Chapter 6

[English text for this chapter is available]

īśvara uvāca |
adhunā saṃpravakṣyāmi maṃgalātpaścime vrajet |
tatra siddheśvaraṃ paśyetsarvasiddhipradāyakam || 1 ||
[Analyze grammar]

tatraiva cakratīrthaṃ tu tīrthakoṭiphalapradam |
lokeśvaraṃ svayaṃbhūtaṃ pūrvamiṃdreśvareti ca || 2 ||
[Analyze grammar]

dṛṣṭvā taṃ vidhivaddevi tato yakṣavanaṃ vrajet |
maṃgalātpaścime bhāge yatra devī svayaṃ sthitā || 3 ||
[Analyze grammar]

yakṣeśvarī mahābhāgā vāṃchitārthapradāyinī |
tāṃ saṃpūjya vidhānena tato vastrāpathaṃ punaḥ || 4 ||
[Analyze grammar]

giriṃ raivatakaṃ gatvā kuryādyātrāvidhānataḥ |
mṛgīkuṃḍāditīrthāni saṃti tatraiva koṭiśaḥ || 5 ||
[Analyze grammar]

yadbhuktiśikhare devi sīmāliṃgaṃ hi tatsmṛtam |
daśakoṭistu tīrthāni tatra saṃti varāna ne || 6 ||
[Analyze grammar]

yatra vai yādavāḥ siddhāḥ kalau ye buddhirūpiṇaḥ |
śatasahasrārbudaṃ ca liṃgaṃ tatraiva tiṣṭhati || 7 ||
[Analyze grammar]

gajeṃdrasya padaṃ tatra tatraiva rasakūpikāḥ |
sapta kuṇḍāni tatraiva raivate parvatottame || 8 ||
[Analyze grammar]

aṃbikā ca sthitā devī pradyumnaḥ sāṃba eva ca |
liṃgākāre parvate tu tatra tīrthāni koṭiśaḥ || 9 ||
[Analyze grammar]

mṛgīkuṃḍaṃ ca tatraiva kālameghastathaiva ca |
kṣetrapālasvarūpeṇa mahodadhi svayaṃ sthitaḥ |
dāmodaraśca tatraiva bhavo brahmāḍanāyakaḥ || 10 ||
[Analyze grammar]

pārvatyuvāca |
śrutāni tava tīrthāni deveśa vadatastava |
gaṃgā sarasvatī puṇyā yamunā ca mahānadī || 11 ||
[Analyze grammar]

godāvarī gomatī ca nadī tāpī ca narmadā |
sarayūḥ svarṇarekhā ca tamasā pāpanāśinī || 12 ||
[Analyze grammar]

nadyaḥ samudrasaṃyogāḥ sarvāḥ puṇyāḥ śrutā mayā |
mokṣāraṇyāni divyāni |divyakṣetrāṇi yāni ca || 13 ||
[Analyze grammar]

nagaryo muktidāyinyastāḥ śrutāstvatprasādataḥ |
brahmaviṣṇuśivādīnāṃ sūryeṃduvaruṇasya ca || 14 ||
[Analyze grammar]

devatānā mṛṣīṇāṃ ca saṃti sthānānyanekaśaḥ |
paraṃ deva tvayā puṇyaṃ prabhāsaṃ kathitaṃ mama || 15 ||
[Analyze grammar]

tasmādyaccādhikaṃ proktaṃ kṣetraṃ vastrāpathaṃ tvayā |
śṛṇvaṃtyā ca mayā pūrvaṃ na pṛṣṭaṃ kāraṇaṃ tadā || 16 ||
[Analyze grammar]

idānīṃ ca śrutaṃ sarvaṃ svasthāhaṃ kāraṇaṃ vada |
prabhāvaṃ prathamaṃ brūhi kṣetrasya ca bhavasya ca || 17 ||
[Analyze grammar]

kasmindeśe ca tattīrthaṃ śivaḥ kenātra saṃsthitaḥ |
svayaṃbhūrbhagavānrudraḥ kathaṃ tatra sthitaḥ svayam |
prabho me mahadāścaryaṃ vartate tadvadādhunā || 18 ||
[Analyze grammar]

