Tantraloka [sanskrit text]

by Jun Takashima | 2020 | 46,255 words

The Sanskrit text of the Tantraloka of Abhinavagupta including grammatical analysis, English glossary and comparative print editions. The Tantraloka (“light on Tantra”) was written by Abhinavagupta in the 10th century in Kashmir and represents a major Encyclopedic work in Shaivism dealing with many core aspects and terminology.

Book 13 - trayodaśamāhnikam

atha śrītantrāloke trayodaśamāhnikam |
athādhikṛtibhāhanaṃ ka iha vā kathaṃ vetyalaṃ vivecayitumucyate vividhaśaktipātakramaḥ || 1 ||
[Analyze grammar]

tatra kecidiha prāhuḥ śaktipāta imaṃ vidhim |
taṃ pradarśya nirākṛtya svamataṃ darśayiṣyate || 2 ||
[Analyze grammar]

tatredaṃ dṛśyamānaṃ satsukhaduḥkhavimohabhāk |
viṣamaṃ sattathābhūtaṃ samaṃ hetuṃ prakalpayet || 3 ||
[Analyze grammar]

so'vyaktaṃ tacca sattvādinānārūpamacetanam |
ghaṭādivatkāryamiti hetureko'sya sā niśā || 4 ||
[Analyze grammar]

sā jaḍā kāryatādrūpyātkāryaṃ cāsyāṃ sadeva hi |
kalādidharaṇīprāntaṃ jāḍyātsā sūtaye'kṣamā || 5 ||
[Analyze grammar]

teneśaḥ kṣobhayedenāṃ kṣobho'syāḥ sūtiyogyatā |
puṃsaḥ prati ca sā bhogyaṃ sūte'nādīn pṛthagvidhān || 6 ||
[Analyze grammar]

puṃsaśca nirviśeṣatve muktāṇūn prati kiṃ na tat |
nimittaṃ karmasaṃskāraḥ sa ca teṣu na vidyate || 7 ||
[Analyze grammar]

iti cetkarmasaṃskārābhāvasteṣāṃ kutaḥ kila |
na bhogādanyakarmāṃśaprasaṅgo hi duratyayaḥ || 8 ||
[Analyze grammar]

yugapatkarmaṇāṃ bhogo naca yuktaḥ krameṇa hi |
phaledyatkarma tatkasmātsvaṃ rūpaṃ saṃtyajetkvacit || 9 ||
[Analyze grammar]

jñānātkarmakṣayaścettatkuta īśvaracoditāt |
dharmādyadi kutaḥ so'pi karmataścettaducyatām || 10 ||
[Analyze grammar]

nahi karmāsti tādṛkṣaṃ yena jñānaṃ pravartate |
karmajatve ca tajjñānaṃ phalarāśau pateddhruvam || 11 ||
[Analyze grammar]

anyakarmaphalaṃ prācyaṃ karmarāśiṃ ca kiṃ dahet |
īśasya dveṣarāgādiśūnyasyāpi kathaṃ kvacit || 12 ||
[Analyze grammar]

tathābhisaṃdhirnānyatra bhedahetorabhāvataḥ |
nanvitthaṃ pradahejjñānaṃ karmajālāni karma hi || 13 ||
[Analyze grammar]

ajñānasahakārīdaṃ sūte svargādikaṃ phalam |
ajñānaṃ jñānato naśyedanyakarmaphalādapi || 14 ||
[Analyze grammar]

upavāsādikaṃ cānyadduṣṭakarmaphalaṃ bhavet |
niṣphalīkurute duṣṭaṃ karmetyaṅgīkṛtaṃ kila || 15 ||
[Analyze grammar]

ajñānamiti yatproktaṃ jñānābhāvaḥ sa cetsa kim |
prāgabhāvo'thavā dhvaṃsa ādye kiṃ sarvasaṃvidām || 16 ||
[Analyze grammar]

kasyāpi vātha jñānasya prācyaḥ pakṣastvasaṃbhavī |
na kiṃcidyasya vijñānamudapādi tathāvidhaḥ || 17 ||
[Analyze grammar]

nāṇurasti bhave hyasminnanādau ko'nvayaṃ kramaḥ |
bhāvinaḥ prāgabhāvaśca jñānasyeti sthite sati || 18 ||
[Analyze grammar]

muktāṇorapi so'styeva janmataḥ prāgasau naca |
jñānaṃ bhāvi vimukte'sminniti ceccarcyatāmidam || 19 ||
[Analyze grammar]

kasmājjñānaṃ na bhāvyatra nanu dehādyajanmataḥ |
tatkasmātkarmaṇaḥ kṣaiṇyāttatkuto'jñānahānitaḥ || 20 ||
[Analyze grammar]

ajñānasya kathaṃ hāniḥ prāgabhāve hi saṃvidaḥ |
ajñānaṃ prāgabhāvo'sau na bhāvyutpattyasaṃbhavāt || 21 ||
[Analyze grammar]

kasmānna bhāvi tajjñānaṃ nanu dehādyajanmataḥ |
ityeṣa sarvapakṣaghno niśitaścakrakabhramaḥ || 22 ||
[Analyze grammar]

atha pradhvaṃsa evedamajñānaṃ tatsadā sthitam |
muktāṇuṣviti teṣvastu māyākāryavijṛmbhitam || 23 ||
[Analyze grammar]

athājñānaṃ nahyabhāvo mithyājñānaṃ tu tanmatam |
tadeva karmaṇāṃ svasminkartavye sahakāraṇam || 24 ||
[Analyze grammar]

vaktavyaṃ tarhi kiṃ karma yadā sūte svakaṃ phalam |
tadaiva mithyājñānena satā hetutvamāpyate || 25 ||
[Analyze grammar]

atha yasminkṣaṇe karma kṛtaṃ tatra svarūpasat |
mithyājñānaṃ yadi tatastādṛśātkamarṇaḥ phalam || 26 ||
[Analyze grammar]

prākpakṣe pralaye vṛtte prācyasṛṣṭipravartane |
dehādyabhāvānno mithyājñānasya kvāpi saṃbhavaḥ || 27 ||
[Analyze grammar]

uttarasminpunaḥ pakṣe yadā yadyena yatra vā |
kriyate karma tatsarvamajñānasacivaṃ tadā || 28 ||
[Analyze grammar]

avaśyamiti kasyāpi na karmaprakṣayo bhavet |
yadyapi jñānavānbhūtvā vidhatte karma kiṃcana || 29 ||
[Analyze grammar]

viphalaṃ syāttu tatpūrvakarmarāśau tu kā gatiḥ |
atha pralayakāle'pi citsvabhāvatvayogataḥ || 30 ||
[Analyze grammar]

aṇūnā saṃbhavatyeva jñānaṃ mithyeti tatkutaḥ |
svabhāvāditi cenmukte śive vā kiṃ tathā nahi || 31 ||
[Analyze grammar]

yaccādarśanamākhyātaṃ nimittaṃ pariṇāmini |
pradhāne taddhi saṃkīrṇavaivittayobhayayogataḥ || 32 ||
[Analyze grammar]

darśanāya pumarthaikayogyatāsacivaṃ dhiyaḥ |
ārabhya sate dharaṇīparyantaṃ tatra yaccitaḥ || 33 ||
[Analyze grammar]

buddhivṛttyaviśiṣṭatvaṃ puṃsprayāśarprasādataḥ |
prakāśanāddhiyo'rthena saha bhogaḥ sa bhaṇyate || 34 ||
[Analyze grammar]

buddhirevāsmi vikṛtidharmikānyastu ko'pyasau |
madvilakṣaṇa ekātmetyevaṃ vaivi yasaṃvidi || 35 ||
[Analyze grammar]

pumarthasya kṛtatvena sahakāriviyogataḥ |
taṃ pumāṃsaṃ prati naiva sūte kiṃtvanyameva hi || 36 ||
[Analyze grammar]

atra puṃso'tha mūlasya dharmo'darśanatā dvayoḥ |
athaveti vikalpo'yamāstāmetattu bhaṇyatām || 37 ||
[Analyze grammar]

bhogo vivekaparyanta iti yattatra ko'vadhiḥ |
vivekalābhe nikhilasūtidṛgyadi sāpi kim || 38 ||
[Analyze grammar]

sāmānyena viśeṣairvā prācye syādekajanmataḥ |
uttare na kadācitsyādbhāvikālasya yogataḥ || 39 ||
[Analyze grammar]

kaiścideva viśeṣaiścetsarveṣāṃ yugapadbhavet |
viveko'nādisaṃyogātkā hyanyonyaṃ vicitratā || 40 ||
[Analyze grammar]

tasmātsāṃkhyadṛśāpīdamajñānaṃ naiva yujyate |
ajñānena vinā bandhamokṣau naiva vyavasthayā || 41 ||
[Analyze grammar]

yujyete tacca kathitayuktibhirnopapadyate |
bhāyākarmāṇudevecchāsadbhāve'pi sthite tataḥ || 42 ||
[Analyze grammar]

na bandhamokṣayoryogo bhedahetorasaṃbhavāt |
tasmādajñānaśabdena jñatvakartṛtvadharmaṇām || 43 ||
[Analyze grammar]

