Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

pulastya uvāca |
agnitīrthaṃ tato gacchetpāvanaṃ paramaṃ nṛṇām |
tatra vahniḥ purā naṣṭo labdhaśca tridaśairapi || 1 ||
[Analyze grammar]

yayātiruvāca |
kimarthaṃ bhagavanvahniḥ purā naṣṭo dvijottama |
kathaṃ tatraiva labdhastu kautukaṃ me mahāmune || 2 ||
[Analyze grammar]

pulastya uvāca |
purā vṛṣṭinirodho'bhūdyāvaddvādaśavatsarān |
saṃśayaṃ paramaṃ prāptaḥ sarvo lokaḥ kṣudhārditaḥ || 3 ||
[Analyze grammar]

prāyo mṛto mṛtaprāyaḥ śeṣo'bhūddharaṇītale |
naṣṭā araṇyajā grāmyāḥ paśavaḥ pakṣiṇo mṛgāḥ || 4 ||
[Analyze grammar]

evaṃ kṛcchramanuprāpte martyaloke narādhipaḥ |
viśvāmitro munivaraḥ saṃdehaṃ paramaṃ gataḥ || 5 ||
[Analyze grammar]

annauṣadhirasābhāvādasthiśeṣo vyajāyata |
anyasmindivase prāptaḥ kṣutkṣāmaḥ paryaṭandiśaḥ || 6 ||
[Analyze grammar]

caṃḍālanilayaṃ prāptaḥ kṣuttṛṣāpīḍito bhṛśam |
tatrāpaśyanmṛtaṃ śvānaṃ śuṣkaṃ pārthivasattama || 7 ||
[Analyze grammar]

tamādāya gṛhaṃ prāptaḥ prakṣālya salilena tu |
kṣutkṣāmaḥ pācayāmāsa tatastaṃ pāvake'juhot || 8 ||
[Analyze grammar]

abhakṣyabhakṣaṇaṃ jñātvā havyavāhastato nṛpa |
śakrasyopari manyuṃ svaṃ cakre'tīva mahīpate || 9 ||
[Analyze grammar]

naṣṭauṣadhirase loke yuktametaddhi sāṃpratam |
yādṛgāptaṃ havistādṛgagnibhakṣo viśiṣyate || 10 ||
[Analyze grammar]

nābhakṣyaṃ bhakṣayiṣyāmi tyajiṣye kṣitimaṃḍalam |
yena śakrādayo devā yāṃti kaṣṭatarāṃ daśām || 11 ||
[Analyze grammar]

evaṃ saṃciṃtya manasā sakopo havyavāhanaḥ |
praṇaṣṭaḥ sakalaṃ hitvā martyalokaṃ carācaram || 12 ||
[Analyze grammar]

praṇaṣṭe sahasā vahnāvagniṣṭomādikāḥ kriyāḥ |
praṇaṣṭāstu janāḥ sarve viśeṣātsaṃśayaṃ gatāḥ || 13 ||
[Analyze grammar]

tato devagaṇāḥ sarve saṃdehaṃ paramaṃ gatāḥ |
yajñabhāgavihīnatvānmaṃtraṃ cakrustato mithaḥ || 14 ||
[Analyze grammar]

tyaktastu vahninā martyastato nāśaṃ gatā narāḥ |
śeṣanāśādvayaṃ sarve vinaṃkṣyāmo na saṃśayaḥ || 15 ||
[Analyze grammar]

tasmādanveṣyatāṃ vahniryatra tiṣṭhati sāṃpratam |
yathā carati martye ca tathā nītirvidhīyatām || 16 ||
[Analyze grammar]

pulastya uvāca |
evaṃ te niścayaṃ kṛtvā sarve devāḥ savāsavāḥ |
anvaiṣayaṃstathāgniṃ te samaṃtātkṣitimaṃḍale || 17 ||
[Analyze grammar]

tataste purato dṛṣṭvā śukaṃ śrāṃtā divaukasaḥ |
papracchuḥ śraddhayā vahniryadi dṛṣṭaḥ prakathyatām || 18 ||
[Analyze grammar]

śuka uvāca |
yo'yaṃ vaṃśo mahānagre pradagdho vahnisaṃgataḥ |
praṇaṣṭo havyavāhotra mayā dṛṣṭo mahādyutiḥ || 19 ||
[Analyze grammar]

śukenāvedito vahniḥ śaptvā taṃ manyunā vṛtaḥ |
gadgadā bhāvi te vāṇī proktvedaṃ prasthito drutam || 20 ||
[Analyze grammar]

praviveśa śamīgarbhamaśvatthaṃ tarusattamam |
tatrastho dviparājñā sa kathito vibudhānprati || 21 ||
[Analyze grammar]

sa taṃ provāca te jihvā viparītā bhaviṣyati |
tato jalāśayaṃ gatvā parvate'rbudasaṃjñake || 22 ||
[Analyze grammar]

praviṣṭo bhagavānvahniryathā devairna lakṣyate |
tatrotthena dardureṇa teṣāṃ prokto hutāśanaḥ || 23 ||
[Analyze grammar]

atrā'sau tiṣṭhate vahnirnirjhare parvatasya ca |
dagdhāśca jalajāḥ sarve sutaptenaiva vāriṇā || 24 ||
[Analyze grammar]

kṛcchrādahaṃ viniṣkrāṃtastasmānmṛtyumukhātsurāḥ |
tacchrutvā yatnamāsthāya praviṣṭo havyavāhanaḥ || 25 ||
[Analyze grammar]