īśvara uvāca |
vastrāpathasya kṣetrasya prabhāvaṃ prathamaṃ śṛṇu |
paścādbhavasya māhātmyaṃ śṛṇu tvaṃ ca varānane || 19 ||
[Analyze grammar]

kānyakubje mahākṣetre rājā bhojeti viśrutaḥ |
purā puṇyayuge dharmyaḥ prajā dharmeṇa śāsati || 20 ||
[Analyze grammar]

viśālākṣo dīrghabāhurvidvānvāggmī priyaṃvadaḥ |
sarvalakṣaṇasaṃpūrṇo bahvāścaryavilokakaḥ || 21 ||
[Analyze grammar]

vanātkadācidabhyetya vanapālobravīdidam |
āścaryaṃ bhramatā deva vane dṛṣṭaṃ mayādhunā || 22 ||
[Analyze grammar]

girau viṣamabhūbhāge vahuvṛkṣasamākule |
mṛgayūthagatā nārī mayā dṛṣṭā mṛgānanā || 23 ||
[Analyze grammar]

mṛgavatplavate bālā sadā tatraiva dṛśyate |
iti śrutvā vaco rājā tuṣṭastasmai dhanaṃ dadau || 24 ||
[Analyze grammar]

caturaṃ turagaṃ divyaṃ vāsasī svarṇabhūṣaṇam |
idānīmeva yāsyāmi senādhyakṣa tvayā saha || 25 ||
[Analyze grammar]

aśvānāṃ daśasāhasraṃ vāgurāṇāṃ tvanekadhā |
pattayo yāṃtu sarvatra veṣṭayaṃtu giriṃvaram || 26 ||
[Analyze grammar]

na haṃtavyo mṛgaḥ kaścidrakṣaṇīyā hi sā mṛgī |
strīveṣadhāriṇī nārī mṛgī bhavati bhūtale || 27 ||
[Analyze grammar]

kva yāsyati varākī sā madbalaiḥ paripīḍitā |
śastrāstravarjitaṃ sainyaṃ vanapālapadānugam || 28 ||
[Analyze grammar]

ahorātreṇa saṃprāptaṃ bahuvyādhajanāgrataḥ |
aśvādhirūḍho balavānbhojarājo yayau svayam || 29 ||
[Analyze grammar]

niḥśabdapadasañcāraḥ saṃjñāsaṃketabhāṣakaḥ |
giriṃ saṃveṣṭayāmāsa vāgurābhiḥ svayaṃ nṛpaḥ || 30 ||
[Analyze grammar]

vanapālena sahito mṛgayūthaṃ dadarśa saḥ |
sā mṛgī mṛgamadhyasthā nārīdehā mukhe mṛgī |
mṛgavacceṣṭate bālā dhāvate ca mṛgaiḥ saha || 31 ||
[Analyze grammar]

aśvagaṃdhānsamāghrāya santrastā mṛgayūthapāḥ |
kṣubdhā bhrāntāḥ kṣaṇe tasminsarve yāṃti diśo daśa || 32 ||
[Analyze grammar]

mṛgavaktrā tu yā nārī mṛgaiḥ katipayaiḥ saha |
plavamānā nipatitā vāgurāyāṃ vicetanā || 33 ||
[Analyze grammar]

balādhyakṣeṇa vidhṛtā mṛgaiḥ saha śanairnṛpaḥ |
dadarśa mahadāścaryaṃ bhojarājo janairvṛtaḥ || 34 ||
[Analyze grammar]

tataḥ kolāhalo jātaḥ paramānaṃdinisvanaḥ |
mṛgaiḥ saha samāninye kānyakubjaṃ mṛgīṃ nṛpaḥ || 35 ||
[Analyze grammar]

divyavastrasamācchannā divyābharaṇabhūṣitā |
narayānasthitā nārī praviveśa mṛgairvṛtā || 36 ||
[Analyze grammar]

vāditrairbrahmaghoṣaiśca nīyate nṛpamaṃdiram |
janairjānapadairmārge dṛśyate nṛpamandire || 37 ||
[Analyze grammar]

nīyamānā nāgaraiśca mahadāścaryabhāṣakaiḥ |
puṇye muhūrtte saṃprāpte sā mṛgī nṛpamandiram || 38 ||
[Analyze grammar]

pratīhāreṇa rājendra vacasā vārito janaḥ |
gataḥ senāpatiḥ sainyaṃ gṛhītvā svaniketanam || 39 ||
[Analyze grammar]

rājāpi svagṛhaṃ prāpya snātvā saṃpūjya devatāḥ |
tāṃ mṛgīṃ snāpayāmāsa divyagandhānulepanām || 40 ||
[Analyze grammar]

kuṅkumena viliptāṃgīṃ divyavastrāvaguṃṭhitām |
yathocitaṃ yathāsthānaṃ divyābharaṇabhūṣitām || 41 ||
[Analyze grammar]

ekāṃte nirjane rājā babhāṣe cārulocanām |
kā tvaṃ kasya sutā kena kāraṇena mṛgaiḥ saha || 42 ||
[Analyze grammar]

strīṇāṃ śarīraṃ te kasmānmṛgīṇāṃ vadanaṃ kutaḥ |
iti sarvaṃ samācakṣva paraṃ kautūhalaṃ hi me || 43 ||
[Analyze grammar]

evaṃ sā procyamānāpi na babhāṣe kathaṃcana |
mūkavanna vijānāti na ca bhuṃkte sulocanā || 44 ||
[Analyze grammar]

na bhuṃkte pṛthivīpālo na rājyaṃ bahu manyate |
na dārairvidyate kāryaṃ nāśvairna ca gajai rathaiḥ || 45 ||
[Analyze grammar]

tadeva rājyaṃ te dārāste gajāstaddhanaṃ bahu |
pramadāmadasaṃraktaṃ yatra saṃkrīḍate manaḥ || 46 ||
[Analyze grammar]

āhūyāha pratīhāraṃ tayā saṃmohito nṛpaḥ |
purodhasaṃ guruṃ viprānācāryāñchīghramānaya || 47 ||
[Analyze grammar]

daivajñānatha mantrajñānbhiṣajastāṃtrikāṃstathā |
iti sannodito rājñā pratīhāro yayau svayam || 48 ||
[Analyze grammar]

ājagāma sa vegena samānīya dvijottamān |
rājñe vijñāpayāmāsa deva viprāḥ samāgatāḥ || 49 ||
[Analyze grammar]

praveśaya guruṃ dvāḥsthaṃ saṃprāptānmaddhite ratān |
iti sannodito rājñā tathā cakre sa buddhimān || 50 ||
[Analyze grammar]

abhyutthāya nṛpaḥ pūrvaṃ namaskṛtya prapūjya ca |
āsaneṣūpaviṣṭāṃstānbabhāṣe kāryatatparaḥ || 51 ||
[Analyze grammar]

idamāścaryamevaikaṃ kathaṃ śakyaṃ niveditum |
jānīta hi svayaṃ sarve lokataḥ śāstrato'pi vā || 52 ||
[Analyze grammar]

kathameṣā samutpannā kasyedaṃ karmaṇaḥ phalam |
asyāṃ kena prakāreṇa vacanaṃ mānuṣaṃ bhavet || 53 ||
[Analyze grammar]

svayaṃ manuṣyavadanā kathameṣā bhaviṣyati |
sāvadhānairdvijairbhūyaḥ sarvaṃ saṃcintya cocyatām || 54 ||
[Analyze grammar]

