Chapter 258

[English text for this chapter is available]

īśvara uvāca |
tato gacchenmahādevi śaśāpānamiti smṛtam |
tasyaiva dakṣiṇe tīrthaṃ sarvapāpapraṇāśanam || 1 ||
[Analyze grammar]

yasminsnātvā naraḥ samyaṅnāpamṛtyubhayaṃ labhet |
śṛṇu yasmāttadutpattiṃ vadato mama vallabhe || 2 ||
[Analyze grammar]

mathitvā sāgaraṃ devā gṛhītvā'mṛtamuttamam |
satvarāstatra te gatvā papuścaiva yathepsayā || 3 ||
[Analyze grammar]

pibatāṃ tatra pīyūṣaṃ devānāṃ varavarṇini |
biṃdavaḥ patitā bhūmau śataśotha sahasraśaḥ || 4 ||
[Analyze grammar]

etasminneva kāle tu śaśakastatra cāgataḥ |
praviṣṭaḥ salile tatra tṛṣārto varavarṇini || 5 ||
[Analyze grammar]

amaratvamanuprāpto varddhate salilālaye |
taṃ dṛṣṭvā tridaśāḥ sarve sparddhamānā muhurmuhuḥ |
jñātvāmṛtānvitaṃ toyaṃ maṃtraṃ cakrurbhayānvitāḥ || 6 ||
[Analyze grammar]

amṛtaṃ patitaṃ bhūmau bhakṣayiṣyaṃti mānavāḥ |
tato'marttyā bhaviṣyaṃti nātra kāryā vicāraṇā || 7 ||
[Analyze grammar]

tiryagyonyāṃ samutpannaḥ kṛpaṇaḥ śaśako hyayam |
asmābhiḥ sparddhate tasmāttato bhayamupasthitam || 8 ||
[Analyze grammar]

atha prāpto niśānātho vyādhinā sa pariplutaḥ |
abravīttridaśānsarvānamṛtaṃ me prayacchata || 9 ||
[Analyze grammar]

kṛcchreṇa mahatā prāpto nāhaṃ śakto visarpitum |
athocustridaśāḥ sarve sarvamasmābhirbhakṣitam || 10 ||
[Analyze grammar]

vismṛtastvaṃ niśānātha cirātkasmādihāgataḥ |
kuruṣva vacanaṃ caṃdra asmākaṃ timirāpaha || 11 ||
[Analyze grammar]

asmiñjale'mṛtaṃ bhūri patitaṃ pibatāṃ hi naḥ |
tatpibasva niśānātha sarvametajjalāśayam || 12 ||
[Analyze grammar]

arddhaṃ nipatitaṃ cātra satyametanniśāmaya |
teṣāṃ tadvacanaṃ śrutvā śītaraśmistvarānvitaḥ || 13 ||
[Analyze grammar]

tṛṣārto vā'pibattoyaṃ śaśakena samanvitam |
asthiśeṣaṃ tu tattasya kāyaṃ pīyūṣabhakṣaṇāt || 14 ||
[Analyze grammar]

tatkṣaṇātpuṣṭimagamatkāṃtyā paramayā yutaḥ |
dhātuṣu kṣīyamāṇeṣu puṣṭo hi sudhayā hi saḥ || 15 ||
[Analyze grammar]

sa cāpi śaśakastasya na mṛto jaṭharaṃ gataḥ |
adyāpi dṛśyate tatra dehe pīyūṣabhakṣaṇāt || 16 ||
[Analyze grammar]

tatkṣaṇāttuṣṭimagamatkāṃtyā paramayā yutaḥ |
abruvankhanyatāmetadyathā bhūyo jalaṃ bhavet || 17 ||
[Analyze grammar]

asmākaṃ saṃgamādetacchuṣkaṃ śvabhraṃ jalāśayam |
tadyuktaṃ ca kṛtaṃ karma naitatsādhuviceṣṭitam || 18 ||
[Analyze grammar]

tato'khanaṃśca te sarve yāvattoyavinirgamaḥ |
athābruvaṃstataḥ sarve harṣeṇa mahatānvitāḥ || 19 ||
[Analyze grammar]

yasmācchaśena saṃyuktaṃ pītametajjalāśayam |
caṃdreṇa hi śaśāpānaṃ tasmādetadbhaviṣyati || 20 ||
[Analyze grammar]

atrāgatya naraḥ snānaṃ yaḥ kariṣyati bhaktitaḥ |
sa yāsyati paraṃ sthānaṃ yatra devo maheśvaraḥ || 21 ||
[Analyze grammar]

atrānnaṃ saṃpradāsyaṃti brāhmaṇebhyaḥ samā hitāḥ |
sarvayajñaphalaṃ teṣāṃ bhaviṣyati na saṃśayaḥ || 22 ||
[Analyze grammar]

asmindṛṣṭe surāḥ sarve dṛṣṭāḥ syuḥ sarvadevatāḥ |
evamuktvā surāḥ sarve jagmuścaiva surālayam || 23 ||
[Analyze grammar]

atha kālena mahatā prāptā tatra sarasvatī |
vaḍavāgniṃ samādāya tayānuplāvitaṃ punaḥ || 24 ||
[Analyze grammar]

tato medhyataraṃ jātaṃ tīrthaṃ ca varavarṇini |
tasmātsarvaprayatnena tatra snānaṃ samācaret || 25 ||
[Analyze grammar]