Chapter 44

[English text for this chapter is available]

sūta uvāca |
etatpurāṇamakhilaṃ purā skandena bhāṣitam |
bhṛgave brahmaputrāya tasmāllebhe tathāṃ'girāḥ || 1 ||
[Analyze grammar]

tataśca cyavanaḥ prāpa ṛcīkaśca tato muniḥ |
evaṃ paraṃparā prāptaṃ sarveṣu bhuvaneṣvapi || 2 ||
[Analyze grammar]

skāndaṃ purāṇametacca kumāreṇa puroddhṛtam |
yaḥ śṛṇoti satāṃ madhye naraḥ pāpādvimucyate || 3 ||
[Analyze grammar]

idaṃ purāṇamāyuṣyaṃ caturvarṇasukhapradam |
nirmitaṃ ṣaṇmukheneha niyataṃ sumahātmanā || 4 ||
[Analyze grammar]

evametatsamākhyātamākhyānaṃ bhadramastu vaḥ || 5 ||
[Analyze grammar]

maṇḍitaṃ saptabhiḥ khaṇḍaiḥ skāndaṃ yaḥ śṛṇuyānnaraḥ |
na tasya puṇyasaṃkhyānaṃ kartuṃ śakyeta kenacit || 6 ||
[Analyze grammar]

ya idaṃ dharmamāhātmyaṃ brāhmaṇāya prayacchati |
svargaloke vasettāvadyāvadakṣarasaṃkhyayā || 7 ||
[Analyze grammar]

yathā hi varṣato dhārā yathā vā divi tārakāḥ |
gaṃgāyāṃ sikatā yadvattadvatsaṃkhyā na vidyate || 8 ||
[Analyze grammar]

yo naraḥ śṛṇuyādbhaktyā dināni ca kiyanti vai |
sarvārthasiddho bhavati ya etatpaṭhate naraḥ || 9 ||
[Analyze grammar]

putrārthī labhate putrāndhanārthī labhate dhanam |
labhate patikāmā yā patiṃ kanyā manoramam || 10 ||
[Analyze grammar]

samāgamaṃ labhante ca bāndhavāśca pravāsibhiḥ |
skāndaṃ purāṇaṃ śrutvā tu pumānāpnoti vāñchitam || 11 ||
[Analyze grammar]

śṛṇvataḥ paṭhataścaiva sarvakāmapradaṃ nṛṇām || 12 ||
[Analyze grammar]

puṇyaṃ śrutvā purāṇaṃ vai dīrghamāyuśca vindati |
mahīṃ vijayate rājā śatrūṃścāpyadhitiṣṭhati || 13 ||
[Analyze grammar]

vedavicca bhavidvipraḥ kṣatriyo rājyamāpnuyāt |
dhanaṃ dhānyaṃ tathā vaiśyaḥ śūdraḥ sukhamavāpnuyāt || 14 ||
[Analyze grammar]

adhyāyamekaṃ śṛṇuyācchlokaṃ ślokārdhameva vā |
yaḥ ślokapādaṃ śṛṇuyādviṣṇulokaṃ sa gacchati || 15 ||
[Analyze grammar]

śrutvā purāṇametaddhi vācakaṃ yastu pūjayet |
tena brahmā ca viṣṇuśca rudraścaiva prapūjitaḥ || 16 ||
[Analyze grammar]

ekamapyakṣaraṃ yastu guruḥ śiṣye nivedayet |
pṛthivyāṃ nāsti taddravyaṃ yaddattvā hyanṛṇī bhavet || 17 ||
[Analyze grammar]

ataḥ saṃpūjanīyastu vyāsaḥ śāstropadeśakaḥ |
gobhū hiraṇyavastrādyairbhojanaiḥ sārvakāmikaiḥ || 18 ||
[Analyze grammar]

ya evaṃ bhaktiyuktastu śrutvā śāstramanuttamam |
pūjayedupadeṣṭāraṃ sa śaivaṃ padamāpnuyāt || 19 ||
[Analyze grammar]

purāṇaśra vaṇādeva anekabhavasaṃcitam |
pāpaṃ praśamamāyāti sarvatīrthaphalaṃ labhet || 20 ||
[Analyze grammar]

amṛtenodarasthena mriyante sarvadevatāḥ |
kaṇṭhasthitaviṣeṇāpi yo jīvati sa pātu vaḥ || 21 ||
[Analyze grammar]

vyāsa uvāca |
ityuktvoparate sūte śaunakādi maharṣayaḥ |
saṃpūjya vidhivatsūtaṃ praśasyāthābhyanandayan || 22 ||
[Analyze grammar]

ṛṣaya ūcuḥ |
kathito bhavatā sargaḥ pratisargastathaiva ca |
vaṃśānuvaṃśacaritaṃ purāṇānāmanukramaḥ || 23 ||
[Analyze grammar]

manvantarapramāṇaṃ ca brahmāṇḍasya ca vistaraḥ |
jyotiścakrasvarūpaṃ ca yathāvadanuvarṇitam || 24 ||
[Analyze grammar]

dhanyāḥ sma kṛtakṛtyāḥ sma vayaṃ tava mukhāmbujāt |
skāndaṃ mahāpurāṇa hi śrutvā sūtātiharṣitāḥ || 25 ||
[Analyze grammar]

vayaṃ maharṣayo viprāḥ pradadmo'dya tavā'śiṣaḥ |
vyāsaśiṣya mahāprājña ciraṃ jīva sukhī bhava || 26 ||
[Analyze grammar]

iti dattvā'śiṣastasmai dattvā vāsovibhūṣaṇam |
visṛjya lomaśaṃ sūtaṃ yajñakarmāṇyathācaran || 27 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye skandamahāpurāṇaśravaṇapaṭhanapustakapradānapaurāṇikavyāsapūjanamāhātmyavarṇanapūrvakaṃ samastaskāndamahā purāṇagranthasamāptyupasaṃhārasūtasatkāravṛttāntavarṇanaṃnāma catuścatvāriṃśattamo'dhyāyaḥ || 44 ||
[Analyze grammar]