cidaṇūnāmāvaraṇaṃ kiṃcidvācyaṃ vipaścitā |
āvāraṇātmanā siddhaṃ tatsvarūpādabhedavat || 44 ||
[Analyze grammar]

bhede pramāṇābhāvācca tadekaṃ nikhilātmasu |
tacca kasmātprasūtaṃ syānmāyātaścetkathaṃ nu sā || 45 ||
[Analyze grammar]

kvacideva suvītaitanna tu muktātmanītyayam |
prācyaḥ paryanuyogaḥ syānnimittaṃ cenna labhyate || 46 ||
[Analyze grammar]

utpattyabhāvatastena nityaṃ naca vinaśyati |
tata evaikatāyāṃ cānyātmasādhāraṇatvataḥ || 47 ||
[Analyze grammar]

na vāvastvarthakāritvānna cittatsaṃvṛtitvataḥ |
na caitenātmanāṃ yogo hetumāṃstadasaṃbhavāt || 48 ||
[Analyze grammar]

tenaikaṃ vastu sannityaṃ nityasaṃbaddhamātmabhiḥ |
jaḍaṃ malaṃ tadajñānaṃ saṃsārāṅkurakāraṇam || 49 ||
[Analyze grammar]

tasya roddhrī yadā śaktirudāste śivaraśmibhiḥ |
tadāṇuḥ spṛśyate spṛṣṭaḥ svake jñānakriye sphuṭe || 50 ||
[Analyze grammar]

samāviśedayaṃ sūryakānto'rkeṇeva coditaḥ |
roddhryāśca śaktermādhyasthyatāratamyavaśakramāat || 51 ||
[Analyze grammar]

vicitratvamataḥ prāhurabhivyaktau svasaṃvidaḥ |
sa eṣa śaktipātākhyaḥ śāstreṣu paribhāṣyate || 52 ||
[Analyze grammar]

atrocyate malastāvaditthameṣa na yujyate |
iti pūrvāhṇike proktaṃ punaruktau tu kiṃ phalam || 53 ||
[Analyze grammar]

malasya pākaḥ ko'yaṃ syānnāśaśceditarātmanām |
sa eko mala ityukternairmalyamanuṣajyate || 54 ||
[Analyze grammar]

atha pratyātmaniyato'nādiśca prāgabhāvavat |
malo naśyettathāpyeṣa nāśo yadi sahetukaḥ || 55 ||
[Analyze grammar]

hetuḥ karmeśvarecchā vā karma tāvanna tādṛśam |
īśvarecchā svatantrā ca kvacideva tathaiva kim || 56 ||
[Analyze grammar]

ahetuko'sya nāśaścetprāgevaiṣa vinaśyatu |
kṣaṇāntaraṃ sadṛk sūte iti cetsthirataiva sā || 57 ||
[Analyze grammar]

na ca nityasya bhāvasya hetvanāyattajanmanaḥ |
nāśo dṛṣṭaḥ prāgabhāvastvavastviti tathāstu saḥ || 58 ||
[Analyze grammar]

athāsya pāko nāmaiṣa svaśaktipratibaddhatā |
sarvānprati tathaiṣa syādruddhaśaktirviṣāgnivat || 59 ||
[Analyze grammar]

punarudbhūtaśaktau ca svakāryaṃ syādviṣāgnivat |
muktā api na muktāḥ syuḥ śaktiṃ cāsya na manmahe || 60 ||
[Analyze grammar]

roddhrīti cetkasya nṛṇāṃ jñatvakartṛtvayoryadi |
sadbhāvamātrādroddhṛtve śivamuktāṇvasaṃbhavaḥ || 61 ||
[Analyze grammar]

saṃnidhānātiriktaṃ ca na kiṃcitkurute malaḥ |
ātmanā pariṇāmitvādanityatvaprasaṅgataḥ || 62 ||
[Analyze grammar]

jñatvakartṛtvamātraṃ ca pudgalā na tadāśrayāḥ |
taccedāvāritaṃ hanta rūpanāśaḥ prasajyate || 63 ||
[Analyze grammar]

āvāraṇaṃ cādṛśyatvaṃ na ca tadvastuno'nyatām |
karoti ghaṭavajjñānaṃ nāvarītuṃ ca śakyate || 64 ||
[Analyze grammar]

jñānenāvaraṇīyena tadevāvaraṇaṃ katham |
na jñāyate tathā ca syādāvṛtirnāmamātrataḥ || 65 ||
[Analyze grammar]

roddhryāśca śakteḥ kastasya pratibandhaka īśvaraḥ |
yadyapekṣāvirahitastatra prāgdattamuttaram || 66 ||
[Analyze grammar]

karmasāmyamapekṣyātha tasyecchā saṃpravartate |
tasyāpi rūpaṃ vaktavyaṃ samatā karmaṇāṃ hi kā || 67 ||
[Analyze grammar]

bhogaparyāyamāhātmyātkāle kvāpi phalaṃ prati |
virodhātkarmaṇī ruddhe tiṣṭhataḥ sāmyamīdṛśam || 68 ||
[Analyze grammar]

taṃ ca kālāṃśakaṃ devaḥ sarvajño vīkṣya taṃ malam |
runddhe lakṣyaḥ sa kālaśca sukhaduḥkhādivarjanaiḥ || 69 ||
[Analyze grammar]

naitatkramikasaṃśuddhavyāmiśrākārakarmabhiḥ |
tathaiva deye svaphale keyamanyonyaroddhṛtā || 70 ||
[Analyze grammar]

rodhe tayośca jātyāyurapi na syādataḥ patet |
deho bhogadayoreva nirodha iti cennanu || 71 ||
[Analyze grammar]

jātyāyuṣpradakarmāṃśasaṃnidhau yadi śaṃkaraḥ |
malaṃ runddhe bhogadātuḥ karmaṇaḥ kiṃ bibheti saḥ || 72 ||
[Analyze grammar]

śataśo'pi hlādatāpaśūnyāṃ saṃcinvate daśām |
na ca bhaktirasāveśamiti bhūmnā vilokitam || 73 ||
[Analyze grammar]

athāpi kālamāhātmyamapekṣya parameśvaraḥ |
tathā karoti vaktavyaṃ kālo'sau kīdṛśastviti || 74 ||
[Analyze grammar]

kiṃ cānādirayaṃ bhogaḥ karmānādi sapudgalam |
tataśca bhogaparyāyakālaḥ sarvasya niḥsamaḥ || 75 ||
[Analyze grammar]

ādimattve hi kasyāpi vargādasmādbhavediyam |
vaicitrī bhuktametena kalpametena tu dvayam || 76 ||
[Analyze grammar]

iyato bhogaparyāyātsyātsāmyaṃ karmaṇāmiti |
anena nayabījena manye vaicitryakāraṇam || 77 ||
[Analyze grammar]

jagataḥ karma yatklaptaṃ tattathā nāvakalpate |
anādimalasaṃcchannā aṇavo dṛkkriyātmanā || 78 ||
[Analyze grammar]

sarve tulyāḥ kathaṃ citrāṃ śritāḥ karmaparamparām |
bhogalolikayā cetsā vicitreti kuto nanu || 79 ||
[Analyze grammar]

anādi karmasaṃskāravaicitryāditi cetpunaḥ |
vācyaṃ tadeva vaicitryaṃ kuto niyatirāgayoḥ || 80 ||
[Analyze grammar]

mahimā cedayaṃ tau kiṃ nāsamañjasyabhāginau |
īśvarecchānapekṣā tu bhedaheturna kalpate || 81 ||
[Analyze grammar]

athānāditvamātreṇa yuktihīnena sādhyate |
vyavastheyamalaṃ tarhi malenāstu vṛthāmunā || 82 ||
[Analyze grammar]

tathāhi karma tāvanno yāvanmāyā na pudgale |
vyāpriyeta na cāhetustadvṛttistanmito malaḥ || 83 ||
[Analyze grammar]

itthaṃ ca kalpite māyākārye karmaṇi hetutām |
anādi karma cedgacchetkiṃ malasyopakalpanam || 84 ||
[Analyze grammar]

nanu mābhūnmalastarhi citrākāreṣu karmasu |
santatyāvartamāneṣu vyavasthā na prakalpate || 85 ||
[Analyze grammar]

ādau madhye ca citratvātkarmaṇāṃ na yathā samaḥ |
ātmākāro'pi ko'pyeṣa bhāvikāle tathā bhavet || 86 ||
[Analyze grammar]

itthamucchinna evāyaṃ bandhamokṣādikaḥ kramaḥ |
ajñānādbandhanaṃ mokṣo jñānāditi parīkṣitam || 87 ||
[Analyze grammar]

virodhe svaphale caite karmaṇī samaye kvacit |
udāsāte yadi tataḥ karmaitatpratibudhyatām || 88 ||
[Analyze grammar]

