Chapter 205

[English text for this chapter is available]

devyuvāca |
bhagandevadeveśa saṃsārārṇavatāraka |
brūhi śrāddhavidhiṃ puṇyaṃ vistarājjagatāṃpate || 1 ||
[Analyze grammar]

kasminvāsarabhāge tu śrāddhakṛcchrāddhamācaret |
asminsarasvatī tīrthe prabhāsakṣetra uttame || 2 ||
[Analyze grammar]

kasmiṃstīrthe kṛtaṃ śrāddhaṃ bahupuṇyaphalaṃ bhavet |
etatsarvaṃ mahādeva yathāvadvaktumarhasi || 3 ||
[Analyze grammar]

īśvara uvāca |
prātaḥkāle muhūtāṃstrīnsaṃgavastāvadeva tu |
madhyāhnastrimuhūrtaḥ syādaparāhṇastataḥ param || 4 ||
[Analyze grammar]

sāyāhnastrimuhūrtaḥ syācchrāddhaṃ tatra na kārayet |
rākṣasīnāma sā velā garhitā sarvakarmasu || 5 ||
[Analyze grammar]

ahno muhūrtā vikhyātā daśapaṃca ca sarvadā |
tatrāṣṭamo muhūrto yaḥ sa kālaḥ kutapaḥ smṛtaḥ || 6 ||
[Analyze grammar]

madhyāhne sarvadā yasmānmandībhavati bhāskaraḥ |
tasmādanaṃtaphaladastadārambho bhaviṣyati || 7 ||
[Analyze grammar]

madhyāhnaḥ khaḍgapātraṃ tu tathānye kālakambalāḥ || |
rūpyaṃ darbhāṃstilā gāvo dauhitraścāṣṭamaḥ smṛtaḥ || 8 ||
[Analyze grammar]

pāpaṃ kutsitamityāhustasya santāpakāriṇaḥ |
aṣṭa caivaṃ matāstasmātkutapā iti viśrutāḥ || 9 ||
[Analyze grammar]

ūrdhvaṃ muhūrtātkutapādyanmuhūrtacatuṣṭayam |
muhūrtapañcakaṃ caiva svadhābhavanamiṣyate || 10 ||
[Analyze grammar]

viṣṇordehasamudbhūtāḥ kuśāḥ kṛṣṇāstilāstathā || |
śrāddhasya rakṣaṇārthāya etatprāhurdivaukasaḥ || 11 ||
[Analyze grammar]

tilodakāñjalirdeyo jalasthaistīrthavāsibhiḥ |
sadarbhahastenaikena śrāddhasevanamiṣyate || 12 ||
[Analyze grammar]

trīṇi śrāddhe pavitrāṇi dauhitraḥ kutapastilāḥ |
trīṇi cātra praśaṃsaṃti śuddhimakrodhamatvarām || 13 ||
[Analyze grammar]

dauhitraṃ khaḍgamityuktaṃ lalāṭe śṛṅgamasti yat |
tasya śṛṃgasya yatpātraṃ taddauhitramiti smṛtam || 14 ||
[Analyze grammar]

kṣīriṇī vāpi citrā gaustatkṣīrāyadghṛtaṃ bhavet |
taddauhitramiti proktaṃ daive pitrye ca karmaṇi || 15 ||
[Analyze grammar]

darbhāgraṃ daivamityuktaṃ samūlāgraṃ tu paitṛkam |
tatrāvalaṃbino ye tu kuśāste kutapāḥ smṛtāḥ || 16 ||
[Analyze grammar]

śarīradravyadārābhūmanomaṃtradvi janmanām |
śuddhiḥ saptasu vijñeyā śrāddhakāle viśeṣataḥ || 17 ||
[Analyze grammar]

saptadhā dravyaśuddhistu sottamā madhyamā'dhamā || 18 ||
[Analyze grammar]

śrutaṃ śauryaṃ tapaḥ kanyā śiṣyādyaṃ cānvayāgatam |
dhanaṃ saptavidhaṃ śuklamupāyopyasya tādṛśaḥ || 19 ||
[Analyze grammar]

kutsitaṃ kṛṣivāṇijyaṃ śuklaṃ śilpānuvṛttibhiḥ |
kṛtopakārādāptaṃ ca śaṃbalaṃ samudāhṛtam || 20 ||
[Analyze grammar]

utkocataśca yatprāptaṃ yatprāptaṃ caiva sāhasāt |
vyājenopārjitaṃ yacca tatkṛṣṇaṃ samudāhṛtam || 21 ||
[Analyze grammar]

anyāyopārjitairdravyai ryacchrāddhaṃ kriyate naraiḥ |
tṛpyaṃti tena caṇḍālāḥ puṣkasādyāsu yoniṣu || 22 ||
[Analyze grammar]

