Chapter 347

[English text for this chapter is available]

īśvara uvāca |
tato gacchenmahādevi liṃgaṃ vai hāṭakeśvaram |
naleśvarātpūrvabhāge śatadhanvaṃtaradvaye || 1 ||
[Analyze grammar]

agastyāmravanaṃnāma tatra sthāne tu saṃsthitam |
ciṃtāmaṇestu pūrveṇa īśāne triśataṃdhanuḥ |
tatra pūrvaṃ tapastaptamagastyena mahātmanā || 2 ||
[Analyze grammar]

devyuvāca |
kasminkāle mahādeva sarvaṃ vistarato vada || 3 ||
[Analyze grammar]

īśvara uvāca |
purā daityagaṇā raudrā babhūvurvaravarṇini |
kālakeyā iti khyātāstrailokyocchedakārakāḥ || 4 ||
[Analyze grammar]

atha te nihatāḥ sarve viṣṇunā prabhaviṣṇunā |
daityasūdananāmnā tu prabhāsakṣetravāsinā || 5 ||
[Analyze grammar]

kṛtvā vyāghrasya rūpaṃ tu nāmnā cakramukhīti ca |
hatā vai tena rūpeṇa tato'bhūddaityasūdanaḥ || 6 ||
[Analyze grammar]

hataśeṣāḥ samudrāṃte praviṣṭā bhayavihvalāḥ |
tataste maṃtrayāmāsuḥ pīḍyaṃte devatāḥ katham || 7 ||
[Analyze grammar]

hanyaṃtāṃ dharmiṇo ye'tra vidyaṃte dhara ṇītale |
tapaḥsvādhyāyaniratā yajñadānaratāśca ye || 5 ||
[Analyze grammar]

atha te samayaṃ kṛtvā rātrau niṣkramya sāgarāt |
nirjaghnustāpasāṃstatra yajñadānaratānpriye || 9 ||
[Analyze grammar]

prabhāse tu mahādevi tatra dvādaśayojane |
vasiṣṭhasyāśrame tatra maharṣīṇāṃ mahātmanām || 10 ||
[Analyze grammar]

bhakṣitāni sahasrāṇi paṃca sapta ca tāpasān |
śatāni paṃca raibhyasya viśvāmitrasya ṣoḍaśa || 11 ||
[Analyze grammar]

cyavanasya ca saptaiva jābālerdviśataṃ muneḥ |
vālakhilyāśrame puṇye ṣaṭchatāni durātmabhiḥ || 12 ||
[Analyze grammar]

yatra kvacidbhavedyajñastatra gatvā niśāgame |
yajñadānasamāyuktānṛtvijo bhakṣayaṃti ca || 13 ||
[Analyze grammar]

tato bhayākulāḥ sarve babhūvurjagatī tale |
na ca kaścidvijānāti daityānāṃ tu viceṣṭitam || 14 ||
[Analyze grammar]

rātrau svapaṃti munayaḥ sukhaśayyāgatāśca te |
prabhāte tvadhvare teṣāmasthisaṃghāśca kevalam || 15 ||
[Analyze grammar]

tato dharmakriyāstyaktā bhūtale sarvamānavaiḥ |
niḥsvādhyāyavaṣaṭkāraṃ bhūtalaṃ samapadyata || 16 ||
[Analyze grammar]

athānye tāpasā rātrau saṃyutāśca ca dhṛtāyudhāḥ |
athocchedaṃ gate dharme pīḍitāstridivaukasaḥ || 17 ||
[Analyze grammar]

kimetaditi jalpaṃto brahmāṇaṃ śaraṇaṃ gatāḥ |
bhagavaṃstāpasāḥ sarve tathā ye jñānaśīlinaḥ || 18 ||
[Analyze grammar]

bhakṣyante kenacidrātrau mṛtyumeva prayānti ca |
naṣṭadharmakriyāḥ sarve bhūtale prapitāmaha || 19 ||
[Analyze grammar]

yo dharmamācaredahni sa rātrau mṛtyumeti ca |
na svādhyāyavaṣaṭkāraṃ samaste bhūtale vibho || 20 ||
[Analyze grammar]

dharmābhāvādvayaṃ sarve saṃdehaṃ paramaṃ gatāḥ |
teṣāṃ tadvacanaṃ śrutvā dhyātvā devaḥ pitāmahaḥ |
abravīttridaśānsarvānsandehaṃ paramaṃ gatān || 21 ||
[Analyze grammar]

kāleyā iti vikhyātā dānavā raudrakāriṇaḥ |
te samudraṃ samāsādya tāpasānbhakṣayaṃti ca || 22 ||
[Analyze grammar]

yuṣmākaṃ ca vināśāya te na śakyā niṣūditum |
yatadhvameṣāṃ nāśāya no cennāśo bhaviṣyati || 23 ||
[Analyze grammar]

vrajadhvaṃ bhūtale śīghramagastyo yatra tiṣṭhati |
vratacaryārato nityaṃ prabhāse kṣetra uttame || 24 ||
[Analyze grammar]

sa śaktaḥ sāgaraṃ pātuṃ mitrāvaruṇasaṃbhavaḥ |
prasādyaśca sa yuṣmābhiḥ samudraṃ piba sattama || 25 ||
[Analyze grammar]

tatastathā kṛte tena te sarve dānavādhamāḥ |
vadhyā yuṣmākaṃ bhaviṣyaṃti evaṃ ca tridiveśvarāḥ || 26 ||
[Analyze grammar]

