Chapter 23

[English text for this chapter is available]

mārkaṃḍeya uvāca |
dvārakāyāśca māhātmyamiṃdradyumna nibodha me |
kalau nivasate yatra kleśahā rukmiṇīpatiḥ || 1 ||
[Analyze grammar]

kalau kṛṣṇasya māhātmyaṃ ye śṛṇvaṃti paṭhaṃti ca |
na teṣāṃ jāyate vāso yamaloke yugāṣṭakam || 2 ||
[Analyze grammar]

nityaṃ kṛṣṇakathā yasya prāṇādapi garīyasī |
na tasya durllabhaṃ kiṃcidiha loke paraṃ nṛpa || 3 ||
[Analyze grammar]

manvaṃtarasahasraistu kāśīvāsena yatphalam |
tatphalaṃ dvārakāvāse vasatāṃ paṃcabhirdinaiḥ || 4 ||
[Analyze grammar]

kalau nivasate yastu śvapaco dvārakāṃ yadi |
yatīnāṃ gatimāpnoti prāha hyevaṃ prajāpatiḥ || 5 ||
[Analyze grammar]

dvārakāṃ gaṃtukāmaṃ yaḥ pratyahaṃ kurute naraḥ |
phalamāpnoti manujaḥ kurukṣetrasamudbhavam || 6 ||
[Analyze grammar]

somagrahe ca yatproktaṃ yatphalaṃ somanāyake |
dṛṣṭvā tatphalamāpnoti dvāravatyāṃ janārddanam || 7 ||
[Analyze grammar]

puṣkare kārttikīṃ kṛtvā yatphalaṃ varṣakoṭibhiḥ |
tatphalaṃ dvārakāvāse dinenaikena jāyate || 8 ||
[Analyze grammar]

dvārakāyāṃ dinaikena dṛṣṭe devakinaṃdane |
phalaṃ koṭiguṇaṃ jñeyamatra lakṣaśatodbhavam || 9 ||
[Analyze grammar]

kalau nivasatāṃ bhūpa dhanyāsteṣāṃ manorathāḥ |
kṛṣṇasya darśane nityaṃ dvārakāgamane matiḥ || 10 ||
[Analyze grammar]

ekāmapi dvādaśīṃ tu yaḥ karoti nṛpottama |
kṛṣṇasya sannidhau bhūpa dvārakāyāḥ phalaṃ śṛṇu || 11 ||
[Analyze grammar]

dhanyāste kṛtakṛtyāste te janā lokapāvanāḥ |
dṛṣṭaṃ kṛṣṇamukhaṃ yaistu pāpakoṭyayutāpaham || 12 ||
[Analyze grammar]

yatphalaṃ vratasaṃyuktairvāsaraiḥ kṛṣṇasaṃyutaiḥ |
yajñairdānairbṛhadbhiśca dvārakāyāṃ tathaikayā || 13 ||
[Analyze grammar]

kṣīrasnānaṃ prakurvaṃti ye narāḥ kṛṣṇa mūrdhani |
śatāśvamedhajaṃ puṇyaṃ biṃdunā biṃdunā smṛtam || 14 ||
[Analyze grammar]

dadhi kṣīrāddaśaguṇaṃ ghṛtaṃ dadhno daśottaram |
ghṛtāddaśaguṇaṃ kṣaudraṃ kṣaudrāddaśaguṇottaram || 15 ||
[Analyze grammar]

puṣpodakaṃ ca ratnodaṃ varddhanaṃ ca daśottaram |
maṃtrodakaṃ ca gaṃdhodaṃ tathaiva nṛpasattama || 16 ||
[Analyze grammar]

ikṣo rasena snapanaṃ śatavājimakhaiḥ samam |
tathaiva tīrthanīraṃ sa phalaṃ yacchati bhūmipa || 17 ||
[Analyze grammar]

kṛṣṇaṃ snānārdragātraṃ ca vastreṇa parimārjati |
tasya lakṣārjitasyāpi bhavetpāpasya mārjanam || 18 ||
[Analyze grammar]

snāpayitvā jagannāthaṃ puṣpamālāvarohaṇam |
kurute pratipuṣpaṃ tu svarṇaniṣkāyutaṃ phalam || 19 ||
[Analyze grammar]

snānakāle tu devasya śaṃkhādīnāṃ tu vādanam |
kurute brahmaloke tu vasate brahmavāsaram || 20 ||
[Analyze grammar]

snānakāle sa kṛṣṇasya paṭhennāmasahasrakam |
pratyakṣaraṃ labhetpreṣṭaṃ kapilāgośatodbhavam || 21 ||
[Analyze grammar]

phalametanmahīpāla gītāyāḥ parikīrtitam |
gajeṃdramokṣaṇenaivaṃ stavarājena kīrttitam || 22 ||
[Analyze grammar]

stavairṛṣikṛtairanyaiḥ paṭhitaiśca narādhipa |
toṣamāpnoti deveśaḥ sarvānkāmānprayacchati || 23 ||
[Analyze grammar]

kiṃ punarvedapāṭhaṃ tu snānakāle karoti yaḥ |
tasya yallabhate puṇyaṃ na jñātaṃ naranāyaka || 24 ||
[Analyze grammar]