annaprakiraṇaṃ yattu manuṣyaiḥ kriyate bhuvi |
tena tṛptimupāyāṃti ye piśācatvamāgatāḥ || 23 ||
[Analyze grammar]

yatpayaḥ snānavastrotthaṃ bhūmau patati putraka |
tena ye tarutāṃ prāptāsteṣāṃtṛptiḥ prajāyate || 24 ||
[Analyze grammar]

yāstu gaṃdhāṃbukaṇikāḥ pataṃti dharaṇītale |
tābhirāpyāyanaṃ teṣāṃ ye devatvamupāgatāḥ || 25 ||
[Analyze grammar]

uddhṛteṣvapi piṇḍeṣu yāścānnakaṇikā bhuvi |
tābhirāpyāyanaṃ teṣāṃ tiryaktvaṃ ca kule gatāḥ || 26 ||
[Analyze grammar]

ye cādagdhāḥ kule bālāḥ striyo yāścāpyasaṃskṛtāḥ |
vipannāste tu vikirasaṃmārjanasulālasāḥ || 27 ||
[Analyze grammar]

bhuktvā vā bhramate yacca jalaṃ yaccāhni sevate |
brāhmaṇānāṃ tathānnena tena tṛptiṃ prayāṃti te || 28 ||
[Analyze grammar]

piśācatvamanuprāptāḥ kṛmikīṭatvameva ye |
atha kālānpravakṣyāmi kathyamā nānnibodha me || 29 ||
[Analyze grammar]

śrāddhaṃ kāryamamāvāsyāṃ māsimāsīṃdusaṃkṣaye |
tathāṣṭakāsu viprāptau sūryendugrahaṇe tathā || 30 ||
[Analyze grammar]

ayane viṣuve yugme sāmānye cārkasaṃkrame |
amāvāsyāṣṭakāyāṃ ca kṛṣṇapakṣe viśeṣataḥ || 31 ||
[Analyze grammar]

ārdrāmaghārohiṇīṣu dravyabrāhmaṇasaṃgame |
gajacchāyāvyatīpāte viṣṭivaidhṛti vāsare || 32 ||
[Analyze grammar]

vaiśākhasya tṛtīyāyāṃ navamyāṃ kārttikasya ca |
paṃcadaśyāṃ tu māghasya nabhasye ca trayodaśī || 33 ||
[Analyze grammar]

yugādayaḥ smṛtā etā datta syākṣayakārikāḥ || 34 ||
[Analyze grammar]

yasya manvantarasyādau rathārūḍho divākaraḥ |
māghamāsasya saptamyāṃ sā tu syādrathasaptamī || 35 ||
[Analyze grammar]

vaiśākhasya tṛtīyāyāṃ kṛṣṇāyāṃ phālgunasya ca |
paṃcamī caitramāsasya tasyaivāntyā tathāparā || 36 ||
[Analyze grammar]

śuklatrayodaśī māghe kārttikasya ca saptamī |
kārttikī phālgunī caitrī jyaiṣṭhī pañcadaśīti ca |
manvantarāḥ smṛtā hyetā dattasyākṣayakārikāḥ || 37 ||
[Analyze grammar]

śrāvaṇasyāṣṭamī kṛṣṇā tathāṣāḍhī ca pūrṇimā |
kārttikī phālgunī caitrī jyaiṣṭhī pañcadaśī tithiḥ || 38 ||
[Analyze grammar]

manvādayaḥ smṛtāścaitā dattasyākṣayakārikāḥ |
navamī mārgaśīrṣasya saptaitāḥ saṃsmarā myaham || 39 ||
[Analyze grammar]

kalpanāmādayo devi dattasyākṣayakārikāḥ |
tathā manvantarasyādau dvādaśaiva varānane || 40 ||
[Analyze grammar]

nityaṃ naimittikaṃ kāmyaṃ vṛddhi śrāddhaṃ sapiṇḍakam |
pārvaṇaṃ cātivijñānaṃ goṣṭhaṃ śuddhyarthamuttamam || 41 ||
[Analyze grammar]

karmāṃgaṃ navamaṃ proktaṃ daivakaṃ daśamaṃ smṛtam |
ekādaśaṃ kṣayāhaṃ tu puṣṭyarthe dvādaśaṃ smṛtam || 42 ||
[Analyze grammar]

sarveṣāmeva śrāddhānāṃ śreṣṭhaṃ sāṃvatsaraṃ smṛtam |
ahanyahani yacchrāddhaṃ nityaṃ tatparikīrtitam || 43 ||
[Analyze grammar]