viprā ūcuḥ |
deva sārasvato nāma kurukṣetre dvijottamaḥ |
ūrddhvaretāḥ sarasvatyāṃ tapastepe jitendriyaḥ || 55 ||
[Analyze grammar]

kathayiṣyati sarvaṃ te tenādiṣṭā mṛgī svayam |
iti śrutvā vaco rājā yayau sārasvataṃ dvijam || 56 ||
[Analyze grammar]

sarasvatījale snātaṃ prabhāse dhyānatatparam |
dṛṣṭvā pradakṣiṇīkṛtya sāṣṭāṃgaṃ taṃ praṇamya ca |
upaviṣṭo nṛpo bhūmau prāṃjaliḥ sañjitendriyaḥ || 57 ||
[Analyze grammar]

manuṣyapadasaṃcāraṃ śrutvā jñātvā ca kāraṇam |
sārasvato babhāṣe'tha taṃ nṛpaṃ bhaktitatparam || 58 ||
[Analyze grammar]

sārasvata uvāca |
bhojarāja śubhaṃ testu jñātaṃ tatkāraṇaṃ mayā |
mṛgānanā tvayā nārī samānītā vanātkila || 59 ||
[Analyze grammar]

mahadāścaryamevaitattava cetasi varttate |
ādiṣṭā tu mayā bālā sarvaṃ te kathayiṣyati || 60 ||
[Analyze grammar]

jānāmyahaṃ mahārāja caritraṃ janma yādṛśam |
āścaryaṃ saṃbhavelloke kathyamānaṃ tayā svayam || 61 ||
[Analyze grammar]

ityādiśya gato vegādrathenādityavarcasā |
ahorātradvayenaiva saṃprāpto nṛpa mandiram || 62 ||
[Analyze grammar]

praviśya ca mṛgīṃ dṛṣṭvā yatrāste mṛgalocanā |
tayā sārasvato jñāto dharmajñaḥ sarvaviddvijaḥ || 63 ||
[Analyze grammar]

mṛgyuvāca |
eṣa sarvaṃ hi jānāti kāraṇaṃ yacca yādṛśam |
varttamānaṃ bhaviṣyaṃ ca bhūtaṃ yadbhuvanatraye || 64 ||
[Analyze grammar]

etena maraṇaṃ jñātaṃ madīyaṃ pūrvajanmani |
vastrāpathe mahākṣetre tapastaptaṃ bhavālaye || 65 ||
[Analyze grammar]

vidhūya kaluṣaṃ sarvaṃ jñānamutpādya yatnataḥ |
jarāmaraṇanirmuktaḥ pratyakṣaṃ dṛṣṭavānbhavam || 66 ||
[Analyze grammar]

asya tuṣṭo bhavo devo jñātaṃ tīrthasya kāraṇam |
ādiṣṭayā mayā vācyaṃ bhavejjanmani kāraṇam || 67 ||
[Analyze grammar]

iti cintāparā yāvattāvadvipraḥ samāgataḥ |
tasmai praṇāmaparamā mūrcchitā nipapāta sā || 68 ||
[Analyze grammar]

atha sārasvato jñānājjñātavānkāraṇaṃ ca tat |
ānayantu dvijā vegātkalaśaṃ toyasaṃbhṛtam || 69 ||
[Analyze grammar]

savauṃṣadhīḥ pallavāṃśca dūrvāḥ puṣpāṇi cākṣatān |
dhūpaṃ ca caṃdanaṃ caiva gomayaṃ madhusarpiṣī || 70 ||
[Analyze grammar]

ityādiṣṭairdvijairvegātsamānītaṃ nṛpājñayā |
upalipya ca bhūbhāgaṃ svastikaṃ saṃniveśya ca || 71 ||
[Analyze grammar]

tatrāgnikāryaṃ kṛtvā'tha vedānkuṃbhe nidhāya saḥ |
indraṃ tasmiṃśca vinyasya dikpālāṃśca yathākramam |
hutvāgniṃ sa caruṃ kṛtvā grahapūjāmakārayat || 72 ||
[Analyze grammar]

toyaṃ suvarṇapātrasthaṃ kṛtvā kuṃbhānsvayaṃ guruḥ |
abhiṣekaṃ tataścakre muhūrte sārvakāmike || 73 ||
[Analyze grammar]

abhiṣiktā tu sā tena pūtā snānārthavāriṇā |
jātā sacetanā bālā sarvaṃ paśyati cakṣuṣā || 74 ||
[Analyze grammar]

