Chapter 204

[English text for this chapter is available]

devyuvāca |
bhagavandevadeveśa saṃsārārṇavatāraka |
sarasvatyāśca māhātmyaṃ vistarātkathayasva me || 1 ||
[Analyze grammar]

yātrāgatānāṃ deveśi puruṣāṇāṃ jitātmanām |
mukhadvāre tu kiṃ puṇyaṃ snānadāne ca śaṃkara || 2 ||
[Analyze grammar]

avagāhanena cānyatra phalaṃ kiṃsvitprajāyate |
śrāddhasya kiṃ vidhānaṃ tu ke maṃtrāstatra ke dvijāḥ || 3 ||
[Analyze grammar]

kiṃ grāhyaṃ kiñca bhoktavyaṃ brāhmaṇaiḥ śrāddhakarmaṇi |
kāni dānāni deyāni nṛbhiryātrā phalepsubhiḥ || 4 ||
[Analyze grammar]

īśvara uvāca |
śṛṇu devipravakṣyāmi dānaśrāddhavidhikramam |
sarasvatyāśca māhātmyaṃ kīrtyamānaṃ nibodha me || 5 ||
[Analyze grammar]

puṇyaṃ sārasvataṃ toyaṃ yatra tatrāvagāhyate |
sāgareṇa tu saṃmiśraṃ devānāmapi durlabham || 6 ||
[Analyze grammar]

sarasvatī sarvanadīṣu puṇyā sarasvatī lokasukhāvagāhā |
sarasvatīṃ prāpya na duḥkhitā narāḥ sadā na śocaṃti paratra ceha vā || 7 ||
[Analyze grammar]

puṇyaṃ sārasvataṃ tīrthaṃ puṇyakṛllabhate naraḥ |
durlabhaṃ triṣu lokeṣu vaiśākhyā somaparvaṇi || 8 ||
[Analyze grammar]

amā somena saṃyuktā yadi tatraiva labhyate |
tatra kiṃ kriyate devi parvakoṭiśatairapi || 9 ||
[Analyze grammar]

cāndrāyaṇāni kṛcchrāṇi mahāsāṃ tapanāni ca |
prāyaścittāni dīyante yatra nāsti sarasvatī || 10 ||
[Analyze grammar]

yāvadasthi śarīrasya tiṣṭhetsārasvate jale |
tāvadvarṣasahasrāṇi viṣṇuloke vase nnaraḥ |
jātyandhaiste samā jñeyā mṛtaiḥ paṃgubhireva ca || 11 ||
[Analyze grammar]

samarthā ye na paśyanti prabhāsasthāṃ sarasvatīm |
te deśāstāni tīrthāni āśramāste ca parvatāḥ || 12 ||
[Analyze grammar]

yeṣāṃ sarasvatī devī madhye yāti saridvarā |
trailokyapāvanīṃ puṇyāṃ saṃśritā ye sarasvatīm |
saṃsārakardamāmodamājighranti na te punaḥ || 13 ||
[Analyze grammar]

śabdavidyeva vistīrṇā mataiva jagataḥ priyā |
satāṃ matiriva svacchā ramaṇīyā sarasvatī || 14 ||
[Analyze grammar]

trailokyaśobhitāṃ devīṃ divya toyāṃ sunirmalām |
sa nīco yaḥ pumānetāṃ na vandeta sarasvatīm || 15 ||
[Analyze grammar]

svarganiśreṇisaṃbhūtā prabhāse tu sarasvatī |
nāpuṇyavadbhiḥ saṃprāptuṃ puṃbhiḥ śakyā mahānadī || 16 ||
[Analyze grammar]

candrabhāgā ca gaṃgā ca tathā yatra sarasvatī |
devāste na manuṣyāste tisro nadyaḥ pibanti ye || 17 ||
[Analyze grammar]

satyameva mayā devi jāhnavī śirasā dhṛtā |
yāḥ kāścitsarito loke tāsāṃ puṇyā sarasvatī || 18 ||
[Analyze grammar]

darśanena sarasvatyā rājasūyo na rājate |
gaṃḍūṣaścāśvamedhādvai sarva kratuvaraṃ payaḥ || 19 ||
[Analyze grammar]

bhasmāsthicarmatoyāni nakhakeśādikāni ca |
vātairapi dhutānyeva tathā sārasvate jale || 2 ||
[Analyze grammar]

vahanti yeṣāṃ kālena te na kāla vaśā narāḥ |
devi kiṃ bahunoktena varṇitena punaḥpunaḥ |
sarasvatyāḥ paraṃ tīrthaṃ na bhūtaṃ na bhaviṣyati || 21 ||
[Analyze grammar]

tatraiva durlabhaṃ snānaṃ yatra sāgarasaṃgamaḥ |
tatra snānena dānena koṭiyajñaphalaṃ labhet || 22 ||
[Analyze grammar]

yatra sārasvataṃ toyaṃ sāgarormisamākulam |
tatra snāsyaṃti ye martyā bhāgyavanto yugeyuge || 23 ||
[Analyze grammar]

te dhanyāste namaskāryāsteṣāṃ sphītataraṃ yaśaḥ |
yeṣāṃ kalevaraṃ nṝṇāṃ siktaṃ sārasvatairjalaiḥ || 24 ||
[Analyze grammar]