śivaśaktinipātasya ko'vakāśastu tāvatā |
kvāpi kāle tayoretadaudāsīnyaṃ yadā tataḥ || 89 ||
[Analyze grammar]

kālāntare tayostadvadvirodhasyānivṛttitaḥ |
ataśca na phaletānte tābhyāṃ karmāntaraṇi ca || 90 ||
[Analyze grammar]

ruddhāni prāptakālatvādgatābhyāmupabhogyatām |
evaṃ sadaiva vārtāyāṃ dehapāte tathaiva ca || 91 ||
[Analyze grammar]

jāte vimokṣa ityāstāṃ śaktipātādikalpanā |
athodāsīnatatkarmadvayayogakṣaṇāntare || 92 ||
[Analyze grammar]

karmāntaraṃ phalaṃ sūte tatkṣaṇe'pi tathā na kim |
kṣaṇāntare'tha te eva pratibandhavivarjite || 93 ||
[Analyze grammar]

phalataḥ pratibandhasya varjanaṃ kiṃkṛtaṃ tayoḥ |
karmasāmyaṃ svarūpeṇa na ca tattāratamyabhāk || 94 ||
[Analyze grammar]

na śiveccheti tatkārye śaktipāte na tadbhavet |
tirobhāvaśca nāmāyaṃ sa kasmādudbhavetpunaḥ || 95 ||
[Analyze grammar]

karmasāmyena yatkṛtyaṃ prāgevaitatkṛtaṃ kila |
hetutve ceśvarecchāyā vācyaṃ pūrvavadeva tu || 96 ||
[Analyze grammar]

etenānye'pi ye'pekṣyā īśecchāyāṃ prakalpitāḥ |
dhvastāste'pi hi nityānyahetvahetvādidūṣaṇāt || 97 ||
[Analyze grammar]

vairāgyaṃ bhogavairasyaṃ dharmaḥ ko'pi vivekitā |
satsaṅgaḥ parameśānapūjādyabhyāsanityatā || 98 ||
[Analyze grammar]

āpatprāptistannirīkṣā dehe kiṃcicca lakṣaṇam |
śāstrasevā bhogasaṃghapūrṇatā jñānamaiśvaram || 99 ||
[Analyze grammar]

ityapekṣyaṃ yadīśasya dūṣyametacca pūrvavat |
vyabhicāraśca sāmastyavyastatvābhyāṃ svarūpataḥ || 100 ||
[Analyze grammar]

anyonyānupraveśaścānupapattiśca bhūyasī |
tasmānna manmahe ko'yaṃ śaktipātavidheḥ kramaḥ || 101 ||
[Analyze grammar]

itthaṃ bhrāntiviṣāveśamūrcchānirmokadāyinīm |
śrīśaṃbhuvadanodgīrṇāṃ vacmyāgamamahauṣadhīm || 102 ||
[Analyze grammar]

devaḥ svatantraścidrūpaḥ prakāśātmā svabhāvataḥ |
rūpapracchādanakrīḍāyogādaṇuranekakaḥ || 103 ||
[Analyze grammar]

sa svayaṃ kalpitākāravikalpātmakakarmabhiḥ |
badhnātyātmānameveha svātantryāditi varṇitam || 104 ||
[Analyze grammar]

svātantryamahimaivāyaṃ devasya yadasau punaḥ |
svaṃ rūpaṃ pariśuddhaṃ satspṛśatyapyaṇutāmayaḥ || 105 ||
[Analyze grammar]

na vācyaṃ tu kathaṃ nāma kasmiṃścitpuṃsyasau tathā |
nahi nāma pumānkaścidyasminparyanuyujyate || 106 ||
[Analyze grammar]

deva eva tathāsau cet svarūpaṃ cāsya tādṛśam |
tādṛkprathāsvabhāvasya svabhāve kānuyojyatā || 107 ||
[Analyze grammar]

āhāsmatparameṣṭhī ca śivadṛṣṭau gurūttamaḥ |
pañcaprakārakṛtyoktiśivatvānnijakarmaṇe || 108 ||
[Analyze grammar]

pravṛttasya nimittānāmapareṣāṃ kva mārgaṇam |
channasvarūpatābhāse puṃsi yadyādṛśaṃ phalam || 109 ||
[Analyze grammar]

tatrāṇoḥ sata evāsti svātantryaṃ karmatohi tat |
īśvarasya ca yā svātmatirodhitsā nimittatām || 110 ||
[Analyze grammar]

sābhyeti karmamalayorato'nādivyavasthitiḥ |
tirodhiḥ pūrṇarūpasyāpūrṇatvaṃ tacca pūraṇam || 111 ||
[Analyze grammar]

prati bhinnena bhāvena spṛhāto lolikā malaḥ |
viśuddhasvaprakāśātmaśivarūpatayā vinā || 112 ||
[Analyze grammar]

na kiṃcidyujyate tena heturatra maheśvaraḥ |
itthaṃ sṛṣṭisthitidhvaṃsatraye māyāmapekṣate || 113 ||
[Analyze grammar]

kṛtyai malaṃ tathā karma śivecchaiveti susthitam |
yattu kasmiṃścana śivaḥ svena rūpeṇa bhāsate || 114 ||
[Analyze grammar]

tatrāsya nāṇuge tāvadapekṣye malakarmaṇī |
aṇusvarūpatāhānau tadgataṃ hetutāṃ katham || 115 ||
[Analyze grammar]

vrajenmāyānapekṣatvamata evopapādayet |
tena śuddhaḥ svaprakāśaḥ śiva evātra kāraṇam || 116 ||
[Analyze grammar]

sa ca svācchandyamātreṇa tāratamyaprakāśakaḥ |
kulajātivapuṣkarmavayonuṣṭhānasaṃpadaḥ || 117 ||
[Analyze grammar]

anapekṣya śive bhaktiḥ śaktipāto'phalārthinām |
yā phalārthitayā bhaktiḥ sā karmādyamapekṣate || 118 ||
[Analyze grammar]

tato'tra syātphale bhedo nāpavarge tvasau tathā |
bhogāpavargadvitayābhisaṃdhāturapi sphuṭam || 119 ||
[Analyze grammar]

prāgbhāge'pekṣate karma citratvānnottare punaḥ |
anābhāsitarūpo'pi tadābhāsitayeva yat || 120 ||
[Analyze grammar]

sthitvā mantrādi saṃgṛhya tyajetso'sya tirobhavaḥ |
śrīsāraśāstre bhagavānvastvetatsamabhāṣata || 121 ||
[Analyze grammar]

dharmādharmātmakairbhāvairanekairveṣṭayetsvayam |
asandehaṃ svamātmānamavīcyādiśivāntake || 122 ||
[Analyze grammar]

tadvacchaktisamūhena sa eva tu viveṣṭayet |
svayaṃ badhnāti deveśaḥ svayaṃ caiva vimuñcati || 123 ||
[Analyze grammar]

svayaṃ bhoktā svayaṃ jñātā svayaṃ caivopalakṣayet |
svayaṃ bhuktiśca muktiśca svayaṃ devī svayaṃ prabhuḥ || 124 ||
[Analyze grammar]

svayamekākṣarā caiva yathoṣmā kṛṣṇavartmanaḥ |
vastūktamatra svātantryātsvātmarūpaprakāśanam || 125 ||
[Analyze grammar]

śrīmanniśākule'pyuktaṃ mithyābhāvitacetasaḥ |
malamāyāvicāreṇa kliśyante svalpabuddhayaḥ || 126 ||
[Analyze grammar]

sphaṭikopalago reṇuḥ kiṃ tasya kurutāṃ priye |
vyomnīva nīlaṃ hi malaṃ malaśaṃkāṃ tatastyajet || 127 ||
[Analyze grammar]

śrīmānvidyāguruścāha pramāṇastutidarśane |
dharmādharmavyāptivināśāntarakāle śakteḥ pāto gāhanikairyaḥ pratipannaḥ || 128 ||
[Analyze grammar]

taṃ svecchātaḥ saṃgiramāṇāḥ stavakādyāḥ svātantryaṃ tattvayyanapekṣaṃ kathayeyuḥ |
tāratamyaprakāśo yastīvramadhyamamandatāḥ || 129 ||
[Analyze grammar]

tā eva śaktipātasya pratyekaṃ traidhamāsthitāḥ |
tīvratīvraḥ śaktipāto dehapātavaśātsvayam || 130 ||
[Analyze grammar]

mokṣapradastadaivānyakāle vā tāratamyataḥ |
madhyatīvrātpunaḥ sarvamajñānaṃ vinivartate || 131 ||
[Analyze grammar]

svayameva yato vetti bandhamokṣatayātmatām |
tatprātibhaṃ mahājñānaṃ śāstrācāryānapekṣi yat. || 132 ||
[Analyze grammar]

pratibhācandrikāśāntadhvāntaścācāryacandramāḥ |
tamastāpau hanti dṛśaṃ visphāryānandanirbharām || 133 ||
[Analyze grammar]

sa śiṣṭaḥ karmakartṛtvācchiṣyo'nyaḥ karmabhāvataḥ |
śiṣṭaḥ sarvatra ca smārtapadakālakulādiṣu || 134 ||
[Analyze grammar]

uktaḥ svayaṃbhūḥ śāstrārthapratibhāpariniṣṭhitaḥ |
yanmūlaṃ śāsanaṃ tena na riktaḥ ko'pi jantukaḥ || 135 ||
[Analyze grammar]

tatrāpi tāratamyotthamānantyaṃ dārḍhyakamprate |
yuktiḥ śāstraṃ gururvādo'bhyāsa ityādyapekṣate || 136 ||
[Analyze grammar]

kampamānaṃ hi vijñānaṃ svayameva punarvrajet |
kasyāpi dārḍhyamanyasya yuktyādyaiḥ kevaletaraiḥ || 137 ||
[Analyze grammar]

yathā yathā parāpekṣātānavaṃ prātibhe bhavet |
tathā tathā gururasau śreṣṭho vijñānapāragaḥ || 138 ||
[Analyze grammar]

anyataḥ śikṣitānantajñāno'pi pratibhābalāt |
yadvetti tatra tatrāsya śivatā jyāyasī ca sā || 139 ||
[Analyze grammar]

na cāsya samayitvādikramo nāpyabhiṣecanam |
na santānādi no vidyāvrataṃ prātibhavartmanaḥ || 140 ||
[Analyze grammar]