snāna kāle ca saṃprāpte kṛṣṇasyāgre tu nartanam |
gītaṃ caiva punastatra stavanaṃ vadanena hi || 25 ||
[Analyze grammar]

snānakāle tu kṛṣṇasya jayaśabdaṃ karoti yaḥ |
karatāla samāyuktaṃ gītanṛtyaṃ karoti ca || 26 ||
[Analyze grammar]

tatra ceṣṭāṃ prakurvāṇo hasate jalpate'pi vā |
muktaṃ tena paraṃ māturyoniyaṃtrasya nirgamam || 27 ||
[Analyze grammar]

nottānaśāyī bhavati māturaṃke nareśvara |
guṇānpaṭhati kṛṣṇasya yaḥ kāle snānakarmaṇaḥ || 28 ||
[Analyze grammar]

caṃdanāgurumiśreṇa kaṃkumena sugaṃdhinā |
vilepayati yaḥ kṛṣṇaṃ karpūramṛganābhinā |
kalpaṃ tu bhavane viṣṇorvasate pitṛbhiḥ saha || 29 ||
[Analyze grammar]

pratyekaṃ caṃdanādīnāmiṃdradyumna na cānyathā |
nānādeśasamudbhūtaiḥ suvastraiśca sukomalaiḥ || 30 ||
[Analyze grammar]

dhūpayitvā sugaṃdhaiśca yo dhūpayati mānavaḥ |
manvaṃtarāṇi vasate tatsaṃkhyāni harergṛhe || 31 ||
[Analyze grammar]

svaśaktyā devadeveśaṃ bhūṣaṇairbhūṣayaṃti ca |
hemajairatulaiḥ śubhrairmaṇijaiśca suśobhanaiḥ || 32 ||
[Analyze grammar]

teṣāṃ phalaṃ mahārāja rudrāśca vāsavādayaḥ || 33 ||
[Analyze grammar]

jānaṃti munayo naiva varjayitvā tu mādhavam |
ye'rcayaṃti jagannāthaṃ kṛṣṇaṃ kalimalāpaham |
ketakītulasīpatraiḥ puṣpairmālatisaṃbhavaiḥ || 34 ||
[Analyze grammar]

taddeśasaṃbhavaiścānyairbhūribhiḥ kusumairnṛpa |
ekaikaṃ nṛpa śārdūla rājasūyasamaṃ smṛtam || 35 ||
[Analyze grammar]

ye kurvaṃti narāḥ pūjāṃ svaśaktyā rukmiṇīpateḥ |
krīḍaṃti viṣṇuloke te manvataraśataṃ narāḥ || 36 ||
[Analyze grammar]

yaḥ punastulasīpatraiḥ komalamaṃjarīyutaiḥ |
pūjayecchraddhayā yastu kṛṣṇaṃ devakinaṃdanam || 37 ||
[Analyze grammar]

yā gatiryogayuktānāṃ yā gatiryogaśālinām |
yā gatirdānaśīlānāṃ yā gatistīrthasevinām || 38 ||
[Analyze grammar]

yā gatirmātṛbhaktānāṃ dvādaśīṃ vedhavarjitām |
kurvatāṃ jāgaraṃ viṣṇornṛtyatāṃ gāyatāṃ phalam || 39 ||
[Analyze grammar]

vaiṣṇavānāṃ tu bhaktānāṃ yatphalaṃ vedavādinām |
paṭhatāṃ vaiṣṇavaṃ śāstraṃ vaiṣṇavānāṃ tu yacchatām || 40 ||
[Analyze grammar]

tulasīmālayā kṛṣṇaḥ pūjito rukmiṇī patiḥ |
phalametanmahīpāla yacchate nātra saśayaḥ || 41 ||
[Analyze grammar]

yathā lakṣmīḥ priyā viṣṇostulasī ca tato'dhikā |
dvārakāyāṃ samutpannā viśeṣeṇa phalādhikā || 42 ||
[Analyze grammar]

yatra tatra sthito viṣṇustulasīdalamālayā |
pūjito dvārakātulyaṃ puṇyaṃ sa yacchate kalau || 43 ||
[Analyze grammar]

yo'rcayetketakīpatraiḥ kṛṣṇaṃ kalimalāpaham |
patrepatre'śvamedhasyaphalaṃ yacchati bhūbhuja || 44 ||
[Analyze grammar]

yo'rcayenmālatīpuṣpaiḥ kṛṣṇaṃ tribhuvaneśvaram |
tenāptaṃ nāsti saṃdeho yatphalaṃ durlabhaṃ hareḥ || 45 ||
[Analyze grammar]

