Chapter 36

[English text for this chapter is available]

yayātiruvāca |
caṃḍikāyā dvijaśreṣṭha kathaṃ tatrāśramo'bhavat |
kasminkāle phalaṃ tena kiṃ dṛṣṭena bhavennṛṇām || 1 ||
[Analyze grammar]

pulastya uvāca |
śṛṇu rājanpravakṣyāmi kathāṃ pāpapraṇāśinīm |
yāṃ śrutvā mānavaḥ samyaksarvapāpaiḥ pramucyate || 2 ||
[Analyze grammar]

purā devayuge rājanmahiṣonāma dānavaḥ |
pitāmahavarāddṛptaḥ sarvadevabhayaṃkaraḥ || 3 ||
[Analyze grammar]

tena śakrādayo devā jitāḥ saṃkhye sahasraśaḥ |
bhayāttasya divaṃ hitvā gatāste vai yathādiśam || 4 ||
[Analyze grammar]

trailokyaṃ sa vaśe kṛtvā svayamindro babhūva ha || 5 ||
[Analyze grammar]

ādityā vasavo rudrā nāsatyau marutāṃ gaṇāḥ |
kṛtāstena tathā daityā yathārhaṃ balavattarāḥ || 6 ||
[Analyze grammar]

vahnirbhayaṃ samāpannastyaktvā devagaṇāṃstadā |
dānavebhyo havirbhāgaṃ devebhyo na prayacchati || 7 ||
[Analyze grammar]

uddyotaṃ kurute sūryo yādṛktasyābhisaṃmataḥ |
yajñabhāgaṃ vinā'pyeṣa bhayātpārthivasattama || 8 ||
[Analyze grammar]

lokapālāstathā sarve tasya karma pracakrire |
dāsavatpārthivaśreṣṭha yajñabhāgaṃ vinākṛtāḥ || 9 ||
[Analyze grammar]

kasyacittvatha kālasya sarve devāḥ sametya tu |
papracchurvinayopetā vipraśreṣṭhaṃ bṛhaspatim || 10 ||
[Analyze grammar]

bhagavānkiṃ vayaṃ kurmaḥ kutra yāmo nirāśrayāḥ |
tasmādbrūhi kṣayopāyaṃ mahiṣasya durātmanaḥ || 11 ||
[Analyze grammar]

evamukto gururddevairdhyātvā kālaṃ ciraṃ nṛpa |
tatastāṃstridaśānprāha jīvayanniva bhūpateḥ || 12 ||
[Analyze grammar]

bṛhaspatiruvāca |
brahmalabdhavaro daityaḥ pauruṣe ca vyavasthitaḥ |
avadhyaḥ sarvadevānāṃ muktvekāṃ yoṣitaṃ surāḥ |
vrajadhvaṃ sahitāstasmādarbudaṃ parvatottamam || 13 ||
[Analyze grammar]

tapo'rthaṃ tatra saṃsiddhirjāyatāmacirāddhi vaḥ |
śaktirūpāṃ parāṃ devīṃ caṃḍikāṃ kāmarūpiṇīm || 14 ||
[Analyze grammar]

ārādhayadhvamekāṃte yayā vyāptamidaṃ jagat |
sā tuṣṭā vai vadhārthaṃ tu mahiṣasya durātmanaḥ || 15 ||
[Analyze grammar]

kariṣyati samudyogamavatārasamudbhavam |
tasyā hastena so'vaśyaṃ vadhaṃ prāpsyati durmatiḥ || 16 ||
[Analyze grammar]

ahaṃ vaḥ kīrtayiṣyāmi śaktiyaṃ maṃtramuttamam |
pūjāvidhānasaṃyuktaṃ bhuktimuktipradaṃ śubham || 17 ||
[Analyze grammar]

pulastya uvāca |
evamuktāḥ surāḥ sarve harṣeṇa mahatānvitāḥ |
tenaiva sahitā rājangatāḥ parvatamarbudam || 18 ||
[Analyze grammar]

tatra snātāñchucīnsarvāndīkṣayāmāsa gīṣpatiḥ |
śaktiyaiḥ paramairmaṃtraiḥ sadyaḥsiddhikarairnṛpa || 19 ||
[Analyze grammar]

sārdhayāmatrayaṃ tatra parivārasamanvitāḥ |
balipūjopahāraiśca gaṃdhaṃ mālyānulepanaiḥ || 20 ||
[Analyze grammar]

maṃtreṇa vividhenaiva cārustotreṇa bhaktitaḥ |
prārthayaṃtastathā nityaṃ dīpajyotiḥ samāhitāḥ || 21 ||
[Analyze grammar]

nirmamā nirahaṃkārā gurubhaktiparāyaṇāḥ |
aṃganyāsasamāyuktāḥ samadarśitvamāgatāḥ || 22 ||
[Analyze grammar]

evaṃ saṃtiṣṭhamānānāṃ teṣāṃ pārthivasattama |
sapta māsā vyatikrāṃtāstatastuṣṭā sureśvarī || 23 ||
[Analyze grammar]

dīpajyotiḥsamāveśātteṣāṃ gātreṣu pārthiva |
maṃtreṇa paripūtānāṃ paraṃ tejo vyavardhata || 24 ||
[Analyze grammar]

dvādaśārkaprabhā jātāḥ ṣaṇmāsābhyaṃtareṇa te |
atha tāṃstejasā yuktāñjñātvā jīvo mahīpate || 25 ||
[Analyze grammar]

