Book 19 - ekānnaviṃśamāhnikam

atha śrītantrāloke ekānnaviṃśamāhnikam |
atha sadyaḥsamutkrāntipradā dīkṣā nirūpyate |
tatkṣaṇāccopabhogādvā dehapāte śivaṃ vrajet |
ityuktyā mālinīśāstre sūcitāsau maheśinā || 1 ||
[Analyze grammar]

dehapāte samīpasthe śaktipātasphuṭatvataḥ |
āsādya śāṃkarīṃ dīkṣāṃ tasmāddīkṣākṣaṇātparam || 2 ||
[Analyze grammar]

śivaṃ vrajedityartho'tra pūrvāparavivecanāt |
vyākhyātaḥ śrīmatāsmākaṃ guruṇā śambhumūrtinā || 3 ||
[Analyze grammar]

yadā hyāsannamaraṇe śaktipātaḥ prajāyate |
tatra mande'tha gurvādisevayāyuḥ kṣayaṃ vrajet || 4 ||
[Analyze grammar]

athavā bandhumitrādidvārā sāsya vibhoḥ patet |
pūrvaṃ vā samayī naiva parāṃ dīkṣāmavāptavān || 5 ||
[Analyze grammar]

āptadīkṣo'pi vā prāṇāñjihāsuḥ kleśavarjitam |
antyāngurustadā kuryātsadya utkrāntidīkṣaṇam || 6 ||
[Analyze grammar]

natvapakvamale nāpi śeṣakārmikavigrahe |
kuryādutkramaṇaṃ śrīmadgahvare ca nirūpitam || 7 ||
[Analyze grammar]

dṛṣṭvā śiṣyaṃ jarāgrastaṃ vyādhinā paripīḍitam |
utkramayya tatastvenaṃ paratattve niyojayet || 8 ||
[Analyze grammar]

viśeṣaṇaviśeṣyatve kāmacāravidhānataḥ |
pūrvoktamarthajātaṃ śrīśambhunātra nirūpitam || 9 ||
[Analyze grammar]

vidhiṃ pūrvoditaṃ sarvaṃ kṛtvā samayaśuddhitaḥ |
kṣurikāmasya vinyasyejjvalantīṃ marmakartarīm || 10 ||
[Analyze grammar]

kṛtvā pūrvoditaṃ nyāsaṃ kālānalasamaprabham |
saṃhṛtikramataḥ sārdhaṃ sṛkchindiyugalena tu || 11 ||
[Analyze grammar]

āgneyīṃ dhāraṇāṃ kṛtvā sarvamarmapratāpanīm |
pūrayedvāyunā dehamaṅguṣṭhānmastakāntakam || 12 ||
[Analyze grammar]

tamutkṛṣya tato'ṅguṣṭhādūrdhvāntaṃ vakṣyamāṇayā |
kṛntenmarmāṇi randhrāntāt kālarātryā visarjayet || 13 ||
[Analyze grammar]

anena kramayogena yojito hutivarjitaḥ |
samayyapyeti tāṃ dīkṣāmiti śrīmālinīmate || 14 ||
[Analyze grammar]

ṣoḍaśādhāraṣaṭcakralakṣyatrayakhapañcakāt |
kvacidanyataratrātha prāguktapaśukarmavat || 15 ||
[Analyze grammar]

praviśya mūlaṃ kandādeśchindannaikyavibhāvanāt |
pūrṇāhutiprayogeṇa sveṣṭe dhāmni niyojayet || 16 ||
[Analyze grammar]

jñānatriśūlaṃ saṃdīptaṃ dīptacakratrayojjvalam |
cintayitvāmunā tasya vedanaṃ bodhanaṃ bhramam || 17 ||
[Analyze grammar]

dīpanaṃ tāḍanaṃ todaṃ calanaṃ ca punaḥ punaḥ |
kandādicakragaṃ kuryādviśeṣeṇa hṛdambuje || 18 ||
[Analyze grammar]

dvādaśānte tataḥ kṛtvā binduyugmagate kṣipet |
nirlakṣye vā pare dhāmni saṃyuktaḥ parameśvaraḥ || 19 ||
[Analyze grammar]

na tasya kuryātsaṃskāraṃ kaṃcidityāha gahvare |
devaḥ kimasya pūrṇasya śrāddhādyairiti bhāvitaḥ || 20 ||
[Analyze grammar]

śrīmaddīkṣottare tveṣa vidhirvahnipuṭīkṛtaḥ |
haṃsaḥ pumānadhastasya rudrabindusamanvitaḥ || 21 ||
[Analyze grammar]

śiṣyadehe niyojyaitadanudvagnaḥ śataṃ japet |
utkramyordhvanimeṣeṇa śiṣya itthaṃ paraṃ vrajet || 22 ||
[Analyze grammar]

eṣa eva vidhiḥ śrīmatsiddhayogīśvarīmate |
iyamutkrāmaṇī dīkṣā kartavyā yogino guroḥ || 23 ||
[Analyze grammar]

anabhyastaprāṇacāraḥ kathamenāṃ kariṣyati |
vakṣyamāṇāṃ brahmavidyāṃ sakalāṃ niṣkalombhitām || 24 ||
[Analyze grammar]

karṇe'sya vā paṭhedbhūyo bhūyo vāpyatha pāṭhayet |
svayaṃ ca karma kurvīta tattvaśuddhyādikaṃ guruḥ || 25 ||
[Analyze grammar]

mantrakriyābalātpūrṇāhutyetthaṃ yojayetpare |
yogābhyāsamakṛtvāpi sadya utkrāntidāṃ guruḥ || 26 ||
[Analyze grammar]

jñānamantrakriyādhyānabalātkartuṃ bhavetprabhuḥ |
anayotkramyate śiṣyo balādevaikakaṃ kṣaṇam || 27 ||
[Analyze grammar]