bhaviṣyasi vijihvastvaṃ śaptvā taṃ darduraṃ nṛpaḥ || 26 ||
[Analyze grammar]

tato devagaṇāḥ sarve niṣkrāṃtāḥ salilāśrayāt |
saṃveṣṭya tuṣṭuvuḥ sarve stavairvedodbhavairnṛpa || 27 ||
[Analyze grammar]

devā ūcuḥ |
tvamagne sarvabhūtānāmaṃtaścarasi pāvaka |
tvayā hīnaṃ jagatsarvaṃ nāśaṃ yāsyati satvaram || 28 ||
[Analyze grammar]

tvaṃ mukhaṃ sarvadevānāṃ tvayi lokāḥ pratiṣṭhitāḥ |
bhūloke ca tvayā tyakte vayaṃ sarve savāsavāḥ |
vināśameva yāsyāmastasmāttvaṃ trātumarhasi || 29 ||
[Analyze grammar]

tvaṃ brahmā tvaṃ mahādevastvaṃ viṣṇustvaṃ divākaraḥ |
tvaṃ caṃdrastvaṃ ca dhanado maruttvaṃ ca sureśvaraḥ || 30 ||
[Analyze grammar]

iṃdrādyā vibudhāḥ sarve tvadāyattā hutāśana |
kimarthaṃ bhagavanmarttyaṃ tyaktvā tvamatra saṃsthitaḥ |
kimarthaṃ bhagavannasmānanāgāṃstyaktumicchasi || 31 ||
[Analyze grammar]

pulastya uvāca |
veṣṭito bhagavānvahnirdevaiḥ stutiparāyaṇaiḥ |
tasyaiva nirjharasyātha taṭastho vākyamabravīt || 32 ||
[Analyze grammar]

vahniruvāca |
abhakṣyabhakṣaṇe śakro māmicchati niyojitum |
tenaiva na karotyeṣa vṛṣṭiṃ marttye sureśvaraḥ || 33 ||
[Analyze grammar]

ato'haṃ bhūtalaṃ tyaktvā praviṣṭo nirjhare tviha |
praṇaṣṭānnarase loke na cāhaṃ sthātumutsahe || 34 ||
[Analyze grammar]

śakra uvāca |
śṛṇu yasmānmayā rodhaḥ kṛto vṛṣṭerhutāśana |
devāpirnāma dharmajñaḥ kṣatriyāṇāṃ yaśaskaraḥ || 35 ||
[Analyze grammar]

pratīpastatsutaḥ sādhuḥ sarvaśīlavatāṃ varaḥ |
devāpau ca gate svargaṃ jyeṣṭhabhrātaramagrajam |
saṃtyaktvā jagṛhe rājyaṃ śaṃtanustatsuto'varaḥ || 36 ||
[Analyze grammar]

etasmātkāraṇādrājye tasya vṛṣṭirnirākṛtā |
tavādeśātkariṣyāmi nivartasva hutāśana || 37 ||
[Analyze grammar]

pulastya uvāca |
evamuktvā sahasrākṣaḥ puṣkarāvartakānghanān |
drutamājñāpayāmāsa vṛṣṭyarthaṃ jagatītale || 38 ||
[Analyze grammar]

atha śakrasamādiṣṭā vidyutvanto balāhakāḥ |
gambhīrarāviṇaḥ sarvaṃ bhūtalaṃ pracurairjalaiḥ |
pūrayāmāsuratyugrā dyutimanto mahīpate || 39 ||
[Analyze grammar]

tato'gamatparāṃ tuṣṭiṃ bhagavānhavyavāhanaḥ |
rocayāmāsa bhūpṛṣṭhe vasatiṃ devakāraṇāt || 40 ||
[Analyze grammar]

devā ūcuḥ |
tavā'deśātkṛtā vṛṣṭiranyatkāryaṃ hutāśana |
yatte priyaṃ tadasmākaṃ suśīghraṃ hi nivedaya || 41 ||
[Analyze grammar]

agniruvāca |
etajjalāśayaṃ puṇyaṃ mannāmnā tīrthamuttamam |
khyātiṃ yātu dharāpṛṣṭhe yuṣmākaṃ hi prasādataḥ || 42 ||
[Analyze grammar]

devā ūcuḥ |
agnitīrthamidaṃ loke prakhyātiṃ saṃprayāsyati |
atra snāto naraḥ samyagagnilokaṃ prayāsyati || 43 ||
[Analyze grammar]

yastilāndāsyati narastīrthe'sminsusamāhitaḥ |
agniṣṭomasya yajñasya phalaṃ tasya bhaviṣyati || 44 ||
[Analyze grammar]

pulastya uvāca |
evamuktvā surāḥ sarve svasvasthānaṃ yayustataḥ |
vahniśca bhagavānrājanyathāpūrvamavartata || 45 ||
[Analyze grammar]

yaścaitpaṭhate nityaṃ prātarutthāya cottamam || agnitīrthasya māhātmyaṃ mucyate sarvapātakaiḥ || 46 ||
[Analyze grammar]

ahorātrakṛtātpāpātsa śṛṇvannapi mucyate || 47 ||
[Analyze grammar]

iti śrīskāṃde mahāpurāṇa ekā śītisāhasryāṃ saṃhitāyāṃ saptame prabhāsakhaṃḍe tṛtīye'rbudakhaṇḍe'gnitīrthamāhātmyavarṇanaṃnāma triṃśo'dhyāyaḥ || 30 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 30

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: