛṅgeṣu kalpayet || 8 ||
[Analyze grammar]

pṛthagāsanapūjāyāṃ kramānmantrā ime smṛtāḥ |
saṃkṣepapūjane tu prāgādyamantyaṃ ca bījakam || 9 ||
[Analyze grammar]

ādāyādhāraśaktyādiśūlaśṛṅgāntamarcayet |
agnimārutapṛthvyambusaṣaṣṭhasvarabindukam || 10 ||
[Analyze grammar]

ratiśekharamantro'sya vaktrāṅgaṃ hrasvadīrghakaiḥ |
agniprāṇāgnisaṃhārakālendrāmbusamīraṇāḥ || 11 ||
[Analyze grammar]

saṣaṣṭhasvarabirndvadhacandrādyāḥ syurnavātmanaḥ |
bindunādādikā vyāptiḥ śrīmattraiśirase mate || 12 ||
[Analyze grammar]

kṣepākrānticidudbodhadīpanasthāpanānyatha |
tatsaṃvittistadāpattiriti saṃjñābhiśabditā || 13 ||
[Analyze grammar]

etāvatī mahāvyāptirmūrtitvenātra kīrtitā |
pariṇāmastallayaśca namaskāraḥ sa ucyate || 14 ||
[Analyze grammar]

eṣa tryarṇojjhito'dhastāddīrghaiḥ ṣaḍbhiḥ svarairyutaḥ |
ṣaḍaṅgāni hṛdādīni vaktrāṇyasya ca kalpayet || 15 ||
[Analyze grammar]

kṣayaravalabījaistu dīptairbinduvibhūṣitaiḥ |
jhakārasaṃhṛtiprāṇāḥ saṣaṣṭhasvarabindukāḥ || 16 ||
[Analyze grammar]

eṣa bhairavasadmāvaścandrārdhādivibhūṣitaḥ |
mātṛkāmālinīmantrau prāgeva samudāhṛtau || 17 ||
[Analyze grammar]

oṃkāro'tha caturthyantā saṃjñā natiriti kramāt |
gaṇeśādiṣu mantraḥ syādbījaṃ yeṣu na coditam || 18 ||
[Analyze grammar]

nāmādyakṣaramākārabinducandrādidīpitam |
sarveṣāmeva bījānāṃ taccaturdaśaṣaṣṭhayuk || 19 ||
[Analyze grammar]

āmantritānyaghoryāditritayasya kramoditaiḥ |
bījairvisargiṇī māyā huṃ hakāro visargavān || 20 ||
[Analyze grammar]

punardevītrayasyāpi kramādāmantraṇatrayam |
dvitīyasminpade'kāra ekārasyeha ca smṛtaḥ || 21 ||
[Analyze grammar]

tataḥ śaktidvayāmantro luptaṃ tatrāntyamakṣaram |
he'gnivarṇāvubhau pañcasvarayuktau parau pṛthak || 22 ||
[Analyze grammar]

akārayuktāvastraṃ huṃ ha visargī punaḥ śaraḥ |
tāreṇa saha vasvagnivarṇārdhārṇadvayādhikā || 23 ||
[Analyze grammar]

eṣā parāparādevyā vidyā śrītrikaśāsane |
pañcaṣaṭpañcavedākṣivahninetrākṣaraṃ padam || 24 ||
[Analyze grammar]

aghoryādau saptake syāt pivanyāḥ pariśiṣṭakam |
pratyekavarṇago'pyuktaḥ siddhayogīśvarīmate || 25 ||
[Analyze grammar]

devatācakravinyāsaḥ sa bahutvānna lipyate |
māyā visargiṇī huṃ phaṭ ceti mantro'parātmakaḥ || 26 ||
[Analyze grammar]

parāyāstūktasadvyāptirjīvaḥ sahacaturdaśaḥ |
sānekabhedā triśiraḥśāstre proktā maheśinā || 27 ||
[Analyze grammar]

svarūpato vibhinnāpi racanānekasaṅkulā |
jīvaḥ prāṇastha evātra prāṇo vā jīvasaṃsthitaḥ || 28 ||
[Analyze grammar]