kālasyollaṅghya bhogo hi kṣaṇiko'syāstu kiṃ tataḥ |
sadya utkrāntidā cānyā yasyāṃ pūrṇāhutiṃ tadā || 28 ||
[Analyze grammar]

dadyādyadāsya prāṇāḥ syurdhruvaṃ niṣkramaṇecchavaḥ |
vināpi kriyayā bhāvibrahmavidyābalādguruḥ || 29 ||
[Analyze grammar]

karṇajāpaprayogeṇa tattvakañcukajālataḥ |
niḥsārayanyathābhīṣṭe sakale niṣkale dvaye || 30 ||
[Analyze grammar]

tattve vā yatra kutrāpi yojayetpudgalaṃ kramāt |
samayī putrako vāpi paṭhedvidyāmimāṃ tathā || 31 ||
[Analyze grammar]

tatpāṭhāttu samayyuktāṃ rudrāṃśāpattimaśnute |
etau jape cādhyayane yasmādadhikṛtāvubhau || 32 ||
[Analyze grammar]

nādhyāpanopadeśe vā sa eṣo'dhyayanādṛte |
paṭhatostvanayorvastusvabhāvāttasya sā gatiḥ || 33 ||
[Analyze grammar]

yathā niṣiddhabhūtādikarmā mantraṃ smaransvayam |
āviṣṭe'pi kvacinnaiti lopaṃ kartṛtvavarjanāt || 34 ||
[Analyze grammar]

yathā ca vācayañśāstraṃ samayī śūnyaveśmani |
na lupyate tadantaḥsthaprāṇivargopakārataḥ || 35 ||
[Analyze grammar]

tathā svayaṃ paṭhanneṣa vidyāṃ vastusvabhāvataḥ |
tasminmukte na lupyeta yato kiṃcitkaro'tra saḥ || 36 ||
[Analyze grammar]

nanu cādīkṣitāgre sa noccarecchāstrapaddhatim || 37 ||
[Analyze grammar]

hanta kuḍyāgrato'pyasya niṣedhastvatha kathyate |
paryudāsena yaḥ śrotumavadhārayituṃ kṣamaḥ || 38 ||
[Analyze grammar]

sa evātra niṣiddho no kuḍyakīṭapatatriṇaḥ |
tarhi pāṣāṇatulyo'sau vilīnendriyavṛttikaḥ || 39 ||
[Analyze grammar]

tasyāgre paṭhatastasya niṣedhollaṅghanā katham |
sa tu vastusvabhāvena galitākṣo'pi budhyate || 40 ||
[Analyze grammar]

akṣānapekṣayaivāntaścicchaktyā svaprakāśayā |
prāgdehaṃ kila tityakṣurnottaraṃ cādhitaṣṭhivān || 41 ||
[Analyze grammar]

madhye prabodhakabalāt pratibudhyet pudgalaḥ |
mantrāḥ śabdamayāḥ śuddhavimarśātmatayā svayam || 42 ||
[Analyze grammar]

arthātmanā cāvabhāntastadarthapratibodhakāḥ |
tenāsya galitākṣasya prabodho jāyate svayam || 43 ||
[Analyze grammar]

svacitsamānajātīyamantrāmarśanasaṃnidheḥ |
yathā hyalpajavo vāyuḥ sajātīyavimiśritaḥ || 44 ||
[Analyze grammar]

javī tathātmā saṃsuptāmarśo'pyevaṃ prabudhyate |
prabuddhaḥ sa ca saṃjāto na cādīkṣita ucyate || 45 ||
[Analyze grammar]

dīkṣā hi nāma saṃskāro na tvanyatso'sti cāsya hi |
ata eva nijaṃ śāstraṃ paṭhati kvāpi sāmaye || 46 ||
[Analyze grammar]

tacchrutvā ko'pi dhanyaścenmucyate nāsya sā kṣatiḥ |
śāstranindāṃ maiṣa kārṣīddvayoḥ pātityadāyinīm || 47 ||
[Analyze grammar]

ityevaṃparametannādīkṣitāgre paṭhediti |
yathā ca samayī kāṣṭhe loṣṭe vā mantrayojanām || 48 ||
[Analyze grammar]

kurvaṃstasmiṃścalatyeti na lopaṃ tadvadatra hi |
yato'sya pratyayaprāptiprepsoḥ samayinastathā || 49 ||
[Analyze grammar]

pravṛttasya svabhāvena tasminmukte na vai kṣatiḥ |
sādhakastu sadā sādhye phale niyatiyantraṇāt || 50 ||
[Analyze grammar]

makṣikāśrutamantro'pi prāyaścittaucitīṃ caret |
itthaṃ sadyaḥsamutkrāntiryoktā tāmājñayā guroḥ || 51 ||
[Analyze grammar]

samayyādirapi proktakāle proktārthasiddhaye |
svayaṃ kuryātsamabhyastaprāṇacāragamāgamaḥ || 52 ||
[Analyze grammar]

akṛtādhikṛtirvāpi guruḥ samayaśuddhaye |
adhastanapadāvastho natu jñāneddhacetanaḥ || 53 ||
[Analyze grammar]

itīyaṃ sadya utkrāntiḥ sūcitā mālinīmate |
svayaṃ vā guruṇā vātha kāryatvena maheśinā || 54 ||
[Analyze grammar]

sarvaṃ bhogaṃ virūpaṃ tu matvā dehaṃ tyajedyadi |
tadā tena krameṇāśu yojitaḥ samayī śivaḥ || 55 ||
[Analyze grammar]

ukteyaṃ sadya utkrāntiryā gopyā prāṇavadbudhaiḥ || 56 ||
[Analyze grammar]