Chapter 200

[English text for this chapter is available]

īśvara uvāca |
evaṃ vidhvaṃsite yajñe gatāste brāhmaṇā gṛham |
aprāptakāmanā devi ye cānye tatra vai gatāḥ || 1 ||
[Analyze grammar]

haro'pi vigatāmarṣaḥ kailāsaṃ parvataṃ gataḥ || 2 ||
[Analyze grammar]

etasminneva kāle tu tārakonāma dānavaḥ |
utpannaḥ sa mahābāhurdevānāṃ baladarpahā || 3 ||
[Analyze grammar]

tena indrādikānsarvānsurāñjitvā mahāhave |
svargaḥ svairvyāpito devi brahmalokaṃ tato gatāḥ |
ūcuḥ surā duḥkhayuktā brahmāṇaṃ parvatātmaje || 4 ||
[Analyze grammar]

tārakeṇa suraśreṣṭha svargānnirvāsitā vayam |
svayamindraḥ samabhavadvasavo'nye tathā kṛtāḥ || 5 ||
[Analyze grammar]

rudrāḥ sādhyāstathā viśve aśvinau marutastathā |
ādityāśca vadhopāyaṃ tasmādvada pitāmaha || 6 ||
[Analyze grammar]

brahmovāca |
avadhyaḥ sa tu sarveṣāṃ devānāmiti me matiḥ |
ṛte tu śāṃkaraṃ tejo nānyena vinipātyate |
tasmādgacchata bhadraṃ vo devadevaṃ maheśvaram || 7 ||
[Analyze grammar]

tasya bhāryā mṛtā pūrvaṃ jātā himavato gṛhe |
tasyāṃ ca jāyate putraḥ sa haniṣyati tārakam |
tasmātprasādayadhvaṃ vai tadarthaṃ śūlapāṇinam || 8 ||
[Analyze grammar]

tato devaiḥ samādiṣṭaḥ kāmadevo varānane |
mṛtabhāryaṃ haraṃ gatvā tataḥ pīḍaya sāyakaiḥ || 9 ||
[Analyze grammar]

yenāsau kāmasaṃtapto bhāryārthaṃ yatnavānbhavet || 6 ||
[Analyze grammar]

ayaṃ gacchatu te bhrātā vasaṃtaśca manoharaḥ || 10 ||
[Analyze grammar]

sa tatheti pratijñāya kailāsaṃ parvataṃ gataḥ |
tato dṛṣṭvā mahādevaḥ kāmadevaṃ dhṛtāyudham || 11 ||
[Analyze grammar]

vasantasahitaṃ devi rudro'ndhakaniṣūdanaḥ |
gaṃgādvāramanuprāpya apaśyadyāvadagrataḥ || 12 ||
[Analyze grammar]

dattāyudhaṃ kāmadevaṃ dudruve sa bhayātpunaḥ |
tato vārāṇasīṃ gatvā naimiṣaṃ puṣkaraṃ tathā || 13 ||
[Analyze grammar]

śrīkaṃṭhaṃ rudrakoṭiṃ ca kurukṣetraṃ gayāṃ tathā |
jvālāmārgaṃ prayāgaṃ ca viśālāmarbudaṃ śubham || 14 ||
[Analyze grammar]

bahūnvarṣagaṇānevaṃ bhramansa dharaṇītale |
kāmadevabhayāddevi devadevo maheśvaraḥ || 15 ||
[Analyze grammar]

avaikṣata tadā kāmaṃ visphārya nayanaṃ tadā |
tṛtīyaṃ devadeveśi devadevastrilocanaḥ || 16 ||
[Analyze grammar]

tasya taṃ vīkṣamāṇasya saṃjātāḥ pāvakārciṣaḥ |
tābhiḥ sa dhanuṣā yukto bhasmasātsamapadyata || 17 ||
[Analyze grammar]

taṃ dagdhvā bhagavāñchaṃbhurgatvā roṣasya nirṇayam |
nivāsamakarottatra kṣetre prābhāsike śubhe || 18 ||
[Analyze grammar]

tasmindagdhe tadā kāme ratiḥ śokaparāyaṇā |
vilalāpa suduḥkhārtā patibhaktiparāyaṇā || 19 ||
[Analyze grammar]

hā nāthanātha bhoḥ svāminkiṃ jahāsi pativratām |
pativratāṃ patiprāṇāṃ kasmānmāṃ tyajasi prabho || 20 ||
[Analyze grammar]

evaṃ vilapatīṃ tāṃ tu vāguvācāśarīriṇī |
mā tvaṃ ruda viśālākṣi punareva patistava || 21 ||
[Analyze grammar]

prasādāddevadevasya ucchvāsyati śivasya tu |
etāṃ vācaṃ ratiḥ śrutvā tataḥ svasthā babhūva ha || 22 ||
[Analyze grammar]

tato devāḥ śivaṃ natvā prārthayāmāsurīśvari |
kalatrasaṃgrahaṃ deva kuru kāryārthasaṃgrahe || 23 ||
[Analyze grammar]

eṣa kāmastvayā dagdhaḥ krodhena mahatā svayam |
vinā tena vibho naṣṭā sṛṣṭirvai dharaṇītale || 24 ||
[Analyze grammar]

bhagavānuvāca |
eṣa kāmo mayā dagdhaḥ krodhena surasattamāḥ |
tasmādanaṃga evaiṣa prajāsu pracariṣyati |
tadvīryastatprabhāvaśca vinā dehaṃ bhaviṣyati || 25 ||
[Analyze grammar]

devā ūcuḥ |
bhagavankuru pūrvaṃ tvaṃ saṃsmarasva ratīśvaram |
hitāya sarva lokānāṃ yathā naḥ pratyayo bhavet || 26 ||
[Analyze grammar]

tataḥ sa smṛtavānkāmaṃ svayaṃ devo maheśvaraḥ |
tatastacchāśvataṃ liṃgaṃ samuttasthau mahītale || 27 ||
[Analyze grammar]

kṛtasmaraḥ punastatra anaṃgo balavāṃstathā |
tenoḍhā śailajā tena śaṃkareṇa mahātmanā || 28 ||
[Analyze grammar]

jātaḥ skandaḥ suraśreṣṭhastārako yena sūditaḥ |
patitenaiva liṃgena yasmāccaiva kṛtasmaraḥ || 29 ||
[Analyze grammar]

tasmātkṛtasmaro loke kīrtyate sa mahītale |
taṃ dṛṣṭvā na jaḍo nāṃdho nāsukhī na ca durbhagaḥ |
jāyate tu kadā martyo na daridro na rogavān || 30 ||
[Analyze grammar]

evaṃ te sarvamākhyātaṃ yanmāṃ tvaṃ paripṛcchasi |
dagdho yathā smaraḥ pūrvaṃ punarvīryānvitaḥ sthitaḥ || 31 ||
[Analyze grammar]

īśvara uvāca |
tatraiva saṃsthitaṃ kuṇḍaṃ dakṣiṇena kṛtasmarāt |
kāmakuṃḍeti vai nāma yatrodbhūtaḥ punaḥ smaraḥ || 32 ||
[Analyze grammar]

anaṃgarūpī devyatra snānādvai rūpavānbhavet |
ikṣavastatra vai deyāḥ suvarṇaṃ gāstathaiva ca |
vastrāṇi caiva vidhivadbrāhmaṇe vedapārage || 33 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye kāmakuṇḍamāhātmyavarṇanaṃnāma dviśatatamo'dhyāyaḥ || 200 ||
[Analyze grammar]