Chapter 12

[English text for this chapter is available]

prahlāda uvāca |
tato gaccheddvijaśreṣṭhā gopracāramataḥ param |
yatra snātvā naro bhaktyā labhedgodānajaṃ phalam || 1 ||
[Analyze grammar]

yatra snāto jagannātho nabhasye daivatairvṛtaḥ |
kaṭadānaṃ ca tatproktaṃ dvādaśyāṃ dvijasattamāḥ || 2 ||
[Analyze grammar]

ṛṣaya ūcuḥ |
kathaṃ tu tatra daityendrā'bhavadvai gopracārakam |
tīrthaṃ kathaya tattvena yatra snāto janārddanaḥ || 3 ||
[Analyze grammar]

prahlāda uvāca |
hate kaṃse bhojarāje kṛṣṇenāmitatejasā |
ugrasene cābhiṣikte madhupuryyāṃ mahātmanā || 4 ||
[Analyze grammar]

uddhavaṃ preṣayāmāsa gokule gokulapriyaḥ |
suhṛdāṃ priyakāmārthaṃ gopagopījanasya ca || 5 ||
[Analyze grammar]

namaskṛtya ca govidaṃ prayayau naṃdagokulam |
sa tatsadṛśaveṣeṇa vastrālaṃkārabhūṣaṇaiḥ || 6 ||
[Analyze grammar]

taṃ dṛṣṭvā divasasyāṃte goviṃdānucaraṃ priyam |
uddhavaṃ pūjayāmāsa vastrālaṃkārabhūṣaṇaiḥ || 7 ||
[Analyze grammar]

taṃ bhuktavaṃtaṃ viśrāṃtaṃ yaśodā putravatsalā |
ānaṃdabāṣpapūrṇākṣī papracchānāmayaṃ hareḥ || 8 ||
[Analyze grammar]

kacciddhi staḥ sukhaṃ putrau rāmakṛṣṇau yadūttamau |
kaccitsmarati goviṃdo vayasyāngopabālakān || 9 ||
[Analyze grammar]

kaccideṣyati goviṃdo gokulaṃ madhureśvaraḥ |
tārayiṣyati putro'sau gokulaṃ vṛjinārṇavāt || 10 ||
[Analyze grammar]

ityuktvā bāṣpapūrṇākṣau yaśodā naṃda eva ca |
dīrghaṃ rurudaturdīnau putrasnehavaśaṃgatau || 11 ||
[Analyze grammar]

uddhavastau tato dṛṣṭvā prāṇasaṃśayamāgatau |
madhuraiḥ kṛṣṇasaṃdeśaiḥ snehayuktairajīvayat || 12 ||
[Analyze grammar]

namaskaroti bhavatīṃ bhavaṃtaṃ ca sahāgrajaḥ |
anāmayaṃ pṛṣṭavāṃśca tau ca kṣemeṇa tiṣṭhataḥ || 13 ||
[Analyze grammar]

kṣiprameṣyati dāśārho rāmeṇa sahito vibhuḥ |
atrāgatya jagannātho vidhāsyati ca vo hitam || 14 ||
[Analyze grammar]

ityevaṃ kṛṣṇasaṃdeśaiḥ samāśvāsyoddhavastadā |
sukhaṃ suṣvāpa śayane nandādyairabhinaṃditaḥ || 15 ||
[Analyze grammar]

gopyastadā rathaṃ dṛṣṭvā dvāre naṃdasya vismitāḥ |
ko'yaṃ ko'yamiti prāhuḥ kṛṣṇāgamanaśaṃkayā || 16 ||
[Analyze grammar]

gopālarājasya gṛhe rathenādityavarcasā |
samāgato mahābāhuḥ kṛṣṇaveṣānugastathā || 17 ||
[Analyze grammar]

parasparaṃ samāgamya sarvāstā vrajayoṣitaḥ |
vivikte kṛṣṇadūtaṃ taṃ papracchuḥ śokakarṣitāḥ || 18 ||
[Analyze grammar]