ṛtukālodbhavaiḥ puṣpairyo'rcayedrukmiṇīpatim |
sarvānkāmānavāpnoti durlabhāndevamānuṣaiḥ || 46 ||
[Analyze grammar]

kṛṣṇenāguruṇā kṛṣṇaṃ dhūpayaṃti kalau yuge |
sakarpūreṇa rājendra kṛṣṇatulyā bhavaṃti te || 47 ||
[Analyze grammar]

sājyena guggulenāpi sugaṃdhena janārddanam |
dhūpayitvā naro yāti padaṃ bhūyaḥ sadā śivam || 48 ||
[Analyze grammar]

yo dadāti mahīpāla kṛṣṇasyāgre tu dīpakam |
pātakaṃ tu samutsṛjya jyotīrūpaṃ labhetpadam || 49 ||
[Analyze grammar]

dvāre kṛṣṇasya yo nityaṃ dīpamālāṃ karoti hi |
saptadvīpavatīrājyaṃ dvīpedvīpe phalaṃ labhet || 50 ||
[Analyze grammar]

naivedyāni manojñāni kṛṣṇāya vinivedayet |
kalpāṃtaṃ tatpitṝṇāṃ hi tṛptirbhavati śāśvatī || 51 ||
[Analyze grammar]

phalāni yacchate yo vai suhṛdyāni nareśvara |
jāyaṃte tasya kalpāṃtaṃ saphalāstu manorathāḥ || 52 ||
[Analyze grammar]

tāṃbūlaṃ tu sakarpūraṃ sapūgaṃ naranāyaka |
kṛṣṇāya yacchate yo vai padaṃ tasyāgnidaivatam || 53 ||
[Analyze grammar]

sanīraṃ karpuropetaṃ kuṃbhaṃ kṛṣṇāgrato nyaset |
kalpāṃte na jalāpekṣāṃ kurvaṃti ca pitāmahāḥ || 54 ||
[Analyze grammar]

vyajanenātha vastreṇa subhaktyā mātariśvanā |
devadevasya rājendra kurute dharmavāraṇam || 59 ||
[Analyze grammar]

tatkule nāsti pāpiṣṭho na ca loke yamasya ca |
vāyulokānmahīpāla na punarvidyate gatiḥ || 56 ||
[Analyze grammar]

kṛṣṇaveśmani yaḥ kuryyātsadhūpaṃ puṣpamaṃḍapam |
sapuṣpakavimānaistu krīḍate koṭibhirddivi || 57 ||
[Analyze grammar]

calaccāmaravātena kṛṣṇaṃ yastoṣayennaraḥ |
tasyottamāṃgaṃ deveśaścuṃbate svamukhena hi || 58 ||
[Analyze grammar]

yaḥ kuryātkṛṣṇabhavanaṃ kadalīstaṃbhaśobhitam |
vasatyarkaloke tu yāvadvasati medinī || 59 ||
[Analyze grammar]

dhūpaṃ caṃdanamālāṃ tu kurute kṛṣṇasadmani |
devakanyāyutairlakṣaiḥ sevyate suranāyakaiḥ || 60 ||
[Analyze grammar]

dhvajamāropayedyastu prāsādopari bhaktitaḥ |
tasya brahmapade vāsaḥ krīḍate brahmaṇā saha || 61 ||
[Analyze grammar]

prāṃgaṇaṃ varṇakopetaṃ svastikaiśca samanvitaiḥ |
devadevasya kurute krīḍate bhuvanatraye || 62 ||
[Analyze grammar]

yo dadyānmaṇḍape puṣpaprakaraṃ rukmiṇīpateḥ |
devodyāneṣu sarveṣu krīḍate naranāyakaiḥ || 63 ||
[Analyze grammar]

prāsāde devadevasya citrakarma karoti yaḥ |
vasate rudraloke tu yāvattiṣṭhaṃti sāgarāḥ || 64 ||
[Analyze grammar]

dadyāccandramayaṃ yastu kṛṣṇopari nareśvara |
vasate dvārakāṃ yāvatsomaloke sa tiṣṭhati || 65 ||
[Analyze grammar]

chatraṃ bahuśalākaṃ tu kiṃkiṇīvasraguṇṭhitam |
divyaratnaiśca saṃyuktaṃ hemadaṇḍasamanvitam || 66 ||
[Analyze grammar]

samarpayati kṛṣṇāya cchatraṃ lakṣārbudairvṛtam |
amaraiḥ sahitaḥ sarvaiḥ krīḍate pitṛbhiḥ saha || 67 ||
[Analyze grammar]

dadyānnaravimānaṃ tu kṛṣṇāya naranāyaka |
satkṛto dhanadenaiva vasate brahmavāsaram || 68 ||
[Analyze grammar]

kṛtā pūjā dikaṃ bhūpa jvalaṃtaṃ kṛṣṇamūrddhani |
ārārtikaṃ prakurvāṇo modate kṛṣṇasannidhau || 69 ||
[Analyze grammar]

dīptimaṃtaṃ sakarpūraṃ karotyārārtikaṃ nṛpa |
kṛṣṇasya vasate loke saptakalpāni mānavaḥ || 70 ||
[Analyze grammar]

dhṛtvā śaṃkhodakaṃ yastu bhrāmayetkeśavopari |
saṃnidhau vasate viṣṇoḥ kalpāṃtaṃ kṣīrasāgare || 71 ||
[Analyze grammar]

evaṃ kṛtvā tu kṛpṇasya yaḥ karoti pradakṣiṇām |
paṭhannāmasahasraṃ tu stavamanyaṃ paṭhannṛpa |
saptadvīpavatīpuṇyaṃ labhate tu padepade || 72 ||
[Analyze grammar]

kuryyāddaṇḍanamaskāramaśvamedhāyutaiḥ samam |
kṛṣṇaṃ saṃtoṣayedyastu sugītairmadhuraiḥ svaraiḥ |
sāmavedaphalaṃ tasya jāyate nātra saṃśayaḥ || 73 ||
[Analyze grammar]

yo nṛtyati prahṛṣṭātmā bhāvairbahu subhaktitaḥ |
sa nirddahati pāpāni manvaṃtarakṛtānyapi || 74 ||
[Analyze grammar]

yaḥ kṛṣṇāgre mahābhaktyā kuryyātpustakavācanam |
pratyakṣaraṃ labhetpuṇyaṃ kapilāśatadānajam || 75 ||
[Analyze grammar]