vaiśvadevavihīnaṃ tu aśaktāvudakena tu |
ekoddiṣṭaṃ tu yacchrāddhaṃ tannaimittikamucyate || 44 ||
[Analyze grammar]

kāmena vihitaṃ kāmyamabhipretārthasiddhaye |
vṛddhau yatkriyate śrāddhaṃ vṛddhi śrāddhaṃ taducyate || 45 ||
[Analyze grammar]

ye samānā iti dvābhyāmetacchrāddhaṃ sapiṇḍanam |
amāvāsyāṃ tu yacchrāddhaṃ tatpārvaṇamudāhṛtam || 46 ||
[Analyze grammar]

goṣṭhyāṃ yatkri yate śrāddhaṃ tadgoṣṭhīśrāddhamucyate |
kriyate pāpaśuddhyarthaṃ śuddhiśrāddhaṃ taducyate || 47 ||
[Analyze grammar]

niṣekakāle some ca sīmantonnayane tathā |
tathā puṃsavane caiva śrāddhaṃ karmāṃgameva ca || 48 ||
[Analyze grammar]

devamuddiśya kriyate yattaddaivakamucyate |
gaccheddeśāntaraṃ yastu śrāddhaṃ kāryaṃ tu sarpiṣā || 49 ||
[Analyze grammar]

puṣṭyarthametadvijñeyaṃ kṣayāhaṃ dvādaśaṃ smṛtam |
mṛte'hani pituryastu na kuryācchrāddhamādarāt || 50 ||
[Analyze grammar]

mātuścaiva varārohe vatsarānte mṛte'hani |
nāhaṃ tasya mahādevi pūjāṃ gṛhṇāmi no hariḥ || 51 ||
[Analyze grammar]

mṛtāharyo na jānāti mānavo yadi vā kvacit |
tena kāryamamāvāsyāṃ śrāddhaṃ māghe'tha mārgake || 52 ||
[Analyze grammar]

atha viprānpravakṣyāmi śrāddhe ye kecana kṣamāḥ |
viśiṣṭaḥ śrotriyo yogī vedavidyāsamanvitaḥ || 53 ||
[Analyze grammar]

triṇāciketastrimadhustrisuparṇaḥ ṣaḍaṃgavit |
dauhitrakastu jāmātā svasrīyaḥ śvaśurastathā || 54 ||
[Analyze grammar]

pañcāgnikarmaniṣṭhaśca taponiṣṭhaśca mātulaḥ |
pitṛmātṛparaścaiva śiṣyasaṃbaṃdhibāṃdhavaḥ || 55 ||
[Analyze grammar]

vedārthavitpravaktā ca brahmacārī sahasradaḥ |
saṃbaṃdhinaṃ tathā saṃtaṃ dauhitraṃ duhituḥ patim || 56 ||
[Analyze grammar]

bhāgineyaṃ viśeṣeṇa tathā bandhugaṇānapi |
nātikramennarastvetānmūrkhānapi varānane || 57 ||
[Analyze grammar]

na brāhmaṇānparīkṣeta devakarmaṇyupa sthite |
paitrakarmaṇi saṃprāpte parīkṣeta prayatnataḥ || 58 ||
[Analyze grammar]

ye stenāḥ patitāḥ klībā ye ca nāstikavṛttayaḥ |
tānhavyakavyayorviprānanarhānmanura bravīt || 59 ||
[Analyze grammar]

jaṭilaṃ cānadhīyānaṃ durbalaṃ kitavaṃ tathā |
yājayaṃti ca ye śūdrāṃstāṃśca śrāddhe na pūjayet || 60 ||
[Analyze grammar]

cikitsakāndevalakānmāṃsa vikrayiṇastathā |
vipaṇaiḥ pīrajīvaṃto varjyāḥ syurhavyakavyayoḥ || 61 ||
[Analyze grammar]

preṣyo grāmyaśca rājñaśca kunakhī śyāvadaṃtakaḥ |
pratiroddhā guroścaiva tyaktā gnirvārdhuṣistathā || 62 ||
[Analyze grammar]

yakṣmī ca paśupālaśca parivettā nirākṛtiḥ |
brahmadhrukparivittiśca gaṇābhyantara eva ca || 63 ||
[Analyze grammar]

kuśīlaścaiva kāṇaśca vṛṣalīpatireva ca |
paunarbhavaśca kānīnaḥ kitavo madyapastathā || 64 ||
[Analyze grammar]

pāparogyabhiśastaśca dāṃbhiko rasavikrayī |
dhanuḥśarāṇāṃ karttā ca yaśca syāddidhiṣūpatiḥ || 65 ||
[Analyze grammar]

mitradhruḍdūtavṛttiśca putrācāryastathaiva ca |
bhramarī maṇḍapālī ca citrāṃgaḥ piśunastathā || 66 ||
[Analyze grammar]

