Chapter 35

[English text for this chapter is available]

prahlāda uvāca |
aho kṣetrasya māhātmyaṃ samaṃtāddaśayojanam |
diviṣṭhā yatra paśyaṃti sarvāneva caturbhujān || 1 ||
[Analyze grammar]

aho kṣetrasya māhātmyaṃ dṛṣṭvā nityaṃ caturbhujān |
dvārakāvāsinaḥ sarvānnamasyaṃti divaukasaḥ || 2 ||
[Analyze grammar]

aho kṣetrasya māhātmyaṃ sarvaśāstreṣu viśrutam |
aho kṣetrasya māhātmyaṃ śṛṇvaṃtu ṛṣayo'malāḥ || 3 ||
[Analyze grammar]

muktiṃ necchaṃti yatrasthāḥ kṛṣṇasevotsukāḥ sadā |
yatratyāścaiva pāṣāṇā yatra kvāpi vimuktidāḥ || 4 ||
[Analyze grammar]

api kīṭa pataṃgādyāḥ paśavo'tha sarīsṛpāḥ |
vimuktāḥ pāpinaḥ sarve dvārakāyāḥ prasādataḥ |
kiṃ punarmānavā nityaṃ dvārakāyāṃ vasaṃti ye || 5 ||
[Analyze grammar]

yā gatiḥ sarvajaṃtūnāṃ dvārakāpuravāsinām |
sā gatirdurlabhā nūnaṃ munīnāmūrddhvaretasām || 6 ||
[Analyze grammar]

sarveṣu kṣetratīrtheṣu vasatāṃ varṣakoṭibhiḥ |
tatphalaṃ nimiṣāddheṃna dvārakāyāṃ dinedine || 7 ||
[Analyze grammar]

dvārakāyāṃ sthitāḥ sarve narā nāryyaścaturbhujāḥ |
dvārakāvāsinaḥ sarvānyaḥ paśyetkaluṣāpahān |
satyaṃsatyaṃ dvijaśreṣṭhāḥ kṛṣṇasyātipriyo bhavet || 8 ||
[Analyze grammar]

dvārakāvāsino ye vai niṃdaṃti puruṣādhamāḥ |
kṛṣṇasnehavihīnāste pataṃti duḥkhasāgare || 9 ||
[Analyze grammar]

jayaṃtena bhṛśaṃ trastāḥ śūlāgrāropitāściram |
karṣitāstāḍitāste vai mūrcchitāḥ punarutthitāḥ || 10 ||
[Analyze grammar]

trāhitrāhi jayaṃta tvaṃ vadaṃto hi bhayāturāḥ |
smaraṃtaḥ pūrvapāpaṃ te jayaṃtena pratāḍitāḥ || 11 ||
[Analyze grammar]

jayaṃta uvāca |
kiṃ kṛtaṃ maṃdabhāgyairvo yatpāpaṃ ca sudāruṇam |
sarvaṃ puṇyaphalaṃ labdhvā dvārakāvāsamuttamam || 12 ||
[Analyze grammar]

dvārakāvāsināṃ niṃdā mahāpāpādhikā dhruvam |
na nivarteta tatpāpaṃ sā jñeyā parameśvarī || 13 ||
[Analyze grammar]

ataḥ kṛṣṇājñayā sarvānpāpino daṃḍayāmyaham |
vaiṣṇavānāṃ ca niṃdāyāḥ phalaṃ bhuktvā sudāruṇam || 14 ||
[Analyze grammar]

tatastu dvārakāyāṃ ca puṇyaṃ janma bhaviṣyati |
kṛṣṇaṃ pratoṣya saṃsiddhirbhaviṣyati sudurllabhā || 15 ||
[Analyze grammar]

tasmāttadbhujyatāṃ pāpaṃ jātaṃ vaiṣṇavaniṃdanāt |
tatratyānāṃ prabhurnaiva yama īṣṭe maheśvaraḥ || 16 ||
[Analyze grammar]