śṛṇoti sarvaṃ jānāti caritraṃ pūrvajanmanaḥ |
badarīphalamātraṃ tu puroḍāśaṃ dadau guruḥ || 75 ||
[Analyze grammar]

tayopabhuktaṃ yatnena tataścakre sa mārjjanam |
mānuṣe vacane karṇe dadau jñānaṃ gurustataḥ || 76 ||
[Analyze grammar]

gurave dakṣiṇāṃ dattvā tataḥ sā ca mṛgānanā |
bhojarājāya sarva ca caritraṃ pūrvajanmanaḥ || 77 ||
[Analyze grammar]

vaktuṃ pracakrame bālyādyadvṛttaṃ pūrvajanmani |
namaskṛtya guruṃ pūrvaṃ brāhmaṇānkṣatriyāṃstathā || 78 ||
[Analyze grammar]

mṛgyuvāca |
na viṣādastvayā kāryo rājañcchrutvā mayoditam |
itastvaṃ saptame sthāne kaliṃgādhipateḥ sutaḥ || 79 ||
[Analyze grammar]

mṛte pitari bālastvaṃ svabhiṣiktaḥ svamaṃtribhiḥ |
ahaṃ hi vaṃgarājasya saṃjātā duhitā kila || 80 ||
[Analyze grammar]

pariṇītā tvayā deva pitrā dattā svayaṃ nṛpa |
tvayā'haṃ paṭṭamahiṣī kṛtā yoṣidvarā yataḥ || 81 ||
[Analyze grammar]

yuvā jātaḥ krameṇaiva hiṃsraḥ krūro babhūva ha |
na vedaśāstrakuśalo dayādharmavivarjitaḥ || 82 ||
[Analyze grammar]

lubdho mānī mahākrodhī satyācāra bahiṣkṛtaḥ |
na devaṃ na guruṃ viprānno jānāti durāśayaḥ || 83 ||
[Analyze grammar]

viraktā hi prajāstasya brāhmaṇocchedakārakaḥ |
samāsannairnṛpaistasya deśaḥ sarvo viluṃpitaḥ |
sainyaṃ sarvaṃ samādāya yuddhāyopajagāma saḥ || 84 ||
[Analyze grammar]

sahaivāhaṃ gatā deva yuddhaṃ jātaṃ nṛpaiḥ saha |
hāritaṃ sainikaistasya gatā naṣṭā diśo daśa || 85 ||
[Analyze grammar]

tyaktvā dharmaṃ nijaṃ rājā palāyanaparo'bhavat |
gacchamānastu nṛpatiḥ śatrubhiḥ paripīḍitaḥ || 86 ||
[Analyze grammar]

tavāsmivādī duṣṭātmā hato lokavirodhakaḥ |
dehaṃ tasya gṛhītvāgnau praviṣṭāhaṃ nṛpottama || 87 ||
[Analyze grammar]

mṛtasyaivaṃ gatirnāsti narake sa vipacyate |
mṛtaṃ kāṃtaṃ samādāya bhāryāgnau praviśedyadi || 88 ||
[Analyze grammar]

sā tārayati pāpiṣṭhaṃ yāvadābhūtasaṃplavam |
iha pāpakṣayaṃ kṛtvā paścātsvarge mahīyate || 89 ||
[Analyze grammar]

atastvaṃ brāhmaṇo jāto deśe mālavake nṛpa |
tasyaiva tatra bhāryāhaṃ saṃbhūtā brāhmaṇī nṛpa || 90 ||
[Analyze grammar]

