Chapter 20

[English text for this chapter is available]

pulastya uvāca |
tato gaccheta caṃdreśaṃ prabhāsaṃ nṛpasattama |
prabhā tatra purā prāptā caṃdreṇa sumahātmanā || 1 ||
[Analyze grammar]

dakṣasya kanyakā rājansaptaviṃśatisaṃkhyayā |
ūḍhāścaṃdreṇa tāḥ sarvā aśvinīpramukhāḥ purā || 2 ||
[Analyze grammar]

tāsāṃ madhye ca rohiṇyā saha reme sa nityadā |
tyaktāḥ sarvāśca caṃdreṇa dakṣakanyāḥ suduḥkhitāḥ |
gatvā svapitaraṃ natvā prāhurasrāvilekṣaṇāḥ || 3 ||
[Analyze grammar]

vayaṃ tyaktāḥ prajānātha nirdoṣāḥ patinā tataḥ |
śaraṇaṃ tvāmanuprāptā duḥkhena mahatānvitāḥ || 4 ||
[Analyze grammar]

gatirbhava suraśreṣṭha sarveṣāṃ tvaṃ hitaṃ kuru |
asmākamupadiśyainaṃ caṃdraṃ ca rohiṇīratam || 5 ||
[Analyze grammar]

pulastya uvāca |
sa tāsāṃ vacanaṃ śrutvā gato yatra niśākaraḥ |
abravīcca samaṃ paśya sarvāsu tanayāsu me || 6 ||
[Analyze grammar]

atha vrīḍāsamāyuktaścaṃdrastaṃ pratyabhāṣata |
tava vākyaṃ kariṣyāmi dakṣa gaccha namostu te || 7 ||
[Analyze grammar]

gate dakṣe tato bhūyaścaṃdramā rohiṇīrataḥ |
tyaktvā ca kanyakāḥ sarvāḥ prajāpatisamudbhavāḥ || 8 ||
[Analyze grammar]

atha gatvā punaḥ sarvā dakṣamūcuḥ suduḥkhitāḥ |
na kṛtaṃ tava vākyaṃ vai caṃdreṇaiva durātmanā || 9 ||
[Analyze grammar]

daurbhāgyaduḥkhasaṃtaptā mariṣyāma na saṃśayaḥ |
anena jīvitenāpi maraṇaṃ niścayaṃ bhavet || 10 ||
[Analyze grammar]

pulastya uvāca |
atha roṣasamāyukto dakṣo gatvā'bravīdvidhum |
mama vākyaṃ tvayā caṃdra yasmātpāpa kṛtaṃ na hi || 11 ||
[Analyze grammar]

kṣayameṣyasi tasmāttvaṃ yakṣmaṇā nāsti saṃśayaḥ |
evaṃ dattvā tataḥ śāpaṃ gato dakṣaḥ svamālayam || 12 ||
[Analyze grammar]

yakṣmaṇā vyāpitaścaṃdraḥ kṣayaṃ yāti dinedine |
kṣīṇo dyutivihīnastu ciṃtayāmāsa caṃdramāḥ || 13 ||
[Analyze grammar]

ki karttavyaṃ mayā tatra hyasmiñchāpe sudāruṇe |
atha kiṃ pūjayiṣyāmi sarvakāmapradaṃ śivam || 14 ||
[Analyze grammar]

sa evaṃ niścayaṃ kṛtvā gatorbudamathācalam |
tapastepe jitakrodho japahomaparāyaṇaḥ || 15 ||
[Analyze grammar]

tasmai tuṣṭo mahādevo varṣāṇāmayute gate |
abravīdvarado'smīti tato'smai darśanaṃ dadau || 16 ||
[Analyze grammar]

īśvara uvāca |
varaṃ varaya bhadraṃ te yatte manasi vartate |
tava dāsyāmyahaṃ caṃdra yadyapi syātsudurllabham || 17 ||
[Analyze grammar]

caṃdra uvāca |
vyādhikṣayaṃ suraśreṣṭha kuru me tripurāṃtaka |
yakṣmaṇā vyāpito deho mamāyaṃ ca jagatpate || 18 ||
[Analyze grammar]

īśvara uvāca |
dakṣaśāpena te caṃdra yakṣmā kāye vyavasthitaḥ |
na śakto hyanyathā kartuṃ śāpastasya mahātmanaḥ || 19 ||
[Analyze grammar]

tasmāttvaṃ tasya tāḥ sarvāḥ kanyakā mama vākyataḥ |
niśākara samaṃ paśya tava vyādhirgamiṣyati || 20 ||
[Analyze grammar]

kṛṣṇe kṣayaśca te caṃdra śukle vṛddhirbhaviṣyati |
varaṃ varaya bhadraṃ te anyamiṣṭaṃ sudurllabham || 21 ||
[Analyze grammar]

caṃdra uvāca |
caṃdragrahe naro yo'tra somavāre ca śaṃkara |
bhaktyā snānaṃ karotyeva sa yātu paramāṃ gatim || 22 ||
[Analyze grammar]

piṇḍadānena deveśa svargaṃ gacchaṃtu pūrvajāḥ |
prasādāttava deveśa tīrthaṃ bhavatu muktidam || 23 ||
[Analyze grammar]

īśvara uvāca |
bhaviṣyaṃti naro'traiva vipāpmāno niśākara |
yasmātprabhā tvayā prāptā tīrthe'sminvimalodake || 24 ||
[Analyze grammar]

prabhāsatīrthaṃ vikhyātaṃ tasmādetadbhaviṣyati |
yatra somagrahe prāpte somavāre viśeṣataḥ || 25 ||
[Analyze grammar]

kariṣyaṃti narāḥ snānaṃ te yāsyaṃti parāṃ gatim |
ye'tra śrāddhaṃ kariṣyaṃti piṃḍadānaṃ tathā narāḥ || 26 ||
[Analyze grammar]

gayāśrāddhasamaṃ puṇyaṃ teṣāṃ caṃdra bhaviṣyati |
tathā dānaṃ prakartavyaṃ soma lokairgrahe tava || 27 ||
[Analyze grammar]

pulastya uvāca |
evamuktvā virūpākṣastatraivāṃtaradhīyata |
candro'pi bubhuje sarvāḥ patnīśca dakṣasaṃbhavāḥ || 28 ||
[Analyze grammar]

iti śrīskānde mahāpurāṇa ekāśītisāhasryāṃ sahitāyāṃ saptame prabhāsakhaṇḍe tṛtīye'rbudakhaṇḍe caṃdraprabhāsatīrthamāhātmyavarṇanaṃnāma viṃśo'dhyāyaḥ || 20 ||
[Analyze grammar]