![Skanda Purana [sanskrit] - book cover](/uploads/a/Skandapurana-Sanskrit.jpg)
Skanda Purana [sanskrit]
876,996 words | ISBN-10: 8170800978 | ISBN-13: 9788170800972
This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.
Chapter 219
[English text for this chapter is available]
īśvara uvāca |
tasmādāgneyakoṇe tu mārkaṃḍeyasamīpagam |
guhāliṃgaṃ mahādevi nīlakaṇṭheti viśrutam || 1 ||
[Analyze grammar]
viṣṇunā pūjitaṃ pūrvaṃ sarva pātakanāśanam || 2 ||
[Analyze grammar]
tatra yaḥ pūjayedbhaktyā talliṃgaṃ pāpamocanam |
sa putrapaśumāndhīmānmodate pṛthivītale || 3 ||
[Analyze grammar]
evaṃ tatra mahādevi mārkaṇḍeyeśa sannidhau |
ṛṣīṇāmāśramā ye'tra dṛśyante'dyāpi bhāmini || 4 ||
[Analyze grammar]
aṣṭāśītisahasrāṇi ṛṣīṇāmūrdhvaretasām |
tatra sthitāni deveśi mārkaṇḍeyāśramāṃtike || 5 ||
[Analyze grammar]
ṛṣīṇāṃ ca guhāstatra sarvā liṃgasamanvitāḥ |
dṛśyante puṇyatapasāṃ tadāśramanivāsinām || 6 ||
[Analyze grammar]
tatra yaḥ sthāpayelliṃgaṃ mārkaṃḍeśasamīpagam |
kulānāṃ śatamuddhṛtya modate divi devavat || 7 ||
[Analyze grammar]
sarve śivamayā lokāḥ śive sarvaṃ pratiṣṭhitam |
tasmācchivaṃ yajedvidvānya icchecchriyamātmanaḥ || 8 ||
[Analyze grammar]
śivabhakto na yo rājā bhakto'nyeṣu sureṣu ca |
svapatiṃ yuvatī tyaktvā ramate'nyeṣu vai yathā || 9 ||
[Analyze grammar]
brahmādayaḥ surāḥ sarve rājānaśca maharddhikāḥ |
mānavā munayaścaiva sarve liṃgaṃ yajaṃti ca || 10 ||
[Analyze grammar]
svanāmakṛtacihnāni liṃgānīṃdrādibhiḥ kramāt |
sthāpitāni yathā sthāne mānavairapi bhūriśaḥ || 11 ||
[Analyze grammar]
sthāpanādbrahmahatyāṃ ca bhrūṇahatyāṃ tathaiva ca |
mahāpāpāni cānyāni nistīrṇāḥ śivatejasā || 12 ||
[Analyze grammar]
vṛtraṃ hatvā purā śakro māhendraṃ sthāpya śaṃkaram |
liṃgaṃ ca muktapāpaughastato'sau tridivaṃ gataḥ || 13 ||
[Analyze grammar]
sthāpayitvā śivaṃ sūryo gaṃgāsāgarasaṃgame |
nirāmayo'bhūtsomaśca prabhāse paścimodadheḥ || 14 ||
[Analyze grammar]
kāśyāṃ caiva tathādityaḥ sahye garuḍakāśyapau |
pratiṣṭhāṃ paramāṃ prāptau pratiṣṭhāpya jagatpatim || 15 ||
[Analyze grammar]
khyātadoṣā hyahilyā'pi bhartṛśaptā'bhavattadā |
sthāpyeśānaṃ punaḥ strītvaṃ lebhe putrāṃstathottamān || 16 ||
[Analyze grammar]
paśyaṃtyadyāpi yāḥ snātvā tatrāhilyeśvaraṃ striyaḥ |
puruṣāścāpi taddoṣairmucyante nātra saṃśayaḥ || 17 ||
[Analyze grammar]
sthāpayitveśvaraṃ śvetaśaile balivirocanau |
ubhāvapi hi saṃjātāvamarau balināṃ varau || 18 ||
[Analyze grammar]
rāmeṇa rāvaṇaṃ hatvā sasainyaṃ tridaśeśvaram |
sthāpito vidhivadbhaktyā tīre nadanadīpateḥ || 19 ||
[Analyze grammar]
svāyaṃbhuvarṣidaivādiliṃgahīnā na bhūḥ kvacita || vyā |
pārānsakalāṃstyaktvā pūjayadhvaṃ śivaṃ sadā |
nikaṭā iva dṛśyaṃte kṛtāṃtanagaropagāḥ || 20 ||
[Analyze grammar]
devi kiṃ bahunoktena varṇitena punaḥ punaḥ |
prabhāsakṣetrasāraṃ tu mārkaṇḍeyāśramaṃ prati || 21 ||
[Analyze grammar]
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsa kṣetramāhātmye mārkaṇḍeyeśvaramāhātmyavarṇanaṃnāmaikonaviṃśatyuttaradviśatatamo'dhyāyaḥ || 219 ||
[Analyze grammar]
Other editions:
Also see the following editions of the Sanskrit text or (alternative) English translations of the Skandapurana Chapter 219
The Skanda-Purana
by G. V. Tagare (2007)
(23 Volumes) - Motilal Banarsidass Publishers Pvt. Ltd.
Buy now!
Skanda Purana (Hindi Translation)
by S. N. Khandelwal (2016)
(Set of 10 Books) - Chowkhamba Sanskrit Series Office
Buy now!
Skanda Purana in Bengali
by Navabharat Publishers, Kolkata (0)
স্কন্ধ পুরাণম: - (Set of 7 Volumes)
Buy now!
Skanda Purana in Kannada
by Vandana Book House, Bangalore (0)
ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)
Buy now!
Skanda Mahapurana (Gujarati)
by Sahitya Sangam, Ahemdabad (2017)
સ્કંદ મહાપુરાણ: (Condensed/Summary)
Buy now!
Shri Skanda purana (Malayalam)
by M.P. Pillai kaniyanthara (2015)
(Condensed/Summary) - Devi Book Stall, Kodungallur
Buy now!