maṃḍalaṃ racayāmāsa sarvasiddhipradāyakam || upaveśya tataḥ sarvānsamastāṃstridaśālayān || 26 ||
[Analyze grammar]

teṣāṃ śarīragaṃ tejaḥ śaktiyairmaṃtrasattamaiḥ |
ākṛṣya nyasayāmāsa maṃḍale tatra pārthiva || 27 ||
[Analyze grammar]

tatastejomayī kanyā tatra jātā svarūpiṇī |
śaktirūpā mahākāyā divyalakṣaṇalakṣitā || 28 ||
[Analyze grammar]

iṃdrastasyai dadau vajraṃ svapāśaṃ ca jaleśvaraḥ |
śaktiṃ ca bhagavānagniḥ siṃhayānaṃ dhanādhipaḥ || 29 ||
[Analyze grammar]

anye caiva gaṇāḥ sarve nijaśastrāṇi harṣitāḥ |
tasyai dadurnṛpaśreṣṭha stutiṃ cakruḥ samāhitāḥ || 30 ||
[Analyze grammar]

devā ūcuḥ |
namaste devadeveśi namaste kāṃcanaprabhe |
namaste padmapatrākṣi namaste jagadambike || 31 ||
[Analyze grammar]

namaste viśvarūpe ca namaste viśvasaṃstute |
tvaṃ matistvaṃ dhṛtiḥ kāṃtistvaṃ sudhā tvaṃ vibhāvarī || 32 ||
[Analyze grammar]

kṣamā ṛddhiḥ prabhā svāhā sāvitrī kamalā satī |
tvaṃ gaurī tvaṃ mahāmāyā cāmuṇḍā tvaṃ sarasvatī || 33 ||
[Analyze grammar]

bhairavī bhīṣaṇākārā caṃḍamuṃḍāsidhāriṇī |
bhūtapriyā mahākāyā ghaṭālī vikramotkaṭā || 34 ||
[Analyze grammar]

madyamāṃsapriyā nityaṃ bhaktatrāṇaparāyaṇā |
tvayā vyāptamidaṃ sarvaṃ trailokyaṃ sacarācaram || 35 ||
[Analyze grammar]

pulastya uvāca |
evaṃ stutā suraiḥ sarvaistato devī praharṣitā |
tānabravīdvaraṃ sarvā gṛhṇaṃtu mama devatāḥ || 36 ||
[Analyze grammar]

devā ūcuḥ |
dānavo mahiṣo nāma pitāmahavarānvitaḥ |
avadhyaḥ sarvabhūtānāṃ devānāṃ ca tathā kṛtaḥ || 37 ||
[Analyze grammar]

muktvaikāṃ yoṣitaṃ devi tasmāttvaṃ vinipātaya || 38 ||
[Analyze grammar]

devyuvāca |
gacchadhvaṃ tridaśāḥ sarve svāni sthānāni nirvṛtāḥ || 39 ||
[Analyze grammar]

ahaṃ taṃ sūdayiṣyāmi samaye paryupasthite |
evamuktā gatāḥ sarve devāḥ sthānāni harṣitāḥ || 40 ||
[Analyze grammar]

devī tatraiva saṃhṛṣṭā sthitā parvatarodhasi |
kasyacittvathakālasya nārado bhagavānmuniḥ || 41 ||
[Analyze grammar]

tatra devīṃ ca saṃdṛṣṭvā tīrthayātrāparāyaṇaḥ |
triviṣṭapamanuprāpto mahiṣo yatra tiṣṭhati || 42 ||
[Analyze grammar]

tatra dṛṣṭvā muniṃ prāptaṃ praṇamya mahiṣāsuraḥ |
vinayena samāyukto hyabhyutthānamathākarot || 43 ||
[Analyze grammar]

tatastaṃ pūjayāmāsa madhuparkārghaviṣṭaraiḥ |
sukhāsīnaṃ suviśrāṃtaṃ jñātvā vākyamuvāca ha || 44 ||
[Analyze grammar]

kuto bhavānitaḥ prāptaḥ kimarthaṃ munisattama |
amī putrāstathā rājyaṃ kalatrāṇi dhanāni ca || 45 ||
[Analyze grammar]

ahaṃ bhṛtyasamāyuktaḥ kimanena dvijottama |
sarvaṃ te'haṃ pradāsyāmi brūhi yena prayojanam || 46 ||
[Analyze grammar]

nārada uvāca |
abhinaṃdāmi te sarvametattvayyupapadyate |
niḥspṛhā hi vayaṃ nityaṃ munidharmaṃ samāśritāḥ || 47 ||
[Analyze grammar]

kautūhalādiha prāptaścirātte darśanaṃ gataḥ |
marttyalokātsamāyāto yāsyāmi brahmaṇaḥ padam || 48 ||
[Analyze grammar]

mahiṣāsura uvāca |
kvaciddṛṣṭaṃ tvayā kiñcidāścaryaṃ bhūtale mune |
daivaṃ vā mānuṣaṃ vāpi dānavā laṃbhitā vibho || 49 ||
[Analyze grammar]

nārada uvāca |
atyāścaryaṃ mayā dṛṣṭaṃ dānavendra dharātale |
yatra dṛṣṭaṃ kvacitpūrvaṃ trailokye sacarācare || 50 ||
[Analyze grammar]

astyarbuda iti khyātaḥ parvato dharaṇītale || 4 ||
[Analyze grammar]

