Chapter 42

[English text for this chapter is available]

prahlāda uvāca |
vṛṣotsargaṃ kariṣyaṃti vaiśākhyāṃ caiva kārtike |
dvārakāyāṃ piśācatvaṃ muktvā yāṃti pitāmahāḥ || 1 ||
[Analyze grammar]

brahmahatyā surāpānaṃ steyaṃ gurvaṃganāgamaḥ |
evaṃvidhāni pāpāni kṛtvā caiva gurūṇyapi || 2 ||
[Analyze grammar]

snānamātreṇa gomatyāṃ śrīkṛṣṇasya ca darśanāt |
vilayaṃ yāti daityendra kalpakoṭikṛtānyapi || 3 ||
[Analyze grammar]

rukmiṇīṃ ye prapaśyaṃti bhaktiyuktāḥ kalau narāḥ |
purīṃ pradakṣiṇāṃ kṛtvā japtvā nāmasahasrakam || 4 ||
[Analyze grammar]

pradakṣiṇīkṛtaṃ sarvaṃ brahmāṃḍaṃ nātra saṃśayaḥ |
mahādānaistu cānyatra yatphalaṃ parikīrtitam |
dvārakāyāṃ tu rukmiṇyāṃ dṛṣṭāyāṃ jāyate tadā || 5 ||
[Analyze grammar]

dvādaśīvāsare prāpte māhātmyaṃ dvārakābhavam |
paṭhate saṃnidhau viṣṇoḥ śṛṇu vakṣyāmi tatphalam || 6 ||
[Analyze grammar]

sarveṣu caiva lokeṣu kāmacārī virājate |
padmavarṇena yānena kiṃkiṇījālamālinā || 7 ||
[Analyze grammar]

divyaśvetāśvayuktena kāmagena yathāsukham |
ābhūtasaṃplavaṃ yāvatkrīḍate'psarasāṃ gaṇaiḥ || 8 ||
[Analyze grammar]

kṛtakṛtyaśca bhavati kalpakoṭisamanvitaḥ |
yathā nirmathanādagniḥ sarvakāṣṭheṣu dṛśyate |
tathā ca dṛśyate dharmo dvādaśīsevanānnare || 9 ||
[Analyze grammar]

ataḥ paraṃ pravakṣyāmi pitṛbhiḥ parikīrtitam |
api syātsa kule'smākaṃ gomatyāṃ śraddhayā naraḥ |
snātvā saṃpūjya kṛṣṇaṃ ca śrāddhaṃ kuryātsapiṇḍakam || 10 ||
[Analyze grammar]

api syātsa kule'smākaṃ gomatyudadhisaṃgame |
snātvā paśyati yaḥ kṛṣṇamasmākaṃ tāraṇāya vai || 11 ||
[Analyze grammar]

apisyātsa kula'smākaṃ yaḥ śrutvā brāhmaṇānanāt |
dvārakāmāhātmyamidaṃ pūjayiṣyati bhaktitaḥ || 12 ||
[Analyze grammar]

bhaviṣyati kule'smākaṃ yo gaccheddvārakāṃ purīm |
saṃprāpya dvādaśīṃ śuddhāṃ yaḥ kariṣyati jāgaram || 13 ||
[Analyze grammar]

bhaviṣyati kule'smākaṃ putro vā duhitā tathā |
stuvannāmasahasraṃ tu kṛṣṇasyāgre paṭhiṣyati || 14 ||
[Analyze grammar]

api syātsa kule'smākaṃ bhaviṣyati dhṛtavrataḥ |
gopīcandanadānena yastoṣayati vaiṣṇavān || 15 ||
[Analyze grammar]

api syātsa kule'smākaṃ vaiṣṇavānāṃ tu sannidhau |
dvārakāyāśca māhātmyaṃ paṭhiṣyati jitendriyaḥ || 16 ||
[Analyze grammar]

bhaviṣyati kule'smākaṃ māhātmyaṃ dvārakābhavam |
likhitvā kṛṣṇatuṣṭyarthaṃ svagṛhe dhārayiṣyati || 17 ||
[Analyze grammar]

