Chapter 2

[English text for this chapter is available]

prahlāda uvāca |
sarveṣāmapi bhūtānāṃ daityadānavarakṣasām |
bhavanto vai pūjyatamā devādīnāṃ tathaiva ca || 1 ||
[Analyze grammar]

anujñayā tu yuṣmākaṃ prasādātkeśavasya hi |
adhiṣṭhānaṃ bhagavataḥ kathayāmi nibodhata || 2 ||
[Analyze grammar]

paścimasya samudrasya tīramāśritya tiṣṭhati |
kuśasthalīti yā pūrvaṃ kuśena sthāpitā purī || 3 ||
[Analyze grammar]

vahate gomatī yatra sāgareṇa samaṃtataḥ |
dvārāvatīti sā viprā ānartteṣu prakīrttitā || 4 ||
[Analyze grammar]

tasyāṃ vasati viśvātmā sarvakāmaprado hariḥ |
kalā ṣoḍaśasaṃyukto mūrtiṃ dvādaśakānvitaḥ || 5 ||
[Analyze grammar]

tadeva paramaṃ dhāma tadeva paramaṃ padam |
dvārakā sā ca vai dhanyā yatrā'ste madhusūdanaḥ || 6 ||
[Analyze grammar]

yatra kṛṣṇaścaturbāhuḥ śaṃkhacakragadādharaḥ |
narā muktiṃ prayāsyaṃti tatra gatvā kalau yuge || 7 ||
[Analyze grammar]

tacchrutvā vacanaṃ tasya prahlādasya mahātmanaḥ |
vismayāviṣṭamanasastamūcurmunisattamāḥ || 8 ||
[Analyze grammar]

ṛṣaya ūcuḥ |
kṣayaṃ yadukule yāte bhāre copahṛte bhuvaḥ |
prabhāse yādavaśreṣṭhaḥ svasthānamagamaddhariḥ || 9 ||
[Analyze grammar]

dvārāvatyā plāvitāyāṃ samaṃtātsāgareṇa hi |
kathaṃ sa bhagavāṃstatra kalau daitya prakīrtyate || 10 ||
[Analyze grammar]

kathayasva suraśreṣṭha kathaṃ viṣṇurmahītale |
sthitaścānarttaviṣaya etadvistarato vada || 11 ||
[Analyze grammar]

ugrasene narapatau praśāsati vasundharām |
kṛṣṇo yadupurīmetāṃ śobhayāmāsa sarvataḥ || 12 ||
[Analyze grammar]

ramamāṇe ramānāthe rāmābhiramaṇe harau |
ekadā tu samāsīne sabhāyāṃ yadusattame || 13 ||
[Analyze grammar]

kathābhiḥ kriyamāṇābhirvicitrābhiranekadhā |
uddhavaḥ kathayāmāsa pracāraṃ yadunaṃdanam || 14 ||
[Analyze grammar]

yātrāyāmanusaṃprāptaṃ durvāsasamakalmaṣam |
sthitaṃ taṃ gomatītīre cakratīrthasamīpataḥ || 15 ||
[Analyze grammar]

tacchrutvā sahasotthāya bhagavānrukmiṇīgṛham |
jagāma hṛṣṭamanasā viśvaśaktiradhokṣajaḥ || 16 ||
[Analyze grammar]

āgatyovāca vaidarbhīṃ saṃprāptamṛṣisattamam |
taponirdhūta pāpmā'yamatriputro mahātapāḥ || 17 ||
[Analyze grammar]

ātithyenārcito vipro dāsyate ca mahodayam |
gṛhiṇī na gṛhe yasya satpātrāgamanaṃ vṛthā || 18 ||
[Analyze grammar]

tasya devā na gṛhṇaṃti pitaraśca tathodakam |
tadāgacchasva gacchāmo nimaṃtrayitumatrijam || 19 ||
[Analyze grammar]

tathetyuktvā tu sā devī rathamāruruhe satī |
rathamāruhya deveśo rukmiṇyā sahito hariḥ |
jagāma tatra yatrāste durvāsā munisattamaḥ || 20 ||
[Analyze grammar]