ādhārādheyabhāvena avinābhāvayogataḥ |
haṃsaṃ cāmṛtamadhyasthaṃ kālarudravibheditam || 29 ||
[Analyze grammar]

bhuvaneśaśiroyuktamanaṅgadvayayojitam |
dīptāddīptataraṃ jñeyaṃ ṣaṭcakrakramayojitam || 30 ||
[Analyze grammar]

prāṇaṃ daṇḍāsanasthaṃ tu guhyaśaktīcchayā yutam |
pareyaṃ vācikoddiṣṭā mahājñānasvarūpataḥ || 31 ||
[Analyze grammar]

sphuṭaṃ bhairavahṛjjñānamidaṃ tvekākṣaraṃ param |
amṛtaṃ kevalaṃ khasthaṃ yadvā sāvitrikāyutam || 32 ||
[Analyze grammar]

śūnyadvayasamopetaṃ parāyā hṛdayaṃ param |
yugmayāge prasiddhaṃ tu kartavyaṃ tattvavedibhiḥ || 33 ||
[Analyze grammar]

anye'pyekākṣarā ye tu ekavīravidhānataḥ |
guptā guptatarāste tu aṃgābhijanavarjitāḥ || 34 ||
[Analyze grammar]

yaṣṭavyāḥ sādhakendraistu kulasthāḥ siddhidāyakāḥ |
kulakramavidhānena sūkṣmavijñānayogataḥ || 35 ||
[Analyze grammar]

anuṣṭheyāḥ sadā devi striyā vā puruṣeṇa vā |
sakāro dīrghaṣaṭkena yukto'ṅgānyānanāni tu || 36 ||
[Analyze grammar]

syāt sa eva paraṃ hrasvapañcasvarakhasaṃyutaḥ |
oṃkāraiḥ pañcabhirmantro vidyāṅgahṛdayaṃ bhavet || 37 ||
[Analyze grammar]

praṇavaścāmṛte tejomālini svāhayā saha |
ekādaśākṣaraṃ brahmaśirastanmālinīmate || 38 ||
[Analyze grammar]

vedavedani hūṃ phaṭca praṇavādiyutā śikhā |
vajriṇe vajradharāya svāhetyoṃkārapūrvakam || 39 ||
[Analyze grammar]

ekādaśākṣaraṃ varma puruṣṭutamiti smṛtam |
tāro dvijihvaḥ khaśarasvarayugjīva eva ca || 40 ||
[Analyze grammar]

netrametatprakāśātma sarvasādhāraṇaṃ smṛtam |
tāraḥ ślīṃ paśu huṃ phat ca tadastraṃ rasavarṇakam || 41 ||
[Analyze grammar]

laraṭakṣavayairdīrghaiḥ samayuktaiḥ sabindukaiḥ |
indrādayastadastrāṇi hrasvairviṣṇuprajāpatī || 42 ||
[Analyze grammar]

smṛtau turyadvitīyābhyāṃ hrasvābhyāṃ padmacakrake |
namaḥ svāhā tathā vauṣaṭ huṃ vaṣaṭ phaṭ ca jātayaḥ || 43 ||
[Analyze grammar]

aṅgeṣu kramaśaḥ ṣaṭsu karmasvatha tadātmikāḥ |
jape home tathāpyāye samuccāṭe'tha śāntike || 44 ||
[Analyze grammar]

abhicāre ca mantrāṇāṃ namaskārādijātayaḥ |
akṣiṣaṇmunivargebhyo dvitīyāḥ saha bindunā || 45 ||
[Analyze grammar]

yonyarṇena ca mātṝṇāṃ sadmāvaḥ kālakarṣiṇī |
ādyojjhito vāpyantena varjito vātha saṃmataḥ || 46 ||
[Analyze grammar]

jīvaḥ prāṇapuṭāntaḥsthaḥ kālānalasamadyutiḥ |
atidīptastu vāmāṃghrirbhūṣito mūrdhni bindunā || 47 ||
[Analyze grammar]

dakṣajānugataścāyaṃ sarvamātṛgaṇārcitaḥ |
anena prāṇitāḥ sarve dadate vāñchitaṃ phalam || 48 ||
[Analyze grammar]

sadbhāvaḥ paramo hyeṣa mātṝṇāṃ bhairavasya ca |
tasmādenaṃ japenmantrī ya icchetsiddhimuttamām || 49 ||
[Analyze grammar]

rudraśaktisamāveśo nityamatra pratiṣṭhitaḥ |
yasmādeṣā parā śaktirbhedenānyena kīrtitā || 50 ||
[Analyze grammar]