sarvartupuṣpitairvṛkṣaiḥ śobhitaḥ svargasannibhaḥ || 51 ||
[Analyze grammar]

bakulaiścaṃpakaiścāmrairaśokaiḥ karṇikārakaiḥ |
śālaistālaiśca kharjūrairvaṭairbhallātakairdhavaiḥ || 52 ||
[Analyze grammar]

saralaiḥ panasairvṛkṣaistiṃdukaiḥ karavīrakaiḥ |
maṃdāraiḥ pārijātaiśca malayaiścaṃdanaistathā || 53 ||
[Analyze grammar]

puṣpajātiviśeṣaiśca sugaṃdhairapyanekakaiḥ |
khādyaiḥ sarvestathā lehyaiścoṣyaiḥ phalavarairvṛtaḥ || 54 ||
[Analyze grammar]

na sa vṛkṣo na sā vallī nauṣadhī sā dharātale |
na tatra yā'surajyeṣṭha parvate vīkṣitā mayā || 55 ||
[Analyze grammar]

pakṣiṇo madhurārāvāścakoraśikhicātakāḥ |
kokilā dhārtarāṣṭrāśca bhramarāḥ śvetapatrakāḥ || 56 ||
[Analyze grammar]

yeṣāṃ śabdaṃ samākarṇya munayo'pi samāhitāḥ |
kṣobhaṃ yāṃti trikālajñāḥ kaṃdarpaśarapīḍitāḥ || 57 ||
[Analyze grammar]

nirjharāṇi suramyāṇi nadyaśca vimalodakāḥ |
padminīkhaṃḍasaṃyuktā hradāḥ śatasahasraśaḥ || 58 ||
[Analyze grammar]

padmapatraviśālākṣā madhyakṣāmāḥ śucismitāḥ |
vivekino narāstatra śāstravratasamanvitāḥ || 59 ||
[Analyze grammar]

kiṃ cātra bahunoktena yatkiṃcittatra parvate |
svedajāṃḍajasaṃjñeyā udbhijjāśca jarāyujāḥ |
sarvalokottarāstatra dṛśyaṃte parvatottame || 60 ||
[Analyze grammar]

daśayojanavistāro dvābhyāṃ saṃhitaparvataḥ |
uccaiḥ paṃca ca sa śrīmānmartye svargo vyajāyata || 61 ||
[Analyze grammar]

tatrā'haṃ kautukāviṣṭa itaścetaśca vīkṣayan |
sarvāścaryamayīṃ nārīmapaśyaṃ lokasuṃdarīm || 62 ||
[Analyze grammar]

na devī nāpi gaṃdharvī nāsurī na ca mānuṣī |
tādṛgrūpā mayā dṛṣṭā na śrutā ca varāṃganā || 63 ||
[Analyze grammar]

ratiḥ prītirumā lakṣmīḥ sāvitrī ca sarasvatī |
tasyā rūpasya leśena naitāstulyāḥ striyo'khilāḥ || 64 ||
[Analyze grammar]

ahaṃ dṛṣṭvā tathā rūpāṃ nārīṃ kāmena pīḍitaḥ |
tadā dānavaśārdūla vaiklavyaṃ paramaṃ gataḥ || 65 ||
[Analyze grammar]

tato dhairyamavaṣṭabhya mayā manasi ciṃtitam |
na kariṣye samālāpaṃ tayā saha ca karhicit || 66 ||
[Analyze grammar]

yasyā darśanamātreṇa kāmo me hṛdi varddhitaḥ |
tasyāḥ saṃbhāṣaṇeneva kiṃ bhaviṣyati me punaḥ || 67 ||
[Analyze grammar]

cirakālaṃ tapastaptaṃ brahmacaryeṇa vai mayā |
nāśaṃ yāsyati tatsarvaṃ viṣayairnirjitasya ca |
tasmādgacchāmi cānyatra yāvanna vikṛtirbhavet || 68 ||
[Analyze grammar]

nārīnāma tapovighnaṃ pūrvaṃ sṛṣṭaṃ svayaṃbhuvā |
argalā svargamārgasya sopānaṃ narakasya ca || 69 ||
[Analyze grammar]

tāvaddhairyaṃ tapaḥ satyaṃ tāvatsthairyaṃ kulatrapā |
yāvatpaśyati no nārīmaikāṃte ca viśeṣataḥ || 70 ||
[Analyze grammar]

etatsaṃciṃtya bahudhā nimīlya nayane tataḥ |
aprajalpya varārohāṃ tāmahaṃ cātra saṃsthitaḥ || 71 ||
[Analyze grammar]

pulastya uvāca |
nāradasya vacaḥ śrutvā mahiṣaḥ kāmapīḍitaḥ |
śravaṇādapi rājeṃdra punaḥ papraccha taṃ munim || 72 ||
[Analyze grammar]

mahiṣāsura uvāca |
kā'sau brāhmaṇaśārdūla tādṛgrūpā varāṃganā |
yasyāḥ saṃdarśanādeva bhavāneva smarānvitaḥ || 73 ||
[Analyze grammar]

devī vā mānuṣī vāpi yakṣiṇī pannagī mune |
kumārī vā sakāṃtā vā brūhi sarvaṃ savistaram || 74 ||
[Analyze grammar]

nārada uvāca |
na sā pṛṣṭā mayā kiṃcinna jānāmi tadanvayam |
etanme varttate vitte sā kumārī yaśasvinī || 76 ||
[Analyze grammar]

