Chapter 242

[English text for this chapter is available]

īśvara uvāca |
tato gacchenmahādevi yatra devīkumārikā |
tasyaiva pūrvadigbhāge sthitā rakṣārthameva hi || 1 ||
[Analyze grammar]

purā rathaṃtare kalpe rururnāma mahāsuraḥ |
utpannaḥ sa mahākāyaḥ sarvalokabhayāvahaḥ || 2 ||
[Analyze grammar]

tena devāḥ sagandharvāstrāsitāstridaśā layāt |
tasya bhītyā tataḥ sarve brahmalokamadhisthitāḥ || 3 ||
[Analyze grammar]

tathā bhūmitale viprānyajvano'tha tapasvinaḥ |
nijaghāna sa duṣṭātmā ye cānye dharmacāriṇaḥ || 4 ||
[Analyze grammar]

niḥsvādhyāyavaṣaṭkāraṃ tadā'sīddharaṇītalam |
naṣṭayajñotsavaṃ sarvaṃ rurorbhayanipīḍitam || 5 ||
[Analyze grammar]

tataḥ pravyathitā devāstathā sarve maharṣayaḥ |
sametyāmaṃtrayanmaṃtraṃ vadhārthaṃ tasya durmateḥ || 6 ||
[Analyze grammar]

tataḥ kāyodbhavaḥ svedaḥ sarveṣāṃ samajāyata |
teṣāṃ ciṃtayatāṃ devi nirodhājjagṛhuśca tam || 7 ||
[Analyze grammar]

tatra kanyā samutpannā divyā kamalalocanā |
vyāpayaṃtī diśaḥ sarvāḥ sarveṣāṃ purataḥ sthitā || 8 ||
[Analyze grammar]

sarvāndevāṃstataḥ prāha kimarthaṃ nirmitāsmya ham |
tadvaḥ kāryaṃ kariṣyāmi śrutvā tasyāstadā giram || 9 ||
[Analyze grammar]

ācakhyuḥ saṃkaṭaṃ tasyāste devā ruruceṣṭitam |
śrutvā jahāsa sā devī devānāṃ kārya siddhaye || 10 ||
[Analyze grammar]

tasyā hasaṃtyā niścerurvarāṃgāḥ kanyakāḥ punaḥ |
pāśāṃkuśadharāḥ sarvāḥ pīnaśroṇipayodharāḥ || 11 ||
[Analyze grammar]

phetkārārāvamātreṇa trāsa yaṃtyaścarācaram |
anvagātsā rururyatra tābhiḥ sārddhaṃ yaśasvinī || 12 ||
[Analyze grammar]

athābhūttumulaṃ tāsāṃ yuddhaṃ ghoraṃ tu taiḥ saha |
śastrāstrairvividhairghoraiḥ śatrupakṣa kṣayaṃkaraiḥ || 13 ||
[Analyze grammar]

tābhistadanugāḥ sarve prahārairjarjarīkṛtāḥ |
parāṅmukhāḥ kṣaṇenaiva jātāḥ kecinnipātitāḥ || 14 ||
[Analyze grammar]

tato hataṃ balaṃ dṛṣṭvā rururmāyāmathā'sṛjat |
tāmasīṃnāma deveśi tayāmuhyata naiva sā || 15 ||
[Analyze grammar]

tamobhūte tatastatra devī daityaṃ tadā rurum |
śaktyā bibheda hṛdaye tato mūrchāṃ jagāma ha || 16 ||
[Analyze grammar]

muhūrttāllabdhasaṃjño'tha jñātvā tasyāḥ parākramam |
palāyanakṛtotsāhaḥ samudrābhimukho yayau || 17 ||
[Analyze grammar]

sā'pi devī jagāmātha pṛṣṭhato'sya durātmanaḥ |
stūyamānā suragaṇaiḥ kiṃnaraiḥ samahoragaiḥ || 18 ||
[Analyze grammar]

tataḥ praviśya jaladhiṃ taṃ dṛṣṭvā dānavaṃ ruṣā |
khaṅgāgreṇa śiraśchittvā carmamuṇḍadharā tataḥ || 19 ||
[Analyze grammar]

niścakrāma punastasmātprabhāsaṃ kṣetramāgatā |
kanyā sainyena saṃyuktā bahurūpeṇa bhāsvatā || 20 ||
[Analyze grammar]

devaiḥ suvismitairdṛṣṭā carmamuṇḍadharā varā |
tato devāḥ stutiṃ cakruḥ kṛtāṃjalipuṭāḥ sthitāḥ || 21 ||
[Analyze grammar]

devā ūcuḥ |
jaya tvaṃ devi cāmuṃḍe jaya bhūtāpahāriṇi |
jaya sarvagate devi kālarātri namo'stu te || 22 ||
[Analyze grammar]

bhīmarūpe śive vidye mahāmāye mahodaye |
mahābhāge jaye jṛmbhe bhīmākṣi bhīmadarśane || 23 ||
[Analyze grammar]

mahāmāye vicitrāṃgi geyanṛtyapriye śubhe |
vikarāli mahākāli kālike kālarūpiṇi || 24 ||
[Analyze grammar]

prāsahaste daṇḍahaste bhīmahaste bhayānane |
cāmuṇḍe jvalamānāsye tīkṣṇadaṃṣṭre mahābale |
śavayānasthite devi pretasaṃghaniṣevite || 25 ||
[Analyze grammar]

evaṃ stutā tadā devī sarvaiḥ śakrapurogamaiḥ |
prahṛṣṭavadanā bhūtvā vākyametaduvāca ha || 26 ||
[Analyze grammar]

varaṃ vṛṇudhvaṃ bhadraṃ vo nityaṃ yanmanasi sthitam |
ahaṃ dāsyāmi tatsarvaṃ yadyapi syātsudurllabham || 27 ||
[Analyze grammar]

devā ūcuḥ |
kṛtakṛtyāstvayā bhadre dānavasya niṣūdanāt || 28 ||
[Analyze grammar]

stotreṇānena yo devi tvāṃ vai stauti varānane |
tasya tvaṃ varadā devi bhava sarvagatā satī || 29 ||
[Analyze grammar]

yaścedaṃ śṛṇuyādbhaktyā tava devi samudbhavam |
sarvapāpavinirmuktaḥ sa prāpnotu parāṃ gatim || 30 ||
[Analyze grammar]

asminkṣetre tvayā devi sthitiḥ kāryā sadā śubhe || 31 ||
[Analyze grammar]

atra tvāṃ pūjayedyastu śuklapakṣe samāhitaḥ |
navamyāmāśvine māsi tasya kāryaṃ sadā śubham || 32 ||
[Analyze grammar]

īśvara uvāca |
evamuktā mahādevī tatraiva niratā'bhavat |
devāstriviṣṭapaṃ jagmuḥ prahṛṣṭā hataśatravaḥ || 33 ||
[Analyze grammar]

iti śrīskāṃde mahāpurāṇa ekāśīti sāhasryāṃ sahitāyāṃ saptame prabhāsakhaṃḍe prathame prabhāsakṣetramāhātmye kumārīmāhātmyavarṇanaṃnāma dvicatvāriṃśaduttaradviśatatamo'dhyāyaḥ || 242 ||
[Analyze grammar]