yāvatyaḥ siddhayastantre tāḥ sarvāḥ kurute tviyam |
aṅgavaktrāṇi cāpyasyāḥ prāgvatsvaraniyogataḥ || 51 ||
[Analyze grammar]

daṇḍo jīvastriśūlaṃ ca dakṣāṅgulyaparastanau |
nābhikaṇṭhau marudrudrau visargaḥ satriśūlakaḥ || 52 ||
[Analyze grammar]

sarvayoginicakrāṇāmadhipo'yamudāhṛtaḥ |
asyāpyuccāraṇādeva saṃvittiḥ syātpuroditā || 53 ||
[Analyze grammar]

mahācaṇḍeti tu yogeśvaṛ ityaṣṭavarṇakam |
navārṇeyaṃ guptatarā sadbhāvaḥ kālakarṣiṇī || 54 ||
[Analyze grammar]

śrīḍāmare mahāyāge parātparataroditā |
sudhācchedakaṣaṇṭhādyairbījaṃ chedakamasvaram || 55 ||
[Analyze grammar]

adhyardhārṇā kālarātriḥ kṣurikā mālinīmate |
śatāvartanayā hyasyā jāyate mūrdhni vedanā || 56 ||
[Analyze grammar]

evaṃ pratyayamālocya mṛtyujiddhyānamāśrayet |
naināṃ samuccareddevi ya iccheddīrghajīvitam || 57 ||
[Analyze grammar]

dvirdaṇḍāgnī śūlanabhaḥprāṇāśchettranalau tathā |
kūṭāgnī savisargāśca pañcāpyete'tha pañcasu || 58 ||
[Analyze grammar]

vyomasviti śivenoktaṃ tantrasadbhāvaśāsane |
chedinī kṣurikeyaṃ syādyayā yojayate pare || 59 ||
[Analyze grammar]

bindvindvanalakūṭāgnimarutṣaṣṭhasvarairyutam |
āpādatalamūrdhāntaṃ smaredastramidaṃ jvalat || 60 ||
[Analyze grammar]

kuñcanaṃ cāṅgulīnāṃ tu kartavyaṃ codanaṃ tataḥ |
jānvādiparacakrāntaṃ cakrāccakraṃ tu kuñcayet || 61 ||
[Analyze grammar]

kathitaṃ sarahasyaṃ tu sadyonirvāṇakaṃ param |
athocyate brahmavidyā sadyaḥpratyayadāyinī || 62 ||
[Analyze grammar]

śivaḥ śrībhūtirājo yāmasmabhyaṃ pratyapādayat |
sarveṣāmeva bhūtānāṃ maraṇe samupasthite || 63 ||
[Analyze grammar]

yayā paṭhitayotkramya jīvo yāti nirañjanam |
yā jñānino'pi saṃpūrṇakṛtyasyāpi śrutā satī || 64 ||
[Analyze grammar]

prāṇādicchedajāṃ mṛtyuvyathāṃ sadyo vyapohati |
yāmākarṇya mahāmohavivaśo'pi kramādgataḥ || 65 ||
[Analyze grammar]

prabodhaṃ vaktṛsāṃmukhyamabhyeti rabhasātsvayam |
paramapadāttvamihāgāḥ sanātanastvaṃ jahīhi dehāntam || 66 ||
[Analyze grammar]

pādāṅguṣṭhādi vibho nibandhanaṃ bandhanaṃ hyugram |
āryāvākyamidaṃ pūrvaṃ bhuvanākhyaiḥ padairbhavet || 67 ||
[Analyze grammar]

gulphānte jānugataṃ jatrusthaṃ bandhanaṃ tathā meḍhre |
jahihi puramagryamadhyaṃ hṛtpadmāttvaṃ samuttiṣṭha || 68 ||
[Analyze grammar]

etāvadbhiḥ padairetadāryāvākyaṃ dvitīyakam |
haṃsa hayagrīva vibho sadāśivastvaṃ paro'si jīvākhyaḥ || 69 ||
[Analyze grammar]

ravisomavahnisaṅghadṛbindudeho hahaha samutkrāma |
tṛtīyamāryāvākyaṃ prāksaṃkhyairekādhikaiḥ padaiḥ || 70 ||
[Analyze grammar]