akṣamālādharā bālā kamaṃḍalusamanvitā |
tapastepe girau tatra hetunā kenacicchubhā || 76 ||
[Analyze grammar]

so'haṃ yāsyāmi daityeśa brahmalokaṃ sanātanam |
notsahe tatkathāṃ kartuṃ kāmabāṇabhayāturaḥ || 77 ||
[Analyze grammar]

evamuktvā tato rājanbrahmalokaṃ gato muniḥ |
mahiṣo'pi smarāviṣṭaścaraṃ tasyāḥ samādiśat || 78 ||
[Analyze grammar]

gatvā bhavāndrutaṃ tatra dṛṣṭvā tāṃ ca varāṃganām |
kimarthaṃ sā tapastepe ko vai tasyāḥ parigrahaḥ || 79 ||
[Analyze grammar]

athā'sau mahiṣādeśāddūto gatvārbudācalam |
dṛṣṭvā tāṃ padmagarbhābhāṃ jñātvā sarva viceṣṭitam || 80 ||
[Analyze grammar]

tasmai nivedayāmāsa mahiṣāya savismayaḥ |
dṛṣṭā daityavara strī ca sarvalakṣaṇalakṣitā || 81 ||
[Analyze grammar]

devatejobhavā kanyā sā'dyāpi varavarṇinī |
tvadvadhārthaṃ tapastepe kaumāravratamāśritā || 82 ||
[Analyze grammar]

evaṃ tatra bhavaṃtī sma pṛṣṭāḥ sarve tapasvinaḥ |
satyametanmahābhāga kuruṣva yadanaṃtaram || 83 ||
[Analyze grammar]

tasyā rūpaṃ vayaḥ kāṃtirvarṇituṃ naiva śakyate |
nālāpaṃ kurute bālā sā kenāpi samaṃ vibhau || 84 ||
[Analyze grammar]

pulastya uvāca |
tacchrutvā mahiṣo vākyaṃ bhūyaḥ kāmanipīḍitaḥ |
dūtaṃ saṃpreṣayāmāsa dānavaṃ ca vicakṣaṇam || 85 ||
[Analyze grammar]

vicakṣaṇa drutaṃ gatvā madarthe tāṃ tapasvinīm |
sāmabhedapradānena daṃḍenāpi samānaya || 86 ||
[Analyze grammar]

athā'sau prayayau śīghraṃ praṇipatya vicakṣaṇaḥ |
arbude parvataśreṣṭhe yatra sā parameśvarī |
praṇamya vinayopeto vākyametaduvāca tām || 87 ||
[Analyze grammar]

mahiṣo nāma vikhyātastrailokyādhipatirbalī |
danuvaṃśasamudbhūtaḥ kāmarūpasamanvitaḥ || 88 ||
[Analyze grammar]

sa tvāṃ vāṃchati kalyāṇi dharmapatnīṃ svadharmataḥ |
tasmādvaraya bhadraṃ te sarvakāmapradaṃ patim || 89 ||
[Analyze grammar]

yadi syāttava kāṃto'sau tvaṃ ca tasya tathā priyā |
tatkṛtārthaṃ dvayoreva yauvanaṃ nātra saṃśayaḥ || 90 ||
[Analyze grammar]

evamuktā tatastena devī vacanamabravīt |
kiñcitkopasamāyuktā muhuḥ prasphuritādharā || 91 ||
[Analyze grammar]

devyuvāca || |
avadhyaḥ sarvathā dūtaḥ sarvatra parikīrtitaḥ |
avasthāsu tato na tvaṃ sahasā bhasmasātkṛtaḥ || 92 ||
[Analyze grammar]

gatvā brūhi durācāraṃ mahiṣaṃ dānavādhamam |
nāhaṃ śakyā tvayā pāpa labdhuṃ nānyena kenacit || 93 ||
[Analyze grammar]

vadhārthaṃ te samudyoga eṣa sarvo mayā kṛtaḥ |
tasyāstadvacanaṃ śrutvā mahiṣaṃ sa punaryayau || 94 ||
[Analyze grammar]

bhayena mahatāviṣṭastasyā rūpeṇa vismitaḥ |
sarvaṃ nivedayāmāsa mahiṣāya viceṣṭitam |
tasyāścaiva tathā'lāpānaspṛhatvaṃ ca kṛtsnaśaḥ || 95 ||
[Analyze grammar]

tacchutvā mahiṣo rājankāmabāṇaprapīḍitaḥ |
senāpatiṃ samāhūya vākyametaduvāca ha || 96 ||
[Analyze grammar]

arbude parvate senāṃ kalpayasva sudurdharām |
hastyaśvakalpitāṃ bhīmāṃ rathapattisamākulām || 97 ||
[Analyze grammar]

tato'sau kalpayāmāsa caturaṃgāṃ varūthinīm |
patākācchatraśabalāṃ vāditrārāvabhūṣitām || 98 ||
[Analyze grammar]

tato dvipāśca saṃnaddhā dṛśyaṃte'dhiṣṭhitā bhaṭaiḥ |
itaścetaśca dhāvantaḥ sapakṣāḥ parvatā iva || 99 ||
[Analyze grammar]

aśvāścaivāpyakalmāṣā vāyuvegāḥ suvarcasaḥ |
aṃgatrāṇasamāyuktāḥ śataśo'tha sahasraśaḥ || 100 ||
[Analyze grammar]

vimānapratimākārā rathāstena prakalpitāḥ |
kiṃkiṇījālasadghaṃṭāpatākābhiralaṃkṛtāḥ || 101 ||
[Analyze grammar]