dṛṣṭvā jvalaṃtaṃ tapasā kūle nadanadīpateḥ |
kāpālikasya purataḥ susnātaṃ varasīkaraiḥ || 21 ||
[Analyze grammar]

praṇamya bhagavānbhaktyā papracchā'nāmayaṃ tataḥ |
paścādvidarbhatanayā rukmiṇī praṇanāma tam || 22 ||
[Analyze grammar]

durvāsāścāpi tau dṛṣṭvā darśanārthamupāgatau |
papraccha kuśalaṃ tatra svāgatenābhinaṃdya ca || 23 ||
[Analyze grammar]

durvāsā uvāca |
kuśalaṃ kṛṣṇa sarvatra kutra vāsastavā'dhunā |
kati dārā dhanāpatyametadvistarato vada || 24 ||
[Analyze grammar]

śrīkṛṣṇa uvāca |
samudreṇa pradattā me bhūbhirdvādaśayojanā |
tasyāṃ nivasato brahmanpurī hemamayī mama || 25 ||
[Analyze grammar]

prāsādāstatra sauvarṇā navalakṣāṇi saṃkhyayā |
tasyāṃ vasāmi saṃhṛṣṭastvatprasādātsunirbhayaḥ || 26 ||
[Analyze grammar]

tacchutvā vacanaṃ tasya vismayāviṣṭamānasaḥ |
pratyuvāca sa durvāsāḥ prahasya madhusūdanam || 27 ||
[Analyze grammar]

vasaṃti tāvakā ye ca teṣāṃ saṃkhyā vadasva bhoḥ |
yāvatyaśca mahiṣyaste putrāḥ parijanāstathā || 28 ||
[Analyze grammar]

śrīkṛṣṇa uvāca |
brahmanṣoḍaśasāhasraṃ bhāryyāścāṣṭādhikā mama |
tāsāṃ madhye'bhīṣṭatamā vidarbhādhipateḥ sutā || 29 ||
[Analyze grammar]

ekaikasyā daśa sutāḥ kanyā caikā tathā mune |
ṣaṭpaṃcāśadyadūnāṃ tu koṭyaḥ parijano mama || 30 ||
[Analyze grammar]

śeṣāḥ prakṛtayo brahmaṃsteṣāṃ saṃkhyā na vidyate |
tacchrutvā ciṃtayāmāsa kimetaditi vismitaḥ || 31 ||
[Analyze grammar]

aho hyanaṃtavīryasya māyāmāśritya tiṣṭhataḥ |
anaṃtā sarvakartṛtve pravṛttirdṛśyatāmiya m || 32 ||
[Analyze grammar]

durvāsā uvāca |
svāgataṃ te mahābāho brūhi kiṃ karavāṇi te |
darśanena tvadīyena prītimeti ca me manaḥ || 33 ||
[Analyze grammar]

śrīkṛṣṇa uvāca |
yadi prasanno bhagavāṃstadāgacchasva me gṛham |
śirasā dhāryya pādāṃbu prayāsyāmi pavitratām || 34 ||
[Analyze grammar]

durvāsā uvāca |
akṣamāsārasarvasvaṃ kiṃ māṃ nayasi mādhava |
naya māṃ yadi madvākyaṃ karoṣi saha bhāryayā || 35 ||
[Analyze grammar]

prahlāda uvāca |
evamastviti coktvā sa prasthitaḥ svarathena hi |
taṃ dṛṣṭvā prasthitaṃ viṣṇuṃ prahasyovāca bhartsayan || 36 ||
[Analyze grammar]

durvāsā uvāca |
durvāsasaṃ na jānāsi muñcemānhayasattamān |
tvaṃ ca bhāryā tathā ceyaṃ vahataṃ svarathena mām || 37 ||
[Analyze grammar]

śrīkṛṣṇa uvāca |
bhagavanyathā prabravīṣi vipra kartāsmi tattathā |
tvayā kṛpālunā brahmanpārito'haṃ sabāṃdhavaḥ || 38 ||
[Analyze grammar]

prahlāda uvāca |
tau tathā ṛṣivaryyo'sau yuktāṃ devīṃ rathe svake |
tathaiva puṇḍarīkākṣaṃ yāhi yāhītyabhāṣata || 39 ||
[Analyze grammar]

taṃ dṛṣṭvā devatāḥ sarvā vahamānaṃ rathaṃ harim |
sādhusādhviti bhāṣaṃta ūcuḥ sarve parasparam || 40 ||
[Analyze grammar]

aho brahmaṇyadevasya parāṃ bhaktiṃ prapaśyata |
skandhe kṛtvā dhuraṃ yo hi vahate bhāryyayā saha || 41 ||
[Analyze grammar]

vikīryamāṇaḥ kusumaiḥ surasaṃghairjanārdanaḥ |
jagāma sa rathaṃ gṛhya sabhāryo dvārakāṃ prati || 42 ||
[Analyze grammar]

uhyamāne rathe tasminrukmiṇī tṛṣitā'bhavat |
uvāca kṛṣṇaṃ vaidarbhī śramavyākulalocanā || 43 ||
[Analyze grammar]

śrāntā bhāraparikliṣṭā vahatī kopanaṃ dvijam |
pāyayitvodakaṃ kānta naya māṃ mandiraṃ svakam || 44 ||
[Analyze grammar]

tacchrutvā vacanaṃ tasyāḥ pādākrāntyā dharātalāt |
ānayāmāsa bhagavāngagāṃ tripathagāṃ śubhām || 45 ||
[Analyze grammar]

taddṛṣṭvā nirmalaṃ śītaṃ sugaṃdhaṃ pāvanaṃ tathā |
papau pipāsitā devī rukmiṇī jāhnavījalam || 46 ||
[Analyze grammar]

pītaṃ tayā jalaṃ dṛṣṭvā cukopa ṛṣisattamaḥ |
jajvāla jvalanaprakhyaḥ śaśāpa parameśvarīm || 47 ||
[Analyze grammar]

durvāsā uvāca |
māmapṛṣṭvā jalaṃ yasmātpītavatyasi rukmiṇī |
tasmātpānaratā nityaṃ bhaviṣyasi na saṃśayaḥ || 48 ||
[Analyze grammar]

aviyuktā rathādyasmānmāmapṛṣṭvā jalaṃ tvayā |
pītaṃ tasmācca kṛṣṇena viyuktā tvaṃ bhaviṣyasi || 49 ||
[Analyze grammar]

prahlāda uvāca |
etāvaduktvā vacanaṃ krodhasaṃraktalocanaḥ |
parityajya rathaṃ vipro bhūmāvevāvatiṣṭhati || 50 ||
[Analyze grammar]

evaṃ śaptā tadā devī rudodātīva vihvalā |
uvāca kṛṣṇaṃ karuṇaṃ kathaṃ sthāsye tvayā vinā || 51 ||
[Analyze grammar]

śrīkṛṣṇa uvāca |
āyāsye pratyahaṃ devi dvikālaṃ bhavanaṃ tava |
yo māṃ paśyati cātrasthaṃ sa tvāmeva prapaśyati || 52 ||
[Analyze grammar]

māṃ hi dṛṣṭvā naro yastu tvāṃ na paśyati bhaktitaḥ |
arddhṃ yātrā phalaṃ tasya bhaviṣyati na saṃśayaḥ || 53 ||
[Analyze grammar]

āśvāsya ca priyāmevaṃ brāhmaṇaṃ yadunandanaḥ |
tataḥ prasādayāmāsa durvāsasamakalmaṣam || 54 ||
[Analyze grammar]

bāhyo pavanamadhye tu pūjayāmāsa taṃ tathā |
avanijya svayaṃ pādau viprapādāvanejanam |
dhārayāmāsa śirasā jagataḥ pāvano hariḥ || 55 ||
[Analyze grammar]

dattvārghyaṃ gāṃ ca viprāya madhuparkaṃ sa bhaktitaḥ |
vidhivadbhojayāmāsa ṣaḍrasena dvijottamam || 56 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye durvāso dvārakānayana durvāsodatta rukmiṇīśāpavṛttāntavarṇanaṃ nāma dvitīyo'dhyāyaḥ || 2 ||
[Analyze grammar]