haṃsamahāmantramayaḥ sanātanastvaṃ śubhāśubhāpekṣī |
maṇḍalamadhyaniviṣṭaḥ śaktimahāsetukāraṇamahārthaḥ || 71 ||
[Analyze grammar]

kamalobhayaviniviṣṭaḥ prabodhamāyāhi devatādeha |
āryāvākyamidaṃ sārdhaṃ rudrasaṃkhyapaderitam || 72 ||
[Analyze grammar]

niḥśvāse tvapaśabdasya sthāne'styupa iti dhvaniḥ |
ajñānāttvaṃ baddhaḥ prabodhitottiṣṭha devāde || 73 ||
[Analyze grammar]

etatpañcamamāryārdhavākyaṃ syātsaptabhiḥ padaiḥ |
vraja tālusāhvayāntaṃ hyauḍambaraghaṭṭitaṃ mahādvāram || 74 ||
[Analyze grammar]

prāpya prayāhi haṃho haṃho vā vāmadevapadam |
āryyāvākyamidaṃ ṣaṣṭhaṃ syāccaturdaśabhiḥ padaiḥ || 75 ||
[Analyze grammar]

granthīśvara paramātman śānta mahātālurandhramāsādya |
utkrama he deheśvara nirañjanaṃ śivapadaṃ prayāhyāśu || 76 ||
[Analyze grammar]

āryāvākyaṃ saptamaṃ syāttaccaturdaśabhiḥ padaiḥ |
prabhañjanastvamityevaṃ pāṭho niḥśvāsaśāsane || 77 ||
[Analyze grammar]

ākramya madhyamārgaṃ prāṇāpānau samāhṛtya |
dharmādharmau tyaktvā nārāyaṇa yāhi śāntāntam || 78 ||
[Analyze grammar]

āryāvākyamidaṃ proktamaṣṭamaṃ navabhiḥ padaiḥ |
he brahman he viṣṇo he rudra śivo'si vāsudevastvam || 79 ||
[Analyze grammar]

agnīṣomasanātanamṛtpiṇḍaṃ jahihi he mahākāśa |
etadbhuvanasaṃkhyātairāryyāvākyaṃ prakīrtitam || 80 ||
[Analyze grammar]

sanātma tripiṇḍamiti mahākośamiti sthitam |
padatrayaṃ tu niḥśvāsamukuṭottarakādiṣu || 81 ||
[Analyze grammar]

aṅguṣṭhamātramamalamāvaraṇaṃ jahihi he mahāsūkṣma |
āryyāvākyamidaṃ ṣaḍbhiḥ padairdaśamamucyate || 82 ||
[Analyze grammar]

alaṃ dviriti sūkṣmaṃ cetyevaṃ śrīmukuṭottare |
puruṣastvaṃ prakṛtimayairbaddho'haṅkāratantunā bandhaiḥ || 83 ||
[Analyze grammar]

abhavābhava nityodita paramātmaṃstyaja sarāgamadhvānam |
etattrayodaśapadaṃ syādāryāvākyamuttamam || 84 ||
[Analyze grammar]

hrīṃhūṃmantraśarīramavilambamāśu tvamehi dehāntam |
āryārdhavākyametatsyād dvādaśaṃ ṣaṭpadaṃ param || 85 ||
[Analyze grammar]

tadidaṃ guṇabhūtamayaṃ tyaja sva ṣoṭkośikaṃ piṇḍam |
syāt trayodaśamāryārdhaṃ padaiḥ saptabhirīdṛśam || 86 ||
[Analyze grammar]

mā dehaṃ bhūtamayaṃ pragṛhyatāṃ śāśvataṃ mahādeham |
āryārdhavākyaṃ tāvadbhiḥ padairetaccaturdaśam || 87 ||
[Analyze grammar]

maṇḍalamamalamanantaṃ tridhā sthitaṃ gaccha bhittvaitat |
āryārdhavākyamaṣṭābhiḥ padaiḥ pañcadaśaṃ tvidam || 88 ||
[Analyze grammar]

sakaleyaṃ brahmavidyā syātpañcadaśabhiḥ sphuṭaiḥ |
vākyaiḥ pañcākṣaraistvasyā niṣkalā parikīrtyate || 89 ||
[Analyze grammar]