śrīprahlāda uvāca |
tasmāddvāravatīṃ gatvā saṃsevyo devanāyakaḥ || 17 ||
[Analyze grammar]

gomatītīramāśritya dvārakāyāṃ prayacchati |
yattu kiṃciddhanaṃ viprāḥ śrūyatāṃ tatphalodayam || 18 ||
[Analyze grammar]

hemabhārasahasraistu ravivāre ravigrahe |
kurukṣetre yadāpnoti gajāśvarathadānataḥ || 19 ||
[Analyze grammar]

sahasraguṇitaṃ tasmātsatyaṃsatyaṃ mayoditam |
hemamāṣārddhamānena dvārakādānayogataḥ || 20 ||
[Analyze grammar]

patrāṇāṃ caiva puṣpāṇāṃ naivedyasikthasaṃkhyayā |
kṛṣṇadevasya pūjāyāmanaṃtaṃ bhavati dvijāḥ || 21 ||
[Analyze grammar]

annadānaṃ tu yaḥ kuryyāddvārakāyāṃ tu tatphalam |
naiva śaknomyahaṃ vaktuṃ brahmā śeṣamaheśvarau || 22 ||
[Analyze grammar]

brāhmaṇaḥ kṣatriyo vaiśyaḥ śūdro vā'pyatha vāṃ'tyajaḥ |
nārī vā dvārakāyāṃ vai bhaktyā vāsaṃ karoti vai || 23 ||
[Analyze grammar]

kulakoṭiṃ samuddhṛtya viṣṇuloke mahīyate |
satyaṃsatyaṃ dvijaśreṣṭhā nānṛtaṃ mama bhāṣitam || 24 ||
[Analyze grammar]

dvārakāvāsinaṃ dṛṣṭvā spṛṣṭvā caiva viśeṣataḥ |
mahāpāpavinirmuktāḥ svargaloke vasaṃti te || 25 ||
[Analyze grammar]

pāṃsuvo dvārakāyā vai vāyunā samudīritāḥ |
pāpināṃ muktidāḥ proktāḥ kiṃ punardvārakā bhuvi || 26 ||
[Analyze grammar]

śrīprahlāda uvāca |
śrūyatāṃ dvijaśārdūlā mahāmohavināśanam |
dvārakāyāśca māhātmyaṃ gomatīkṛṣṇasannidhau || 27 ||
[Analyze grammar]

kuśāvarttātsamārabhya yāvadvai sāgarāvadhi |
yasyāṃ tithau samāyāti siṃhe devapurohitaḥ || 28 ||
[Analyze grammar]

tasyāṃ hi gomatīsnānaṃ dviṣaṅgodāvarīphalam |
avagāhitā prayatnena siṃhāṃte gautamī sakṛt || 29 ||
[Analyze grammar]

godāvaryyāṃ bhavetpuṇyaṃ vasato varṣasaṃkhyayā |
tatphalaṃ samavāpnoti gomatīsevanāddvijāḥ || 30 ||
[Analyze grammar]

gomatyāṃ śraddhayā snānaṃ pūrṇe siṃhasthite gurau |
sahasraguṇitaṃ tatsyāddvāravatyāṃ dinedine || 31 ||
[Analyze grammar]

gacchagaccha mahābhāga dvārakāmiti yo vadet |
tasyāvalokanādeva mucyate sarvapātakaiḥ || 32 ||
[Analyze grammar]

dvāraketi ca yo brūyāddvārakābhimukho naraḥ |
kṛpayā kṛṣṇadevasya muktibhāgī bhaveddhruvam || 33 ||
[Analyze grammar]

dvārakāṃ gomatīṃ puṇyāṃ rukmiṇīṃ kṛṣṇameva ca |
smaraṃti ye'nvahaṃ bhaktyā dvārakāphalabhāginaḥ || 34 ||
[Analyze grammar]

