Chapter 29

[English text for this chapter is available]

paulastya uvāca |
tato gacchennṛpaśreṣṭha kapilātīrthamuttamam |
yatra snāto naraḥ samyaṅmucyate sarvakilbiṣaiḥ || 1 ||
[Analyze grammar]

purā'bhūnnṛpatirnāma suprabhaḥ paravīrahā |
nityaṃ ca mṛgayāśīlo mṛgāṇāmahite rataḥ || 2 ||
[Analyze grammar]

na tathā strīṣu no bhoge nāśvayāne na vāraṇe |
tasyābhūdanurāgaśca yathā mṛgavimarddane || 3 ||
[Analyze grammar]

sa kadācinnṛpaśreṣṭha mṛgāsakto'rbudaṃ gataḥ |
apaśyatsānudeśe ca mṛgīṃ śiśusamāvṛtām || 4 ||
[Analyze grammar]

stanaṃ dhayantīṃ susnigdhāṃ śiśoḥ kṣīrānurāgiṇaḥ |
sā tena viddhā bāṇena sahasā nataparvaṇā || 5 ||
[Analyze grammar]

atha sā pārthivaṃ dṛṣṭvā pragṛhītaśarāsanam |
dvitīyaṃ yojayānaṃ ca mṛgī bāṇaṃ sunirmalam || 6 ||
[Analyze grammar]

tataḥ sā kopasantaptā bhūpālaṃ pratyabhāṣata |
nāyaṃ dharmaḥ smṛtaḥ kṣāttro yastvayādya niṣevitaḥ || 7 ||
[Analyze grammar]

śayāno maithunāsaktaḥ stanapo vyādhipīḍitaḥ |
na haṃtavyo mṛgo rājanmṛgī ca śiśunā vṛtā || 8 ||
[Analyze grammar]

tadadya maraṇaṃ jātaṃ mama sarvaṃ nṛpādhama |
tava bāṇaṃ samāsādya putrasya ca mayā vinā || 9 ||
[Analyze grammar]

yasmādahamadharmeṇa hatā bhūmipate tvayā |
tasmādatraiva sānau tvaṃ raudravyāghro bhaviṣyasi || 10 ||
[Analyze grammar]

pulastya uvāca |
tacchrutvā sumahatpāpaṃ sa nṛpo bhayasaṃkulam |
tāṃ vai prasādayāmāsa prāṇaśeṣāṃ tadā mṛgīm || 11 ||
[Analyze grammar]

avivekānmayā bhadre hatā tvaṃ nirghṛṇena ca |
kuru śāpavimokṣaṃ tvaṃ tasmāddīnasya sanmṛgi || 12 ||
[Analyze grammar]

mṛgyuvāca |
yadā tu kapilāṃ nāma drakṣyase tvaṃ payasvinīm |
dhenuṃ tayā samālāpātprakṛtiṃ yāsyase punaḥ || 13 ||
[Analyze grammar]

evamuktvā mṛgī rājāgrataḥ prāṇairvyayujyata |
pīḍitā śaraghātena putrasnehādviśeṣataḥ || 14 ||
[Analyze grammar]

athā'sau pārthivaḥ sadyo raudrāsyaḥ samajāyata |
vyāghro daśakarālaśca tīkṣṇadantanakhastathā |
bhakṣayāmāsa tāṃ senāmātmīyāṃ krodhamūrcchitaḥ || 15 ||
[Analyze grammar]

tataste sainikā rājanhataśeṣāḥ suduḥkhitāḥ |
svagṛhāṇi yayustatra yathā vṛttaṃ jane pure || 16 ||
[Analyze grammar]

nivedayanto vṛttāṃtaṃ catvareṣu trikeṣu ca |
yathā vai vyāghratāṃ prāptaḥ sa rājā'rbudaparvate || 17 ||
[Analyze grammar]

tacchrutvā vacanaṃ tasya putraṃ bhūriparākramam |
rājye'bhiṣecayāmāsu nāmnā khyātaṃ mahaujasam || 18 ||
[Analyze grammar]