ṛgyajuḥsāmabhirvāgbhiḥ kṛṣṇaṃ saṃtoṣayaṃti ye |
kalpāṃtaṃ brahmaloke tu te vasaṃti dvijottamāḥ || 76 ||
[Analyze grammar]

yogaśāstrāṇi vedāṃtā npurāṇaṃ kṛṣṇasannidhau |
paṭhaṃti ravibiṃbaṃ te bhittvā yāṃti harerlayam || 77 ||
[Analyze grammar]

gītā nāmasahasraṃ tu stavarājo hyanusmṛtiḥ |
gajendramokṣaṇaṃ caiva kṛṣṇasyātīva vallabham || 78 ||
[Analyze grammar]

śrīmadrāgavataṃ yastu paṭhate kṛṣṇasannidhau |
kulakoṭiśatairyuktaḥ krīḍate yogibhiḥ sadā || 79 ||
[Analyze grammar]

yaḥ paṭhedrāmacaritaṃ bhārataṃ vyāsabhāṣitam |
purāṇāni mahīpāla prāpto muktiṃ na saṃśayaḥ || 80 ||
[Analyze grammar]

dvādaśīvāsare prāpta evaṃ kurvaṃti ye narāḥ |
gītādyaiḥ śatasāhasraṃ puṇyaṃ yacchati keśavaḥ || 81 ||
[Analyze grammar]

jāgare koṭiguṇitaṃ puṇyaṃ bhavati bhūbhipa |
vasatāṃ dvārakāvāsātpratyahaṃ labhate phalam || 82 ||
[Analyze grammar]

gomatīnīrapūtānāṃ kṛṣṇavaktrāvaloki nām |
darśanātpātakaṃ teṣāṃ yāti varṣaśatārjitam || 83 ||
[Analyze grammar]

dhanyāste mānuṣe loke gomatyudadhivāriṇā |
tarpayaṃti pitṝndevāngatvā dvāravatīṃ kalau || 84 ||
[Analyze grammar]

gaṃgādvāre prayāge ca gaṃgāyāṃ kurujāṃgale |
prabhāse śuklatīrthe ca śrīsthale puṣkare'pi ca || 85 ||
[Analyze grammar]

snānena piṃḍadānena pitṝṇāṃ tarpaṇe kṛte |
tṛptirbhavati bhūpāla tathā gomatidarśanāt || 86 ||
[Analyze grammar]

yojanairbahubhistiṣṭhangomatīti ca yo vadet |
cāṃdrāyaṇasahasrasya phalamāpnoti yatnataḥ || 87 ||
[Analyze grammar]

dhanyā dvāravatī loke vahate yatra gomatī |
svayaṃ tu tiṣṭhate yatra nityaṃ rukmiṇivallabhaḥ || 88 ||
[Analyze grammar]

na snātā gomatītīre kalau pāpena mohitāḥ |
bhaviṣyati kathaṃ teṣāṃ pāpabaṃdhasya saṃkṣayaḥ || 89 ||
[Analyze grammar]

nirmitā svarganiḥśreṇī kalau kṛṣṇena gomatī |
manasaḥ prītijananī jaṃtūnāṃ narasattama || 90 ||
[Analyze grammar]

na dṛśyaṃ svargasopānaṃ dṛśyate gomatīsamam |
sukhadaṃ pāpināṃ puṃsāṃ snānamātreṇa mokṣadam || 91 ||
[Analyze grammar]

gomatīnīrasaṃyukto yatra garjati sāgaraḥ |
tatra gacchennaravyāghra kṛṣṇastiṣṭhati yatra vai || 92 ||
[Analyze grammar]

yatra cakrāṃkitaśilā gomatyudadhiniḥsṛtāḥ |
yacchaṃti pūjitā mokṣaṃ tāṃ purīṃ ko na sevate || 93 ||
[Analyze grammar]

yatra cakrāṃkitā mṛtsnā tiṣṭhate nirmalā nṛpa |
kalau pāpavināśārthaṃ tāṃ purīṃ ko na sevate || 94 ||
[Analyze grammar]

apradṛśyā purā loke daityadānavarakṣasām |
śaraṇyā devatādīnāṃ purīṃ tāṃ ko na sevate || 95 ||
[Analyze grammar]

tyajate yāṃ kalau naiva kṛṣṇo devakinandanaḥ |
karmaṇā manasā vācā tāṃ purīṃ ko na sevate || 96 ||
[Analyze grammar]