pattayaśca mahākāyā maheṣvāsā mahābalāḥ |
asicarmadharāścānye prāsapaṭṭiśapāṇayaḥ || 102 ||
[Analyze grammar]

lakṣamekaṃ mataṃgānāṃ rathānāṃ triguṇaṃ tataḥ |
aśvā daśaguṇā rājannasaṃkhyātāḥ padātayaḥ || 103 ||
[Analyze grammar]

tataścārbudamāsādya veṣṭayitvā sa dūrataḥ |
saṃmitaiḥ sacivaiḥ sārdhaṃ tadaṃtikamupādravat || 104 ||
[Analyze grammar]

dhyānasthāṃ vīkṣya tāṃ devīṃ kandarpaśarapīḍitaḥ |
tato'bravītsa tāṃ vākyaṃ vinayena samanvitaḥ || 105 ||
[Analyze grammar]

śrutvā tavedṛśaṃ rūpamahaṃ prāpto varānane |
gāṃdharveṇa vivāhena tasmādvaraya māṃ drutam || 106 ||
[Analyze grammar]

ṣaṣṭibhāryāsahasrāṇi mama saṃti śucismite |
kṛtvā māṃ darpitaṃ kāṃtaṃ tāsāṃ tvaṃ svāminī bhava || 107 ||
[Analyze grammar]

anarhaṃ te tapo bāle bhuṃkṣva bhogānyathepsitān |
trailokyasvāminī bhūtvā mayā sārdhamaharniśam || 108 ||
[Analyze grammar]

evamuktā'pi sā tena nottaraṃ pratyabhāṣata |
tataḥ kāmasamāviṣṭastadaṃtikamupāyayau || 109 ||
[Analyze grammar]

tatastaṃ lolupaṃ dṛṣṭvā sā devī kopasaṃyutā |
asmaradvāhanaṃ siṃhaṃ samāyātaḥ sa sā'ruhat || 110 ||
[Analyze grammar]

abravītparuṣaṃ vākyaṃ gacchagaccheti cāsakṛt |
no cettvāṃ ca vadhiṣyāmi sthāne'smindānavādhama || 111 ||
[Analyze grammar]

athā'sau sacivaiḥ sārddhaṃ samaṃtātparyaveṣṭayat |
pragrahārthaṃ tu tāṃ devīṃ kāmabāṇaprapīḍitaḥ || 112 ||
[Analyze grammar]

tato jahāsa sā devī saśabdaṃ parameśvarī |
tasmādaharniśaṃ sārddhaṃ niṣkrāṃtā puruṣā ghanāḥ || 113 ||
[Analyze grammar]

susannaddhāḥ saśastrāśca roṣeṇa mahatā'nvitāḥ |
tatastānabravīddevī pāpo'yaṃ vadhyatāmiti || 114 ||
[Analyze grammar]

tataste sahitāḥ sarve mahiṣaṃ samupādravan |
tiṣṭhatiṣṭheti jalpanto muṃcanto'straṇi bhūriśaḥ || 115 ||
[Analyze grammar]

tataḥ samabhavadyuddhaṃ gaṇānāṃ dānavaiḥ saha |
tataste sacivāḥ sarve vaivasvatagṛhaṃ gatāḥ || 116 ||
[Analyze grammar]

athā'sau mahiṣo ruṣṭaḥ sacivairviṃnipātitaiḥ |
svasainyamānayāmāsa tasminparvatarodhasi || 117 ||
[Analyze grammar]

rathapravaramāruhya sārathiṃ samabhāṣata |
naya māṃ sārathe tūrṇaṃ yatra sā'ste vyavasthitā || 118 ||
[Analyze grammar]

hatvaināmadya yāsyāmi pāraṃ roṣasya dustaram |
evamuktastato rājanprerayāmāsa sārathiḥ || 119 ||
[Analyze grammar]

rathaṃ tenaiva mārgeṇa yatra sā tiṣṭhate dhruvam |
etasminneva kāle tu tatrotpātāḥ sudāruṇāḥ || 120 ||
[Analyze grammar]

bahavastena mārgeṇa yenāsau prasthito nṛpa |
sammukhaḥ pravavau vāto rūkṣaḥ karkarasaṃyutaḥ || 121 ||
[Analyze grammar]

papāta mahatī colkā nihatya ravimaṃḍalam |
apasavyaṃ mṛgāścakrustasya mārge nṛpottama || 122 ||
[Analyze grammar]

upaviṣṭāstathā vāṃtā bahumūtraṃ prasusruvuḥ |
rathadhvaje samāviṣṭo gṛdhraḥ śabdamathākarot || 123 ||
[Analyze grammar]

sa tānsarvānanādṛtya mahotpātānsudāruṇān |
prayayau sammukhastasyā devyāḥ kopaparāyaṇaḥ || 124 ||
[Analyze grammar]

vimuṃcaṃśca śarānnādāṃstiṣṭhatiṣṭheti ca bruvan |
na kaściddṛśyate tatra teṣāṃ madhye nṛpottama || 125 ||
[Analyze grammar]

mahiṣaṃ roṣasaṃyuktaṃ yo vārayati saṃgare |
tena hatvā gaṇagaṇānkṛtaṃ rudhirakardamam || 126 ||
[Analyze grammar]

tato devī samāsādya proktā garveṇa pārthiva |
na tvayā saṃgaro bhīru nūnaṃ kartuṃ mamocitaḥ || 127 ||
[Analyze grammar]