kasyacittvatha kālasya tasminsānau nṛpottama |
tṛṣārtaṃ gokulaṃ prāptaṃ gopagopīsamākulam || 19 ||
[Analyze grammar]

tatraikā gauḥ paribhraṣṭā svayūthāttṛṇatṛṣṇayā |
kapileti ca vikhyātā svayūthasyāgragāminī || 20 ||
[Analyze grammar]

acchinnāgratṛṇaṃ yā tu sadā bhakṣayate nṛpa |
atha sā gahvaraṃ prāptā gireḥ śūnyaṃ bhayaṃkaram || 21 ||
[Analyze grammar]

tatrāsasāda tāṃ vyāghro daṃṣṭrotkaṭamukhāvahaḥ |
sā taṃ dṛṣṭavatī pāpaṃ trāsamāpa mṛgīva hi || 22 ||
[Analyze grammar]

smaraṃtī gokule baddhaṃ svasutaṃ kṣīrapāyinam |
duḥkhena rudatīṃ tāṃ sa dṛṣṭvovāca mṛgādhipaḥ || 23 ||
[Analyze grammar]

vyāghra uvāca |
kiṃ vṛthā rudyate dheno māṃ prāpya na hi jīvitam |
vidyate kasyacinmūrkhe smareṣṭāṃ devatāṃ tataḥ || 24 ||
[Analyze grammar]

kapilovāca |
svajīvitabhayādvyāghra na rodimi kathaṃcana |
putro me bālako goṣṭhyāṃ kṣīrapāyī pratīkṣate || 25 ||
[Analyze grammar]

nādyāpi sa tṛṇā nyatti tenāhaṃ śokaviklavā |
rodmi vyāghra sutasnehātsatyenātmānamālabhe || 26 ||
[Analyze grammar]

pāyayitvā sutaṃ bālaṃ dṛṣṭvā pṛṣṭvā janaṃ svakam |
punaḥ pratyāgamiṣyāmi yadi tvaṃ manyase vibho || 27 ||
[Analyze grammar]

vyāghra uvāca |
gatvā svasutasāṃnidhyaṃ dṛṣṭvātmīyaṃ ca gokulam |
punarāgamanaṃ yatte na ca tacchraddadhāmyaham || 28 ||
[Analyze grammar]

bhayānmāṃ bhāṣase caivaṃ nāsti prāṇasamaṃ bhayam |
tasmātprāṇabhayānna tvamāgamiṣyasi dhenuke || 29 ||
[Analyze grammar]

kapilo vāca |
śapathairāgamiṣyāmi satyametacchṛṇuṣva me |
pratyayo yadi te bhūyānmāṃ muñca tvaṃ mṛgādhipa || 30 ||
[Analyze grammar]

vyāghra uvāca |
brūhi tāñchapathānbhadre samāgacchasi yaiḥ punaḥ |
tato'haṃ pratyayaṃ gatvā mocayiṣyāmi vā na vā || 31 ||
[Analyze grammar]

kapilovāca |
vedādhyayanasaṃpannaṃ brāhmaṇaṃ vaṃcayettu yaḥ |
tena pāpena lipyāmi yadyahaṃ nāgame punaḥ || 32 ||
[Analyze grammar]

gurudroharatānāṃ ca yatpāpaṃ jāyate nṛṇām |
tena pāpena lipyāmi yadyahaṃ nāgame punaḥ || 33 ||
[Analyze grammar]

yatpāpaṃ brāhmaṇaṃ hatvā gāṃ ca hatvā prajāyate |
tena pāpena lipyāmi yadyahaṃ nāgame punaḥ || 34 ||
[Analyze grammar]

mitradrohe ca yatpāpaṃ yatpāpaṃ guruvaṃcake |
tena pāpena lipyāmi yadyahaṃ nāgame punaḥ || 35 ||
[Analyze grammar]

yo gāṃ spṛśati pādena brāhmaṇaṃ pāvakaṃ tathā |
tena pāpena lipyāmi yadyahaṃ nāgame punaḥ || 36 ||
[Analyze grammar]

kūpārāmataḍāgānāṃ yo bhaṃgaṃ kuruta naraḥ |
tena pāpena lipyāmi yadyahaṃ nāgame punaḥ || 37 ||
[Analyze grammar]

