Chapter 167

[English text for this chapter is available]

īśvara uvāca |
tato gacchenmahādevi tatrasthāṃ bhūtamātṛkām |
sāvitryā vārūṇe bhāge śatadhanvaṃtare sthitām |
navakoṭi gaṇairyuktāṃ pretabhūtasamākulām |
pūjitāṃ siddhagaṃdharvairdevādibhiranekaśaḥ || 2 ||
[Analyze grammar]

devyuvāca |
bhūtamāteti saṃhṛṣṭā grāmegrāme purepure |
gāyannṛtyanhasaṃllokaḥ sarvataḥ paridhāvati || 3 ||
[Analyze grammar]

unmattavatpralapate kṣitau patati mattavat |
kruddhavaddhāvati parānmṛtavatkṛṣyate hi saḥ || 4 ||
[Analyze grammar]

sukhabhaṃgāṃśca kurute loko vātagṛhītavat |
bhūtavadbhasmamūtrāṃbukardamānavagāhate || 5 ||
[Analyze grammar]

kimeṣa śāstranirdiṣṭo mārgaḥ kimuta laukikaḥ |
muhyate me mano deva tena tvaṃ vaktumarhasi || 6 ||
[Analyze grammar]

kathaṃ sā puruṣaiḥ pūjyā prabhāsakṣetravāsibhiḥ |
kasmāttatra gatā devī kasminkāle samāgatā |
kasmindine tu māse tu tasyāḥ kāryo mahotsavaḥ || 7 ||
[Analyze grammar]

īśvara uvāca |
śṛṇu devi pravakṣyāmi yatte kiṃcinmanogatam |
āstikāḥ śraddadhānāśca bhavantīti matirmama || 8 ||
[Analyze grammar]

cākṣuṣasyāntare'tīte prāpte vaivasvate'ntare |
dakṣāpamānātsaṃjātā tadā parvataputrikā || 9 ||
[Analyze grammar]

dvāpare tu dvitīye vai dattā tvaṃ parvatena me |
vivāhe caiva saṃjāte sarvadevamanorame || 10 ||
[Analyze grammar]

tvayā ca sahitaḥ pūrvaṃ mandare cārukaṃdare |
akrīḍaṃ ca mudā yukto divyakrīḍanakaiḥ priye |
pīnonnatanitaṃbena bhrājamānā kuconnatām || 11 ||
[Analyze grammar]

sitābjavadanāṃ hṛṣṭāṃ dṛṣṭvā'haṃ tvāṃ mahāprabhām |
dagdhakāmataroḥ kandakaṃdalīmiva niḥsṛtām |
mahārhaśayanasthāṃ tvāṃ tadā kāmitavānaham || 12 ||
[Analyze grammar]

surate tava saṃjātaṃ divyaṃ varṣaśataṃ yadā |
tadā devi samutthāya nirodhānnirgatā bahiḥ || 13 ||
[Analyze grammar]

tavodakātsamuttasthau nāryekā gahvarodarā |
kṛṣṇā karālavadanā piṃgākṣī muktamūrdhajā || 14 ||
[Analyze grammar]

kapālamālābharaṇā baddhamuṇḍārdhapiṃḍakā |
khaṭvāṃgakaṃkāladharā ruṇḍamuṃḍakarā śivā || 15 ||
[Analyze grammar]

dvīpicarmāmbaradharā raṇatkiṃkiṇimekhalā |
ḍamaḍḍamarukārā ca phetkārapūritāmbarā || 16 ||
[Analyze grammar]

tasyāśca pārśvagā anyāstāsāṃ nāmāni me śṛṇu |
sakhyo brāhmaṇarākṣasyastāsāṃ caiva sudarśanāḥ || 17 ||
[Analyze grammar]

daśakoṭiprabhedena dharāṃ vyāpya susaṃsthitāḥ |
mukhyāstatra catasro vai mahābalaparākramāḥ || 18 ||
[Analyze grammar]

raktavarṇā mahājihvā'kṣayā vai pāpakāriṇī |
etāsāmanvaye jātāḥ pṛthivyāṃ brahmarākṣasāḥ || 19 ||
[Analyze grammar]

śleṣmātakatarau hyete prāyaśaḥ sukṛtālayāḥ |
uttālatālacapalā nṛtyaṃti ca hasaṃti ca || 20 ||
[Analyze grammar]

vijñeyā iha loke'sminbhūtānāṃ mūlanāyakāḥ |
atikṛṣṇā bhavantyete vyaṃtarāntaracāriṇaḥ || 21 ||
[Analyze grammar]

vṛkṣāgramātramākāśaṃ te caraṃti na saṃśayaḥ || 22 ||
[Analyze grammar]

tathaiva mama vīryāttu madrūpābharaṇaḥ pumān |
kapālakhaṭvāṃgadharo jātaścarmaviguṇṭhitaḥ || 23 ||
[Analyze grammar]

anugamyamāno bahubhirbhūtairapi bhayaṃkaraḥ |
siṃhaśārdūlavadanairvadanollikhitāṃbaraiḥ || 24 ||
[Analyze grammar]

evaṃ devi tadā jātaḥ kṣudhākrānto babhāṣa mām |
ato'haṃ kṣudhitaṃ dṛṣṭvā varaṃ hīmaṃ ca dattavān || 25 ||
[Analyze grammar]

yuvayorhastasaṃsparśānnaktamevāstu sarvaśaḥ |
naktaṃ caiva balīyāṃsau divā nātibalāvubhau |
putravadrakṣataṃ lokāndharmaścaivānupālyatām || 26 ||
[Analyze grammar]

