Chapter 43

[English text for this chapter is available]

prahlāda uvāca |
sāvitrīṃ ca bhavānīṃ ca durgāṃ caiva sarasvatīm |
yo'rcayettulasīpatraiḥ sarvakāmasamanvitaḥ || 1 ||
[Analyze grammar]

gṛhītvā tulasīpatraṃ bhaktyā viṣṇuṃ samarcayet |
arcitaṃ tena sakalaṃ sadevāsuramānuṣam || 2 ||
[Analyze grammar]

caturddaśyāṃ maheśānaṃ paurṇamāsyāṃ pitāmaham |
ye'rcayanti ca saptamyāṃ tulasyā ca gaṇādhipam || 3 ||
[Analyze grammar]

śaṃkhodakaṃ tīrthavarādvariṣṭhaṃ pādodakaṃ tīrthavarādvariṣṭham |
naivedyaśeṣaṃ kratukoṭitulyaṃ nirmālyaśeṣaṃ vratadānatulyam || 4 ||
[Analyze grammar]

mukundāśanaśeṣaṃ tu yo bhunakti dinedine |
sikthesikthe bhavetpuṇyaṃ cāndrāyaṇaśatādhikam || 5 ||
[Analyze grammar]

naivedyaśeṣaṃ tulasīvimiśraṃ viśeṣataḥ pādajalena viṣṇoḥ |
yo'śnāti nityaṃ puruṣo murāreḥ prāpnoti yajñāyutakoṭipuṇyam || 6 ||
[Analyze grammar]

yaḥ śrāddhakāle haribhuktaśeṣaṃ dadāti bhaktyā pitṛdevatānām |
tenaiva piṃḍātsutilairvimiśrādākalpakoṭiṃ pitaraḥ sutṛptāḥ || 7 ||
[Analyze grammar]

snānārcanakriyākāle ghaṃṭāvādyaṃ karoti yaḥ |
purato vāsudevasya gavāṃ koṭiphalaṃ labhet || 8 ||
[Analyze grammar]

sarvavādyamayī ghaṃṭā keśavasya sadā priyā |
vādanāllabhate puṇyaṃ yajñakoṭiphalaṃ naraḥ || 9 ||
[Analyze grammar]

vāditrāṇāmabhāve tu pūjākāle ca sarvadā |
ghaṃṭāvādyaṃ naraiḥ kāryyaṃ sarvavādyamayī yataḥ || 10 ||
[Analyze grammar]

tulasīkāṣṭhasaṃbhūtaṃ candanaṃ yacchate hareḥ |
nirddahetpātakaṃ sarvaṃ pūrvajanmaśatārjitam || 11 ||
[Analyze grammar]

dadāti pitṛ piṃḍeṣu tulasīkāṣṭhacandanam |
pitṝṇāṃ jāyate tṛptirgayāśrāddhena vai tathā || 12 ||
[Analyze grammar]

sarveṣāmeva devānāṃ tulasīkāṣṭhacandanam |
pitṝṇāṃ ca viśeṣeṇa sadā'bhīṣṭaṃ hareḥ kalau || 13 ||
[Analyze grammar]

harerbhāgavatā bhūtvā tulasīkāṣṭhacandanam |
nārpayati sadā viṣṇorna te bhāgavatāḥ kalau || 14 ||
[Analyze grammar]

śarīraṃ dahyate yasya tulasīkāṣṭhavahninā |
nīyamāno yamenāpi viṣṇulokaṃ sa gacchati || 15 ||
[Analyze grammar]

yadyekaṃ tulasīkāṣṭhaṃ madhye kāṣṭhasya yasya hi |
dāhakāle bhavenmuktaḥ pāpakoṭiśatāyutaiḥ || 16 ||
[Analyze grammar]

dahyamānaṃ naraṃ dṛṣṭvā tulasīkāṣṭhavahninā |
janmakoṭisahasraistu toṣitastairjanārdanaḥ || 17 ||
[Analyze grammar]

dahyamānaṃ naraṃ sarve tulasīkāṣṭhavahninā |
vimānasthāḥ suragaṇāḥ kṣipaṃti kusumāṃjalīn || 18 ||
[Analyze grammar]

nṛtyaṃtyo'psaraso hṛṣṭā gītaṃ gāyanti susvaram |
jvalate yatra daityendra tulasīkāṣṭhapāvakaḥ || 19 ||
[Analyze grammar]

kurute vīkṣaṇaṃ viṣṇuḥ santuṣṭaḥ saha śaṃbhunā || 20 ||
[Analyze grammar]

gṛhītvā taṃ kare śauriḥ puruṣaṃ svayamagrataḥ |
mārjate tasya pāpāni paśyatāṃ tridivaukasām |
mahotsavaṃ ca kṛtvā tu jayaśabdapuraḥsaram || 21 ||
[Analyze grammar]

sūta uvāca |
prahlādenoditaṃ śrutvā māhātmyaṃ dvārakābhavam |
prahṛṣṭā ṛṣayaḥ sarve tathā daityeśvaro baliḥ || 22 ||
[Analyze grammar]

tataḥ sarve'bhinandyainaṃ prahlādaṃ daityapuṅgavam |
udyuktā dvārakāṃ gatvā draṣṭuṃ kṛṣṇamukhāmbujam || 23 ||
[Analyze grammar]

tataste balinā sārdhaṃ munayaḥ saṃśitavratāḥ |
āgatya dvārakāṃ snātvā gomatyāṃ vidhipūrvakam || 24 ||
[Analyze grammar]

kṛṣṇaṃ dṛṣṭvā samabhyarcya kṛtvā yātrāṃ yathāvidhi |
dattvā dānāni bahuśaḥ kṛtakṛtyāstato'bhavan || 25 ||
[Analyze grammar]

jagmuḥ svīyāni sthānāni baliḥ pātālamāyayau |
prahlādaṃ ca praṇamyāśu mene svasya kṛtārthatām || 26 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye dvārakāmāhātmyaśravaṇādiphalaśrutivarṇanapuraḥsaratulasīpatrakāṣṭhamahimavarṇanapūrvakaṃ prahlādadvijasaṃvāda samāptyanaṃtaraṃ balinā saha dvijakṛtadvārakāyātrāvidhivarṇanaṃnāma tricatvāriṃśattamo'dhyāyaḥ || 43 ||
[Analyze grammar]