Chapter 13

[English text for this chapter is available]

śrīprahlāda uvāca |
iti kṛṣṇavacaḥ śrutvā gopyaḥ saṃhṛṣṭamānasāḥ |
tasminmayasare snātvā vimuktā'śeṣabandhanāḥ || 1 ||
[Analyze grammar]

kṛṣṇadarśanasaṃjātaparamānandasaṃplutāḥ |
ūcuśca vacanaṃ gopyo madhuraṃ mādhavaṃ prati || 2 ||
[Analyze grammar]

gopya ūcuḥ |
dhanyaḥ sa daityapravaro mayo yena kṛtaṃ saraḥ |
yasmiṃstvaṃ devataiḥ sārddhaṃ sameṣyasi jagatpate || 3 ||
[Analyze grammar]

yadi tuṣṭo'si bhagavannanugrāhyā vayaṃ yadi |
asmākamapi vārṣṇeya kārayasva sarottamam || 4 ||
[Analyze grammar]

kīrttanānmṛtyuloke'smiṃstava saṃdarśanena hi |
aharniśaṃ tava dhyānādyāsyāmaḥ paramāṃ gatim || 5 ||
[Analyze grammar]

śrīkṛṣṇa uvāca |
kariṣye vaḥ priyaṃ sādhvyo yūyaṃ mama parigrahāḥ |
anugrāhyā mayā nityaṃ bhaktigrāhyo'smi sarvadā || 6 ||
[Analyze grammar]

prahlāda uvāca |
ityuktvā bhagavānkṛṣṇo gopīnāṃ hitakāmyayā |
sarasaḥ sannidhau tasya sarastvanyaccakāra ha || 7 ||
[Analyze grammar]

tadagādhaṃ svacchajalaṃ nalinīdalaśobhitam |
haṃsasārasayugmaiśca cakravākaiśca śobhitam || 8 ||
[Analyze grammar]

kumudotpalakahlārapadminīkhaṇḍamaṇḍitam |
sevitaṃ dvijamukhyaiśca siddhavidyādharaistathā || 9 ||
[Analyze grammar]

sevitaṃ yadunārībhistathā yadukumārakaiḥ |
divārātrau susaṃpūrṇaṃ sarvairjānapadairjanaiḥ || 10 ||
[Analyze grammar]

taṃ dṛṣṭvā jalakallolaiḥ susaṃpūrṇaṃ jalāśayam |
harṣādgopījanaṃ kṛṣṇaḥ provāca vacanaṃ tadā || 11 ||
[Analyze grammar]

paśyadhvaṃ gopikāḥ śubhraṃ saraḥ saraṃ samīpataḥ |
svacchamiṣṭajalāpūrṇaṃ sajjanānāṃ yathā manaḥ || 12 ||
[Analyze grammar]

kāraṇādbhavatīnāṃ ca yasmātkṛtamidaṃ saraḥ |
bhavatīnāṃ tathā nāmnā khyātametadbhaviṣyati || 13 ||
[Analyze grammar]

gorvācāvācakaḥ śabdo bhavatībhirmayā saha |
gopracāreti vai nāmnāṃ khyātiṃ loke gamiṣyati || 14 ||
[Analyze grammar]

yuṣmākaṃ priyakāmārthaṃ yasmātkṛtamidaṃ saraḥ |
tasmādgopīsara iti khyātiṃ loke gamiṣyati || 15 ||
[Analyze grammar]

gopya ūcuḥ |
anugrāhyā yadi vayamasmannāmnā kṛtaṃ saraḥ |
anyatkimapi vārṣṇeya prārthayāmo vadasva naḥ || 16 ||
[Analyze grammar]

śrīkṛṣṇa uvāca |
prārthyatāṃ yadabhipretaṃ yadvo manasi vartate |
bhaktyā samāgatā yūyaṃ nāstyadeyaṃ tato mayā || 17 ||
[Analyze grammar]

gopya ūcuḥ |
yadi tuṣṭo'si bhagavanyadi deyo varo hi naḥ |
tasmāttvayā sadā kṛṣṇa narayānena mādhava || 18 ||
[Analyze grammar]

atrāgatya nabhasye'sminsnātavyaṃ niyamena hi |
yatra tvaṃ tatra devāśca yajñāstīrthāni keśava || 19 ||
[Analyze grammar]

yatra tvaṃ tatra dānāni vratāni niyamāśca ye |
oṃkāraśca vaṣaṭkāraḥ svāhākāraḥ svadhā tathā || 20 ||
[Analyze grammar]

bhūrbhuvaḥsvarmaharlloko janaḥ satyaṃ tapastathā |
tvanmayaṃ hi jagatsarvaṃ sadevāsuramānuṣam || 21 ||
[Analyze grammar]

tasmāttvayi jagannāthe hyatra snāte janārdane |
snātamatra tribhuvanaṃ bhaviṣyati na saṃśayaḥ || 22 ||
[Analyze grammar]

trailokyapāvanī gaṃgā tava pādajalaṃ hi tat |
lakṣmīrvakṣaḥsthalasthāne mukhe devī sarasvatī || 23 ||
[Analyze grammar]

sarvabhūtamayaścātra tatastvaṃ jagadīśvara |
yaddadāsi manuṣyāṇāṃ bhaviṣyāṇāṃ kalau yuge |
tadvadasva mahābāho kṛpāṃ kṛtvā jagatpate || 24 ||
[Analyze grammar]

yātrāyāmāgatānāṃ ca atha ṣaṇmāsavāsinām |
sadaivātra sthitānāṃ ca yatphalaṃ tadvadasva naḥ || 25 ||
[Analyze grammar]

śrīkṛṣṇa uvāca |
yatphalaṃ hi manuṣyāṇāṃ snātānāṃ gopikāsare |
tacchṛṇudhvamasaṃdigdhaṃ prasanne mayi gopikāḥ || 26 ||
[Analyze grammar]

sopaskarāṃ savatsāṃ ca vastrālaṃkārabhūṣitām |
yathoktadakṣiṇopetāṃ brāhmaṇāya kuṭuṃbine || 27 ||
[Analyze grammar]

sadācārāya śuddhāya daridrāyānukāriṇe |
gāṃ dattvā phalamāpnoti snānamātreṇa tatphalam || 28 ||
[Analyze grammar]

yāvatpadāni manujaḥ kṛṣṇena saha gacchati |
kulāni devyastāvaṃti vasaṃti harimandire || 29 ||
[Analyze grammar]

kṛṣṇena saha gacchanti gītavāditranisvanaiḥ |
stuvanto vividhaiḥ stotrairgoviṃdaṃ gopikāsare || 30 ||
[Analyze grammar]

na māturjaṭhare teṣāṃ yātanā jāyate nṛṇām |
sarvānkāmānavāpyāṃte vaiṣṇavaṃ lokamāpnuyuḥ || 31 ||
[Analyze grammar]

arghyaṃ dattvā vidhānena snānaṃ kuryādvicakṣaṇaḥ |
maṃtreṇānena vai sādhvyaḥ śraddhayā parayā yutaḥ || 32 ||
[Analyze grammar]

namaste goparūpāya viṣṇave paramātmane |
gopracāre jagannātha gṛhāṇārghyaṃ namo'stu te || 33 ||
[Analyze grammar]

arghyaṃ dattvā vidhānena mṛdamālipya pāṇinā |
snāyācchraddhāsamāyuktastarpayetpitṛdevatāḥ || 34 ||
[Analyze grammar]

śrāddhaṃ kuryyāttato bhaktyā ekacittaḥ samāhitaḥ |
yathoktadakṣiṇā dadyādrajataṃ rukmameva ca || 35 ||
[Analyze grammar]

viśeṣataḥ pradātavyaṃ tāṃbūlaṃ kajjalaṃ tathā |
dukūlāni ca deyāni tathā kausuṃbhakāni ca || 36 ||
[Analyze grammar]

daṃpatyorvāsasī caiva bhūṣaṇāni svaśaktitaḥ |
gāvo deyā dvijātibhyo vṛṣabhāśca dhuraṃdharāḥ |
dīnāṃdhakṛpaṇānāṃ ca dānaṃ deyaṃ svaśaktitaḥ || 37 ||
[Analyze grammar]

evaṃ kṛtvā naraḥ samyaguttamāṃ gatimāpnuyāt |
prayāṃti paramaṃ lokaṃ pitarastrikulodbhavāḥ || 38 ||
[Analyze grammar]

labhate putrakāmastu putrāniṣṭānmanoramān || 39 ||
[Analyze grammar]

yaṃ yaṃ kāmayate kāmaṃ svargamokṣādikaṃ naraḥ |
tatsarvaṃ samavāpnoti yaḥ snāti gopikāsare || 40 ||
[Analyze grammar]

yāvallokā bhaviṣyaṃti tāvatsthāsyati vai saraḥ |
yāvatsaro yaśastāvadbhavatīnāṃ bhaviṣyati || 41 ||
[Analyze grammar]

yāvatkīrtirmanuṣyeṣu tāvatsvarge mahīyate |
vimuktāḥ sakalātpāpādyāsyaṃti paramāṃ gatim || 42 ||
[Analyze grammar]

tatpuṇyaṃ gopīsara idaṃ jalaiḥ pūrṇaṃ sadaiva hi |
avagāhyaṃ mayā gopyo nabhasye niyamena hi || 43 ||
[Analyze grammar]

bhavatyaḥ patibhāvena brahmabhāvena vā punaḥ |
ciṃtayaṃtyaḥ paraṃ māṃ hi parāgatimavāpsyatha || 44 ||
[Analyze grammar]

prahlāda uvāca |
anujñātā bhagavatā tatastā gopakanyakāḥ |
namaskṛtya ca goviṃdaṃ yayuḥ sarvā yathāgatā || 45 ||
[Analyze grammar]

bhagavānapi goviṃda uddhavena samanvitaḥ |
visṛjya gopikāḥ kṛṣṇaḥ svakaṃ maṃdiramāviśat || 46 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye gopīsarastīrthamāhātmyavarṇanaṃnāma trayodaśo'dhyāyaḥ || 13 ||
[Analyze grammar]