na ca bāliśi me vīryaṃ na saubhāgyaṃ na vā dhanam |
na karoṣi hi tena tvaṃ mama vākyaṃ kathañcana || 128 ||
[Analyze grammar]

nūnaṃ tattvena jānāmi avaliptāsi bhāmini |
kuruṣvādyāpi me vākyaṃ bhāryā bhava mama priyā || 129 ||
[Analyze grammar]

striyaṃ tvāṃ notsahe haṃtuṃ pauruṣe ca vyavasthitaḥ |
asakṛnnirjitaḥ saṃkhye mayā śakraḥ suraiḥ saha || 130 ||
[Analyze grammar]

trailokye nāsti mattulyaḥ pumānkaścicca bāliśi |
evamuktā tato devī kopena mahatā'nvitā || 131 ||
[Analyze grammar]

pragṛhya saśaraṃ cāpaṃ vākyametaduvāca ha |
nālāpo yujyate pāpa kartuṃ saha mama tvayā || 132 ||
[Analyze grammar]

kumāryāḥ kāmayuktena tathāpi śṛṇu me vacaḥ |
na tvayā nirjitaḥ śakraḥ svavīryeṇa raṇājire || 133 ||
[Analyze grammar]

pitāmaha varaṃ devā manyaṃte dānavādhama |
gauravāttasya tena tvamātmānaṃ manyase'dhikam || 134 ||
[Analyze grammar]

muktvaikāṃ kāminīṃ pāpa tvaṃ kṛtaḥ padmayoninā |
avadhyaḥ sarvasattvānāṃ puṃsaḥ jātau dharātale || 135 ||
[Analyze grammar]

pitāmahavaraḥ so'tra jayaśīlo'si dānava |
yadi te pauruṣaṃ cāsti tacchīghraṃ saṃpradarśaya || 136 ||
[Analyze grammar]

eṣā tvāmiṣubhistīkṣṇairnayāmi yamasādanam |
evamuktvā tato devī śarānaṣṭau mumoca ha || 137 ||
[Analyze grammar]

caturbhiścaturo vāhānanayadyamasādanam |
sāratheśca śiraḥ kāyācchareṇaikena cākṣipat || 138 ||
[Analyze grammar]

dhvajaṃ ciccheda caikena tato'nyena hṛdi kṣataḥ |
sa gātraviddho vyathito dhvajayaṣṭiṃ samāśritaḥ || 139 ||
[Analyze grammar]

mūrchayā sahito rājankiṃcitkālamadhomukhaḥ |
tataḥ sa cetano bhūtvā mumoca niśitāñcharān || 140 ||
[Analyze grammar]

devī sakhīsamāyuktā sarvadeśeṣvatāḍayat |
tataḥ kṣuraprabāṇena dhanustasya dvidhā'karot || 141 ||
[Analyze grammar]

chinnadhanvā tato daityaścarmakhaṅgasamanvitaḥ |
vidrāvya sahasā devīṃ tiṣṭhatiṣṭheti cābravīt || 142 ||
[Analyze grammar]

tasya cāpatatastūrṇaṃ khaḍgaṃ dvābhyāṃ hyakṛntayat |
śarābhyāmardhabāṇena prahasya prāsameva ca || 143 ||
[Analyze grammar]

viśastro viratho rājansa tadā dānavādhamaḥ |
tato'smaraccharānbhūpa śastrāṇi vividhāni ca || 144 ||
[Analyze grammar]

brahmāstraṃ manasi dhyāyaṃstṛṇaṃ tasyai mumoca saḥ |
muktenāstreṇa tasmiṃstu dhūmavartirvyajāyata || 145 ||
[Analyze grammar]

etasminneva kāle tu sa brahmāste divaukasaḥ |
paraṃ bhayamanuprāptā dṛṣṭvā tasya parākramam || 146 ||
[Analyze grammar]

tato devī kṣaṇaṃ dhyātvā tadastraṃ pārthivottama |
brahmāstreṇāhanattūrṇaṃ tato vyarthaṃ vyajāyata || 147 ||
[Analyze grammar]

brahmāstre viphale jāte hyāgneyaṃ dānavottamaḥ |
preṣayāmāsa tāṃ kruddho hyahanadvāruṇena sā || 148 ||
[Analyze grammar]

evaṃ nānāprakārāṇi tena muktāni sā tadā |
astrāṇi viphalānyeva cakre devī sahasraśaḥ || 149 ||
[Analyze grammar]

evaṃ niḥśeṣitāstro'sau dānavo balavattaraḥ |
cakāra paramāṃ māyāṃ divyairastraiḥ sureśvarī || 150 ||
[Analyze grammar]

vyakṣipacca mahākāyaṃ mahiṣaṃ parvatākṛtim |
dīrghatīkṣṇaviṣāṇābhyāṃ yuktamaṃjanasaṃnibham || 151 ||
[Analyze grammar]

siṃhaskaṃdhaṃ ca sā devī tatastamadhyarohata |
khaḍgena tīkṣṇena śiro devī tasya nyakṛṃtata || 152 ||
[Analyze grammar]