sahasrayojanasthānāṃ yeṣāṃ syāditi mānasam |
dvāravatyāṃ gamiṣyāmo drakṣyāmo dvārakeśvaram || 35 ||
[Analyze grammar]

sarvapāpaiḥ pramucyaṃte dhanyāste lokapāvanāḥ |
kiṃ vācyaṃ dvārakāyātrāṃ ye prakurvaṃti mānavāḥ |
kiṃ punardvārakānāthaṃ kṛṣṇaṃ paśyaṃti ye narāḥ || 36 ||
[Analyze grammar]

mitradhrugbrahmahā goghnaḥ paradārāpahārakaḥ |
mātṛhā pitṛhā caiva brahmasvāpaharastathā || 37 ||
[Analyze grammar]

ete cānye ca pāpiṣṭhā mahāpāpayutāśca ye |
sarvapāpaiḥ pramucyaṃte kṛṣṇadevasya darśanāt || 38 ||
[Analyze grammar]

kiṃ vedaiḥ śraddhayā hīnairvyākhyānairapi kṛtsnaśaḥ |
hemabhārasahasraiḥ kiṃ kurukṣetre ravigrahe || 39 ||
[Analyze grammar]

gajāśvarathadānaiḥ kiṃ kiṃ maṃdirapratiṣṭhayā |
teṣāṃ pūjādinā samyagiṣṭā pūrtādibhiśca kim || 40 ||
[Analyze grammar]

rājasūyāśvamedhādyaiḥ sarvayajñaiśca kiṃ bhavet |
sevanaiḥ kṣetratīrthānāṃ tapobhirvividhaistu kim || 41 ||
[Analyze grammar]

kiṃ mokṣasādhanaiḥ kleśairdhyānayogasamādhibhiḥ |
dvārakeśvarakṛṣṇasya darśanaṃ yasya jāyate || 42 ||
[Analyze grammar]

māhātmyaṃ dvārakāyāstu athavā yaḥ śṛṇoti ca |
viśeṣeṇa tu vaiśākhyāṃ jayaṃtyāścaiva jāgare || 43 ||
[Analyze grammar]

māghyāṃ ca phālgune caitre jyeṣṭhe caiva viśeṣataḥ |
adyāpi dvārakā puṇyā kalāvapi viśeṣataḥ || 44 ||
[Analyze grammar]

yasyāṃ satraṃ prapāṃ kṛtvā prāsādaṃ maṃcameva ca |
yatīnāṃ śaraṇaṃ kṛtvā tīre maṃḍapameva ca || 45 ||
[Analyze grammar]

vāpīkūpataḍāgānāṃ jīrṇoddhāramathāpi vā |
mūrtiṃ viṣṇoḥ pratiṣṭhāpya dattvā vā bhogasādhanam || 46 ||
[Analyze grammar]

śrūyatāṃ tatphalaṃ viprāḥ sarvotkṛṣṭaṃ vadāmyaham |
saṃprāpya vāṃchitānkāmānkṛṣṇānugrahabhājanam || 47 ||
[Analyze grammar]

tejomayeṣu lokeṣu bhuktvā bhogānanukramāt |
prāpnoti viṣṇulokaṃ vai naro devanamaskṛtam || 48 ||
[Analyze grammar]

sthāpayeddvārakāyāṃ vai mūrtiṃ dāruśilāmayīm |
trailokyaṃ sthāpitaṃ tena viṣṇoḥ sāyujyatāmiyāt || 49 ||
[Analyze grammar]

praroho nāsti pāpasya puṇyasya vṛddhiruttamā |
dvārakāyāṃ kathaṃ jātaṃ vailakṣaṇyamidaṃ prabho |
kṣetrebhyaḥ sarvatīrthebhya āścaryyaṃ kathayaṃti te || 50 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye dvārakānāmamāhātmyavarṇanaṃnāma pañcaviṃśo'dhyāyaḥ || 35 ||
[Analyze grammar]