kṛtaghnasya ca yatpāpaṃ sūcakasya ca yadbhavet |
tena pāpena lipyāmi yadyahaṃ nāgame punaḥ || 38 ||
[Analyze grammar]

madyamāṃsaratānāṃ ca yatpāpaṃ jāyate nṛṇām |
tena pāpena lipyāmi yadyahaṃ nāgame punaḥ || 39 ||
[Analyze grammar]

rājapaiśunyakartṝṇāṃ yatpāpaṃ jāyate nṛṇām |
tena pāpena lipyāmi yadyahaṃ nāgame punaḥ || 40 ||
[Analyze grammar]

vedavikrayakartṝṇāṃ yatpāpaṃ saṃprajāyate |
tena pāpena lipyāmi yadyahaṃ nāgame punaḥ || 41 ||
[Analyze grammar]

dīyamānaṃ dvijātīnāṃ nivārayati yo'lpadhīḥ |
tena pāpena lipyāmi yadyahaṃ nāgame punaḥ || 42 ||
[Analyze grammar]

viśvastaghātakānāṃ ca yatpāpaṃ samudāhṛtam |
tena pāpena lipyāmi yadyahaṃ nāgame punaḥ || 43 ||
[Analyze grammar]

dvijadveṣaratānāṃ hi yatpāpaṃ jāyate nṛṇām |
tena pāpena lipyāmi yadyahaṃ nāgame punaḥ || 44 ||
[Analyze grammar]

paravādaratānāṃ ca pāpaṃ yacca durātmanām |
tena pāpena lipyāmi yadyahaṃ nāgame punaḥ || 45 ||
[Analyze grammar]

rātrau ye pāpakarmāṇo bhakṣaṃti dadhisaktukān |
tena pāpena lipyāmi yadyahaṃ nāgame punaḥ || 46 ||
[Analyze grammar]

vṛṃtākaṃ mūlakaṃ śvetaṃ raktaṃ ye'śnaṃti gṛṃjanam |
tena pāpena lipyāmi yadyahaṃ nāgame punaḥ || 47 ||
[Analyze grammar]

pulastya uvāca |
sa tasyāḥ śapathāñchrutvā vismayotphullalocanaḥ |
pratyayaṃ ca tadā gatvā vyāghro vākyamathābravīt || 48 ||
[Analyze grammar]

vyāghra uvāca |
gaccha tvaṃ gokule bhadre punarāgamanaṃ kuru |
na caitadavagaṃtavyaṃ yadayaṃ vañcito mayā || 49 ||
[Analyze grammar]

kapile gaccha paśya tvaṃ tanayaṃ sutavatsale |
pāyayitvā stanaṃ pūrṇamavaghrāya ca mūrdhani || 50 ||
[Analyze grammar]

mātaraṃ bhrātaraṃ dṛṣṭvā sakhīḥ svajanavabāṃdhavān |
satyamevāgrataḥ kṛtvā nānyathā kartumarhasi || 51 ||
[Analyze grammar]

pulastya uvāca |
sā'nujñātā mṛgendreṇa kapilā putravatsalā || |
aśrupūrṇamukhī dīnā prasthitā gokulaṃ prati || 52 ||
[Analyze grammar]

vepamānā bhayodvignā śokasāgaramadhyagā |
kariṇīva hi raudreṇa hariṇā sā balīyasā || |
tataḥ svagokulaṃ prāptā rabhamāṇā muhurmuhuḥ || 53 ||
[Analyze grammar]

tasyāḥ śabdaṃ tataḥ śrutvā jñātvā vatsaḥ svamātaram |
sammukhaḥ prayayau tūrṇamūrddhvapucchaḥ praharṣitaḥ || 54 ||
[Analyze grammar]

akālāgamanaṃ tasyā raudraṃ bhaṃbhāravaṃ tathā |
dṛṣṭvā śrutvā ca vatso'sau śaṃkitaḥ paripṛcchati || 55 ||
[Analyze grammar]