svarṇadānaṃ ca godānaṃ bhūmidānaṃ tathaiva ca |
yāvajjīvaṃ bhaveddattaṃ yenedaṃ dhāritaṃ kalau || 18 ||
[Analyze grammar]

taptakṛcchraṃ mahākṛcchraṃ māsopoṣaṇameva ca |
yāvajjīvaṃ kṛtaṃ tena yenedaṃ śrāvitaṃ kalau || 19 ||
[Analyze grammar]

prāyaścittāni cīrṇāni pāpānāṃ nāśanāya |
dvārakāyāśca māhātmyaṃ yena vistāritaṃ kalau || 20 ||
[Analyze grammar]

tāvattiṣṭhaṃti puruṣe brahmahatyādikāni ca |
yāvanna likhate jaṃturmāhātmyaṃ dvārakābhavam || 21 ||
[Analyze grammar]

dānaiḥ sarvaiśca kiṃ tasya sarvatīrthāvagāhanaiḥ |
dvārakāyāśca māhātmyaṃ yenedaṃ likhitaṃ gṛhe || 22 ||
[Analyze grammar]

sarva duḥkhapraśamanaṃ sarvakāryyaprasādhanam |
caturvargapradaṃ nityaṃ haribhaktivivarddhanam || 23 ||
[Analyze grammar]

na cādhirbhavate nūnaṃ yāmyaṃ tasya bhayaṃ nahi |
māhātmyaṃ paṭhate yatra dvārakāyāḥ samudbhavam || 24 ||
[Analyze grammar]

likhitaṃ tiṣṭhate yasya gṛhe tattīrthameva ca |
balācchuṇuṣva māhātmyaṃ dvārakāyāḥ samudbhavam || 25 ||
[Analyze grammar]

vidhi mantrakriyāhīnāṃ pūjāṃ gṛhṇāti keśavaḥ |
māhātmyaṃ tiṣṭhate nityaṃ likhitaṃ yasya veśmani |
na tasyāgaḥsahasraistu kṛtairlipyati mānavaḥ || 26 ||
[Analyze grammar]

yaḥ paṭhecchṛṇute vāpi māhātmyaṃ dvārakābhavam |
na bhavedbhūtavaikalyaṃ dharmavaikalyameva ca || 27 ||
[Analyze grammar]

yaḥ smaretprātarutthāya māhātmyaṃ dvārakābhavam |
dvādaśīnāṃ ca sarvāsāṃ yaccoktaṃ labhate phalam || 28 ||
[Analyze grammar]

tridaśaiḥ pūjyate nityaṃ vandyate siddhacāraṇaiḥ |
māhātmyaṃ paṭhate yo vai dvārakāyāḥ samudbhavam || 29 ||
[Analyze grammar]

dvārakā vasate yatra tatra viṣṇuḥ sanātanaḥ |
tatra tīrthāni sarvāṇi sarve devāḥ savāsavāḥ |
yajñā vedāśca ṛṣayastrailokyaṃ sacarā caram || 30 ||
[Analyze grammar]

śakto hi dvārakāṃ gaṃtuṃ mānavo na hi putraka |
kṛṣṇadarśanajaṃ puṇyaṃ māhātmyaṃ paṭhato bhavet || 31 ||
[Analyze grammar]

satyaṃ śaucaṃ śrutaṃ vittaṃ suśīlaṃ ca kṣamā'rjavam |
sarvaṃ ca niṣphalaṃ tasya māhātmyaṃ na śṛṇoti yaḥ || 32 ||
[Analyze grammar]

ṣaṇmāse ca bhavetputro lakṣmīścaiva vivarddhate |
tasya yaḥ śṛṇute bhaktyā māhātmyaṃ dvārakābhavam || 33 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe caturthe dvārakāmāhātmye dvārakākṣetre vṛṣotsargādikriyākaraṇa dvārakāmāhātmyaśravaṇādiphalavarṇanaṃnāma dvicatvāriṃśattamo'dhyāyaḥ || 42 ||
[Analyze grammar]