Chapter 237

[English text for this chapter is available]

īśvara uvāca |
tato gacchenmahādevi yādavasthalamuttamam |
yādavā yatra naṣṭā vai ṣaṭpaṃcāśacca koṭayaḥ || 1 ||
[Analyze grammar]

yatra vajreśvaro devo vajreṇārādhitaḥ sadā |
yatrābhūddivyadṛṣṭīnāmṛṣīṇāmāśramaṃ kulam || 2 ||
[Analyze grammar]

devyuvāca |
kathaṃ vinaṣṭā bhagavannandhakā vṛṣṇibhiḥ saha |
paśyato vāsudevasya bhojāścaiva mahārathāḥ || 3 ||
[Analyze grammar]

kena śaptāstu te vīrā naṣṭā vṛṣṇyandhakādayaḥ |
bhojāścaiva mahādeva vistareṇa vadasva me || 4 ||
[Analyze grammar]

īśvara uvāca |
ṣaṭtriṃśe ca kalau varṣe saṃprāpte'ndhakavṛṣṇayaḥ |
anyonyaṃ muśalaiste hi nijaghnuḥ kālanoditāḥ || 5 ||
[Analyze grammar]

viśvāmitraṃ ca kaṇvaṃ ca nāradaṃ ca yaśasvinam |
sāraṇapramukhānbhojāndadṛśurdvārakāṃ gatān || 6 ||
[Analyze grammar]

te vai sāṃbaṃ samāninyurbhūṣayitvā striyaṃ yathā |
abruvannupasaṃgamya devadaṃḍanipīḍitāḥ || 7 ||
[Analyze grammar]

iyaṃ strī putrakāmasya babhroramitatejasaḥ |
ṛṣayaḥ sādhu jānīta kimiyaṃ janayiṣyati || 8 ||
[Analyze grammar]

ityuktāste tadā devi vipralaṃbhapradharṣitāḥ |
pratyabruvaṃstānmunayastacchṛṇuṣva yathātatham || 9 ||
[Analyze grammar]

ṛṣaya ūcuḥ |
vṛṣṇyandhakavināśāya muśalaṃ ghoramāyasam |
vāsudevasya dāyādaḥ sāṃbo'yaṃ janayiṣyati || 10 ||
[Analyze grammar]

yena yūyaṃ sudurvṛttā nṛśaṃsā jātamanyavaḥ |
ucchettāraḥ kulaṃ sarvamṛte rāmājjanārddanāt || 11 ||
[Analyze grammar]

tyaktvā yāsyati vaḥ śrīmāṃtyaktvā bhūmiṃ halāyudhaḥ |
jarā kṛṣṇaṃ mahābhāgaṃ śayānaṃ tu nivetsyati || 12 ||
[Analyze grammar]

ityabruvaṃstato devi pralabdhāste durātmabhiḥ |
munayaḥ krodharaktākṣāḥ samīkṣyātha parasparam || 13 ||
[Analyze grammar]

tathoktā munayaste tu tataḥ keśavamabhyayuḥ |
athāvadattadā vṛṣṇīñchrutvaivaṃ madhusūdanaḥ || 14 ||
[Analyze grammar]

abhijño matimāṃstasya bhavitavyaṃ tatheti tat |
evamuktvā hṛṣīkeśaḥ praviveśa punargṛhān || 15 ||
[Analyze grammar]

kṛtāṃtamanyathākarttuṃ naicchatsa jagataḥ prabhuḥ |
śvobhūte satataḥ sāṃbo musalaṃ tadasūta vai || 16 ||
[Analyze grammar]

yena vṛṇṣyandhakakule puruṣā bhasmasātkṛtāḥ |
vṛṣṇyandhakavināśāya kiṃkarapratimaṃ mahat || 17 ||
[Analyze grammar]

asūta śāpajaṃ ghoraṃ tacca rājñe nyavedayat |
viṣaṇṇo'tha tato rājā sūkṣmaṃ cūrṇamakārayat || 18 ||
[Analyze grammar]

prākṣipatsāgare tatra puruṣo rājaśāsitaḥ |
athovāca svanagare vacanādāhukasya hi || 19 ||
[Analyze grammar]

janārddanasya rāmasya babhroścaiva mahātmanaḥ |
adyaprabhṛti sarveṣāṃ vṛṣṇandhakagṛheṣviha |
surāsavo na karttavyaḥ sarvairviṣayavāsibhiḥ || 2 ||
[Analyze grammar]