mārkaṃḍeya uvāca |
śṛṇu rājanpravakṣyāmi kathāṃ pāpapraṇāśinīm |
yāṃ śrutvā mucyate nūnaṃ duḥkhasaṃsāra baṃdhanāt || 97 ||
[Analyze grammar]

avantīviṣaye pūrvaṃ brāhmaṇo vedapāragaḥ |
caṃdraśarmeti vikhyātaḥ śivabhaktaḥ sadā nṛpa || 98 ||
[Analyze grammar]

manasā karmaṇā vācā nānyaṃ dhyāti sadāśivāt |
śaivādvratādvrataṃ nānyatkaroti ca narādhipa || 99 ||
[Analyze grammar]

nopavāsaṃ haridine kurute na vrataṃ hareḥ |
vinā caturdaśīṃ rājannānyadevasamudbhavam || 100 ||
[Analyze grammar]

yatrayatra śivakṣetraṃ yatra tīrthaṃ tu śāṃkaram |
tatra gacchati rājendra vaiṣṇavaṃ naiva gacchati || 101 ||
[Analyze grammar]

prativarṣaṃ tu kurute somanāthasya darśanam |
na jahāti viśeṣeṇa somaparva nareśvara || 102 ||
[Analyze grammar]

evaṃ prakurvatastasya varṣāṇi navasaptatiḥ |
gatāni kila rājendra śivabhaktiṃ prakurvataḥ || 103 ||
[Analyze grammar]

kadācitsomaparvaṇyāgate somopanāyakam |
nānādeśānmahīpāla hyasaṃkhyātāśca mānavāḥ || 104 ||
[Analyze grammar]

gatāḥ kṛṣṇapurīṃ sarve dṛṣṭvā someśvaraṃ prabhum |
āhūtastaiścaṃdraśarmā na gato dvārakāṃ purīm || 105 ||
[Analyze grammar]

śivakṣetrātparaṃ tīrthaṃ nāhaṃ manye jaga ttraye |
nānyadevo mayā jñāta īśvarāddevanāyakāt || 106 ||
[Analyze grammar]

vinā'nye caṃdraśarmāṇaṃ gatāste dvārakāṃ purīm |
anyasmindivase rājangacchataḥ svagṛhaṃ prati |
cakruste darśanaṃ svapne caṃdraśarmapitāmahāḥ || 108 ||
[Analyze grammar]

pretabhūtā mahākāyāḥ kṣutkṣāmāścaiva bhīṣaṇāḥ |
dṛṣṭvā svapnaṃ mahā raudraṃ bhīto'sau ca prakaṃpitaḥ || 109 ||
[Analyze grammar]

candraśarmovāca |
ke yūyaṃ vikṛtākārā jaṃtūnāṃ ca bhayānakāḥ |
pṛthvīsamudbhavā jīvā na dṛṣṭā na śrutā mayā || 110 ||
[Analyze grammar]

pretā ūcuḥ |
mā bhayaṃ kuru vipreṃdra tava pūrvapitāmahāḥ |
āgatāstvatsamīpe tu mahāduḥkhena pīḍitāḥ || 111 ||
[Analyze grammar]

candraśarmovāca |
iṣṭaṃ dattaṃ tapastaptaṃ bhavadbhirmatpitāmahaiḥ |
pretatve kāraṇaṃ yatsyādbhavatāṃ vismayo mama || 112 ||
[Analyze grammar]

pretā ūcuḥ |
śṛṇu putra pravakṣyāmaḥ pretayonestu kāraṇam |
vāsaraṃ vāsudevasya sadā viddhaṃ kṛtaṃ purā || 113 ||
[Analyze grammar]

pretatvaṃ tena saṃprāptamasmābhiḥ śṛṇu putraka |
viśeṣeṇa kṛtaṃ rātrau viddhaṃ jāgaraṇaṃ hareḥ || 114 ||
[Analyze grammar]

patanaṃ narake ghore bhaviṣyati na saṃśayaḥ |
tvayā saha na saṃdeho yāvadābhūtasaṃplavam || 115 ||
[Analyze grammar]

candraśarmovāca |
haribhaktivihīnānāṃ dvādaśīvratavarjinām |
nāśaṃ na yāti pretatvaṃ pūjitaiḥ śaṃkarādibhiḥ || 116 ||
[Analyze grammar]

na vā santoṣito devo bhaktyā tripuranāśanaḥ |
pradāsyati gatiṃ nūnaṃ pretatvaṃ na gamiṣyati || 117 ||
[Analyze grammar]

pretā ūcuḥ |
prāyaścittaṃ vinā putra dvādaśīvedhasaṃbhavam |
āpanna gacchate nūnaṃ pretatvaṃ naiva gacchati || 118 ||
[Analyze grammar]

prāyaścittī sadā putra pūjayāno'pi śaṃkaram |
vinā keśavapūjābhiḥ pāpaṃ bhajati govadham || 119 ||
[Analyze grammar]

prathamaṃ keśavaḥ pūjyaḥ paścāddevo maheśvaraḥ |
pūjanīyāśca bhaktyā vai yāścānyāḥ saṃti devatāḥ || 120 ||
[Analyze grammar]

mūlācchākhāḥ praśākhāśca bhavaṃti bahuśastataḥ |
vāsudevātsamudbhūtaṃ jagadetaccarācaram || 121 ||
[Analyze grammar]

tasmānmūlaṃ parityajya śākhāṃ naivārcayedbudhaḥ |
viśeṣeṇa jagannāthaṃ trailokyādhipatiṃ harim || 122 ||
[Analyze grammar]

taddine ye prakurvaṃti samyagvedhena śobhitam |
saśalyaṃ tanna saṃdehaḥ pretatvaṃ yāti tena ca || 123 ||
[Analyze grammar]

havyaṃ devā na gṛhṇanti kavyaṃ ca pitarastathā |
pūjāṃ gṛhṇāti no sūryastathā caiva pitāmahāḥ || 124 ||
[Analyze grammar]

pretāste ye prakurvaṃti saśalyaṃ vāsaraṃ hareḥ |
paurṇamāsīdvaye prāpte rākā sāgnivivarjitā || 125 ||
[Analyze grammar]

viśeṣeṇa tu vaiśākhī śrāddhādīnāṃ praśasyate |
vaiśākhe tu tṛtīyāṃ vai pūrvaviddhāṃ karoti yaḥ || 126 ||
[Analyze grammar]

havyaṃ devā na gṛhṇaṃti kavyaṃ caiva pitāmahāḥ |
yatra devā na gṛhṇaṃti kathaṃ tatra pitāmahāḥ |
tasmātkāryyā tṛtīyā ca pūrvaviddhā budhairnaraiḥ || 127 ||
[Analyze grammar]

kurvate yadi mohādvā pretatvaṃ śāśvataṃ tataḥ |
nāpayāti kṛtaiḥ puṇyairbahuśastīrthasevanaiḥ || 128 ||
[Analyze grammar]

daśamīṃ paurṇamāsīṃ ca pitroḥ sāṃvatsaraṃ dinam |
pūrvaviddhaṃ prakurvāṇo narakaṃ pratipadyate || 129 ||
[Analyze grammar]

darśaśca paurṇamāsī ca sāgnikaiḥ pūrvasaṃyutā |
nāgnihīnaistu karttavyā punarāha prajāpatiḥ || 130 ||
[Analyze grammar]

kṣayāhe tu punaḥ proktā svakālavyāpinī tithiḥ |
śrāddhaṃ tatra prakartavyaṃ hrāsavṛddhī na kāraṇam || 131 ||
[Analyze grammar]

tatroktaṃ manunā putra vedāṃtairbhāṣyakāribhiḥ |
tatpramāṇaṃ prakartavyaṃ pretatvaṃ bhavato'nyathā || 132 ||
[Analyze grammar]

etai prakāraiḥ pretatvaṃ prāṇināṃ jāyate bhuvi |
nirīkṣya dharmaśāstrāṇi kāryyaṃ vihitamātmanaḥ || 133 ||
[Analyze grammar]

praṇamya somanāthaṃ tu yātrāṃ kṛtvā na gacchati |
kṛṣṇasya darśanārthāya tasya kiṃ jāyate phalam || 134 ||
[Analyze grammar]

kathyate paramā mūrtirharirīśvarasaṃ saṃsthitā |
vibhedo nātra kartavyo yathā śaṃbhustathā hariḥ || 135 ||
[Analyze grammar]

kṛṣṇasya somanāthasya nāṃtaraṃ dṛśyate kvacit |
yātrā śrīsomanāthasya saṃpūrṇā kṛṣṇadarśanāt || 136 ||
[Analyze grammar]

tasmādubhayataḥ putra gantavyaṃ nātra saṃśayaḥ |
dṛṣṭvā someśvaraṃ devaṃ gaṃtavyaṃ dvārakāṃ prati || 137 ||
[Analyze grammar]

prabhāse somanāthasya liṃgamadhye vyavasthitaḥ |
svayaṃ tiṣṭhati puṇyātmā bhogaṃ gṛhṇāti keśavaḥ || 138 ||
[Analyze grammar]

dṛṣṭvā someśvaraṃ devaṃ dvārakāṃ na naro gataḥ |
patanaṃ narake ghore pitṝṇāṃ ca bhaviṣyati || 139 ||
[Analyze grammar]

viśeṣeṇa tvayā vatsa na kṛtaṃ dvādaśīvratam |
vrataṃ kṛtaṃ yadasmābhistatkṛtaṃ vedhasaṃyutam |
nirgamaṃ yamalokāddhi tadasmākaṃ na dṛśyate || 140 ||
[Analyze grammar]

candraśarmovāca |
yadi tāta mayā'jñānānna kṛtaṃ dvādaśīvratam |
kasmātkṛtaṃ saśalyaṃ tu bhavadbhirdvādaśīvratam || 141 ||
[Analyze grammar]

pretā ūcuḥ |
kuvipraistu kudaivajñaiḥ śukramāyāvimohitaiḥ |
pāruṣyatāhetukaiśca pretayonimimāṃ gatāḥ || 142 ||
[Analyze grammar]

dattaṃ taptaṃ hutaṃ japtamasmākaṃ viphalaṃ gatam |
saṃprāptā pretayonistu saśalyādvādaśīvratāt || 143 ||
[Analyze grammar]

saśalyaṃ ye prakurvaṃti vāsaraṃ keśava priyam |
teṣāṃ pitāmahāḥ svargātpretatvaṃ yāṃti putraka || 144 ||
[Analyze grammar]

candraśarmovāca |
pretatvaṃ nāśamāyāti kathametatpitāmahāḥ |
karmaṇā kena tatsarvaṃ yaccāhaṃ prakaromi tat || 145 ||
[Analyze grammar]

pretā ūcuḥ |
mā gayāṃ mā prayāgaṃ ca puṣkare kurujāṃgale |
ayodhyāyāmavaṃtyāṃ vā madhurāyāṃ na cārbude || 146 ||
[Analyze grammar]

na cānyattīrthalakṣaṃ tu varjayitvā tu gomatīm |
gaṃgā sarasvatī caiva narmadā naiva puṣkaram || 147 ||
[Analyze grammar]

yādṛśaṃ gomatītīre kalau pretatvanāśanam |
gomatīnīradānena kṛṣṇavaktravilokanāt || 148 ||
[Analyze grammar]

vilayaṃ yāṃti pāpāni janmakoṭikṛtānyapi |
vṛthā saṃnyāsināṃ puṇyaṃ vṛthā ca vanavāsinām || 149 ||
[Analyze grammar]

saśalyaṃ vāsaraṃ viṣṇoḥ kurvaṃti yadi putraka |
tasmādgaccha mukhaṃ paśya pūrṇacandrasamaṃ mukham || 150 ||
[Analyze grammar]

kṛṣṇasya dvārakāṃ gatvā yathāsmākaṃ gatirbhavet |
viphalaṃ tava saṃjātā na kṛtaṃ yadupārjjitam || 151 ||
[Analyze grammar]

tadvyartha sakalaṃ jātaṃ vinā keśava pūjanāt |
vinā keśavapūjāyāḥ śaṃkaro yastvayārccitaḥ |
tatpuṇyaṃ viphalaṃ jātaṃ pretayoniṃ gamiṣyasi || 152 ||
[Analyze grammar]

saṃpūrṇaṃ tava puṇyaṃ ca dvārakā kṛṣṇadarśanāt |
bhaviṣyati na sandeho gomatyudadhisannidhau || 153 ||
[Analyze grammar]

dṛṣṭvā someśvaraṃ devaṃ kṛṣṇaṃ yadi na paśyati |
yātrāphalaṃ na cāpnoti vadatyevaṃ svayaṃ śivaḥ || 154 ||
[Analyze grammar]

dṛṣṭo'haṃ tairna sandeho yaiḥ kṛtaṃ kṛṣṇadarśanam |
ekā mūrtirna sandeho mama kṛṣṇasya nāṃtaram || 155 ||
[Analyze grammar]

dṛṣṭvā māṃ dvārakāṃ gatvā karttavyaṃ kṛṣṇadarśanam |
dṛṣṭvā kṛṣṇaṃ tu māṃ paśyedyāsyatyeva mahāphalam || 156 ||
[Analyze grammar]

kṛṣṇadarśanapūtātmā yo māṃ paśyati mānavaḥ |
na tasya punarāvṛttirmama lokācca vaiṣṇavāt || 157 ||
[Analyze grammar]

ityāha devadeveśaḥ svayaṃ somapatiḥ purā |
viprāṇāṃ śrutamasmābhirvadatāṃ puṣkare satām || 158 ||
[Analyze grammar]

tasmādgaccha prayāṇārtha kuru kṛṣṇasya darśanam |
anyathā yāsyase yoniṃ paiśācīṃ pāpadāyinīm || 159 ||
[Analyze grammar]

kṛtāparādho'pi yadā kurute kṛṣṇadarśanam |
mucyate nā'tra saṃdehaḥ pāpājjanmakṛtādapi || 160 ||
[Analyze grammar]

pūjite devadeveśe kṛṣṇe devakinandane |
pūjitā devatāḥ sarvā brahmarudrabhagādikāḥ || 161 ||
[Analyze grammar]

vinā kṛṣṇasya pūjāṃ ca rudrādyāstridivaukasaḥ |
pūjitā naiva kurvaṃti tuṣṭiṃ putra pitāmahāḥ || 162 ||
[Analyze grammar]

tasmāddvāravatīṃ gatvā kṛṣṇasya darśanaṃ kuru |
pretayonervinirmuktā yāsyāmaḥ paramāṃ gatim || 163 ||
[Analyze grammar]

gomatīnīradhautāni yasyāṃgāni kalau yuge |
munibhiryonigamanaṃ tasya dṛṣṭaṃ na putraka || 164 ||
[Analyze grammar]

tāḍitāḥ pādayugmena gomatīnīravīcayaḥ |
agatīnāṃ prakurvati gatiṃ vai brahmavādinām || 165 ||
[Analyze grammar]

yaḥ punaḥ kurute śrāddhaṃ gomatyudadhisaṃgame |
pitṝṇāṃ jāyate tṛptiryāvadābhūtasaṃplavam || 166 ||
[Analyze grammar]

sasāgaradharāyāṃ ca sarvatīrtheṣu yatphalam |
dinenaikena tatpuṇyaṃ dvārakākṛṣṇasannidhau || 167 ||
[Analyze grammar]

yatphalaṃ tridaśairdṛṣṭaṃ sarvatīrthasamudbhavam |
tatphalaṃ labhate sarvaṃ dvārakāyāṃ dinedine || 168 ||
[Analyze grammar]

tīrthakoṭisahasraistu kṛtaiḥ śrāddhaiśca yatphalam |
pitṝṇāṃ tatphalaṃ proktaṃ gomatītilatarpaṇāt || 169 ||
[Analyze grammar]

yatīnāṃ bhojanaṃ yastu yacchate kṛṣṇamandire |
sikthesikthe bhavettṛptiḥ pitṝṇāṃ yugasaṃkhyayā || 170 ||
[Analyze grammar]

kaupīnācchādanaṃ chatraṃ pāduke ca kamaṇḍalum |
dattvā saṃnyāsināṃ yāti sapta kalpāni tatphalam || 171 ||
[Analyze grammar]

dhanyāste mānavāḥ putra vasanti śvapacādayaḥ |
dvārakāyāṃ gatiṃ yāṃti vasatāṃ tatra yoginām || 172 ||
[Analyze grammar]

trikālaṃ ye prapaśyaṃti vadanaṃ pratyahaṃ hareḥ |
na teṣāṃ punarāvṛttiḥ kalpakoṭiśatairapi || 173 ||
[Analyze grammar]

yā nārī vidhavā bhūtvā kurute dvārakāśrayam |
kulāyutasahasraṃ tu nayate paramaṃ padam || 174 ||
[Analyze grammar]

putreṇāpīha kiṃ kāryyaṃ na gato dvārakāṃ yadi |
nārī putraśatācchreṣṭhā gatvā kṛṣṇapurīṃ vaset || 175 ||
[Analyze grammar]

kṛṣṇaṃ kṛṣṇapurīṃ gatvā yo'rccayettulasīdalaiḥ |
prāptaṃ janmaphalaṃ tena tāritāḥ prapitāmahāḥ || 176 ||
[Analyze grammar]

tulasīdalamālāṃ tu kṛṣṇottīrṇāṃ tu yo vahet |
patrepatre'śvamedhānāṃ daśānāṃ labhate phalam || 177 ||
[Analyze grammar]

tulasīkāṣṭhasaṃbhūtāṃ yo mālāṃ vahate naraḥ |
phalaṃ yacchati daityāriḥ pratyahaṃ dvārakodbhavam || 178 ||
[Analyze grammar]

nivedya viṣṇave mālāṃ tulasīkāṣṭhasaṃbhavām |
vahate yo naro bhaktyā tasya naivāsti pātakam |
sadā prītamanāstasya kṛṣṇo devakinaṃdanaḥ || 179 ||
[Analyze grammar]

tulasīkāṣṭhasaṃbhūtaṃ śirobāhvādibhūṣaṇam |
jāyate yasya martyasya tasya dehe sadā hariḥ || 180 ||
[Analyze grammar]

tulasīmālayā yastu bhūṣitaḥ karma cā'caret |
pitṝṇāṃ devatānāṃ ca kṛtaṃ koṭiguṇaṃ kalau || 181 ||
[Analyze grammar]

tulasīkāṣṭhamālāṃ tu pretarājasya dūtakāḥ |
dṛṣṭvā dūreṇa naśyaṃti vātoddhūtā yathā'layaḥ || 182 ||
[Analyze grammar]

jāyate tadgrahe naiva pāpasaṃkramaṇaṃ kutaḥ |
śrutaṃ purāṇamasmābhiḥ kathitaṃ brahmavādibhiḥ || 183 ||
[Analyze grammar]

tasmānmālā tvayā dhāryyā tulasīkāṣṭhasaṃbhavā |
harate nātra saṃdeha aihikāmuṣmikaṃ tvagham || 184 ||
[Analyze grammar]

tulasīmālayā yastu bhūṣito bhramate yadi |
duḥsvapnaṃ durnimittaṃ ca na bhayaṃ śātravaṃ kvacit || 185 ||
[Analyze grammar]

kṛtvā vai tīrthasaṃnyāsaṃ yatayo vidhavāḥ striyaḥ |
jīvanmuktāḥ kalau jñeyāḥ kulakoṭisamanvitāḥ || 186 ||
[Analyze grammar]

dhārayaṃti na ye mālāṃ haitukāḥ pāpamohitāḥ |
narakānna nivartaṃte dagdhāḥ kopāgninā hareḥ || 187 ||
[Analyze grammar]

unmīlinī vaṃjulinī trispṛśā pakṣavarddhinī |
tvayā putra prakarttavyā jayaṃtī vijayā jayā || 188 ||
[Analyze grammar]

pāpaghnī cāṣṭamī proktā kṛṣṇasyātīva vallabhā |
kṛtā kalau yuge putra dvārakā mokṣadāyinī || 189 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe caturthe dvārakāmāhātmye dvārakāgamanamāhātmya tulasīdhāraṇamāhātmyavarṇanaṃnāma trayoviṃśatitamo'dhyāyaḥ || 23 ||
[Analyze grammar]