dhanadhānyasamṛddho'bhūttathā jīvadhanādhikaḥ |
mṛtaḥ pitā mṛtā mātā sa ca bhrātṛvivarjitaḥ || 91 ||
[Analyze grammar]

dhanadhānyasamṛddho'pi lubdho bhramati bhūtale |
atīva kopano vipro vedapāṭhavivarjitaḥ || 92 ||
[Analyze grammar]

snānasaṃdhyādihīnaśca māyāvī yācate janam |
bhaktiṃ karomi paramāṃ sa ca krudhyati māṃ prati || 93 ||
[Analyze grammar]

saṃtānaṃ tasya vai nāsti dhanarakṣāparo hi saḥ |
na dadāti na cāśnāti na juhoti sa rakṣati || 94 ||
[Analyze grammar]

na tarpaṇaṃ tilairvipro vidadhātyatilo bhataḥ |
kārttike'pi ca saṃprāpte viṣṇupūjāvivarjitaḥ || 95 ||
[Analyze grammar]

dīpaṃ dadāti no vipro māsamekaṃ nirantaram |
na bhuṃkte śākapatraṃ sa ekāhāro niraṃtaram || 96 ||
[Analyze grammar]

māse nabhasye saṃprāpte prāpte kṛṣṇe nṛpottama |
na karoti gṛhe śrāddhaṃ snānatarpaṇavarjitaḥ || 97 ||
[Analyze grammar]

na jānāti dinaṃ pitryaṃ pakṣamekaṃ nirantaram |
anyatra bhuṃkte vipro'sau kṣayāhe'pi samāgate || 98 ||
[Analyze grammar]

makarasthe'pi saṃkrāṃtau kṛśarānnaṃ dadāti na |
tilānsuvarṇaṃ tāraṃ vā vastraṃ vā phalameva ca |
śākapatraṃ sa puṣpaṃ vā na dadāti tatheṃdhanam || 99 ||
[Analyze grammar]

gavāṃ gavāhnikaṃ naiva kathaṃ muktirbhaviṣyati |
na yāti viṣṇuśaraṇaṃ saṃprāpte dakṣiṇāyane || 100 ||
[Analyze grammar]

dhenuṃ dadāti no vipro grahaṇe caṃdrasūryayoḥ || 101 ||
[Analyze grammar]

ekāpi dattā supayasvinī sā savastraghaṃṭābharaṇopapannā |
vatsena yuktā hi dadāti dātre muktiṃ kulasyāsya karoti vṛddhim || 102 ||
[Analyze grammar]

yāvaṃti romāṇi bhavaṃti tasyāstāvaṃti varṣāṇi mahīyate saḥ |
brahmālaye siddha gaṇairvṛto'sau saṃtiṣṭhate sūryasamānatejāḥ || 103 ||
[Analyze grammar]

devālayaṃ no vidadhāti vāpīṃ kūpaṃ taḍāgaṃ na karoti kuṇḍam |
puṇyaṃ vivāhaṃ sujanopakāraṃ nāsau satāṃ vā dvijamaṃdiraṃ ca || 104 ||
[Analyze grammar]

dhanaṃ sadā bhūmigataṃ karoti dharmaṃ na jānāti kulasya cāsau |
ahaṃ hi tasyānugatā bhavāmi kathaṃ hi kāṃtaṃ parivaṃ cayāmi || 105 ||
[Analyze grammar]

evaṃ hi varttamānaḥ sa kāladharmamupeyivān |
dhanalobhānmayā deva maraṇaṃ parivarjitam || 106 ||
[Analyze grammar]

paśyantyā gotribhiḥ sarvaṃ gṛhītaṃ dhanasaṃcayam |
kālena mahatā deva mṛtā'haṃ dvijamaṃdire || 107 ||
[Analyze grammar]

śvetasarpaḥ samabhavaddeśe tasminnarottama |
tatraivāhaṃ brāhmaṇasya saṃjātā tanayā nṛpa || 108 ||
[Analyze grammar]

varṣeṣṭame tu saṃprāpte pariṇītā dvijanmanā |
tasminneva gṛhe sarpo madīye vasate nṛpa || 109 ||
[Analyze grammar]

bhāryā mameti saṃdaṣṭo rātrau bharttā mahā hinā |
mṛto'pi brāhmaṇaiḥ sarpo laguḍairvinipātitaḥ || 110 ||
[Analyze grammar]

vaidhavyaṃ mama dattvā tu dvijasarpau mṛtāvubhau |
pitrā mātrā mahāśokaṃ kṛtvā me muṇḍitaṃ śiraḥ || 111 ||
[Analyze grammar]

vasānā śvetavastraṃ ca viṣṇubhaktiparāyaṇā |
māsopavāsaniratā yāni tīrthānyanekaśaḥ || 112 ||
[Analyze grammar]

sarpastu makaro jāto godāvaryāṃ śivālaye |
devaṃ bhīmeśvaraṃ draṣṭuṃ gatā'haṃ svajanaiḥ saha || 113 ||
[Analyze grammar]

yāvatsnātuṃ praviṣṭā'haṃ vṛtā sarvajanairnṛpa |
makareṇa tadā dṛṣṭā bhāryeyaṃ mama vallabhā |
gṛhītā makareṇāhaṃ netumaṃtarjale nṛpa || 114 ||
[Analyze grammar]

hāhākāraḥ samabhavajjanaḥ kṣubdhaḥ samaṃtataḥ |
kuṃtāghātena kenāsau makarastu nipātitaḥ || 115 ||
[Analyze grammar]

jhaṣavaktraḥ sthitā cāhaṃ mṛtā kṛṣṭā janairbahiḥ |
agniṃ dattvā jale kṣiptvā bhasma lokā gṛhāngatāḥ || 116 ||
[Analyze grammar]

strīvadhāllubdhvako jāto jhaṣastīrthaprabhāvataḥ |
mānuṣīṃ yonimāpannastasminneva mahāvane || 117 ||
[Analyze grammar]

agnerjalācca sarpācca gajātsiṃhādavṛṣādapi |
jhaṣādvisphoṭakānmṛtyuryeṣāṃ te narake gatāḥ || 118 ||
[Analyze grammar]

ātmahā bhrūṇahā strīhā brahmaghnaḥ kūṭasākṣyadaḥ |
kanyāvikrayakartā ca mithyā bratadharastu yaḥ || 119 ||
[Analyze grammar]

vikrīṇāti kratuṃ yastu madyapaḥ syāddvijastu yaḥ |
rājadrohī svarṇacauro brahmavṛttivilopakaḥ || 120 ||
[Analyze grammar]

goghnastu nikṣepaharo grāmasīmāharastu yaḥ |
sarve te narakaṃ yāṃti yā ca strī pativaṃcakā || 121 ||
[Analyze grammar]

jhaṣamṛtyuprabhāvena jātā krauṃcī vane nṛpa |
godāvarīvane vyādho bhramate mṛgamārgakaḥ || 122 ||
[Analyze grammar]

vane krauṃcaḥ sakāmo māṃ mudā kāmayitumudyataḥ |
dṛṣṭāhaṃ bhramatā tena vyādhenākṛṣya kārmukam || 123 ||
[Analyze grammar]

hataḥ krauṃco mṛto rāja nnaṣṭā sthānādahaṃ tataḥ |
godāvarīvane tasminnevaṃrūpaṃ dadarśa tam || 124 ||
[Analyze grammar]

ṛṣirvyādhaṃ śaśāpātha dṛṣṭvā karma vigarhitam |
kāmadharmamakurvāṇaṃ priyā saṃbhāṣatatparam |
krauṃcaṃ tvamavadhīryasmāttasmātsiṃho bhaviṣyasi || 125 ||
[Analyze grammar]

ṛṣistena vinītena sthitvā santoṣito nṛpa |
ṛṣirvadati tasyāgre na me mithyā vaco bhavet || 126 ||
[Analyze grammar]

siṃhasthasya prasādaṃ te kariṣye muktihetave |
surāṣṭradeśe bhavitā siṃho raivatake girau || 127 ||
[Analyze grammar]

vastrāpathe mahā kṣetre muktiste vihitā dhruvā |
ityuktvā sa ṛṣirdeva gato bhīmeśvaraṃ prati |
durvacaḥśravaṇādvyādhaḥ kramātpaṃcatvamāyayau || 128 ||
[Analyze grammar]

krauṃcī krauṃcaviyogena gatā sā ca vanāṃtare |
mṛtā daivavaśājjātā mṛgī raivatake girau || 129 ||
[Analyze grammar]

mṛgayūthagatā nityaṃ modate madavihvalā |
vyādhaḥ siṃhaḥ samabhavadgirestasya mahāvane || 130 ||
[Analyze grammar]

kāmārtā bhramatā dṛṣṭā mṛgī siṃhena yatnataḥ |
tatra saṃbhramate nityaṃ siṃhaścāpi mṛgī vane || 131 ||
[Analyze grammar]

siṃho'pi daivayogena mameyamiti manyate |
paraṃ hiṃsrasvabhāvena tāmādātuṃ pracakrame || 132 ||
[Analyze grammar]

calatvaṃ mṛgajātīnāṃ vihitaṃ vedhasā svayam |
punargatā mṛgī yūthaṃ krīḍate cārulocanā || 133 ||
[Analyze grammar]

bhavasya paścime bhāge tatra raivatake girau |
anuyātaḥ śanaiḥ so'tha mṛgendro mṛgayūthapaḥ |
utpapāta tataḥ siṃho saṃghasya mūrddhani || 134 ||
[Analyze grammar]

siṃhasya na mṛgaiḥ kāryaṃ hariṇīṃ prati paśyataḥ |
yatra sā hariṇī yāti yayau siṃhastathaiva tām || 135 ||
[Analyze grammar]

yadā vegaṃ mṛgī cakre siṃhaḥ kuddhastadā vane |
siṃho'pi vegavāñjāto mṛgīvegādhiko'bhavat || 136 ||
[Analyze grammar]

yadā siṃhena saṃkrāṃtā dadau jhampāṃ mṛgī tu sā |
bhavasyāgre nadītoye patitā jalamūrddhani || 137 ||
[Analyze grammar]

laṃbate tu śarīraṃ me veṇau protaṃ śiro mama |
siṃhaḥ sahaiva patito mṛtaḥ payasi madhyataḥ || 138 ||
[Analyze grammar]

svarṇareṣājale deva viśīrṇaṃ mama tadvapuḥ |
na tu vaktraṃ nipatitaṃ tvaksāraśirasi sthitam || 139 ||
[Analyze grammar]

etaccaritraṃ yatsarvaṃ dṛṣṭaṃ sārasvatena vai |
tattīrthasya prabhāvena siṃhastvaṃ samajāyathāḥ || 140 ||
[Analyze grammar]

idaṃ hi saptamaṃ janma sarvapāpakṣayodayam |
kānyakubje mahādeśe rājā bhojetiviśrutaḥ || 141 ||
[Analyze grammar]

ahaṃ hi hariṇīgarbhe jātā mānuṣarūpiṇī |
jātaṃ vaktraṃ mṛgīṇāṃ me yasmānna patitaṃ jale || 142 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe dvitīye vastrāpathakṣetramāhātmye bhavamāhātmye mṛgānanābhojavṛttāntavarṇane sārasvatamaharṣisaṃskṛtapuroḍāśaprāśanasamupa labdhaspaṣṭavākprasara mṛgānanākathitobhayaprāksaptajanmavṛttāntavarṇanaṃnāma ṣaṣṭho'dhyāyaḥ || 6 ||
[Analyze grammar]