yaśca vo viditaṃ kuryādevaṃ kaścitkvacinnaraḥ |
sa jīvañchūlamārohetsvayaṃ kṛtvā sabāṃdhavaḥ || 21 ||
[Analyze grammar]

tato rājabhayātsarve niyamaṃ tatra cakrire |
narāḥ śāsanamājñāya rāmasyākliṣṭakarmaṇaḥ || 22 ||
[Analyze grammar]

evaṃ prayatamānānāṃ vṛṣṇīnāmandhakaiḥ saha |
kālo gṛhāṇi sarvāṇi paricakrāma nityaśaḥ || 23 ||
[Analyze grammar]

karālo vikaṭo muṃḍaḥ puruṣaḥ kṛṣṇapiṃgalaḥ |
sammārjanī mahāketurjapāpuṣpāvataṃsakaḥ || 24 ||
[Analyze grammar]

kṛkalāsavāhanaśca rattikākarṇabhūṣaṇaḥ |
gṛhāṇyavekṣya vṛṣṇīnāṃ nādṛśyata punaḥ kvacit || 25 ||
[Analyze grammar]

tasya cāsanmaheṣvāsāḥ śaraiḥ śatasahasraśaḥ |
na cāśakyata veddhuṃ sa sarvabhūtāpyayaṃ sadā || 26 ||
[Analyze grammar]

utpedire mahāvātā dāruṇā hi dine dine |
vṛṣṇyandhakavināśāya bahavo lomaharṣaṇāḥ || 27 ||
[Analyze grammar]

vivṛddhya mūṣikā rathyāvitunnamaṇikāstathā |
keśāndadaṃśuḥ suptānāṃ nṛṇāṃ yuvatayo niśi || 28 ||
[Analyze grammar]

cīcīkūcītyavāśaṃta sārikā vṛṣṇiveśmasu |
nopaśāmyati śabdaśca sa divārātrameva vā || 29 ||
[Analyze grammar]

anvakurvannulūkāśca vāyasānvṛṣṇiveśmasu |
ajāḥ śivānāṃ ca rutamanvakurvata bhāmini || 30 ||
[Analyze grammar]

pāṃḍurāraktapādāśca vihagāḥ kālapreritāḥ |
vṛṣṇyandhakagṛheṣvevaṃ kapotā vyacaraṃstadā || 31 ||
[Analyze grammar]

vyajāyaṃta kharā goṣu karabhāścāśvatarīṣu ca |
śunīṣvapi biḍālāśca mūṣakā nakulīṣu ca || 32 ||
[Analyze grammar]

tāpatrayāṃta pāpāni kurvaṃto vṛṣṇayastathā |
adviṣanbrāhmaṇāṃścāpi pitṝndevāṃstathaiva ca || 33 ||
[Analyze grammar]

gurūṃścāpyavamanyaṃte na tu rāmajanārdanau |
bhāryāḥ patīnvyuccaraṃti patnīśca puruṣāstathā || 34 ||
[Analyze grammar]

vibhāvasuḥ prajvalito vāmaṃ viparivarttate |
nīlalohitamāṃjiṣṭhā visṛjaṃścārciṣaḥ pṛthak || 35 ||
[Analyze grammar]

udayāstamane nityaṃ paryastaḥ syāddivākaraḥ |
vyadṛśyata sakṛtpuṃbhiḥ kabandhaiḥ parivāritaḥ || 36 ||
[Analyze grammar]

mahānaseṣu siddhāṃte saṃskṛte'nne tu bhāmini |
uttāryamāṇe kṛmayo dṛśyaṃte ca varānane || 37 ||
[Analyze grammar]

puṇyāhe vācyamāne ca paṭhatsu ca mahātmasu |
abhidhāvaṃti śrūyaṃte na cādṛśyata kaścana || 38 ||
[Analyze grammar]

parasparasya nakṣatraṃ hanyamānaṃ punaḥpunaḥ |
grahairapaśyansarvaiste nātmanastu kathañcana || 39 ||
[Analyze grammar]

na hutaṃ pācayatyagnirvṛṣṇyaṃdhakapuraskṛtam |
samaṃtātpratyavāśaṃta rāsabhā dāruṇasvanāḥ || 40 ||
[Analyze grammar]

evaṃ paśyanhṛṣīkeśaḥ saṃprāptānkālaparyayān |
trayodaśīṃ hyamāvāsyāṃ tāṃ dṛṣṭvā prābravīdidam || 41 ||
[Analyze grammar]