prativākyaṃ yayādyantayojitā paripaṭhyate |
tāro māyā vedakalo mātṛtāro navātmakaḥ || 90 ||
[Analyze grammar]

iti pañcākṣarāṇi syuḥ proktavyāptyanusārataḥ |
binduprāṇāmṛtajalaṃ marutṣaṣṭhasvarānvitam || 91 ||
[Analyze grammar]

etena śaktyuccārasthabījenālabhyate paśuḥ |
kṛtadīkṣāvidhiḥ pūrvaṃ brahmaghno'pi viśuddhyati || 92 ||
[Analyze grammar]

laghutvena tulāśuddhiḥ sadyaḥpratyayakāriṇī |
tāraḥ śamarayaiḥ piṇḍo natiśca caturarṇakam || 93 ||
[Analyze grammar]

śākinīstobhanaṃ marma hṛdayaṃ jīvitaṃ tvidam |
ṣaṣṭhaprāṇatrikūṭordhvabāhuśūlākhyabindubhiḥ || 94 ||
[Analyze grammar]

anackanāsādhovaktracandrakhaṇḍaiśca maṇḍitam |
hṛdayaṃ bhairavākhyaṃ tu sarvasaṃhārakārakam || 95 ||
[Analyze grammar]

agnimaṇḍalamadhyasthabhairavānalatāpitāḥ |
vaśamāyānti śākinyaḥ sthānametena ceddahet || 96 ||
[Analyze grammar]

visarjayettāḥ prathamamanyathā cchidrayanti tāḥ |
hrīṃ klīṃ vleṃ kleṃ ebhirvarṇairdvādaśasvarabhūṣitaiḥ || 97 ||
[Analyze grammar]

priyamelāpanaṃ nāma hṛdayaṃ sampuṭaṃ japet |
pratyekamathavā dvābhyāṃ sarvairvā vidhiruttamaḥ || 98 ||
[Analyze grammar]

tulāmelakayogaḥ śrītantrasadbhāvaśāsane |
ya uktaḥ śambhunāthena sa mayā darśitaḥ kramāt || 99 ||
[Analyze grammar]

atha vittavihīnānāṃ prapannānāṃ ca tattvataḥ |
deśakālādidoṣeṇa na tathādhyavasāyinām || 100 ||
[Analyze grammar]

prakartavyā yathā dīKṣā śrīsantatyāgamoditā |
kathyate hāṭakeśānapātālādhipacoditā || 101 ||
[Analyze grammar]

śrīnātha ārya bhagavannetattritayaṃ hi kanda ādhāre |
varuṇo macchando bhagavatta iti trayamidaṃ hṛdaye || 102 ||
[Analyze grammar]

dharmādivargasaṃjñāścatvāraḥ kaṇṭhadeśagāḥ pūjyāḥ |
hrīṃśrīṃpūrvāḥ sarve sambodhajuṣaśca pādaśabdāntāḥ || 103 ||
[Analyze grammar]

mūrdhatale vidyātrayamuktaṃ bhāvyatha mano'bhiyogena |
kusumairānandairvā bhāvanayā vāpi kevalayā || 104 ||
[Analyze grammar]

guruṇā tattvavidā kila śiṣyo yadi mokṣamātrakṛtahṛdayaḥ |
mokṣaikadānacaturā dīkṣā seyaṃ paropaniṣaduktā || 105 ||
[Analyze grammar]

etaddīkṣādīkṣita etadvidyātrayaṃ smaran hṛdaye |
bāhyārcādi vinaiva hi vrajati paraṃ dhāma dehānte || 106 ||
[Analyze grammar]

praṇavo māyā bindurvarṇatrayamāditaḥ kuryāt |
padapañcakasya saṃbodhanayuktasyāgnidayitānte || 107 ||
[Analyze grammar]

siddhasādhani tatpūrvaṃ śabdabrahmasvarūpiṇi |
samastabandhaśabdena sahitaṃ ca nikṛntani || 108 ||
[Analyze grammar]

bodhani śivasadbhāvajananyāmantritaṃ ca tat |
pañcāṣṭarandhratryaṣṭārṇakrameṇa padapañcakam || 109 ||
[Analyze grammar]

khapañcārṇā parabrahmavidyeyaṃ mokṣadā śivā |
anuttarecche ghāntaśca satrayodaśasusvaraḥ || 110 ||
[Analyze grammar]

asya varṇatrayasyānte tvantaḥsthānāṃ catuṣṭayam |
vargādyaśvau tryasrabinduyuk pānto'rṇatrayādataḥ || 111 ||
[Analyze grammar]

mahāhāṭakaśabdādyamīśvarītyarṇasaptakam |
āmantritaṃ kṣamasveti tryarṇaṃ pāpāntakāriṇi || 112 ||
[Analyze grammar]

ṣaḍarṇaṃ pāpaśabdādivimohanipadaṃ tataḥ |
pāpaṃ hana dhuna dvirdvirdaśārṇaṃ padamīdṛśam || 113 ||
[Analyze grammar]

pañcamyantaṃ ṣaḍarṇaṃ syādrudraśaktivaśāditi |
tata ekākṣaraṃ yattadvisargabrahma kīrtitam || 114 ||
[Analyze grammar]

tadanackatakāreṇa sahaikībhāvataḥ paṭhet |
randhrābdhivarṇā vidyeyaṃ dīkṣāvidyeti kīrtitā || 115 ||
[Analyze grammar]

māyārṇañca pare brahme caturvidye padatrayam |
aṣṭārṇamatha pañcārṇaṃ yogadhāriṇisaṃjñitam || 116 ||
[Analyze grammar]

ātmāntarātmaparamātmarūpaṃ ca padatrayam |
ekārāntaṃ bodhanasthaṃ daśārṇaṃ parikīrtitam || 117 ||
[Analyze grammar]

rudraśaktīti vedārṇaṃ syādrudradayite'tha me |
pāpaṃ dahadahetyeṣā dvādaśārṇā catuṣpadī || 118 ||
[Analyze grammar]

saumye sadāśive yugmaṃ ṣaṭkaṃ bindviṣusāvahā |
sārdhavarṇacatuṣkaṃ tadityeṣā samayāpahā || 119 ||
[Analyze grammar]

vidyā sārdhārṇakhaśarasaṃkhyā sā pārameśvarī |
etadvidyātrayaṃ śrīmadbhūtirājo nyarūpayat || 120 ||
[Analyze grammar]

yaḥ sākṣādabhajacchrīmāñśrīkaṇṭho mānuṣīṃ tanum |
atra vīryaṃ puraivoktaṃ sarvatrānusaredguruḥ || 121 ||
[Analyze grammar]

arthabījapraveśāntaruccārādyanusārataḥ |
nahi tatkiṃcanāpyasti yatpurā na nirūpitam || 122 ||
[Analyze grammar]

niṣphalā punaruktistu nāsmabhyaṃ jātu rocate |
ityevaṃ mantravidyādisvarūpamupavarṇitam || 123 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Tantraloka triṃśamāhnikam

Cover of edition (2015)

Sri Tantraloka
by Satya Prakash Singh & Swami Maheshvarananda (2015)

The Only Complete Edition with Sanskrit Text and English Translation (Set of 9 Volumes); 9788187471868; [Standard Publishers India]

Buy now!
Cover of edition (2000)

Sri Tantraloka (Set of 8 Volumes)
by Paramahansa Mishra (2000)

[श्री तन्त्रालोकः (संस्कृत एवं हिंदी अनुवाद)] Sanskrit Text with Hindi Translation; Published by Sampurnanand Sanskrit University; With two commentaries: Viveka (विवेक) by Ācārya Śrī Jayaratha and Nīrakṣīraviveka (नीरक्षीरविवेक) by Paramhans Mishra.

Buy now!
Cover of edition (2002)

Tantraloka of Abhinavagupta (with Jnanavati Hindi commentary)
by Radheshyam Chaturvedi (2002)

[आचार्य अभिनवगुप्त द्वारा रचित तंत्रलोक: संस्कृत एवम् हिन्दी अनुवाद (पाँच खंडों में)] Sanskrit Text with Hindi Translation and Commentary; Published by Chaukhambha Vidya Bhawan.

Buy now!
Cover of edition (2018)

Sri Tantraloka of Abhinavagupta
by Giriratna Misra (2018)

With Viveka Saṃskṛta Commentary by Rājānaka Jayaratha; Sanskrit Text, Transliteration, Sarveshwari English commentary; With Glossary and Central Idea of Each Śloka; Published by Chaukhamba Surbharati Prakashan

Buy now!
Like what you read? Consider supporting this website: