Chapter 353

[English text for this chapter is available]

īśvara uvāca |
tato gacchenmahādevi bhallatīrthamanuttamam |
tasyāśca paścime bhāge yatra viṣṇuścaturbhujaḥ || 1 ||
[Analyze grammar]

yatra tyaktaṃ śarīraṃ tu viṣṇunā prabhaviṣṇunā |
tasminmitravane ramye yojanārddhārddhavistṛte || 2 ||
[Analyze grammar]

yugeyuge mahādevi kalpamanvatarādiṣu |
tatraiva saṃsthitirviṣṇornānyatra ca ratirbhavet || 3 ||
[Analyze grammar]

kṣetrāṇāmādikṣetraṃ tu vaiṣṇavaṃ tadvidurbudhāḥ |
tisraḥ koṭyarddhakoṭiśca tīrthānāṃ pravarāṇi ca || 4 ||
[Analyze grammar]

divi bhuvyaṃtarikṣe ca tāni tatraiva bhāmini |
tatra mūrtimatī gaṃgā svayameva vyavasthitā || 5 ||
[Analyze grammar]

viṣṇoḥ saṃplavanārthāya prāṇināṃ ca hitāya vai |
gaṃgā gayā kurukṣetraṃ naimiṣaṃ puṣkarāṇi ca || 6 ||
[Analyze grammar]

purī dvāravatīṃ tyaktvā atraiva vasate hariḥ |
tasyaurdhvadaihikaṃ devi prakaromi yugeyuge || 7 ||
[Analyze grammar]

nabhasye dvādaśīyoge tatra gatvā svayaṃ priye |
karomi tadvidhānena tatra brāhmaṇapuṃgavaiḥ || 8 ||
[Analyze grammar]

tatra dattvā tu dānāni vidhivadvedapārage |
tatraiva dvādaśīyoge snātvā caiva vidhānataḥ || 9 ||
[Analyze grammar]

santarpya ca pitṝnbhaktyā mucyate sarvapātakaiḥ |
tatra viṣṇuṃ tu saṃpūjya kṛtvā jāgaraṇaṃ niśi || 10 ||
[Analyze grammar]

dīpādidānaṃ kṛtvā tu kṛtakṛtyo'bhijāyate || 11 ||
[Analyze grammar]

atha tasya pravakṣyāmi purāvṛtta mahaṃ priye |
saṃhṛtya yādavānsarvānvāsudevaḥ pratāpavān || 12 ||
[Analyze grammar]

durvāsasā'nuliptena pāyasena padastale |
vajrāṃgabhūtadehastu sarvavyāpī janārddanaḥ || 13 ||
[Analyze grammar]

gatvā tīre samudrasya samādhistho babhūva ha |
sarvasrotāṃsi saṃyamya niveśyātmānamātmani || 14 ||
[Analyze grammar]

etasminnaṃtare prāpto bāṇahasto jarābhidhaḥ |
dāśaputro'tikṛṣṇāṃgo matsyaghātī ca pāpakṛt || 15 ||
[Analyze grammar]

tena dṛṣṭastato dūrānniṣādātmasamudbhavaḥ |
viṣṇoḥ padaṃ mṛgaṃ matvā śaraṃ tasya mumoca ha || 16 ||
[Analyze grammar]

tato'sau paśyate yāvadgatvā tasya ca saṃnidhau |
caturbāhuṃ mahākāyaṃ śaṃkhacakragadādharam || 17 ||
[Analyze grammar]

puruṣaṃ nīlameghābhaṃ puḍarīkanibhe kṣaṇam |
taṃ dṛṣṭvā bhayabhītastu vepamānaḥ kṛtāṃjaliḥ |
abravīnna mayā jñātastvaṃ vibho divyarūpadhṛk || 18 ||
[Analyze grammar]

ajñānāttvaṃ mayā viddhastvatpadāgre surottama |
kṣantumarhasi me nātha na tvaṃ kroddhumihārhasi || 19 ||
[Analyze grammar]

viṣṇuruvāca |
śāpasyāṃtodya me bhadra śarapātātkṛtastvayā |
tasmāttvaṃ matprasādena svargaṃ gaccha mahādyute || 20 ||
[Analyze grammar]

ye cānye māmihāgatya drakṣyaṃti hi narottamāḥ |
te yāsyaṃti paraṃ sthānaṃ yatrāhaṃ nityasaṃsthitaḥ || 21 ||
[Analyze grammar]

bhallenāhaṃ yato viddhastvayā pādatale śubhe |
bhallatīrthamiti khyātaṃ tato hyetadbhaviṣyati || 22 ||
[Analyze grammar]

harikṣetramiti proktaṃ pūrvaṃ svāyaṃbhuve'ntare || 23 ||
[Analyze grammar]

īśvara uvāca |
ityuktvāṃtardadhe viṣṇurlubdhako'pi divaṃ gataḥ |
ye'tra snānaṃ kariṣyaṃti bhaktyā paramayā yutāḥ |
viṣṇulokaṃ gamiṣyaṃti prītyā te matprasādataḥ || 24 ||
[Analyze grammar]

ye'tra śrāddhaṃ kariṣyaṃti pitṛbhaktiparāyaṇāḥ |
tṛptiṃ teṣāṃ gamiṣyaṃti pitaraścaiva tarpitāḥ || 25 ||
[Analyze grammar]

tasmātsarvaprayatnena prāpya tatkṣetramuttamam |
dṛśyo devaścaturbāhuḥ snātvā tīrthe tu bhallake || 26 ||
[Analyze grammar]

madbhaktibaladarpiṣṭhā matpriyaṃ na namaṃti ye |
vāsudevaṃ na te jñeyā madbhaktāḥ pāpino hi te || 27 ||
[Analyze grammar]

madbhakto'pi hi yo bhūtvā bhuṃkta ekādaśīdine |
malliṃgasyārcanaṃ kāryaṃ na tena pāpabuddhinā || 28 ||
[Analyze grammar]

yā tithirdayitā viṣṇoḥ sā tithirmama vallabhā |
na tāṃ copoṣayedyastu sa pāpiṣṭhatarādhikaḥ || 29 ||
[Analyze grammar]

tadvatsa dvādaśīyoge bhallatīrthasya saṃnidhau |
yastu māṃ pūjayedbhaktyā nārī vā'pi naro'pi vā |
tasya janmasahasrāṇi gṛhabhaṃgo na jāyate || 30 ||
[Analyze grammar]

ityetatkathitaṃ devi māhātmyaṃ pāpanāśanam |
bhallatīrthasya viṣṇostu sarva pātakanāśanam || 31 ||
[Analyze grammar]

tatra viṣṇostu sāṃnidhye vāyavye kumbhamuttamam |
bhallatīrthaṃ tu vikhyātaṃ yatra bhallahato hariḥ || 32 ||
[Analyze grammar]

tatra deyāni vāsāṃsi padaṃ gāvo vidhānataḥ |
deyāni vipramukhyebhyaḥ samyagyātrāphalepsubhiḥ || 33 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye bhallatīrthamāhātmyavarṇanaṃnāma dvipañcāśaduttaratriśatatamo'dhyāyaḥ || 352 ||
[Analyze grammar]