Chapter 10

[English text for this chapter is available]

yayātiruvāca |
kedāraṃ śrūyate brahmanparvate ca himācale |
gaṃgā tasmādviniṣkrāntā praviṣṭā pūrvasāgaram || 1 ||
[Analyze grammar]

tathā sarasvatī devī cūtavṛkṣādvinirgatā |
paścimaṃ sāgaraṃ prāptā gṛhītvā vaḍavānalam || 2 ||
[Analyze grammar]

kathamatra samāyātaḥ kedāraścātra kautukam |
sarvaṃ vistarato brūhi vicitraṃ mama bhūsura || 3 ||
[Analyze grammar]

pulastya uvāca |
satyametanmahārāja yanno'tra paripṛcchasi |
śṛṇuṣvāvahito bhūtvā yathā jātaṃ śrutaṃ tu vai || 4 ||
[Analyze grammar]

gaṃgādyāni ca tīrthāni kedārādyā divaukasaḥ |
mayā saha purā devāḥ śakrādyā nṛpasattamāḥ || 5 ||
[Analyze grammar]

brahmāṇaṃ prati rājendra gatāḥ sarve maharṣayaḥ |
sarve tatra kathāścakrurdharmyā nānā pṛthakpṛthak || 6 ||
[Analyze grammar]

samudāye ca devānāṃ sarvatīrthāni pārthiva |
kṣetrāṇyupa sthitānyeva vanānyupavanāni ca || 7 ||
[Analyze grammar]

tataḥ kathāprasaṃgena indraḥ prāha caturmukham |
kautukena samāyuktaḥ papraccha nṛpasattama || 8 ||
[Analyze grammar]

indra uvāca |
bhagavanpuṇyamāhātmyaṃ śrotumicchāmi sāṃpratam |
pramāṇaṃ caiva sarveṣāṃ kṛtādīnāṃ pṛthagvidham || 9 ||
[Analyze grammar]

brahmovāca |
lakṣaṃ saptadaśa proktaṃ yugamānaṃ surādhipa |
aṣṭāviṃśatibhiḥ sārddhaṃ sahasraiḥ kṛtamucyate || 10 ||
[Analyze grammar]

lakṣadvādaśabhiḥ proktaṃ yugaṃ tretābhisaṃjñitam |
ṣaṇṇavatyadhikaiścaiva sahasraiḥ parimāṇitam || 11 ||
[Analyze grammar]

lakṣāṇyaṣṭau catuḥṣaṣṭisahasraiḥ parikīrtitam |
tato vai dvāparaṃ nāma yugaṃ devaprakīrtitam || 12 ||
[Analyze grammar]

lakṣaiścaturbhirvikhyāto dvātriṃśadbhiḥ kalistathā |
sahasraiśca suraśreṣṭha yugamānamitīritam || 13 ||
[Analyze grammar]

catuṣpadaḥ kṛte dharmaḥ śuklavarṇo janārdanaḥ |
na durbhikṣaṃ na ca vyādhistasminbhavati vai kvacit || 14 ||
[Analyze grammar]

kriyate ca tadā dharmo nākāle maraṇaṃ nṛṇām |
lāṃgalena vinā sasyaṃ bhūrikṣīrāśca dhenavaḥ || 15 ||
[Analyze grammar]

kāmaḥ krodho bhayaṃ lobho matsaraścābhyasūyatā |
tasminyuge sahasrākṣa na bhavaṃti kadācana || 16 ||
[Analyze grammar]

tatastretāyuge jātastripādo dharma eva ca |
cirāyuṣo narāstasminraktavarṇo janārdanaḥ || 17 ||
[Analyze grammar]

tasminyajñāḥ pravarttaṃte prāṇināmiṣṭadāyinaḥ |
na kāmādipravṛttiśca tasminsaṃjāyate nṛṇām || 18 ||
[Analyze grammar]

tapasā brahmacaryeṇa snānairdānaiḥ pṛthagvidhaiḥ |
tathā yajñairjapairhomaistatra vṛttirbhavennṛṇām || 19 ||
[Analyze grammar]

tatastu dvāparaṃ nāma tṛtīyaṃ yuga mucyate |
dvipado dharmaḥ sañjātaḥ pītavarṇo janārddanaḥ || 20 ||
[Analyze grammar]

phalākāṃkṣāpravṛttāni japayajñatapāṃsi ca |
satyānṛtānvito loko dvāpare surasattama || 21 ||
[Analyze grammar]

tatrānyonyaṃ mahīpālā yuyudhurvasudhātale |
supūtāśca divaṃ yāṃti yajñairiṣṭvā janārdanam || 22 ||
[Analyze grammar]

tataḥ kaliyugaṃ ghoraṃ caturthaṃ tu prava rttate |
ekapādo bhaveddharmaḥ saṃtrasto nityapūjane || 23 ||
[Analyze grammar]

kṛṣṇavarṇo bhavedviṣṇuḥ pāpādhikyaṃ pravartate |
māyā ca matsaraścaiva kāmaḥ krodhastathā bhayam || 24 ||
[Analyze grammar]

arthalubdhāstathā bhūpā lobhamohaśatānvitāḥ |
alpāyuṣo narāstatra alpasasyā ca medinī || 25 ||
[Analyze grammar]

alpakṣīrāstathā gāvaḥ satyahīnā dvijātayaḥ |
tatra māyāvino lokā jaihvyaupasthyaparāyaṇāḥ || 26 ||
[Analyze grammar]

satyahīnāstathā pāpā bhaviṣyaṃti kalau yuge |
tatra ṣoḍaśame varṣe narāḥ palitakuntalāḥ || 27 ||
[Analyze grammar]

nāryo dvādaśame varṣe bhaviṣyaṃti sugarbhitāḥ |
bhaviṣyati kramādvarṇasaṃkaraśca surādhipa || 28 ||
[Analyze grammar]

ekākārā bhaviṣyaṃti sarvavarṇāśramāśca vai |
nāśaṃ yāsyaṃti yajñāśca kuladharmaḥ sanātanaḥ || 29 ||
[Analyze grammar]

vyarthāni tatra tīrthāni mlecchaspṛṣṭāni sarvaśaḥ |
bhaviṣyaṃti suraśreṣṭha prabhāvarahitāni ca || 30 ||
[Analyze grammar]

etacchrutvā tato vākyaṃ brahmaṇo'vyaktajanmanaḥ |
tatra sthitāni tīrthāni brahmāṇamidamabruvan || 31 ||
[Analyze grammar]

tīrthānyūcuḥ |
kathaṃ vayaṃ bhaviṣyāmaḥ saṃprāpte dāruṇe kalau |
sthānaṃ no brūhi deveśa sthātavyaṃ ca sadaiva hi || 32 ||
[Analyze grammar]

brahmovāca |
arbudaḥ parvataśreṣṭhaḥ kalistatra na vidyate |
atastatra ca gaṃtavyaṃ tīrthairāyatanaiḥ saha || 33 ||
[Analyze grammar]

api kṛtvā mahatpāpamarbudaṃ prekṣate tu yaḥ |
kalidoṣavinirmuktaḥ sa yāsyati parāṃ gatim || 34 ||
[Analyze grammar]

pulastya uvāca |
evamuktvā caturvaktro brahmalokaṃ gato nṛpa |
tataḥ sarvāṇi tīrthāni gatāni ca kalau yuge || 35 ||
[Analyze grammar]

bhūmāvarbudaśailendre saṃsthitāni kalerbhayāt |
gaṃgā sarasvatī caiva yamunā puṣkarāṇi ca || 36 ||
[Analyze grammar]

kurukṣetraṃ prabhāsaṃ ca brahmāvartaṃ tathaiva ca |
tisraḥkoṭyo'rddhakoṭiśca yāni tīrthāni bhūtale || 37 ||
[Analyze grammar]

teṣāṃ vāsaśca sañjātaḥ parvate'rbudasaṃjñike |
evaṃ tatra samāpannā gaṃgā caiva sarasvatī || 38 ||
[Analyze grammar]

tatra śāṃtā narāḥ samyakparaṃ nirvāṇamāpnuyuḥ |
śrāddhaṃ kṛtvā mahārāja svarge yāṃti ca pūrvajāḥ || 39 ||
[Analyze grammar]

śṛṇu tatrābhavatpūrvaṃ yadāścaryaṃ mahāmate |
ṛṣirmaṃkaṇakonāma sarasvatyāstaṭe sthitaḥ || 40 ||
[Analyze grammar]

tapastepe sudharmātmā kāmakrodhavivarjitaḥ |
tasyaivaṃ vartamānasya kṣutamāsītkadācana || 41 ||
[Analyze grammar]

pittaṃ prapatitaṃ tatra tacca raktamayaṃ babhau |
taddṛṣṭvā'tīva hṛṣṭaḥ sa maṃkaṇarṣirbabhūva ha || 42 ||
[Analyze grammar]

siddho'hamiti vijñāya tato nṛtyaṃ cakāra saḥ |
tasyaivaṃ vartamānasya jagatsthāvarajaṃgamam || 43 ||
[Analyze grammar]

tatra saṃkṣobhamāpannaṃ sāgarā api cukṣubhuḥ |
gṛhakṛtyāni saṃtyajya sarve vismayamā gatāḥ || 44 ||
[Analyze grammar]

tasyaivaṃ nṛtyamānasya sarve lokā nṛpottama |
nanṛtuḥ pārthivaśreṣṭha prabhāvāttasya sanmuneḥ || 45 ||
[Analyze grammar]

tato devagaṇāḥ sarve gatvā kāmaniṣūdanam |
yathā'yaṃ nṛtyate naiva tathā kuru maheśvara || 46 ||
[Analyze grammar]

atha brāhmaṇarūpeṇa śaṃbhunokto dvijottamaḥ |
tvayā brahmaṃstapastaptamadhunā nṛtyate katham || 47 ||
[Analyze grammar]

maṃkaṇa uvāca |
kiṃ na paśyasi he brahmanraktaṃ pittaṃ ca me sthitam |
saṃjātaṃ siddhimāpanno raktaṃ pittaṃ yato mama || 48 ||
[Analyze grammar]

etasmātkāraṇāddharṣāddvija nṛtyaṃ karomyaham |
evamuktastatastena devadevo maheśvaraḥ || 49 ||
[Analyze grammar]

tarjanyā tāḍayāmāsa svāṃguṣṭhaṃ nṛpasattama |
tatoṃguṣṭhādviniṣkrāṃtaṃ bhasma vai bisapāṃḍuram || 50 ||
[Analyze grammar]

tato maṃkaṇakaṃ prāha paśya vipra karānmama |
śubhraṃ bhasma viniṣkrāṃtaṃ paśya me dvija kautukam || 51 ||
[Analyze grammar]

pulastya uvāca |
taddṛṣṭvā vismito vipro jñātvā taṃ vṛṣabhadhvajam |
jānubhyāmavaniṃ gatvā vākyametaduvāca ha || 52 ||
[Analyze grammar]

maṃkaṇa uvāca |
nūnaṃ bhavānmahādevaḥ sākṣāddṛṣṭaḥ prasīda me |
niścitaṃ tvaṃ mayā jñāta etanme hṛdi vartate || 53 ||
[Analyze grammar]

nānyasyāyaṃ prabhāvaśca tvayā yo me pradarśitaḥ |
māṃ samuddhara deveśa kṛpāṃ kṛtvā maheśvara || 54 ||
[Analyze grammar]

śrīmahādeva uvāca |
samyagjñāto'smi viprendra tvayā'haṃ nātra saṃśayaḥ |
varaṃ varaya bhadraṃ te nṛtyādhikyaṃ yataḥ kṛtam || 55 ||
[Analyze grammar]

maṃkaṇa uvāca |
ye'tra snānaṃ prakurvaṃti sarasvatyāṃ samāhitāḥ |
tvatprasādātphalaṃ teṣāṃ rājasūyāśvamedhayoḥ || 56 ||
[Analyze grammar]

śrīmahādeva uvāca |
ye'tra snānaṃ kariṣyaṃti sarasvatyāṃ samāhitāḥ |
te yāsyaṃti paraṃ sthānaṃ jarāmaraṇavarjitam || 57 ||
[Analyze grammar]

atra gaṃgāsarasvatyoḥ saṃgame lokaviśrute |
śrāddhaṃ kuryurdvijaśreṣṭha te yāsyaṃti parāṃ gatim || 58 ||
[Analyze grammar]

suvarṇaṃ ye'tra dāsyaṃti yathāśaktyā dvijottame |
sarva pāpavinirmuktāste yāsyanti parāṃ gatim || 59 ||
[Analyze grammar]

ityuktvāṃtardadhe rājandevadevo maheśvaraḥ || 60 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṇḍe'rbudācale kaliyugapabhāvātsarvatīrthāgamanavarṇanaṃnāma daśamo'dhyāyaḥ || 10 ||
[Analyze grammar]