śrīgopya ūcuḥ |
kasmāttvamiha saṃprāptaḥ kiṃ te kāryyamihādya vai |
dasyurūpapraticchanno hyasmānsaṃhartumicchasi || 19 ||
[Analyze grammar]

pūrvameva hataṃ tena kṛṣṇena hṛdayādikam |
pāyayitvā'dharaviṣaṃ yoṣidvrātaṃ palāyitaḥ || 20 ||
[Analyze grammar]

ityevamuktvā tā gopyo mumuhuḥ śokavihvalāḥ |
īkṣaṃtyaḥ kṛṣṇadāsaṃ taṃ nipeturdharaṇītale || 21 ||
[Analyze grammar]

uddhavastaṃ janaṃ dṛṣṭvā kṛṣṇasnehahṛtāśayam |
āśvāsayāmāsa tadā vākyaiḥ śrotrasukhāvahaiḥ || 22 ||
[Analyze grammar]

uddhava uvāca |
bhagavānapi dāśārhaḥ kandarpaśarapīḍitaḥ |
na bhuṃkte na svapiti ca cintayanvastvaharniśam || 23 ||
[Analyze grammar]

tacchrutvā vacanaṃ tasya lalitā krodhamūrchitā |
uddhavaṃ tāmranayanā provāca rudatī tadā || 24 ||
[Analyze grammar]

lalitovāca |
asatyo bhinnamaryyādaḥ krūraḥ krūrajanapriyaḥ |
tvaṃ mā kṛthā naḥ purataḥ kathāṃ tasyā'kṛtātmanaḥ || 25 ||
[Analyze grammar]

dhigdhikpāpasamācāro dhigdhigvai niṣṭhurāśayaḥ |
hitvā yaḥ strījanaṃ mūḍho gato dvāravatīṃ hariḥ || 26 ||
[Analyze grammar]

śyāmalovāca |
kiṃ tasya mandabhāgyasya alpapuṇyasya durmateḥ |
mā kurudhvaṃ kathāḥ sādhvyaḥ kathāṃ kathayatā'parām || 27 ||
[Analyze grammar]

dhanyovāca |
kenāyaṃ hi samānīto dūto duṣṭajanasya ca |
yātu tena pathā pāpaḥ punarnāyāti yena ca || 28 ||
[Analyze grammar]

viśākhovāca |
na śīlaṃ na kulaṃ yasya nāsti pāpakṛtaṃ bhayam |
tasya strīhanane sādhvyo jñāyate janma karma ca |
hīnasya puruṣārthena tena saṃgo nirarthakaḥ || 29 ||
[Analyze grammar]

rādhovāca |
bhūtānāṃ ghātane yasya nāsti pāpakṛtaṃ bhayam |
tasya strīhanane sādhvyaḥ śaṃkā kāpi na vidyate || 30 ||
[Analyze grammar]

śaibyovāca |
satyaṃ brūhi mahābhāga kiṃ karoti yadūttamaḥ |
saṃgato nāgarastrībhirasmākaṃ kiṃ kathāṃ smaret || 31 ||
[Analyze grammar]

padmovāca |
kadoddhava mahābhāga nāgarījanavallabhaḥ |
sameṣyatīha dāśārhaḥ padmapatrāyatekṣaṇaḥ || 32 ||
[Analyze grammar]

bhadrovāca |
hā kṛṣṇa hā gopavara hā gopījanavallabha |
samuddhara mahābāho gopīḥ saṃsārasāgarāt || 33 ||
[Analyze grammar]

prahlāda uvāca |
iti tā vividhairvākyairvilapaṃtyo vrajastriyaḥ |
ruruduḥ susvaraṃ devyaḥ smaraṃtyaḥ kṛṣṇa ceṣṭitam || 34 ||
[Analyze grammar]

tāsāṃ tadruditaṃ śrutvā bhaktisnehasamanvitaḥ |
vismayaṃ paramaṃ gatvā sādhusādhviti cābravīt || 35 ||
[Analyze grammar]

uddhava uvāca |
yaṃ na brahmā na ca haro na devā na maharṣayaḥ |
svabhāvamanugacchaṃti sarvā dhanyā vrajastriyaḥ || 36 ||
[Analyze grammar]

sarvāsāṃ saphalaṃ janma jīvitaṃ yauvanaṃ dhanam |
yāsāṃ bhavedbhagavati bhaktiravyabhicāriṇī || 37 ||
[Analyze grammar]

gopya ūcuḥ |
sādhu darśaya goviṃdaṃ sādhu darśaya vallabham |
nayāsmānsādhu tatraiva yatra tiṣṭhati so'cyutaḥ || 37 ||
[Analyze grammar]

prahlāda uvāca |
tāsāṃ tadbhāṣitaṃ śrutvā tathā vilapitaṃ bahu |
bāḍhamityeva tā ūca uddhavaḥ snehavihvalāḥ || 39 ||
[Analyze grammar]

uddhavena samaṃ sarvāstatastā vrajayoṣitaḥ |
anujagmurmudā yuktāḥ kṛṣṇadarśanalālasāḥ || 40 ||
[Analyze grammar]

gāyantyaḥ priyagītāni tadbālacaritāni ca |
jagmuḥ sahaiva śanakairuddhavena vrajāṃganāḥ || 41 ||
[Analyze grammar]

yadupuryyāṃ tato dṛṣṭvā udyānavipināvalīḥ |
adya devaṃ prapaśyāmaḥ kṛṣṇākhyaṃ naṃdanaṃdanam || 42 ||
[Analyze grammar]

dvāravatyāṃ tu gamanāddhyānāllakṣmīpatestadā |
aśeṣakalmaṣānmuktā vidhvastākhilabandhanāḥ || 43 ||
[Analyze grammar]

saṃprāptāstāstataḥ sarvāstīre mayasarasya ca |
praṇipatyoddhavaḥ prāha gopikāḥ kṛṣṇadevatāḥ || 44 ||
[Analyze grammar]

sthīyatāṃ mātaraścātrātraiveṣyati mahābhujaḥ |
kṛṣṇaḥ kamalapatrākṣo vidhāsyati ca vo hitam || 45 ||
[Analyze grammar]

gopya ūcuḥ |
kasyoddhava idaṃ cātra saraḥ sārasaśobhitam |
saṃpūrṇaṃ paṃkajaiścitraiḥ kalhārakumudotpalaiḥ || 46 ||
[Analyze grammar]

uddhava uvāca |
mayo nāma mahādaityo māyāvī lokaviśrutaḥ |
kṛtaṃ tena saraḥ śubhraṃ tasya nāmnā ca viśrutam || 47 ||
[Analyze grammar]

śrīgopya ūcuḥ |
śīghramānaya goviṃdaṃ sādhu darśaya cācyutam |
nayanānaṃdajananaṃ tāpatrayavināśanam || 48 ||
[Analyze grammar]

tacchrutvā vacanaṃ tāsāṃ gopikānāṃ tadoddhavaḥ |
dūtaiḥ samānayāmāsa śrīkṛṣṇaṃ śīghrayāyibhiḥ || 49 ||
[Analyze grammar]

āyāṃtaṃ śīghrayānena dṛṣṭvā devakinaṃdanam |
bhrājamānaṃ suvapuṣā vanamālāvibhūṣitam || 50 ||
[Analyze grammar]

jvalatkirīṭamukuṭaṃ sphuranmakarakuṇḍalam |
śrīvatsāṃkaṃ mahābāhuṃ pītakauśeyavāsasam || 51 ||
[Analyze grammar]

ātapatrairvṛtaṃ mūrdhni saṃvṛtaṃ vṛṣṇipuṃgavaiḥ |
saṃstutaṃ baṃdimukhyaiśca gītavāditranisvanaiḥ || 52 ||
[Analyze grammar]

paurajānapadairlokairvaiṣṇavaiḥ sarvato vṛtam |
paśyantaṃ haṃsamithunaiḥ saraḥ sārasaśobhitam || 53 ||
[Analyze grammar]

taṃ dṛṣṭvā'cyutamāyāṃtaṃ lokakāṃtaṃ manoharam |
priyaṃ priyāścirāddṛṣṭvā mumuhustā vrajāṃganāḥ || 54 ||
[Analyze grammar]

cirāya saṃjñāṃ saṃprāpya vilepuśca suduḥkhitāḥ |
hā nātha kāṃta hā kṛṣṇa hā vrajeśa manohara || 55 ||
[Analyze grammar]

saṃvardhito'si yairbālye krīḍito vatsapālakaiḥ |
te'pi tvayā parityaktāḥ kathaṃ duṣṭo'si nirghṛṇaḥ || 56 ||
[Analyze grammar]

na te dharmo na sauhārddaṃ na satyaṃ sakhyameva ca |
pitṛmātṛparityāgī kathaṃ yāsyasi sadgatim || 57 ||
[Analyze grammar]

svāminbhaktaparityāgaḥ sarvaśāstreṣu garhitaḥ |
tyajatā'smānvane vīra dharmo nāvekṣitastvayā || 58 ||
[Analyze grammar]

prahlāda uvāca |
śrutvā tāsāṃ vilapitaṃ gopīnāṃ naṃda naṃdana |
ananyaśaraṇāḥ sarvā bhāvajño bhagavānvibhuḥ |
sāṃtvayāmāsa vacanairvrajeśastā vrajāṃganāḥ || 59 ||
[Analyze grammar]

adhyātmaśikṣayā gopīḥ prabhustā anvaśikṣayat || 60 ||
[Analyze grammar]

śrībhagavānuvāca |
bhavatīnāṃ viyogo me na hi sarvātmanā kvacit |
vasāmi hṛdaye śaśvadbhūtānāmaviśeṣataḥ || 61 ||
[Analyze grammar]

ahaṃ sarvasya prabhavo matto devāḥ savāsavāḥ |
ādityā vasavo rudrāḥ sādhyā viśve marudgaṇāḥ || 62 ||
[Analyze grammar]

brahmā rudraśca viṣṇuśca sanakādyā maharṣayaḥ |
iṃdriyāṇi mano buddhistathā sattvaṃ rajastamaḥ || 63 ||
[Analyze grammar]

kāmaḥ krodhaśca lobhaśca moho'haṃkāra eva ca |
etatsarvamaśeṣeṇa matto gopyaḥ pravarttate || 64 ||
[Analyze grammar]

etajjñātvā mahābhāgā mā sma kṛdhvaṃ manaḥ śuci |
sarvabhūteṣu māṃ nityaṃ bhāvayadhvamakalmaṣāḥ || 65 ||
[Analyze grammar]

prahlāda uvāca |
tāḥ kṛṣṇavacanaṃ śrutvā gopyo vidhvastabandhanāḥ |
vimuktasaṃśayakleśā darśanānandasaṃplutāḥ |
ūcuśca gopavadhvastāḥ kṛṣṇaṃ nirmalamānasāḥ || 66 ||
[Analyze grammar]

gopya ūcuḥ |
adya naḥ saphalaṃ janma adya naḥ saphalā dṛśaḥ |
yattvāṃ paśyāma govinda nāgarījanavallabham || 67 ||
[Analyze grammar]

puṇyahīnā na paśyaṃti kṛṣṇākhyaṃ puruṣaṃ param |
vākyairhetvarthasaṃyuktairyadi saṃbodhitā vayam |
tathāpi māyā hṛdayānnāpaiti madhusūdana || 68 ||
[Analyze grammar]

śrīkṛṣṇa uvāca |
darśanātsparśanāccāsya vimuktā'śeṣabandhanāḥ |
snātvā ca sakalānkāmānavāpsyatha vrajāṃganāḥ || 69 ||
[Analyze grammar]

gopya ūcuḥ |
adbhuto hi prabhāvaste saraso'sya udāhṛtaḥ |
vidhiṃ brūhi jagannātha vistarādvṛṣṇinandana || 70 ||
[Analyze grammar]

śrīkṛṣṇa uvāca |
bhavatīnāṃ mayā sārddhaṃ sañjātamatra darśanam |
tasmānmayā sadā hyatra snātavyaṃ niyamena hi || 71 ||
[Analyze grammar]

yaḥ snātvā parayā bhaktyā pitṝnsantarpayiṣyati |
śrāvaṇasya site pakṣe dvādaśyāṃ niyataḥ śuciḥ || 72 ||
[Analyze grammar]

dattvā dānaṃ svaśaktyā ca māmuddiśya tathā pitṝn |
labhate vaiṣṇavaṃ lokaṃ pitṛbhiḥ parivāritaḥ || 73 ||
[Analyze grammar]

maya tīrthaṃ samāsādya kṛtvā ca karayoḥ kuśān |
phalamekaṃ gṛhītvā tu mantreṇārghyaṃ pradāpayet || 74 ||
[Analyze grammar]

gṛhāndhakūpe patitaṃ māyā pāśaśatairvṛtam |
māmuddhara mahīnātha gṛhāṇārghyaṃ namo'stu te || 75 ||
[Analyze grammar]

arghyamantraḥ |
snātvā yaḥ parayā bhaktyā pitṝnsaṃtarpya bhāvataḥ |
kuryācchrāddhaṃ ca parayā pitṛbhaktyā samanvitaḥ || 76 ||
[Analyze grammar]

dakṣiṇāṃ ca tato dadyādrajataṃ rukmameva ca |
viśeṣataḥ pradātavyaṃ pāyasaṃ ca saśarkaram || 77 ||
[Analyze grammar]

navanītaṃ ghṛtaṃ chatraṃ kaṃbalājinameva ca |
bhavatībhiḥ samaṃ yasmātsaṃjātaṃ mama darśanam |
āgaṃtavyaṃ mayā tasmātsadā hyasmiñjalāśaye || 78 ||
[Analyze grammar]

yo'tra snānaṃ prakurute mayasya sarasi priyāḥ |
gaṃgāsnānaphalaṃ tasya viṣṇulokastathā'kṣayaḥ || 79 ||
[Analyze grammar]

muktiṃ prayāṃti tasyaiva pitarastrikulodbhavāḥ |
putrapautrasamāyukto dhanadhānyasamanvitaḥ |
yāvajjīvaṃ sukhaṃ bhuktvā cānte haripuraṃ vrajet || 80 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye mayanirmitasaromāhātmyavarṇanaṃnāma dvādaśo'dhyāyaḥ || 12 ||
[Analyze grammar]