ādividvānmahādevastenaiṣo'dhiṣṭhito yataḥ |
saṃskārāstadadhiṣṭhānasiddhyai tattasya tu svataḥ || 141 ||
[Analyze grammar]

devībhirdīkṣitastena sabhaktiḥ śivaśāsane |
dṛḍhatākampratābhedaiḥ so'pi svayamatha vratāt || 142 ||
[Analyze grammar]

tapojapādergurutaḥ svasaṃskāraṃ prakalpayet |
yato vājasineyākhya uktaṃ siñcetsvayaṃ tanum || 143 ||
[Analyze grammar]

ityādyupakramaṃ yāvadante tatpariniṣṭhitam |
abhiṣikto bhavedevaṃ na bāhyakalaśāmbubhiḥ || 144 ||
[Analyze grammar]

śrīsarvavīraśrībrahmayāmalādau ca tattathā |
nirūpitaṃ maheśena kiyadvā likhyatāmidam || 145 ||
[Analyze grammar]

itthaṃ prātibhavijñānaṃ kiṃ kiṃ kasya na sādhayet |
yatprātibhādvā sarvaṃ cetyūce śeṣamahāmuniḥ || 146 ||
[Analyze grammar]

anye tvāhurakāmasya prātibho gururīdṛśaḥ |
sāmagrījanyatā kāmye tenārimansaṃskṛto guruḥ || 147 ||
[Analyze grammar]

niyatermahimā naiva phale sādhye nivartate |
abhiṣiktaścīrṇavidyāvratastena phalapradaḥ || 148 ||
[Analyze grammar]

asadetaditi prāhurguravastattvadarśinaḥ |
śrīsomānandakalyāṇabhavabhūtipurogamāḥ || 149 ||
[Analyze grammar]

tathāhi trīśikāśāstravivṛtau te'bhyadhurbudhāḥ |
sāṃsiddhikaṃ yadvijñānaṃ taccintāratnamucyate || 150 ||
[Analyze grammar]

tadabhāve tadarthaṃ tadāhṛtaṃ jñānamādṛtam |
evaṃ yo veda tattvena tasya nirvāṇagāminī || 151 ||
[Analyze grammar]

dīkṣā bhavatyasandigdhā tilājyāhutivarjitā |
adṛṣṭamaṇḍalo'pyevaṃ yaḥ kaścidvetti tattvataḥ || 152 ||
[Analyze grammar]

sa siddhibhāgbhavennityaṃ sa yogī sa ca dīkṣitaḥ |
avidhijño vidhānajño jāyate yajanaṃ prati || 153 ||
[Analyze grammar]

ityādibhistrīśikoktairvākyairmāheśvaraiḥ sphuṭam |
jñānaṃ dīkṣādisaṃskārasatattvamiti varṇitam || 154 ||
[Analyze grammar]

jñānopāyastu dīkṣādikriyā jñānaviyoginām |
ityetadadhunaivāstā svaprastāve bhaviṣyati || 155 ||
[Analyze grammar]

guruśāstrapramāṇāderapyupāyatvamaṃjasā |
pratibhā paramevaiṣā sarvakāmadughā yataḥ || 156 ||
[Analyze grammar]

upāyayogakramato nirupāyamathākramam |
yadrūpaṃ tatparaṃ tattvaṃ tatra tatra suniścitam || 157 ||
[Analyze grammar]

yastu prātibhabāhyātmasaṃskāradvayasundaraḥ |
ukto'nanyopakāryatvātsa sākṣādvarado guruḥ || 158 ||
[Analyze grammar]

svamuktimātre kasyāpi yāvadviśvavimocane |
pratibhodeti khadyotaratnatārendusūryavat || 159 ||
[Analyze grammar]

tataḥ prātibhasaṃvittyai śāstramasmatkṛtaṃ tvidam |
yo'bhyasyetsa gururnaiva vastvarthā hi viḍambakāḥ || 160 ||
[Analyze grammar]

paropajīvitābuddhyā sarva itthaṃ na bhāsate |
taduktyā na vinā vetti śaktipātasya māndyataḥ || 161 ||
[Analyze grammar]

sphuṭametacca śāstreṣu teṣu teṣu nirūpyate |
kiraṇāyāṃ tathoktaṃ ca gurutaḥ śāstrataḥ svataḥ || 162 ||
[Analyze grammar]

jñānayogyāstathā keciccaryāyogyāstathāpare |
śrīmannandiśikhātantre vitatyaitannirūpitam || 163 ||
[Analyze grammar]

praśnottaramukheneti tadabhagnaṃ nirūpyate |
anirdeśyaḥ śivastatra ko'bhyupāyo nirūpyatām || 164 ||
[Analyze grammar]

iti praśne kṛte devyā śrīmāñchaṃbhurnyarūpayam |
upāyo'tra vivekaikaḥ sa hi heyaṃ vihāpayan || 165 ||
[Analyze grammar]

dadātyasya ca suśroṇi prātibhaṃ jñānamuttamam |
yadā pratibhayā yuktastadā muktaśca mocayet || 166 ||
[Analyze grammar]

paraśaktinipātena dhvastamāyāmalaḥ pumān |
nanu prāgdīkṣayā mokṣo'dhunā tu prātibhātkatham || 167 ||
[Analyze grammar]

iti devyā kṛte praśne prāvartata vibhorvacaḥ |
dīkṣayā mucyate jantuḥ prātibhena tathā priye || 168 ||
[Analyze grammar]

gurvāyattā tu sā dīkṣā badhyabandhanamokṣaṇe |
prātibho'sya svabhāvastu kevalībhāvasiddhidaḥ || 169 ||
[Analyze grammar]

kevalasya dhruvaṃ muktiḥ paratattvena sā nanu |
nṛśaktiśivamuktaṃ hi tattvatrayamidaṃ tvayā || 170 ||
[Analyze grammar]

nā badhyo bandhane śaktiḥ karaṇaṃ kartṛtāṃ spṛśat |
śivaḥ karteti tatproktaṃ sarvaṃ gurvāgamādaṇoḥ || 171 ||
[Analyze grammar]

punarvivekāduktaṃ taduttarottaramucyatām |
kathaṃ vivekaḥ kiṃ vāsya devadeva vivicyate || 172 ||
[Analyze grammar]

ityukte parameśānyā jagādādiguruḥ śivaḥ |
śivāditattvatritayaṃ tadāgamavaśādguroḥ || 173 ||
[Analyze grammar]

adhrottaragairvākyaiḥ siddhaṃ prātibhatāṃ vrajet |
dīkṣāsicchinnapāśatvādbhāvanābhāvitasya hi || 174 ||
[Analyze grammar]

vikāsaṃ tattvamāyāti prātibhaṃ tadudāhṛtam |
bhasmacchannāgnivatsphauṭyaṃ prātibhe gauravāgamāt || 175 ||
[Analyze grammar]

bījaṃ kāloptasaṃsiktaṃ yathā vardheta tattathā |
yogayāgajapairuktairguruṇā prātibhaṃ sphuṭet || 176 ||
[Analyze grammar]

viveko'tīndriyastveṣa yadāyāti vivecanam |
paśupāśapatijñānaṃ svayaṃ nirbhāsate tadā || 177 ||
[Analyze grammar]

prātibhe tu samāyāte jñānamanyattu sendriyam |
vāgakṣiśrutigamyaṃ cāpyanyāpekṣaṃ varānane || 178 ||
[Analyze grammar]

tattyajedbuddhimāsthāya pradīpaṃ tu yathā divā |
prādurbhūtavivekasya syāccidindriyagocare || 179 ||
[Analyze grammar]

dūrācchrutyādivedhādivṛddhikrīḍāvicitritā |
sarvabhāvavivekāttu sarvabhāvaparāṅmukhaḥ || 180 ||
[Analyze grammar]

krīḍāsu suviraktātmā śivabhāvaikabhāvitaḥ |
māhātmyametatsuśroṇi prātibhasya vidhīyate || 181 ||
[Analyze grammar]

svacchāyādarśavatpaśyedbahirantargataṃ śivam |
heyopādeyatattvajñastadā dhyāyennijāṃ citim || 182 ||
[Analyze grammar]

siddhijālaṃ hi kathitaṃ parapratyayakāraṇam |
ihaiva siddhāḥ kāyānte mucyeranniti bhāvanāt || 183 ||
[Analyze grammar]

parabhāvanadārḍhyāttu jīvanmukto nigadyate |
etatte prātibhe bhede lakṣaṇaṃ samudāhṛtam || 184 ||
[Analyze grammar]