trayodaśī paṃcadaśī kṛteyaṃ rāhuṇā punaḥ |
tadā ca bhārate yuddhe prāptā cādya kṣayāya naḥ || 42 ||
[Analyze grammar]

dhigdhigityevakālaṃ taṃ pariciṃtya janārdanaḥ |
mene prāptaṃ sa ṣaṭtriṃśaṃ varṣaṃ keśiniṣūdanaḥ |
putraśokābhisaṃtaptā gāṃdhārī yaduvāca ha || 43 ||
[Analyze grammar]

evaṃ paśyanhṛṣīkeśastadidaṃ samupasthitam |
idaṃ ca samanuprāptamabravīdyadyudhiṣṭhiraḥ || 44 ||
[Analyze grammar]

purā vyūḍheṣvanīkeṣu dṛṣṭvotpātānsudāruṇān |
puṇyagranthasya śravaṇācchāṃtihomādviśodhanāt || 45 ||
[Analyze grammar]

pūtatīrthābhiṣekāṃcca nānyacchreyo bhavediti |
ityuktvā vāsudevastaccikīrṣansatyameva ca |
ājñāpayāmāsa tadā tīrthayātrāmariṃdamaḥ || 46 ||
[Analyze grammar]

aghoṣayaṃta puruṣāstatra keśavaśāsanāt |
tīrthayātrā prabhāse vai kāryeti varavarṇini || 47 ||
[Analyze grammar]

athāriṣṭāni vakṣyāmi purīṃ dvāravatīṃ prati |
kālī strī pāṃḍurairdaṃtaiḥ praviśya nagarīṃ niśi || 48 ||
[Analyze grammar]

striyaḥ svapneṣu muṣṇantī dvārakāṃ prati dhāvati |
agnihotraniketaṃ ca sumedhyeṣu ca veśmasu || 49 ||
[Analyze grammar]

vṛṣṇyaṃdhakāṃśca khādaṃtī svapne dṛṣṭā bhayānakā |
kurvaṃtī bhīṣaṇaṃ nādaṃ kurkuṭaśvānasaṃyutā || 50 ||
[Analyze grammar]

tathā sahasraśo raudrāścaturbāhava eva ca |
strīṇāṃ garbheṣvajāyaṃta rākṣasā guhyakāstathā || 51 ||
[Analyze grammar]

alaṃkārāśca cchatrāṇi dhvajāśca kavacāni ca |
hriyamāṇāni dṛśyaṃte rakṣobhistu bhayānakaiḥ || 52 ||
[Analyze grammar]

yaccāgnidattaṃ kṛṣṇasya vajranābhamayasmayam |
divamācakrame cakraṃ vṛṣṇīnāṃ paśyatāṃ tadā || 53 ||
[Analyze grammar]

yuktaṃ rathaṃ divyamādityavarṇaṃ bhayāvahaṃ paśyato dārukasya |
te sāgarasyopariṣṭādvartamānānmanojavāṃścaturo vājimukhyān || 54 ||
[Analyze grammar]

tālaḥ suparṇaśca mahādhvajau tau supūjitau rāmajanārdanābhyām |
uccairjaguḥ svapsaraso divāniśaṃ vācaṃ cocurgamyatāṃ tīrthayātrām || 55 ||
[Analyze grammar]

tato jigamiṣaṃtaste vṛṣṇyaṃdhakamahārathāḥ |
sāṃtaḥpurāstīrthayātrāmīhaṃte sma nararṣabhāḥ || 56 ||
[Analyze grammar]

tato māṃsaparā hṛṣṭāḥ peyaṃ veśmasu vṛṣṇayaḥ |
bahu nānāvidhaṃ cakrurmāṃsāni vividhāni ca || 57 ||
[Analyze grammar]

tathā sīdhuṣu baddheṣu niryayurnagarādbahiḥ |
yānairaśvairgajaiścaiva śrīmaṃtastigmatejasaḥ || 58 ||
[Analyze grammar]

tataḥ prabhāse nyavasanyathoddeśaṃ yathāgṛham |
prabhūtabhakṣyapeyāste sadārā yādavāstadā || 59 ||
[Analyze grammar]

nirviṣṭāṃstānniśamyātha samudrāṃte sa yogavit |
jagāmāmaṃtrya tānvīrānuddhavorthaviśāradaḥ || 60 ||
[Analyze grammar]

prasthitaṃ taṃ mahātmānamabhivādya kṛtāṃjalim |
jānanvināśaṃ bhojānāṃ naicchadvārayituṃ hariḥ || 61 ||
[Analyze grammar]

tataḥ kālaparītāste vṛṣṇyaṃdhakamahārathāḥ |
apaśyannuddhavaṃ yāṃtaṃ tejasā'dīpya rodasī || 62 ||
[Analyze grammar]

brāhmaṇārtheṣu yatklṛptamannaṃ teṣāṃ varānane |
tadvāhanebhyaḥ pradaduḥ surāgaṃdharasānvitam || 63 ||
[Analyze grammar]

tatastūryaśatākīrṇaṃ naṭanarttakasaṃkulam |
prāvarttata mahāpānaṃ prabhāse tigmatejasām || 64 ||
[Analyze grammar]

kṛṣṇasya saṃnidhau rāmaḥ sahitaḥ kṛtavarmaṇā |
apibadyuyudhānaśca gado babhrustathaiva ca || 65 ||
[Analyze grammar]

tataḥ pariṣado madhye yuyudhāno madotkaṭaḥ |
abravītkṛtavarmāṇamavahasyāvamanya ca || 66 ||
[Analyze grammar]

kaḥ kṣatriyo manyamānaḥ suptānhanyānmṛtāniva |
na tanmṛṣyata hārdikyastvayā tatsādhu yatkṛtam || 67 ||
[Analyze grammar]

ityukte yuyudhānena pūjayāmāsa tadvacaḥ |
pradyumno rathināṃ śreṣṭho hārdikyamatha bhartsayan || 68 ||
[Analyze grammar]

tataḥ punarapi kruddhaḥ kṛtavarmā tamabravīt |
nirviśanniva sāvajñaṃ tadā savyena pāṇinā || 69 ||
[Analyze grammar]

bhūriśravāśchinnabāhuryuddhe prāyogatastvayā |
vyādheneva nṛśaṃsena kathaṃ vaireṇa ghātitaḥ || 70 ||
[Analyze grammar]

iti tasya vacaḥ śrutvā keśavaḥ paravīrahā |
tiryaksaroṣayā dṛṣṭyā vīkṣāṃcakre samaḥ pumān || 71 ||
[Analyze grammar]

maṇiṃ syamaṃtakaṃ caiva yaḥ sa satrājito'bhavat |
sa kathaṃ smārayāmāsa sātyakirmadhusūdanam || 72 ||
[Analyze grammar]

tacchrutvā keśavasyāṃkamagamadrudatī satī |
satyabhāmā prakṣubhitā kopayantī janārddanam || 73 ||
[Analyze grammar]

tata utthāya sa krodhātsātyakirvākyamabravīt |
paṃcānāṃ draupadeyānāṃ dhṛṣṭadyumnaśikhaṃḍinaḥ || 74 ||
[Analyze grammar]

eṣa gacchāmi padavīṃ satye tava pathe sadā |
sauptike nihatā ye ca suptāstena durātmanā || 75 ||
[Analyze grammar]

droṇaputrasahāyena pāpena kṛtavarmaṇā |
samāptaṃ cāyurasyādya yaśaścāpi sumadhyame || 76 ||
[Analyze grammar]

itīdamuktvā khaṅgena keśavasya samīpataḥ |
abhihatya śiraḥ kruddhaściccheda kṛtavarmaṇaḥ || 77 ||
[Analyze grammar]

tathānyānapi nighnaṃtaṃ yuyudhānaṃ samaṃtataḥ |
anvadhāvaddhṛṣīkeśo vinivārayiṣustathā || 78 ||
[Analyze grammar]

ekībhūtāstatastasya kālaparyāyapreritāḥ |
bhojāṃdhakā mahārājaṃ śaineyaṃ paryavārayan || 79 ||
[Analyze grammar]

tāndṛṣṭvā'patatastūrṇamabhikruddhāñjanārddanaḥ |
na cukrodha mahātejā jānankālasya paryayam || 80 ||
[Analyze grammar]

te ca pānamadāviṣṭāścoditāścaiva manyunā |
yuyudhānamathājaghnurucchiṣṭai rbhojanaistathā || 81 ||
[Analyze grammar]

hanyamāne tu śaineye kuddho rukmiṇinaṃdanaḥ |
tadaṃtaramathādhāvanmokṣayiṣyañchineḥ sutam || 82 ||
[Analyze grammar]

sa bhojaiḥ saha saṃyuktaḥ sātyakiścāṃdhakaiḥ saha |
bahutvāttu hatau vīrāvubhau kṛṣṇasya paśyataḥ || 83 ||
[Analyze grammar]

hataṃ dṛṣṭvā tu śaineyaṃ putraṃ ca yadunaṃdanaḥ |
erakāṇāṃ tadā muṣṭiṃ kopājjagrāha keśavaḥ || 84 ||
[Analyze grammar]

tadabhūnmuśalaṃ ghoraṃ vajrakalpamayasmayam |
jaghāna tena kṛṣṇopi ye tasya pramukhe sthitāḥ || 89 ||
[Analyze grammar]

tatoṃ'dhakāśca bhojāśca śinayo vṛṣṇayastadā |
nyaghnannanyonyamākrandairmuśalaiḥ kālapreritāḥ || 86 ||
[Analyze grammar]

yaścaikāmerakāṃ kaścijjagrāha ruṣito naraḥ |
vajrabhūtā ca sā devi hyadṛśyata tadā priye || 87 ||
[Analyze grammar]

tṛṇaṃ ca muśalībhūtamaṇvapi tatra dṛśyate |
brahmadaṃḍakṛtaṃ sarvamiti tadviddhi bhāmini || 88 ||
[Analyze grammar]

āvidhyāvidhya deveśi praharaṃti sma sāyakān |
tadvajrabhūtaṃ muśalamapaśyaṃta tadā dṛḍham || 89 ||
[Analyze grammar]

avadhītpitaraṃ putraḥ pitā putraṃ ca bhāmini |
mattāste paryaṭaṃti sma yodhamānāḥ parasparam || 90 ||
[Analyze grammar]

pataṃgā iva cāgnau tu nyapatanyadupuṃgavāḥ |
nāsītpalāyane buddhirvadhyamānasya kasyacit || 91 ||
[Analyze grammar]

taṃ tu paśyanmahābāhurjānankālasyaparyayam |
muśalaṃ samavaṣṭabhya tasthau sa madhusūdanaḥ || 92 ||
[Analyze grammar]

sāṃbaṃ ca nihataṃ dṛṣṭvā cārudeṣṇaṃ ca mādhavaḥ |
pradyumnamaniruddhaṃ ca tataścukrodha bhāmini || 93 ||
[Analyze grammar]

yādavānkṣmāśayānāṃśca bhṛśaṃ kopasamanvitaḥ |
sa niḥśeṣaṃ tadā cakre śārṅgacakragadādharaḥ || 94 ||
[Analyze grammar]

evaṃ tatra mahādevi abhavadyādava sthalam |
gavyūtimātraṃ taddevi yādavānāṃ citāḥ smṛtāḥ || 95 ||
[Analyze grammar]

teṣāṃ kilāsthinicayaiḥ sthalarūpaṃ babhūva tat |
bhasmapuṃjanibhākāraṃ tenābhūdyādava sthalam || 96 ||
[Analyze grammar]

divyaratnasamāyuktaṃ maṇimāṇikyapūritam |
yādavānāṃ kirīṭaiśca divyagandhaiḥ supūritam || 97 ||
[Analyze grammar]

teṣāṃ rakṣānimittaṃ hi gaṃgā gaṇapatistathā |
yādavānāṃ tu sarveṣāṃ jīvito vajra eva hi || 98 ||
[Analyze grammar]

vayasoṃte tataḥ so'pi prabhāsaṃ kṣetramāgataḥ |
niṣicya svasutaṃ rājye nāmnā khyātaṃ mahadbalam || 99 ||
[Analyze grammar]

tenāpi sthāpitaṃ liṃgaṃ yādavendreṇa dhīmatā |
vajreśvaramiti khyātaṃ tatsthitaṃ yādavasthale || 100 ||
[Analyze grammar]

tatraiva suciraṃ kālaṃ tapastaptaṃ supuṣkalam |
nāradasyopadeśena prabhāse pāpanāśane || 101 ||
[Analyze grammar]

prāptavānparamāṃ siddhiṃ sa rājā yādavottamaḥ |
tatraiva yo naraḥ samyaksnātvā jāṃbavatī jale || 102 ||
[Analyze grammar]

vajreśvaraṃ tu saṃpūjya brāhmaṇāṃstatra bhojayet |
yādavasthalasāmīpye gosahasraphalaṃ labhet || 103 ||
[Analyze grammar]

ṣaṭkoṇaṃ tatra dātavyamaṃgulyā yādavasthale |
yātrāphalamavāpnoti samyakchraddhāsamanvitaḥ || 104 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathameprabhāsakṣetramāhātmye yādavasthalotpattau vajreśvaramāhātmyavarṇanaṃnāma saptatriṃśaduttaradviśatatamo'dhyāyaḥ || 237 ||
[Analyze grammar]