unmattoṃ'dhaśca badhiro vedanindaka eva ca |
hayago'śvoṣṭradamako nakṣatrairyaśca jīvati || 67 ||
[Analyze grammar]

pakṣiṇāṃ poṣako yaśca yuddhācāryastathaiva ca |
srotaḥsaṃbhedako yaśca veśyānāṃ poṣaṇe rataḥ || 68 ||
[Analyze grammar]

gṛhasaṃveśako dūtaḥ kṛṣyāropaka eva ca |
ākheṭī śyenajīvī ca kanyādūṣaka eva ca || 69 ||
[Analyze grammar]

hiṃsro vṛṣalaputraśca gaṇānāṃ caiva yājakaḥ |
ācārahīnaḥ klībaśca nityayājanakastathā || 70 ||
[Analyze grammar]

kṛṣijīvī ślīpadī ca sadbhirnindita eva ca |
aurabhriko māhiṣikaḥ parapūrvā patistathā |
pretaniryātakāścaiva varjanīyāḥ prayatnataḥ || 71 ||
[Analyze grammar]

etānvai garhitācārānapāṃkteyāndvijādhamān |
dvijānāṃ sati lābhe tū bhayatraiva vivarjayet || 72 ||
[Analyze grammar]

vīkṣāṃdho vaikataḥ kāṇaḥ kuṣṭhī ca vṛṣalīpatiḥ |
pāparogī sahasrasya dāturnāśayate phalam || 73 ||
[Analyze grammar]

yāvadbhiḥ saṃspṛśatyaṅgairbrāhmaṇāñchrūdrayājakaḥ |
tāvatāṃ na bhavetpretya dāturvā tasya paitrikam || 74 ||
[Analyze grammar]

ādau māhiṣakaṃ dṛṣṭvā madhye ca vṛṣalīpatim |
ante vārdhuṣikaṃ dṛṣṭvā nirāśāḥ pitaro gatāḥ || 75 ||
[Analyze grammar]

mahiṣī procyate bhāryā sā vaidhavye'bhicāriṇī |
tasyāṃ yaḥ kṣapate doṣāṃ sa vai māhiṣikaḥ smṛtaḥ || 76 ||
[Analyze grammar]

vṛṣalītyucyate śūdrī tasyā yaśca patirbhavet |
tadoṣṭhalālāsaṃsargātpatito vṛṣalīpatiḥ || 77 ||
[Analyze grammar]

svaṃ vṛṣaṃ tu parityaktvā pareṇa tu vṛṣāyate |
vṛṣalī sā tu vijñeyā na śūdrī vṛṣalī bhavet || 78 ||
[Analyze grammar]

caṇḍālī baṃdhakī veśyā rajaḥsthā yā ca kanyakā |
kuṭilā ca svagotrā ca vṛṣalyaḥ sapta kīrtitāḥ || 79 ||
[Analyze grammar]

piturgehe tu yā kanyā rajaḥ paśyatyasaṃskṛtā |
patitāḥ pitarastasyāḥ kanyā sā vṛṣalī bhavet || 80 ||
[Analyze grammar]

yastu tāṃ varayetkanyāṃ brāhmaṇo jñānapūrvataḥ |
aśrāddheyamapāṃkteyaṃ taṃ vidyādvṛṣalīpatim || 81 ||
[Analyze grammar]

gaurī kanyā pradhānā vai madhyamā kanyakā matā |
rohiṇī tatsamā jñeyā adhamā ca rajasvalā || 82 ||
[Analyze grammar]

aprāpte rajasi gaurī prāpte rajasi rohiṇī |
avyaṃjanakṛtā kanyā kucahīnā tu nagnikā || 83 ||
[Analyze grammar]

saptavarṣā bhavedgaurī navavarṣā tu nagnikā |
daśavarṣā bhavetkanyā hyata ūrdhvaṃ rajasvalā || 84 ||
[Analyze grammar]

vyaṃjanairhanti vai putrānkulaṃ hanyātpayodharā |
gatimiṣṭāṃ tathā lokānhaṃti sā rajasā pituḥ || 85 ||
[Analyze grammar]

ya udvahedrajoyuktāṃ sa jñeyo vṛṣalīpatiḥ || 86 ||
[Analyze grammar]

yatkarotyekarātreṇa vṛṣalīsevanāddvijaḥ |
tadbhaikṣyabhugjapannityaṃ tribhirvarṣairvyapohati || 87 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye śrāddhakalpe śrāddhānarhabrāhmaṇaparīkṣaṇakathanaṃnāma pañcottaradviśatatamo 'dhyāyaḥ || 205 ||
[Analyze grammar]