śūlena bhedayāmāsa pṛṣṭhadeśe sureśvarī |
tataḥ kalevarāttasmānniścakrāma mahānpumān || 153 ||
[Analyze grammar]

carmakhaḍgadharo raudrastiṣṭhatiṣṭheti cābravīt |
tamapyevaṃ gṛhītvā tatkeśapāśe sureśvarī || 154 ||
[Analyze grammar]

nistriṃśenāhanatproccaiḥ sa ca prāṇairvyayujyata |
dānavaḥ pārthivaśreṣṭha pārśve siṃhavidārite || 155 ||
[Analyze grammar]

tato jaghāna bhūyo'pi dānavānsā ruṣānvitā |
hataśeṣāśca ye daityā nirbhidya dharaṇītalam || 156 ||
[Analyze grammar]

praviṣṭā bhayasaṃtrastāḥ pātālaṃ jīvitaiṣiṇaḥ |
tato deva gaṇāḥ sarve vasavo maruto'śvinau || 157 ||
[Analyze grammar]

viśvedevāstathā sādhyā rudrā guhyakakinnarāḥ |
ādityāḥ śakrasaṃyuktāḥ sametya parameśvarīm || 158 ||
[Analyze grammar]

samaṃtāddivyapuṣpaiśca tāṃ devīṃ samavākiran |
stuvaṃto vividhaiḥ stotrairnamaṃto bhaktitatparāḥ || 159 ||
[Analyze grammar]

yuktaṃ kṛtaṃ maheśāni yaddhataḥ pāpakṛttamaḥ |
trailokyaṃ sakalaṃ dhvastaṃ pāpenānena suṃdari || 160 ||
[Analyze grammar]

tvayā dattaṃ punā rājyaṃ vāsavasya triviṣṭape |
tasmādvaraya bhadraṃ te varaṃ yanmanasīpsitam |
sarve devāḥ prasannāste pradāsyaṃti na saṃśayaḥ || 161 ||
[Analyze grammar]

devyuvāca |
yadi devāḥ prasannā me yadi deyo varo mama |
āśramo'traiva me puṇyo jāyatāṃ khyātisaṃyutaḥ || 162 ||
[Analyze grammar]

asmiṃścāhaṃ sadā devāḥ sthāsyāmi varaparvate || 163 ||
[Analyze grammar]

rūpeṇānena deveśi ye tvāṃ drakṣyaṃti mānavāḥ |
āśrame'tra mahāpuṇye te yāsyaṃti parāṃ gatim || 164 ||
[Analyze grammar]

brahmajñānasamāyuktāste bhaviṣyaṃti mānavāḥ || 165 ||
[Analyze grammar]

yasmāccaṃḍaṃ kṛtaṃ karma tvayā dānavasūdanāt |
tasmāttvaṃ caṃḍikānāma loke khyātiṃ gamiṣyasi || 166 ||
[Analyze grammar]

tava nāmnā tathā khyāta āśramo'yaṃ bhaviṣyati || 167 ||
[Analyze grammar]

ye'tra kṛṣṇa caturddaśyāmāśvine māsi śobhane || piṃḍadānaṃ kariṣyaṃti snānaṃ kṛtvā samāhitāḥ || 168 ||
[Analyze grammar]

gayāśrāddhaphalaṃ kṛtyaṃ teṣāṃ devi bhaviṣyati || tvaddarśanāttathā muktiḥ pātakasya bhaviṣyati || 169 ||
[Analyze grammar]

kṛṣṇa uvāca |
ekarātriṃ bhaviṣyaṃti ye'tra śraddhāsamanvitāḥ |
upavāsaparāsteṣāṃ pāpaṃ yāsyati saṃkṣayam || 170 ||
[Analyze grammar]

putrahīnaśca yo martyo nārī vāpi samāhitā |
 tanmanāḥ piṃḍadānaṃ vai tathā snānaṃ kariṣyati |
aputro labhate śīghraṃ suputraṃ nātra saṃśayaḥ || 171 ||
[Analyze grammar]

indra uvāca |
bhraṣṭarājyo nṛpo yo'tra snānaṃ dānaṃ kariṣyati |
sarvaśatrukṣayastasya rājyāvāptirbhaviṣyati || 172 ||
[Analyze grammar]

agniruvāca |
atrāgatya śuciḥ śrāddhaṃ yaḥ kariṣyati mānavaḥ |
ātmavittānusāreṇa tasya yajñaphalaṃ bhavet || 173 ||
[Analyze grammar]

yama uvāca |
atra snātvā tilānyastu brāhmaṇebhyaḥ pradāsyati |
alpamṛtyubhayaṃ tasya na kadācidbhaviṣyati || 174 ||
[Analyze grammar]

rākṣasā ūcuḥ |
piṃḍadānaṃ narā ye'tra kariṣyaṃti tavā'śrame |
pretotthaṃ na bhayaṃ tasya devi kvāpi bhaviṣyati || 175 ||
[Analyze grammar]

varuṇa uvāca |
snānārthaṃ brāhmaṇeṃdrāṇāṃ yo'tra toyaṃ pradāsyati |
vimalastu sadā bhāvi iha loke paratra ca || 176 ||
[Analyze grammar]

vāyuruvāca |
vilepanāni śubhrāṇi sugaṃdhāni viśeṣataḥ |
yotra dāsyati viprebhyo nīrogaḥ sa bhaviṣyati || 177 ||
[Analyze grammar]

dhanada uvāca |
yo'tra vittaṃ yathāśaktyā brāhmaṇebhyaḥ pradāsyati |
na bhaviṣyati loke sa vittahīnaḥ kathaṃcana || 178 ||
[Analyze grammar]