śāpānugrahakāryeṣu tathābhyāsena śaktayā |
teṣūdāsīnatāyāṃ tu mucyate mocayetparān || 185 ||
[Analyze grammar]

bhūtendriyādiyogena baddho'ṇuḥ saṃsareddhruvam |
sa eva pratibhāyuktaḥ śaktitattvaṃ nigadyate || 186 ||
[Analyze grammar]

tatpātāveśato muktaḥ śiva eva bhavārṇavāt |
nanvācāryātsendriyaṃ tajjñānamuktamatīndriyam || 187 ||
[Analyze grammar]

vivekajaṃ ca tadbuddhyā tatkathaṃ syānnirindriyam |
iti pṛṣṭo'bhyadhātsvāntadhiyorjāḍyaikavāsanāt || 188 ||
[Analyze grammar]

akṣatvaṃ pravivekena tacchittau bhāsakaḥ śivaḥ |
saṃskāraḥ sarvabhāvānāṃ paratā parikīrtitā || 189 ||
[Analyze grammar]

manobuddhī na bhinne tu kasmiṃścitkāraṇāntare |
viveke kāraṇe hyete prabhuśaktyupavṛṃhite || 190 ||
[Analyze grammar]

na manobuddhihīnastu jñānasyādhigamaḥ priye |
parabhāvāttu tatsūkṣmaṃ śaktitattvaṃ nigadyate || 191 ||
[Analyze grammar]

vivekaḥ sarvabhāvānāṃ śuddhabhāvānmahāśayaḥ |
buddhitattvaṃ tu triguṇamuttamādhamamadhyamam || 192 ||
[Analyze grammar]

aṇimādigataṃ cāpi bandhakaṃ jaḍamindriyam |
nanu prātibhato muktau dīkṣayā kiṃ śivādhvare || 193 ||
[Analyze grammar]

ūce'jñānā hi dīkṣāyāṃ bālavāliśayoṣitaḥ |
pāśacchedādvimucyante prabuddhyante śivādhvare || 194 ||
[Analyze grammar]

tasmāddīkṣā bhavatyeṣu kāraṇatvena sundari |
dīkṣayā pāśamokṣe tu śuddhabhāvādvivekajam || 195 ||
[Analyze grammar]

ityeṣa paṭhito granthaḥ svayaṃ ye boddhumakṣamāḥ |
teṣāṃ śivoktisaṃvādādbodho dārḍhyaṃ vrajediti || 196 ||
[Analyze grammar]

śrīmanniśāṭane cātmaguruśāstravaśāttridhā |
jñānaṃ mukhyaṃ svopalabdhi vikalpārṇavatāraṇam || 197 ||
[Analyze grammar]

mantrātmabhūtadravyāśadivyatattvādigocarā |
śaṃkā vikalpamūlā hi śāmyetsvapratyayāditi || 198 ||
[Analyze grammar]

enamevārthamantaḥsthaṃ gṛhītvā mālinīmate |
evamasyātmanaḥ kāle kasmiṃścidyogyatāvaśāt || 199 ||
[Analyze grammar]

śaivī saṃbadhyate śaktiḥ śāntā muktiphalapradā |
tatsaṃbandhāttataḥ kaścittatkṣaṇādapavṛjyate || 200 ||
[Analyze grammar]

ityuktvā tīvratīvrākhyaviṣayaṃ bhāṣate punaḥ |
ajñānena sahaikatvaṃ kasyacidvinivartate || 201 ||
[Analyze grammar]

rudraśaktisamāviṣṭaḥ sa yiyāsuḥ śivecchayā |
bhuktimuktiprasiddhyarthaṃ nīyate sadguruṃ prati || 202 ||
[Analyze grammar]

tamārādhya tatastuṣṭāddīkṣāmāsādya śāṅkarīm |
tatkṣaṇādvopabhogādvā dehapātācchivaṃ vrajet || 203 ||
[Analyze grammar]

asyārthā ātmanaḥ kācitkalanāmarśanātmikā |
svaṃ rūpaṃ prati yā saiva ko'pi kāla ihoditaḥ || 204 ||
[Analyze grammar]

yogyatā śivatādātmyayogārhatvamihocyate |
pūrvaṃ kiṃ na tathā kasmāttadaiveti na saṃgatam || 205 ||
[Analyze grammar]

tathābhāsanamujjhitvā na hi kālo'sti kaścana |
svātantryāttu tathābhāse kālaśaktirvijṛmbhatām || 206 ||
[Analyze grammar]

natu paryanuyuktyai sā śive tanmahimoditā |
nanu śaivī mahāśaktiḥ saṃbaddhaivātmabhiḥ sthitā |
satyaṃ sācchādanātmā tu śāntā tveṣā svarūpadṛk || 207 ||
[Analyze grammar]

kṣobho hi bheda evaikyaṃ praśamastanmayī tataḥ || 208 ||
[Analyze grammar]

tayā śāntyā tu saṃbaddhaḥ sthitaḥ śaktisvarūpabhāk |
tyaktāṇubhāvo bhavati śivastacchaktidārḍhyataḥ || 209 ||
[Analyze grammar]

tatrāpi tāratamyādivaśācchīghracirāditaḥ |
dehapāto bhavedasya yadvā kāṣṭhāditulyatā || 210 ||
[Analyze grammar]

samastavyavahāreṣu parācīnitacetanaḥ |
tīvratīvramahāśaktisamāviṣṭaḥ sa sidhyati || 211 ||
[Analyze grammar]

evaṃ prāgviṣayo grantha iyānanyatra tu sphuṭam |
granthāntaraṃ madhyatīvraśaktipātāṃśasūcakam || 212 ||
[Analyze grammar]

ajñānarūpatā puṃsi bodhaḥ saṃkocite hṛdi |
saṃkoce vinivṛtte tu svasvabhāvaḥ prakāśate || 213 ||
[Analyze grammar]

rudraśaktisamāviṣṭa ityanenāsya varṇyate |
cihnavargo ya ukto'tra rudre bhaktiḥ suniścalā || 214 ||
[Analyze grammar]

mantrasiddhiḥ sarvatattvavaśitvaṃ kṛtyasaṃpadaḥ |
kavitvaṃ sarvaśāstrārthaboddhṛtvamiti tatkramāt || 215 ||
[Analyze grammar]

svatāratamyayogātsyādeṣāṃ vyastasamastatā |
tatrāpi bhuktau muktau ca prādhānyaṃ carcayedbudhaḥ || 216 ||
[Analyze grammar]

sa ityanto grantha eṣa dvitīyaviṣayaḥ sphuṭaḥ |
anyastu mandatīvrākhyaśaktipātavidhiṃ prati || 217 ||
[Analyze grammar]

mandatīvrācchaktibalādyiyāsāsyopajāyate |
śivecchāvaśayogena sadguruṃ prati so'pi ca || 218 ||
[Analyze grammar]

atraiva lakṣitaḥ śāstre yaduktaṃ parameṣṭhinā |
yaḥ punaḥ sarvatattvāni vettyetāni yathārthataḥ || 219 ||
[Analyze grammar]

sa gururmatsamaḥ prokto mantravīryaprakāśakaḥ |
dṛṣṭāḥ saṃbhāvitāstena spṛṣṭāśca prītacetasā || 220 ||
[Analyze grammar]

narāḥ pāpaiḥ pramucyante saptajanmakṛtairapi |
ye punardīkṣitāstena prāṇinaḥ śivacoditāḥ || 221 ||
[Analyze grammar]

te yatheṣṭaṃ phalaṃ prāpya padaṃ gacchantyanāmayam |
kiṃ tattvaṃ tattvavedī ka ityāmarśanayogataḥ || 222 ||
[Analyze grammar]

pratibhānātsuḥṛtsaṅgādgurau jigamiṣurbhavet |
evaṃ jigamiṣāyogādācāryaḥ prāpyate sa ca || 223 ||
[Analyze grammar]

tāratamyādiyogena saṃsiddhaḥ saṃskṛto'pi ca |
prāgbhedabhāgī jhaṭiti kramātsāmastyatoṃśataḥ || 224 ||
[Analyze grammar]

ityādibhedabhinno hi gurorlābha ihoditaḥ |
tasmāddīkṣāṃ sa labhate sadya eva śivapradām || 225 ||
[Analyze grammar]

jñānarūpāṃ yathā vetti sarvameva yathārthataḥ |
jīvanmuktaḥ śivībhūtastadaivāsau nigadyate || 226 ||
[Analyze grammar]

dehasaṃbandhitāpyasya śivatāyai yataḥ sphuṭā |
asyāṃ bhedo hi kathanātsaṅgamādavalokanāt || 227 ||
[Analyze grammar]

śāstrātsaṃkramaṇātsāmyacaryāsaṃdarśanāccaroḥ |
mantramudrādimāhātmyātsamastavyastabhedataḥ || 228 ||
[Analyze grammar]

kriyayā vāntarākārarūpaprāṇapraveśataḥ |
tadā ca dehasaṃstho'pi sa mukta iti bhaṇyate || 229 ||
[Analyze grammar]

uktaṃ ca śāstrayoḥ śrīmadratnamālāgamākhyayoḥ |
yasminkāle tu guruṇā nirvikalpaṃ prakāśitam || 230 ||
[Analyze grammar]

tadaiva kila mukto'sau yantraṃ tiṣṭhati kevalam |
prārabdhṛkarmasaṃbandhāddehasya sukhiduḥkhite || 231 ||
[Analyze grammar]

na viśaṅketa tacca śrīgamaśāstre nirūpitam |
avidyopāsito deho hyanyajanmasamudbhuvā || 232 ||
[Analyze grammar]

karmaṇā tena bādhyante jñānino'pi kalevare |
jātyāyurbhogadasyaikapraghaṭṭakatayā sthitiḥ || 233 ||
[Analyze grammar]

uktaikavacanāddhiśca yatastenetisaṃgatiḥ |
abhyāsayuktisaṃkrāntivedhaghaṭṭanarodhataḥ || 234 ||
[Analyze grammar]

hutervā mantrasāmarthyātpāśacchedaprayogataḥ |
sadyonirvāṇadāṃ kuryātsadyaḥprāṇaviyojikām || 235 ||
[Analyze grammar]

tatra tveṣo'sti niyama āsanne maraṇakṣaṇe |
tāṃ kuryānnānyathārabdhṛ karma yasmānna śuddhyati || 236 ||
[Analyze grammar]

uktaṃ ca pūrvamevaitanmaṃtrasāmarthyayogataḥ |
prāṇairviyojito'pyeṣa bhuṅkte śeṣaphalaṃ yataḥ || 237 ||
[Analyze grammar]

tajjanmaśeṣaṃ vividhamativāhya tataḥ sphuṭam |
karmāntaranirodhena śīghramevāpavṛjyate || 238 ||
[Analyze grammar]

tasmātprāṇaharīṃ dīkṣāṃ nājñātvā maraṇakṣaṇam |
vidadhyātparameśājñālaṅghanaikaphalā hi sā || 239 ||
[Analyze grammar]

ekastriko'yaṃ nirṇītaḥ śaktipāte'pyathāparaḥ |
tīvramadhye tu dīkṣāyāṃ kṛtāyāṃ na tathā dṛḍhām || 240 ||
[Analyze grammar]

svātmano vetti śivatāṃ dehānte tu śivo bhavet |
uktaṃ ca niśisaṃcārayogasaṃcāraśāstrayoḥ || 241 ||
[Analyze grammar]

vikalpāttu tanau sthitvā dahānte śivatāṃ vrajet |
madhyamadhye śaktipāte śivalābhotsuko'pi san || 242 ||
[Analyze grammar]

bubhukṣuryatra yuktastadbhuktvā dehakṣaye śivaḥ |
mandamadhye tu tatraiva tattve kvāpi niyojitaḥ || 243 ||
[Analyze grammar]

dehānte tattvagaṃ bhogaṃ bhuktvā paścācchivaṃ vrajet |
tatrāpi tāratamyasya saṃbhavācciraśīghratā || 244 ||
[Analyze grammar]

bahvalpabhogayogaśca dehabhūmālpatākramaḥ |
tīvramande madhyamande mandamande bubhukṣutā || 245 ||
[Analyze grammar]

kramānmukhyātimātreṇa vidhinaityantataḥ śivam |
anye yiyāsurityādigranthaṃ prāggranthasaṃgatam || 246 ||
[Analyze grammar]

kurvanti madhyatīvrākhyaśaktisaṃpātagocaram |
yadā pratibhayāviṣṭo'pyeṣa saṃvādayojanām || 247 ||
[Analyze grammar]

icchanyiyāsurbhavati tadā nīyeta sadgurum |
na sarvaḥ pratibhāviṣṭaḥ śaktyā nīyeta sadgurum || 248 ||
[Analyze grammar]

iti brūte yiyāsutvaṃ vaktavyaṃ nānyathā dhruvam |
rudraśaktisamāviṣṭo nīyate sadguruṃ prati || 249 ||
[Analyze grammar]

tena prāptavivekotthajñānasaṃpūrṇamānasaḥ |
dārḍhyasaṃvādarūḍhyāderyiyāsurbhavati sphuṭam || 250 ||
[Analyze grammar]

uktaṃ nandiśikhātantre prācyaṣaṭke maheśinā |
abhilāṣaḥ śive deve paśūnāṃ bhavate tadā || 251 ||
[Analyze grammar]

yadā śaivābhimānena yuktā vai paramāṇavaḥ |
tadaiva te vimuktāstu dīkṣitā guruṇā yataḥ || 252 ||
[Analyze grammar]

prāptimātrācca te siddhasādhyā iti hi gamyate |
tamārādhyeti tu grantho mandatīvraikagocaraḥ || 253 ||
[Analyze grammar]

navadhā śaktipāto'yaṃ śaṃbhunāthena varṇitaḥ |
idaṃ sāramiha jñeyaṃ paripūrṇacidātmanaḥ || 254 ||
[Analyze grammar]

prakāśaḥ paramaḥ śaktipāto'vacchedavarjitaḥ |
tathāvidho'pi bhogāṃśāvacchedenopalakṣitaḥ || 255 ||
[Analyze grammar]

aparaḥ śaktipāto'sau paryante śivatāpradaḥ |
ubhayatrāpi karmādermāyāntarvartino yataḥ || 256 ||
[Analyze grammar]

nāsti vyāpāra ityevaṃ nirapekṣaḥ sa sarvataḥ |
tena māyāntarāle ye rudrā ye ca tadūrdhvataḥ || 257 ||
[Analyze grammar]

svādhikārakṣaye taistairbhairavībhūyate haṭhāt |
ye māyayā hyanākrāntāste karmādyanapekṣiṇaḥ || 258 ||
[Analyze grammar]

śaktipātavaśādeva tāṃ tāṃ siddhimupāśritāḥ |
nanu pūjājapadhyānaśaṃkarāsevanādibhiḥ || 259 ||
[Analyze grammar]

te mantrāditvamāpannāḥ kathaṃ karmānapekṣiṇaḥ |
maivaṃ tathāvidhottīrṇaśivadhyānajapādiṣu || 260 ||
[Analyze grammar]

pravṛttireva prathamameṣāṃ kasmādvivicyatām |
karmatatsāmyavairāgyamalapākādi dūṣitam || 261 ||
[Analyze grammar]

īśvarecchā nimittaṃ cecchaktipātaikahetutā |
japādikā kriyāśaktirevetthaṃ natu karma tat || 262 ||
[Analyze grammar]

karma tallokarūḍhaṃ hi yadbhogamavaraṃ dadat |
tirodhatte bhoktṛrūpaṃ saṃjñāyā tu na no bharaḥ || 263 ||
[Analyze grammar]

teṣāṃ bhogotkatā kasmāditi ceddattamuttaram |
citrākāraprakāśo'yaṃ svatantraḥ parameśvaraḥ || 264 ||
[Analyze grammar]

svātantryāttu tirobhāvabandho bhoge'sya bhoktṛtām |
puṣṇansvaṃ rūpameva syānmalakarmādivarjitam || 265 ||
[Analyze grammar]

uktaṃ seyaṃ kriyāśaktiḥ śivasya paśuvartinī |
bandhayitrīti tatkarma kathyate rūpalopakṛt || 266 ||
[Analyze grammar]

jñātā sā ca kriyāśaktiḥ sadyaḥ siddhyupapādikā |
avicchinnasvātmasaṃvitprathā siddhirihocyate || 267 ||
[Analyze grammar]

sā bhogamokṣasvātantryamahālakṣmīrihākṣayā |
viṣṇvādirūpatā deve yā kācitsā nijātmanā || 268 ||
[Analyze grammar]

bhedayogavaśānmāyāpadamadhyavyavasthitā |
tena tadrūpatāyogācchaktipātaḥ sthito'pi san || 269 ||
[Analyze grammar]

tāvantaṃ bhogamādhatte paryante śivatāṃ natu |
yathā svātantryato rājāpyanugṛhṇāti kaṃcana || 270 ||
[Analyze grammar]

īśaśaktisamāveśāttathā viṣṇvādayo'pyalam |
māyāgarbhādhikārīyaśaktipātavaśāttataḥ || 271 ||
[Analyze grammar]

ko'pi pradhānapuruṣavivekī prakṛtergataḥ |
utkṛṣṭāttata evāśu ko'pi buddhā vivekitām || 272 ||
[Analyze grammar]

kṣaṇātpuṃsaḥ kalāyāśca puṃmāyāntaravedakaḥ |
kalāśrayasyāpyatyantaṃ karmaṇo vinivartanāt || 273 ||
[Analyze grammar]

jñānākalaḥ prāktanastu karmī tasyāśrayasthiteḥ |
sa paraṃ prakṛterbudhne sṛṣṭiṃ nāyāti jātucit || 274 ||
[Analyze grammar]

māyādhare tu sṛjyetānanteśena pracodanāt |
vijñānākalatāṃ prāptaḥ kevalādadhikārataḥ || 275 ||
[Analyze grammar]

malānmantratadīśādibhāvameti sadā śivāt |
patyuḥ parasmādyastveṣa śaktipātaḥ sa vai malāt || 276 ||
[Analyze grammar]

ajñānākhyādviyokteti śivabhāvaprakāśakaḥ |
nānyena śivabhāvo hi kenacitsaṃprakāśate || 277 ||
[Analyze grammar]

svacchandaśāstre tenoktaṃ vādināṃ tu śatatrayam |
triṣaṣṭyabhyadhikaṃ bhrāntaṃ vaiṣṇavādyaṃ niśāntare || 278 ||
[Analyze grammar]