vatsa uvāca |
na te paśyāmi saumyatvaṃ durmanā iva lakṣyame |
kimarthamanyavelāyāṃ samāyātā vadasva me || 56 ||
[Analyze grammar]

kapilovāca |
piba putra stanaṃ paścātkāraṇaṃ cāpi me śṛṇu |
āgatā'haṃ tava snehātkuru tṛptiṃ yathepsitām || 57 ||
[Analyze grammar]

apaścimamidaṃ putra durlabhaṃ mātṛdarśanam |
mayā'dya putra gaṃtavyaṃ śapathairāgatā yataḥ || 58 ||
[Analyze grammar]

vyāghrasya kāmarūpasya dātavyaṃ jīvitaṃ mayā |
tenāhaṃ śapathairmuktā kāraṇāttava putraka || 59 ||
[Analyze grammar]

mayā'dya tatra gaṃtavyaṃ mṛgarājasamīpataḥ |
yadā ca śapathaiḥ putra dāsyāmi ca kalevaram || 60 ||
[Analyze grammar]

vatsa uvāca |
ahaṃ tatra gamiṣyāmi yatra tvaṃ gaṃtumicchasi |
ślāghyaṃ hi maraṇaṃ me'dya tvayā saha na saṃśayaḥ || 61 ||
[Analyze grammar]

ekākinā'pi marttavyaṃ yasmānmayā tvayā vinā |
yadi māṃ sahitaṃ tatra tvayā vyāghro vadhiṣyati || 62 ||
[Analyze grammar]

yā gatirmātṛbhaktānāṃ dhruvaṃ sā me bhaviṣyati |
tasmādavaśyaṃ yāsyāmi tvayā saha na saṃśayaḥ || 63 ||
[Analyze grammar]

athavā'traiva tiṣṭha tvaṃ śapathāḥ saṃtu me tava |
tava sthāne prayāsyāmi mātastvaṃ yadi manyase || 64 ||
[Analyze grammar]

jananyā viprayuktasya jīvitaṃ na hi me priyam |
nāsti mātṛsamaḥ kaścidbālānāṃ kṣīrajīvinām || 65 ||
[Analyze grammar]

nāsti mātṛsamo nātho nāsti mātṛsamā gatiḥ |
ye mātṛniratāḥ putrāste yāṃti paramāṃ gatim || 66 ||
[Analyze grammar]

kapilovāca |
mamaiva vihito mṛtyurna te putraka sāṃpratam |
na cāyamanyabhūtānāṃ mṛtyuḥ syādanyamṛtyutaḥ || 67 ||
[Analyze grammar]

apaścimamidaṃ putra mātuḥ sandeśamuttamam |
śṛṇuṣvāvahito bhūtvā pariṇāmasukhāvaham || 68 ||
[Analyze grammar]

vane cara sadā vatsa apramādaparo bhava |
pramādātsarvabhūtāni vinaśyaṃti na saṃśayaḥ || 69 ||
[Analyze grammar]

na ca lobhena cartavyaṃ viṣamasthaṃ tṛṇaṃ kvacit |
lobhādvināśo jaṃtūnāmiha loke paratra ca || 70 ||
[Analyze grammar]

samudramaṭavīṃ yuddhaṃ viśaṃte lobhamohitāḥ |
lobhādi kāryamatyugraṃ kurvaṃti tyājya eva saḥ || 71 ||
[Analyze grammar]

lobhātpramādādāśvāsātpuruṣo bādhyate tribhiḥ |
tasmāllobho na karttavyo na pramādo na viśvaset || 72 ||
[Analyze grammar]

ātmā ca satataṃ putra rakṣitavyaḥ prayatnataḥ |
sarvebhyaḥ śvāpadebhyaśca mlecchebhyastaskarāditaḥ || 73 ||
[Analyze grammar]

tiryagbhyaḥ pāpayonibhyaḥ sadā vicaratā vane |
na ca śokastvayā kāryaḥ sarveṣāṃ maraṇaṃ dhuvam || 74 ||
[Analyze grammar]

asmākaṃ prativācaṃ ca śṛṇu śokavināśinīm |
yathā hi pathikaḥ kaścicchāyārthī vṛkṣamāsthitaḥ |
viśrāntaśca punaryāti tadvadbhūtasamāgamaḥ || 75 ||
[Analyze grammar]

pulastya uvāca |
evaṃ saṃbhāṣya taṃ vatsamavaghrāya ca mūrddhani |
svamātaraṃ sakhīvargaṃ tato draṣṭuṃ samāgatā || 76 ||
[Analyze grammar]

abravīcca tato vākyaṃ putraśokena duḥkhitā |
aṃbāḥ śṛṇuta me vākyamapaścimamidaṃ sphuṭam || 77 ||
[Analyze grammar]

anāthamabalaṃ dīnaṃ phenapaṃ mama putrakam |
mātṛśokābhisaṃtaptaṃ sarvāstaṃ pālayiṣyatha || 78 ||
[Analyze grammar]

bhāvinīnāmayaṃ putraḥ sāṃprataṃ ca viśeṣataḥ |
snapanīyaḥ pāyitavyaḥ poṣyaḥ pālyaḥ svaputravat || 79 ||
[Analyze grammar]

caraṃtaṃ viṣame sthāne caraṃtaṃ paragokule |
akāryeṣu pravartaṃtaṃ he sakhyo vārayiṣyatha || 80 ||
[Analyze grammar]

kṣamadhvaṃ ca mahābhāgā yāsye'haṃ satyasaṃśrayāt |
yatrā'sau tiṣṭhate vyāghro muktā'haṃ yena sāṃpratam || 81 ||
[Analyze grammar]

sarvāstā vacanaṃ śrutvā tasyāḥ śokasamanvitāḥ |
viṣādaṃ paramaṃ gatvā vākyamūcuḥ suduḥkhitāḥ || 82 ||
[Analyze grammar]

kapile naiva gaṃtavyaṃ na te doṣo bhaviṣyati |
prāṇātyaye na doṣo'sti saṃparāye ca dāruṇe || 83 ||
[Analyze grammar]

atra gāthā purā gītā munibhirdharmavādibhiḥ |
prāṇātyaye samutpanne śapathe nāsti pātakam || 84 ||
[Analyze grammar]

kapilovāca |
prāṇināṃ prāṇa rakṣārthaṃ vadāmyevānṛtaṃ vacaḥ |
nātmārthamupayuñjāmi svalpamapyanṛtaṃ kvacit || 85 ||
[Analyze grammar]

aśvamedhasahasraṃ tu satyaṃ ca tulayā dhṛtam |
aśvamedhasahasrāddhi satyameva viśiṣyate || 86 ||
[Analyze grammar]

tasmānnānṛtamātmānaṃ kariṣye jīvitāśayā |
ājñāpayatu māmāryā yāsye yatra mṛgādhipaḥ || 87 ||
[Analyze grammar]

vayasyā ūcuḥ |
kapile tvaṃ namaskāryā sarvairapi surāsuraiḥ |
yattvaṃ paramasatyena prāṇāṃstyajasi dustyajān || 88 ||
[Analyze grammar]

avaśyaṃ na ca te bhāvī mṛtyuḥ satyātkathaṃcana |
pramāṇaṃ yadi satyaṃ hi vraja paṃthāḥ śivo'stu te || 89 ||
[Analyze grammar]

pulastya uvāca |
evamuktā ca kapilā gatā yatra mṛgādhipaḥ |
athāsau kapilāṃ dṛṣṭvā vismayotphullalocanaḥ |
abravītpraśritaṃ vākyaṃ harṣagadgadayā girā || 90 ||
[Analyze grammar]

vyāghra uvāca |
svāgataṃ tava kalyāṇi kapile satyavādini |
nahi satyavatāṃ kiṃcidaśubhaṃ vidyate kvacit || 91 ||
[Analyze grammar]

tvayoktaṃ kapile pūrvaṃ śapathairāgamāya ca |
tena me kautukaṃ jātaṃ yātā'gacchetpunaḥ katham || 92 ||
[Analyze grammar]

tasmādgaccha mayā muktā yatrā'sau tanayastava |
tiṣṭhate gokule baddhaḥ kṣīrapāyī suduḥkhitaḥ || 93 ||
[Analyze grammar]