īśvara uvāca |
evamuktāḥ surāḥ sarve brahmaṇā lokakāriṇā |
prabhāsaṃ kṣetramāsādya agastyaṃ śaraṇaṃ gatāḥ || 27 ||
[Analyze grammar]

devā ūcuḥ |
rakṣarakṣa dvijaśreṣṭha trailokyaṃ saṃśayaṃ gatam |
kālakeyaiḥ pratidhvastaṃ samudraṃ samupāśritaiḥ || 28 ||
[Analyze grammar]

taṃ śoṣaya dvijaśreṣṭha hitārthaṃ tridivaukasām |
nānyaḥ śaktaḥ pumānkaścitkartumīdṛkkriyā vibho || 29 ||
[Analyze grammar]

īśvara uvāca |
evamuktaḥ suragaṇairagastyo munipuṅgavaḥ |
jagāma tridaśaiḥ sārdhaṃ samudraṃ prati harṣitaḥ || 30 ||
[Analyze grammar]

gīyamānastu gaṃdharvaiḥ stūyamānastu kinnaraiḥ |
ślāghyamānastu vibudhairvākyametaduvāca ha || 31 ||
[Analyze grammar]

eṣa trailokyarakṣārthaṃ śoṣayāmi mahārṇavam |
drakṣyadhvaṃ kautukaṃ devāḥ samīnamakarairmahat || 32 ||
[Analyze grammar]

evamuktvā dvijaśreṣṭho hyagastyo bhagavānmuniḥ |
gaṃḍūṣamakarotsarvaṃ sāgaraṃ saritāṃpatim || 33 ||
[Analyze grammar]

pīte tatra mahāsindhāvagatsye na mahātmanā |
dānavā bhayasaṃtrastā itaścetaśca babhramuḥ || 34 ||
[Analyze grammar]

vadhyamānāḥ suraistatra śastraiḥ suniśitaistathā |
kāṃtāramanye gacchaṃtaḥ palāyanaparāyaṇā || 35 ||
[Analyze grammar]

hatabhūyeṣu daityeṣu vidārya dharaṇītalam |
pātālaṃ viviśustūrṇaṃ rudhireṇa pariplutāḥ || 36 ||
[Analyze grammar]

athocustridaśā hṛṣṭā agastyaṃ munisattamam |
siddhaṃ no vāṃchitaṃ sarvaṃ pūryatāṃ sāgaraḥ punaḥ || 37 ||
[Analyze grammar]

agastya uvāca |
jīrṇaṃ toyaṃ mayā devāstathaivāmedhyatāṃ gatam |
utpatsyati raghūṇāṃ hi kule nṛpatisattamaḥ || 38 ||
[Analyze grammar]

bhagīratheti vikhyātaḥ sarvaśastrabhṛtāṃ varaḥ |
sa jñātikāraṇādeva gaṃgāṃ tatrānayiṣyati || 39 ||
[Analyze grammar]

brahmalokātsaricchreṣṭhāṃ tayā pūrṇo bhaviṣyati |
evamuktvā suraiḥ sārddhaṃ svasthānaṃ cāgamanmuniḥ || 40 ||
[Analyze grammar]

tataḥ svamāśramaṃ prāptaṃ devā vākyamathābuvan |
anena karmaṇā brahmanparituṣṭā vayaṃ mune || 41 ||
[Analyze grammar]

kiṃ kurmo brūhi te'bhīṣṭaṃ yadyapi syātsudurlabham || 42 ||
[Analyze grammar]

agastya uvāca |
yāvadbrahmasahasrāṇi paṃcaviṃśatikoṭayaḥ |
vaimāniko bhaviṣyāmi dakṣiṇāṃbaramūrddhani || 43 ||
[Analyze grammar]

atrāgatya naro yastu mamāśramapade śubhe |
hāṭakeśvarasāṃnidhye prabhāsakṣetra uttame || 44 ||
[Analyze grammar]

snānamācarate samyaksa yātu paramāṃ gatim |
pātālādavatīrṇaṃ taṃ liṃgarūpaṃ maheśvaram || 45 ||
[Analyze grammar]

mayā tapaḥ prabhāvena sthāpitaṃ yaḥ prapūjayet |
dinedine bhavettasya gośatasya phalaṃ dhruvam || 46 ||
[Analyze grammar]

lopāmudrāsahāyaṃ māṃ yo martyaḥ saṃprapūjayet |
arghyaṃ dadyādvidhānena kāśa puṣpaiḥ samāhitaḥ || 47 ||
[Analyze grammar]

prāpte śaradi kāle ca sa yātu paramāṃ gatim |
lopāmudrāsahāyaṃ māṃ hāṭakeśvarasaṃyutam || 48 ||
[Analyze grammar]

ayane cottare pūjya golakṣa phalamāpnuyāt |
yaḥ śrāddhaṃ kurute cātra ayane cottare dvijaḥ |
bhūyāttasya phalaṃ kṛtsnaṃ gayāśrāddhasya sattamāḥ || 49 ||
[Analyze grammar]

īśvara uvāca |
bāḍhamitye va te coktvā sarve devāḥ savāsavāḥ |
svasthānaṃ tu gatāḥ sarve saṃhṛṣṭamanasastadā || 50 ||
[Analyze grammar]

tasmātsarvaprayatnena prāpte śaradi mānavaḥ |
agastyasyāśramaṃ gatvā hāṭakeśaṃ prapūjayet || 51 ||
[Analyze grammar]

agastyeśvaranāmānaṃ kalpaliṃgaṃ surapriyam |
yaścaitacchuṇuyādbhaktyā ṛṣestasya viceṣṭitam |
ahorātrakṛtātpāpāttatkṣaṇā deva mucyate || 52 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye hāṭakeśvaramāhātmya varṇanaṃnāma ṣaṭcatvāriṃśaduttaratriśatatamo'dhyāyaḥ || 346 ||
[Analyze grammar]