śivajñānaṃ kevalaṃ ca śivatāpattidāyakam |
śivatāpattiparyantaḥ śaktipātaśca carcyate || 279 ||
[Analyze grammar]

anyathā kiṃ hi tatsyādyacchaivyā śaktyānadhiṣṭhitam |
teneha vaiṣṇavādīnāṃ nādhikāraḥ kathaṃcana || 280 ||
[Analyze grammar]

te hi bhedaikavṛttitvādabhede dūravarjitāḥ |
svātantryāttu maheśasya te'pi cecchivatonmukhāḥ || 281 ||
[Analyze grammar]

dviguṇā saṃskriyāstyeṣāṃ liṅgoddhṛtyātha dīkṣayā |
duṣṭādhivāsavigame puṣpaiḥ kumbho'dhivāsyate || 282 ||
[Analyze grammar]

dviguṇo'sya sa saṃskāro netthaṃ śuddhe ghaṭe vidhiḥ |
itthaṃ śrīśaktipāto'yaṃ nirapekṣa ihoditaḥ || 283 ||
[Analyze grammar]

anayaiva diśā neyaṃ mataṅgakiraṇādikam |
granthagauravabhītyā tu tallikhitvā na yojitam || 284 ||
[Analyze grammar]

purāṇe'pi ca tasyaiva prasādādbhaktiriṣyate |
yayā yānti parāṃ siddhiṃ tadbhāvagatamānasāḥ || 285 ||
[Analyze grammar]

evakāreṇa karmādisāpekṣatvaṃ niṣidhyate |
prasādo nirmalībhāvastena saṃpūrṇarūpatā || 286 ||
[Analyze grammar]

ātmanā tena hi śivaḥ svayaṃ pūrṇaḥ prakāśate |
śivībhāvamahāsiddhisparśavandhye tu kutracit || 287 ||
[Analyze grammar]

vaiṣṇavādau hi yā bhaktirnāsau kevalataḥ śivāt |
śivo bhavati tatraiṣa kāraṇaṃ na tu kevalaḥ || 288 ||
[Analyze grammar]

nirmalaścāpi tu prāptāvacchitkarmādyapekṣakaḥ |
yayā yānti parāṃ siddhimityasyedaṃ tu jīvitam || 289 ||
[Analyze grammar]

śrīmānutpaladevaścāpyasmākaṃ paramo guruḥ |
śaktipātasamaye vicāraṇaṃ prāptamīśa na karoṣi karhicit || 290 ||
[Analyze grammar]

adya māṃ prati kimāgataṃ yataḥ svaprakāśanavidhau vilambase |
karhicitprāptaśabdābhyāmanapekṣitvamūcivān || 291 ||
[Analyze grammar]

durlabhatvamarāgitvaṃ śaktipātavidhau vibhoḥ |
aparārdhena tasyaiva śaktipātasya citratām || 292 ||
[Analyze grammar]

vyavadhānacirakṣiprabhedādyairupavarṇitaiḥ |
śrīmatāpyaniruddhena śaktimunmīlinīṃ vibhoḥ || 293 ||
[Analyze grammar]

vyācakṣāṇena mātaṅge varṇitā nirapekṣatā |
sthāvarānte'pi devasya svarūponmīlanātmikā || 294 ||
[Analyze grammar]

śaktiḥ patantī sāpekṣā na kvāpīti suvistarāt |
evaṃ vicitre'pyetasmiñchaktipāte sthite sati || 295 ||
[Analyze grammar]

tāratamyādibhirbhedaiḥ samayyādivicitratā |
kaścidrudrāśatāmātrāpādanāttatprasādataḥ || 296 ||
[Analyze grammar]

śivatvaṃ kramaśo gacchet samayī yo nirūpyate |
kaścicchuddhādhvabandhaḥ san putrakaḥ śīghramakramāt || 297 ||
[Analyze grammar]

bhogavyavadhinā ko'pi sādhakaściraśīghrataḥ |
kaścitsaṃpūrṇakartavyaḥ kṛtyapañcakabhāgini || 298 ||
[Analyze grammar]

rūpe sthito guruḥ so'pi bhogamokṣādibhedabhāk |
samayyādicatuṣkasya samāsavyāsayogataḥ || 299 ||
[Analyze grammar]

kramākramādibhirbhedaiḥ śaktipātasya citratā |
kramikaḥ śaktipātaśca siddhānte vāmake tataḥ || 300 ||
[Analyze grammar]

dakṣe mate kule kaule ṣaḍardhe hṛdaye tataḥ |
ullaṅghanavaśādvāpi jhaṭityakramameva vā || 301 ||
[Analyze grammar]

uktaṃ śrībhairavakule pañcadīkṣāsusaṃskṛtaḥ |
gururullaṅghitādhaḥsthasrotā vai trikaśāstragaḥ || 302 ||
[Analyze grammar]

jñānācārādibhedena hyuttarādharatā vibhuḥ |
śāstreṣvadīdṛśacchrīmatsarvācārahṛdādiṣu || 303 ||
[Analyze grammar]

vāmamārgābhiṣiktastu daiśikaḥ paratattvavit |
tathāpi bhairave tantre punaḥ saṃskāramarhati || 304 ||
[Analyze grammar]

śaivavaimalasiddhāntā ārhatāḥ kārukāśca ye |
sarve te paśavo jñeyā bhairave mātṛmaṇḍale || 305 ||
[Analyze grammar]

kulakālīvidhau coktaṃ vaiṣṇavānā viśeṣataḥ |
bhasmaniṣṭhāprapannānāmityādau naiva yogyatā || 306 ||
[Analyze grammar]

svacchandaśāstre saṃkṣepāduktaṃ ca śrīmaheśinā |
anyaśāstrarato yastu nāsau siddhiphalapradaḥ || 307 ||
[Analyze grammar]

samayyādikramāllabdhābhiṣeko hi gururmataḥ |
sa ca śaktivaśāditthaṃ vaiṣṇavādiṣu ko'nvayaḥ || 308 ||
[Analyze grammar]

chadmāpaśravaṇādyaistu tajjñānaṃ gṛhṇato bhavet |
prāyaścittamatastādṛgadhikāryatra kiṃ bhavet || 309 ||
[Analyze grammar]

phalākāṅkṣāyutaḥ śiṣyastadekāyattasiddhikaḥ |
dhruvaṃ pacyeta narake prāyaścittyupasevanāt || 310 ||
[Analyze grammar]

tirobhāvaprakāro'yaṃ yattādṛśi niyojitaḥ |
gurau śivena tadbhaktiḥ śaktipāto'sya nocyate || 311 ||
[Analyze grammar]

yadātu vaicitryavaśājjānīyāttasya tādṛśam |
viparītapravṛttatvaṃ jñānaṃ tasmādupāharet || 312 ||
[Analyze grammar]

taṃ ca tyajetpāpavṛttiṃ bhavettu jñānatatparaḥ |
yathā caurādgṛhītvārthaṃ taṃ nigṛhṇāti bhūpatiḥ || 313 ||
[Analyze grammar]

vaiṣṇavādestathā śaivaṃ jñānamāhṛtya sanmatiḥ |
sa hi bhedaikavṛttitvaṃ śivajñāne śrute'pyalam || 314 ||
[Analyze grammar]

nojjhatīti dṛḍhaṃ vāmādhiṣṭhitastatpaśūttamaḥ |
śivenaiva tirobhāvya sthāpito niyaterbalāt || 315 ||
[Analyze grammar]

kathaṅkāraṃ patipadaṃ prayātu paratantritaḥ |
svacchandaśāstre proktaṃ ca vaiṣṇavādiṣu ye ratāḥ || 316 ||
[Analyze grammar]

bhramayatyeva tānmāyā hyamokṣe mokṣalipsayā |
vaiṣṇavādiḥ śaivaśāstraṃ melayannijaśāsane || 317 ||
[Analyze grammar]

dhruvaṃ saṃśayamāpanna ubhayabhraṣṭatāṃ vrajet |
svadṛṣṭau paradṛṣṭau ca samayollaṅghanādasau || 318 ||
[Analyze grammar]

pratyavāyaṃ yato'bhyeti carettannedṛśaṃ kramam |
uktaṃ śrīmadgahvare ca parameśena tādṛśam || 319 ||
[Analyze grammar]

nānyaśāstrābhiyuktaṣu śivajñānaṃ prakāśate |
tanna saiddhāntiko vāme nāsau dakṣe sa no mate || 320 ||
[Analyze grammar]

kulakaule trike nāsau pūrvaḥ pūrvaḥ paratra tu |
avacchinno'navacchedaṃ no vettyānantyasaṃsthitaḥ || 321 ||
[Analyze grammar]

sarvaṃsahastato'dhaḥstha ūrdhvastho'dhikṛto guruḥ |
svātmīyādharasaṃsparśātprāṇayannadharāḥ kriyāḥ || 322 ||
[Analyze grammar]

saphalīkurute yattadūrdhvastho gururuttamaḥ |
adhaḥsthadṛkstho'pyetādṛggurusevī bhavetsa yaḥ || 323 ||
[Analyze grammar]

tādṛkśaktinipāteddho yo drāgūrdhvamimaṃ nayet |
tattadgirinadīprāyāvacchinne kṣetrapīṭhake || 324 ||
[Analyze grammar]

uttarottaravijñāne nādhikāryadharo'dharaḥ |
uttarottaramācāryaṃ vidannapyadharo'dharaḥ || 325 ||
[Analyze grammar]

kurvannadhikriyāṃ śāstralaṅghī nigrahabhājanam |
śaktipātabalādeva jñānayogyavicitratā || 326 ||
[Analyze grammar]

śrautaṃ cintāmayaṃ dvyātma bhāvanāmayameva ca |
jñānaṃ taduttaraṃ jyāyo yato mokṣaikakāraṇam || 327 ||
[Analyze grammar]

tattvebhya uddhṛtiṃ kvāpi yojanaṃ sakale'kale |
kathaṃ kuryādvinā jñānaṃ bhāvanāmayamuttamam || 328 ||
[Analyze grammar]

yogī tu prāptatattattvasiddhirapyuttame pade |
sadāśivādye svabhyastajñānitvādeva yojakaḥ || 329 ||
[Analyze grammar]

adhareṣu ca tattveṣu yā siddhiryogajāsya sā |
vimocanāyāṃ nopāyaḥ sthitāpi dhanadāravat || 330 ||
[Analyze grammar]

yastūtpannasamastādhvasiddhiḥ sahi sadāśivaḥ |
sākṣādeṣa kathaṃ martyānmocayedgurutāṃ vrajan || 331 ||
[Analyze grammar]

tenoktaṃ mālinītantre vicārya jñānayogite |
yataśca mokṣadaḥ proktaḥ svabhyastajñānavānbudhaiḥ || 332 ||
[Analyze grammar]

tasmātsvabhyastavijñānataivaikaṃ gurulakṣaṇam |
vibhāgastveṣa me proktaḥ śaṃbhunāthena darśyate || 333 ||
[Analyze grammar]

mokṣajñānaparaḥ kuryādguruṃ svabhyastavedanam |
anyaṃ tyajetprāptamapi tathācoktaṃ śivena tat || 334 ||
[Analyze grammar]

āmodārthī yathā bhṛṅgaḥ puṣpātpuṣpāntaraṃ vrajet |
vijñānārthī tathā śiṣyo gurorgurvantaraṃ vrajet || 335 ||
[Analyze grammar]

śaktihīnaṃ guruṃ prāpya mokṣajñāne kathaṃ śrayet |
naṣṭamūle drume devi kutaḥ puṣpaphalādikam || 336 ||
[Analyze grammar]

uttarottaramutkarṣalakṣmīṃ paśyannapi sthitaḥ |
adhame yaḥ pade tasmātko'nyaḥ syāddaivadagdhakaḥ || 337 ||
[Analyze grammar]

yastu bhogaṃ ca mokṣaṃ ca vāñchedvijñānameva ca |
svabhyastajñāninaṃ yogasiddhaṃ sa gurumāśrayet || 338 ||
[Analyze grammar]

tadabhāve tu vijñānamokṣayorjñāninaṃ śrayet |
bhuktyaṃśe yoginaṃ yastatphalaṃ dātuṃ bhavetkṣamaḥ || 339 ||
[Analyze grammar]

phaladānākṣame yoginyapāyaikopadeśini |
varaṃ jñānī yo'bhyupāyaṃ diśedapica mocayet || 340 ||
[Analyze grammar]

jñānī na pūrṇa evaiko yadi hyaṃśāṃśikākramāt |
jñānānyādāya vijñānaṃ kurvītākhaṇḍamaṇḍalam || 341 ||
[Analyze grammar]

tenāsaṃkhyāngurūnkuryātpūraṇāya svasaṃvidaḥ |
dhanyastu pūrṇavijñānaṃ jñānārthī labhate gurum || 342 ||
[Analyze grammar]

nānāgurvāgamasrotaḥpratibhāmātramiśritam |
kṛtvā jñānārṇavaṃ svābhirvipruṅgiḥ plāvayenna kim || 343 ||
[Analyze grammar]

ā tapanānmoṭakāntaṃ yasya me'sti gurukramaḥ |
tasya me sarvaśiṣyasya nopadeśadaridratā || 344 ||
[Analyze grammar]

śrīmatā kallaṭenetthaṃ guruṇā tu nyarūpyata |
ahamapyata evādhaḥśāstradṛṣṭikutūhalāt || 345 ||
[Analyze grammar]

tārkikaśrautabauddhārhadvaiṣṇavādīnnaseviṣi |
lokādhyātmātimārgādikarmayogavidhānataḥ || 346 ||
[Analyze grammar]

saṃbodhotkarṣabāhulyātkramotkṛṣṭānvibhāvayet |
śrīpūrvaśāstre praṣṭāro munayo nāradādayaḥ || 347 ||
[Analyze grammar]

prāgvaiṣṇavāḥ saugatāśca siddhāntādividastataḥ |
kramāttrikārthavijñānacandrotsukitadṛṣṭayaḥ || 348 ||
[Analyze grammar]

tasmānna gurubhūyastve viśaṅketa kadācana |
gurvantararate mūḍhe āgamāntarasevake || 349 ||
[Analyze grammar]

pratyavāyo ya āmnātaḥ sa itthamiti gṛhyatām |
yo yatra śāstre'dhikṛtaḥ sa tatra gururucyate || 350 ||
[Analyze grammar]

tatrānadhikṛto yastu tadgurvantaramucyate |
yathā tanmaṇḍalāsīno maṇḍalāntarabhūpatim || 351 ||
[Analyze grammar]

svamaṇḍalajigīṣuḥ sansevamāno vinaśyati |
tathottarottarajñānasiddhiprepsuḥ samāśrayan || 352 ||
[Analyze grammar]

adharādharamācāryaṃ vināśamadhigacchati |
evamevordhvavartiṣṇorāgamātsiddhivāñchakaḥ || 353 ||
[Analyze grammar]

māyīyaśāstranirato vināśaṃ pratipadyate |
uktaṃ ca śrīmadānande karma saṃśritya bhāvataḥ || 354 ||
[Analyze grammar]

jugupsate tattasmiṃśca viphale'nyatsamāśrayet |
dināddinaṃ hrasaṃstvevaṃ pacyate rauravādiṣu || 355 ||
[Analyze grammar]

yastūrdhvordhvapathaprepsuradharaṃ gurumāgamam |
jihāsecchaktipātena sa dhanyaḥ pronmukhīkṛtaḥ || 356 ||
[Analyze grammar]

ata eveha śāstreṣu śaiveṣveva nirūpyate |
śāstrāntarārthānāśvastānprati saṃskārako vidhiḥ || 357 ||
[Analyze grammar]

ataścāpyuttamaṃ śaivaṃ yo'nyatra patitaḥ sahi |
ihānugrāhya ūrdhvordhvaṃ netastu patitaḥ kvacit || 358 ||
[Analyze grammar]

ata eva hi sarvajñairbrahmaviṣṇvādibhirnije |
na śāsane samāmnātaṃ liṅgoddhārādi kiṃcana || 359 ||
[Analyze grammar]

itthaṃ viṣṇvādayaḥ śaivaparamārthaikavedinaḥ |
kāṃścitprati tathādikṣuste mohādvimatiṃ śritāḥ || 360 ||
[Analyze grammar]

tathāvidhāmeva matiṃ satyasaṃsparśanākṣamām |
dṛṣṭvaiṣāṃ brahmaviṣṇvādyairbuddhairapi tathoditam || 361 ||
[Analyze grammar]

ityeṣa yuktyāgamataḥ śaktipāto vivecitaḥ || 362 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Tantraloka trayodaśamāhnikam

Cover of edition (2015)

Sri Tantraloka
by Satya Prakash Singh & Swami Maheshvarananda (2015)

The Only Complete Edition with Sanskrit Text and English Translation (Set of 9 Volumes); 9788187471868; [Standard Publishers India]

Buy now!
Cover of edition (2000)

Sri Tantraloka (Set of 8 Volumes)
by Paramahansa Mishra (2000)

[श्री तन्त्रालोकः (संस्कृत एवं हिंदी अनुवाद)] Sanskrit Text with Hindi Translation; Published by Sampurnanand Sanskrit University; With two commentaries: Viveka (विवेक) by Ācārya Śrī Jayaratha and Nīrakṣīraviveka (नीरक्षीरविवेक) by Paramhans Mishra.

Buy now!
Cover of edition (2002)

Tantraloka of Abhinavagupta (with Jnanavati Hindi commentary)
by Radheshyam Chaturvedi (2002)

[आचार्य अभिनवगुप्त द्वारा रचित तंत्रलोक: संस्कृत एवम् हिन्दी अनुवाद (पाँच खंडों में)] Sanskrit Text with Hindi Translation and Commentary; Published by Chaukhambha Vidya Bhawan.

Buy now!
Cover of edition (2018)

Sri Tantraloka of Abhinavagupta
by Giriratna Misra (2018)

With Viveka Saṃskṛta Commentary by Rājānaka Jayaratha; Sanskrit Text, Transliteration, Sarveshwari English commentary; With Glossary and Central Idea of Each Śloka; Published by Chaukhamba Surbharati Prakashan

Buy now!
Like what you read? Consider supporting this website: