Chapter 14

[English text for this chapter is available]

śrīprahrāda uvāca |
saṃtyanekāni tīrthāni bahvāścaryakarāṇi ca |
prāpte kaliyuge ghore tāni pupluvirerṇave || 1 ||
[Analyze grammar]

uddeśato mayā viprāḥ kīrtyamānā nibodhata |
saṃkṣepato vipravarā yathā teṣāṃ ca yāḥ kriyāḥ || 2 ||
[Analyze grammar]

saṃhṛtya ca bhuvo bhāraṃ sādhū nsaṃsthāpya satpathe |
dvāravatyāmagātkṛṣṇo vṛṣṇisaṃghaiḥ samāvṛtaḥ || 3 ||
[Analyze grammar]

darśanārthaṃ tadā brahmā daivataiḥ parivāritaḥ |
varuṇo yamavitteśau sūryyācandramasau tathā || 4 ||
[Analyze grammar]

āgatya saha kṛṣṇena kāryaṃ saṃsādhya cātmanaḥ |
vedhāścakre tadā tīrthaṃ svanāmnā kīrtitaṃ bhuvi || 5 ||
[Analyze grammar]

brahmakuṇḍamiti khyātaṃ sarvapāpaharaṃ śubham |
tattīre sthāpayāmāsa sahasrakiraṇaṃ prabhum || 6 ||
[Analyze grammar]

mūlaṃ surāṇāṃ hi kila brahmā lokapitāmahaḥ |
tena saṃsthāpitaṃ yasmānmūla sthānamiti smṛtam || 7 ||
[Analyze grammar]

brahmatīrthaṃ tu taddṛṣṭvā candraścakre tataḥ saraḥ |
taḍāgaṃ candranāmnā vai sarvapāpapraṇāśanam || 8 ||
[Analyze grammar]

taṃ dṛṣṭvā tejasā yuktaṃ saṃhṛṣṭāḥ surasattamāḥ |
ūcuste lokasraṣṭāraṃ śṛṇuṣva vacanaṃ hi naḥ || 9 ||
[Analyze grammar]

yo'tra snānaṃ prakurute pitṝnsaṃtarpayiṣyati |
pūjayiṣyati deveśaṃ mūlasthānaṃ surarṣabha || 10 ||
[Analyze grammar]

sarvapāpavinirmukto dhanadhānyasamanvitaḥ |
saptamyāṃ māghamāsasya śuklapakṣe dvijarṣabhāḥ |
yo'tra snānaṃ prakurute mānavo bhaktisaṃyutaḥ || 11 ||
[Analyze grammar]

mūlasthānaṃ ca deveśa saṃsnāpya pravilepayet |
pūjayiṣyati vastrādyaiḥ svaśaktyā bhūṣaṇaistathā || 12 ||
[Analyze grammar]

puṣpadhūpādibhiścaiva naivedyena ca mānavaḥ |
sarvānkāmānavāpnoti brahmalokaṃ sa gacchati || 13 ||
[Analyze grammar]

sāvitrīṃ ca tato dṛṣṭvā brahmaṇā sthāpitāṃ ca vai |
kṛtvā cāyatanaṃ divyaṃ svāṃ mūrtiṃ sanniveśya ca |
nāma cakre tadā devyāḥ svayaṃ tasyāḥ pitāmahaḥ || 14 ||
[Analyze grammar]

yaḥ paśyati svayaṃ bhaktyā kṛṣṇaṃ dṛṣṭvā jagatpatim |
sāvitrīṃ sa sukhī bhūtvā sarvānkāmānavāpnuyāt || 15 ||
[Analyze grammar]

āyurārogyamaiśvaryyaṃ putrasantānameva ca |
na daurbhāgyaṃ bhavettasya na dāridyaṃ na mūrkhatā |
na ca vyādhibhayaṃ tasya yaḥ paśyati vidhiṃ naraḥ || 16 ||
[Analyze grammar]

gatvā saṃsnāpayeddevīṃ kuṃkumena kusuṃbhakaiḥ |
saṃchādya vastraiḥ saṃpūjya puṣpairnānāvidhai stathā || 17 ||
[Analyze grammar]

naivedyaphalatāṃbūlagrīvāsūtrakadīpakaiḥ |
saṃpūjya parayā bhaktyā yātrāṃ ca saphalā labhet || 18 ||
[Analyze grammar]