pulastya uvāca |
etasminneva kāle tu sa rājā prakṛtiṃ gataḥ |
mṛgīśāpena nirmukto divyarūpavapurdharaḥ |
tato'bravītprahṛṣṭātmā kapilāṃ satyavādinīm || 94 ||
[Analyze grammar]

rājovāca |
prasādāttava mukto'haṃ śāpādasmātsudāruṇāt |
kiṃ te priyaṃ karomyadya dhenuke brūhi satvaram || 95 ||
[Analyze grammar]

kapilovāca |
kṛtakṛtyā'smi rājenda yattvaṃ mukto'si kilbiṣāt |
pipāsā bādhatetyarthaṃ sāṃprataṃ jalamānayam || 96 ||
[Analyze grammar]

naivānṛtaṃ vijānīhi satyametanmayoditam || 97 ||
[Analyze grammar]

pulastya uvāca |
athāsau pārthivo haste cāpamādāya satvaram |
sajyaṃ kṛtvā śaraṃ gṛhya jaghāna dharaṇītalam || 98 ||
[Analyze grammar]

tataḥ salilamuttasthau nirmalaṃ śītalaṃ śubham |
tatra sā kapilā snātvā vitṛṣā samapadyata || 99 ||
[Analyze grammar]

etasminnantare dharmaḥ svayaṃ tatra samāgataḥ |
abravītkapilāṃ hṛṣṭo varaṃ varaya śobhane || 100 ||
[Analyze grammar]

tava satyena tuṣṭo'haṃ nāsti te sadṛśī kvacit |
trailokye sakale dhenurna bhaviṣyati vai śubhe || 101 ||
[Analyze grammar]

kapilovāca |
prasādāttava gaccheya saha rājñā sagokulā |
suprabheṇa padaṃ divyaṃ jarāmaraṇavarjitam || 102 ||
[Analyze grammar]

mannāmnā khyātimāyātu puṇyametajjalāśayam |
sarvapāpaharaṃ nṛṇāṃ sarvakāmapradaṃ tathā || 103 ||
[Analyze grammar]

dharma uvāca |
ye'tra snānaṃ kariṣyaṃti supuṇye salile śubhe |
caturddaśyāṃ viśeṣeṇa te yāsyaṃti parāṃ gatim || 104 ||
[Analyze grammar]

tava nāmnā supuṇyaṃ hi tīrthametadbhaviṣyati |
darśamuddiśya martyastu prāpsyate gosahasrakam |
snānāllakṣaguṇaṃ dānātpuṇyaṃ caiva tathā'kṣayam || 105 ||
[Analyze grammar]

ye'tra śrāddhaṃ kariṣyaṃti mānavāḥ susamāhitāḥ |
sarvadānaphalaṃ teṣāṃ bhuktimuktī mahātmanām || 106 ||
[Analyze grammar]

api kīṭapataṃgā ye tṛṣārtāḥ salile śubhe |
majjayiṣyati yāsyaṃti te'pi sthānaṃ divaukasām || 107 ||
[Analyze grammar]

kiṃ punarbhaktisaṃyuktā mānavāḥ satyavādinaḥ |
manasvino mahābhāgāḥ śraddhāvaṃto vicakṣaṇāḥ || 108 ||
[Analyze grammar]

pulastya uvāca |
etasminneva kāle tu vimānāni sahasraśaḥ |
samāyātāni rājeṃdra kapilāyāḥ prabhāvataḥ || 109 ||
[Analyze grammar]

tānyāruhyātha kapilā gopagokulasaṃkulā |
suprabheṇa samāyuktā tatpadaṃ paramaṃ gatā || 110 ||
[Analyze grammar]

tasmātsarvaprayatnena tatra snānaṃ samācaret |
śrāddhaṃ caivātmanaḥ śaktyā dānaṃ pārthivasattama || 111 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe tṛtīye'rbudakhaṃḍe kapilātīrthamāhātmyavarṇanaṃnāmaikonatriṃśo'dhyāyaḥ || 29 ||
[Analyze grammar]