īśvara uvāca |
yo'tra vrataparo bhūtvā cāturmāsyaṃ vasiṣyati |
iha loke pare caiva tasya bhāvi sadā sukham || 179 ||
[Analyze grammar]

vasava ūcuḥ |
trirātraṃ yo naraḥ samyagupavāsaṃ kariṣyati |
ājanmamaraṇātpāpānmuktaḥ sa ca bhaviṣyati || 180 ||
[Analyze grammar]

āditya uvāca |
atrāśramapade puṇye ye narā bhaktisaṃyutāḥ |
chatropānatpradātārasteṣāṃ lokāḥ sanātanāḥ || 181 ||
[Analyze grammar]

aśvināvūcatuḥ |
miṣṭānnaṃ śraddhayopeto brāhmaṇāya pradāsyati |
yo'tra tasya parā prītirbhaviṣyatyavināśinī 1 || 182 ||
[Analyze grammar]

tīrthānyūcuḥ |
adyaprabhṛti sarveṣāṃ tīrthānāmiha saṃsthitiḥ |
bhaviṣyati viśeṣeṇa hyāśrame lokaviśrute || 183 ||
[Analyze grammar]

kṛṣṇapakṣe caturddaśyāmāśvine māsi bhaktitaḥ |
upavāsaparo bhūtvā yo'tra snānaṃ kariṣyati |
sarveṣāmeva tīrthānāṃ sa phalaṃ hi labhiṣyati || 4 ||
[Analyze grammar]

gaṃdharvā ūcuḥ |
gītavādyāni yaścātra prakariṣyati mānavaḥ |
saptajanmāṃtarāṇyeva rūpavānsa bhaviṣyati || 185 ||
[Analyze grammar]

ṛṣaya ūcuḥ |
āśrame'smiṃstrirātraṃ ya upavāsaṃ kariṣyati |
cāṃdrāyaṇasahasrasya phalaṃ tasya bhaviṣyati || 186 ||
[Analyze grammar]

pulastya uvāca |
evaṃ sarve varāndattvā devyai devā nṛpottama |
tadājñayā divaṃ jagmurdevī tatraiva saṃsthitā || 187 ||
[Analyze grammar]

atha marttyā divaṃ jagmurdṛṣṭvā devīṃ tadāśrame |
anāyāsena saṃpūrṇāstato martyaistriviṣṭapaḥ || 188 ||
[Analyze grammar]

agniṣṭomādikāḥ sarvāḥ kriyā naṣṭā dharātale |
dharmakriyāstathā cānyā muktvā devyāḥ prapūjanam || 189 ||
[Analyze grammar]

tato bhītaḥ sahasrākṣaḥ saṃmaṃtrya guruṇā saha |
āhvayāmāsa vegena kāmaṃ krodhaṃ bhayaṃ madam || 190 ||
[Analyze grammar]

vyāmohaṃ gṛhaputrotthaṃ tṛṣṇāmāyāsamanvitam |
gatvā yūyaṃ drutaṃ martye sthātukāmānnarānstriyaḥ || 191 ||
[Analyze grammar]

caṃḍikāyatane puṇye sevadhvaṃ hi mamājñayā |
viśeṣeṇāśvine māsi kṛṣṇapakṣeṃ'tyavāsare || 192 ||
[Analyze grammar]

evamuktāstataḥ sarve kāmādyāste drutaṃ yayuḥ |
martyaloke mahārāja rakṣāṃ cakruśca sarvaśaḥ || 193 ||
[Analyze grammar]

evaṃ jñātvā drutaṃ gaccha tatra pārthivasattama |
yadīcchasi paraṃ śreya iha loke paratra ca || 194 ||
[Analyze grammar]

yo yāti caṃḍikāṃ draṣṭumaburdaṃ prati pārthiva |
nṛtyaṃti pitarastasya garjaṃti ca pitāmahāḥ || 195 ||
[Analyze grammar]

tārayiṣyati naḥ sarvānsa putro ya ihāśrame |
caṃḍikāyāḥ pragatvā'tha kuryācchrāddhaṃ samāhitaḥ || 196 ||
[Analyze grammar]

ekayā labhyate rājyaṃ svargaścaiva dvitīyayā |
tṛtīyayā bhavenmokṣo yātrayā tatra pārthiva || 197 ||
[Analyze grammar]

tasmātsarvaprayatnena yātrāṃ tatra samācaret |
arbude parvataśreṣṭhe sarvatīrthamaye śubhe || 198 ||
[Analyze grammar]

tatra ślokaḥ purā gīto nāradena maharṣiṇā |
snātvā tatrāśrame puṇye bahuvipra samāgame || 119 ||
[Analyze grammar]

punaṃtyevānyatīrthāni snānadānairasaṃśayam |
arbudālokanādeva vipāpmā tatra jāyate || 200 ||
[Analyze grammar]

yaḥ śṛṇoti sadākhyānameta cchraddhāsamanvitaḥ |
sa prāpnoti naraśreṣṭha kāmānmanasi vāṃchitān || 201 ||
[Analyze grammar]

yasyaitattiṣṭhate gehe likhitaṃ pustakaṃ nṛpa |
tasyāpi vāṃchitāḥ kāmāḥ saṃpadyate dinedine || 202 ||
[Analyze grammar]

paṭhati śraddhayopeto yo vā bhūmipate naraḥ |
so'pi yātrāphalaṃ rājaṃllabhate puruṣottamaḥ || 203 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṇḍe caṃḍikāśramotpattimāhātmyavarṇanaṃnāma ṣaṭtriṃśo'dhyāyaḥ || 36 ||
[Analyze grammar]