na vaidhavyaṃ na daurbhāgyaṃ na vaṃdhyā na mṛtaprajā |
vidhirdṛṣṭo narairyaistu kule teṣāṃ prajāyate || 19 ||
[Analyze grammar]

tasmātsarvaprayatnena vidhiṃ paśyetsubhāvataḥ |
parituṣṭo bhavetkṛṣṇo yātrā ca saphalā bhavet || 20 ||
[Analyze grammar]

prahlāda uvāca |
brahmaṇā sthāpitaṃ dṛṣṭvā saraḥ paramaśobhanam |
indraścakre mahābhāgaḥ saraḥ paramaśobhanam || 21 ||
[Analyze grammar]

sthāpayāmāsa deveśo liṃgamapratimaujasam |
tasminsnātvā ca labhate yasmādindrapadaṃ naraḥ || 22 ||
[Analyze grammar]

tasmādindrapadaṃ nāma suprasiddhaṃ dharātale |
indreṇa sthāpitaṃ liṃgaṃ yasmādbhāvanayā saha |
prasiddhamiṃdranāmnā vā indreśvaramiti smṛtam || 23 ||
[Analyze grammar]

yasya prasiddhiratulā vṛddhiliṃgamiti dvijāḥ |
yasya darśanamātreṇa mucyate sarvapātakaiḥ || 24 ||
[Analyze grammar]

pitṝṇāmakṣayā tṛptirjāyate dvijasattamāḥ |
aṣṭamyāṃ ca caturddaśyāṃ snātvā cendrapade naraḥ || 25 ||
[Analyze grammar]

indreśvaraṃ ca saṃpūjya yāti muktipadaṃ naraḥ |
viśeṣatastu saṃpūjyo makarasthe divākare || 26 ||
[Analyze grammar]

uttarāyaṇasaṃkrāṃtau liṃgapūraṇakena hi |
śivarātrau viśeṣeṇa saṃpūjya umayā saha |
rātrau jāgaraṇaṃ kṛtvā paramaṃ lokamāpnuyāt || 27 ||
[Analyze grammar]

prahlāda uvāca |
brahmatīrthaṃ ca taddṛṣṭvā tathā śakrasarobhavam |
darśayanviṣṇunā sārddhamekarūpatvamāpnuyāt || 28 ||
[Analyze grammar]

saraścakāra deveśo bhagavānpārvatīpatiḥ |
sumṛṣṭanirmalajalaṃ nalinīdalaśobhitam || 29 ||
[Analyze grammar]

utpalaiḥ sarvataśchannaṃ saraḥ sārasaśobhitam |
tadagādhajalaṃ dṛṣṭvā svayameva pinākadhṛk |
sabrahmaviṣṇunā sārddhaṃ snātastatra vṛṣadhvajaḥ || 30 ||
[Analyze grammar]

te devāstatsaro dṛṣṭvā brahmaviṣṇusurā'surāḥ |
ūcuḥ sarve susaṃhṛṣṭā vīkṣaṃtaḥ pārvatīpatim || 31 ||
[Analyze grammar]

yasmātkṛtamidaṃ devā īśvareṇa mahatsaraḥ |
mahādeva saronāma suprasiddhaṃ bhaviṣyati || 32 ||
[Analyze grammar]

yo'tra snānaṃ prakurute pitṝṇāṃ tarpaṇaṃ tathā |
śrāddhaṃ pitṝṇāṃ bhaktyā ca sa gacchetparamāṃ gatim || 33 ||
[Analyze grammar]

suprasannā bhaviṣyanti sarve devā na saṃśayaḥ |
darśanātpāpanirmukto mahādevasarasya ca || 34 ||
[Analyze grammar]

maheśasya ca taddṛṣṭvā saraḥ paramaśobhanam |
cakāra pārvatī tatra saraścāpratimaṃ tathā || 35 ||
[Analyze grammar]

gaurīsara iti khyātaṃ sarvapāpapraṇāśanam |
tatra snātvā naro bhaktyā na durgatimavāpnuyāt || 36 ||
[Analyze grammar]

na daurbhāgyaṃ striyaścaiva na vaidhavyaṃ kadācana |
snātvā gaurītīrthavare sarvānkāmānavāpnuyāt || 37 ||
[Analyze grammar]

varuṇaśca tato dṛṣṭvā puṇyānyāyatanāni ca |
cakāra ca saro divyaṃ viṣṇubhaktisamanvitaḥ || 38 ||
[Analyze grammar]

nāmnā varuṇapadaṃ tacca pāpakṣayakaraṃ bhuvi |
nabhasye paurṇamāsyāṃ ca saṃtarpya pitṛdevatāḥ || 39 ||
[Analyze grammar]

śrāddhaṃ kṛtvā vidhānena pitṝṇāṃ śraddhayānvitaḥ |
uttamaṃ lokamāpnoti yatra gatvā na śocati || 40 ||
[Analyze grammar]

pradadyādudakumbhāṃśca dadhyodanasamanvitān |
gāśca vāsāṃsi ratnāni viṣṇurme prīyatāmiti || 41 ||
[Analyze grammar]

saro dṛṣṭvā jaleśasya saraścakre dhaneśvaraḥ |
yakṣādhipasaronāma suprasiddhaṃ dharātale || 42 ||
[Analyze grammar]

tathā tatra naro bhaktyā saṃpūjya pitṛdevatāḥ |
sarvānkāmānavāpnoti dadyādvastradvijātaye || 43 ||
[Analyze grammar]

prahlāda uvāca |
viṣṇuṃ varapradaṃ śrutvā bhrātṝṇāṃ brahmanaṃdanāḥ |
maṃdākinī vasiṣṭhena samānītā dharātale || 44 ||
[Analyze grammar]

ambarīṣādayaḥ sarva ājagmuḥ kṛṣṇapālitām |
dvāravatyāṃ ca te dṛṣṭvā gomatīṃ sāgaraṃgamām || 45 ||
[Analyze grammar]

tīrthāni devatānāṃ ca puṇyānyāyatanāni ca |
tīrthaṃ paṃcanadaṃ cakruḥ prajānāṃ patayastathā || 46 ||
[Analyze grammar]

paṃca nadyaḥ samāhūtāstatrā'jagmuḥ surānvitāḥ |
marīcaye gomatī ca lakṣmaṇā cātraye tathā || 47 ||
[Analyze grammar]

caṃdrabhāgā cāṃgirase pulahāya kuśāvatī |
pāvanārthaṃ jāṃbavatī jagāma kratave tathā || 48 ||
[Analyze grammar]

tāsu snātvā mahābhāgā brahmaputrā yaśasvinaḥ |
nāma tasya tadā cakruḥ paṃcanadyaśca tāpasāḥ || 49 ||
[Analyze grammar]

tasmātpaṃcanadaṃ tīrthaṃ sarvapāpapraṇāśanam |
snātavyaṃ tatra manujaiḥ svargamokṣārthibhistadā || 50 ||
[Analyze grammar]

tatra gatvā suniyato gṛhītvārghyaṃ phalena hi |
maṃtreṇānena vai viprā dadyādarghyaṃ vidhānataḥ || 51 ||
[Analyze grammar]

brahmaputraiḥ samānītāḥ paṃcaitāḥ saritāṃ varāḥ |
gṛhṇaṃtvarghyamimaṃ devyaḥ sarvapāpapraśāṃtaye || 52 ||
[Analyze grammar]

ityarghyamantraḥ |
snānaṃ kṛtvā vidhānena pitṝnsaṃtarppayennaraḥ |
śrāddhaṃ kuryyādvidhānena śradbhayā parayā yutaḥ || 53 ||
[Analyze grammar]

paṃcaratnaṃ tato deyaṃ saptadhānyaṃ dvijātaye |
dīnāṃdhakṛpaṇānāṃ ca dānaṃ dadyātsvaśaktitaḥ || 54 ||
[Analyze grammar]

sarvānkāmānavāpnoti viṣṇulokaṃ sa gacchati |
putrapautrasamāyuktaḥ paraṃ sukhamavāpnuyāt || 55 ||
[Analyze grammar]

pretayoniṃ gatā ye ca ye ca kīṭatvamāgatāḥ |
sarve te muktimāyāṃti pitarastrikulodbhavāḥ || 56 ||
[Analyze grammar]

śrutvā'dhyāyamimaṃ puṇyaṃ śivaloke ca modate |
sarvapāpa vinirmuktaḥ sa yāti paramaṃ padam || 57 ||
[Analyze grammar]