ityuktau tau mayā tatra bhūtamātṛgaṇau priye |
ekībhūtau kṣaṇenaiva tau bhavānībhavodbhavau || 27 ||
[Analyze grammar]

dṛṣṭvā hṛṣṭamanāścāhamavocaṃ tvāṃ śucismite || 28 ||
[Analyze grammar]

kalyāṇi paśyapaśyaitau mamāṃśācca samudbhavau |
bībhatsādbhutaśṛṃgāradhāriṇau hāsyakāriṇau || 29 ||
[Analyze grammar]

bhrātṛbhāṃḍā bhūtamātā tathaivodakasevitā |
saṃjñātrayaṃ smṛtaṃ devi loke vikhyātapauruṣam || 30 ||
[Analyze grammar]

punaḥ kṛtāṃjalipuṭau dṛṣṭvā māmūcatustadā |
āvayorbhagavankutra sthāne vāso bhaviṣyati || 31 ||
[Analyze grammar]

ityuktavantau tau tatra vareṇa cchanditau mayā |
asti saurāṣṭraviṣaye bhārate kṣetramuttamam || 32 ||
[Analyze grammar]

prabhāseti samākhyātaṃ tatra kṣemaṃ mama priyam |
kūrmasya nairṛte bhāge sthitaṃ vai dakṣiṇe pare || 33 ||
[Analyze grammar]

svātī viśākhā maitraṃ ca yatra ṛkṣatrayaṃ smṛtam |
tasminsthāne sadā stheyaṃ yāvanmanvantarāvadhi || 34 ||
[Analyze grammar]

anyadā jīvikaṃ vacmi tava bhūtapriye sadā || 35 ||
[Analyze grammar]

yatra kaṇṭakino vṛkṣā yatra niṣpāvavallarī |
bhāryā punarbhūrvalmīkastāste vasatayaściram || 36 ||
[Analyze grammar]

yasmingṛhe narāḥ pañca strītrayaṃ tāvatīśca gāḥ |
andhakāreṃdhanāgniśca tadgṛhe vasatistava || 37 ||
[Analyze grammar]

bhūtaiḥ pretaiḥ piśācaiśca yatsthānaṃ samadhiṣṭhitam |
ekāvi cāṣṭabāleyaṃ trigavaṃ pañcamāhiṣam |
ṣaḍaśvaṃ saptamātaṃgaṃ tadgṛhe vasatistava || 38 ||
[Analyze grammar]

uddālakānnapiṭakaṃ tadvatsthālyādibhājanam |
yatra tatraiva kṣiptaṃ ca tava tacca pratiśrayam || 39 ||
[Analyze grammar]

muśalolūkhale strīṇāmāsyā tadvaduduṃbare |
bhāṣaṇaṃ kaṭukaṃ caiva tatra devi sthitistava || 40 ||
[Analyze grammar]

khādyante yatra dhānyāni pakvāpakvāni veśmani |
tadvacchākhāśca tatra tvaṃ bhūtaiḥ saha cariṣyasi || 41 ||
[Analyze grammar]

sthālīpidhāne yatrāgniṃ dadate vikalā narāḥ |
gṛhe tatra duriṣṭānāmaśeṣāṇāṃ samāśrayaḥ || 42 ||
[Analyze grammar]

mānuṣyāsthi gṛhe yatra ahorātre vyavasthitam |
tatrāyaṃ bhūtanivaho yatheṣṭaṃ vicariṣyati || 43 ||
[Analyze grammar]

sarvasmādadhikaṃ ye na pravadanti pinākinam |
sādhāraṇaṃ vadaṃtyenaṃ tatra bhūtaiḥ samāviśa || 44 ||
[Analyze grammar]

kanyā ca yatra vai vallī rohīnāma jaṭī gṛhe |
agastya pādapo vāpi baṃdhujīvo gṛheṣu vai || 45 ||
[Analyze grammar]

karavīro viśeṣeṇa naṃdyāvartastathaiva ca |
mallikā vā gṛhe yeṣāṃ bhūtayogyaṃ gṛhaṃ hi tat || 46 ||
[Analyze grammar]

tālaṃ tamālaṃ bhallātaṃ tiṃtiṇīkhaṃḍameva vā |
bakulaṃ kadalīkhaṃḍaṃ kadaṃbaḥ khadiro'pi vā || 47 ||
[Analyze grammar]

nyagrodho hi gṛhe yeṣāmaśvatthaṃ cūta eva vā |
uduṃbaraśca panasaḥ sarvabhūta priyaṃ hi tat || 48 ||
[Analyze grammar]

yatra kākagṛhaṃ vai syādārāme vā gṛhe'pi vā |
bhikṣubiṃbaṃ ca vai yatra gṛhe dakṣiṇake tathā || 49 ||
[Analyze grammar]

biṃbamūrdhvaṃ ca yatrasthaṃ tatra bhūtaniveśanam || 50 ||
[Analyze grammar]

liṃgārcanaṃ na yatraiva yatra nāsti japādikam |
yatra bhaktivihīnā vai bhūtānāṃ tāngṛhānvadet || 51 ||
[Analyze grammar]

malināsyāstu ye martyā malināṃbara dhāriṇaḥ |
maladaṃtā gṛhasthā ye gṛhaṃ teṣāṃ samāviśa || 52 ||
[Analyze grammar]

agamyaniratā ye tu maithune vyabhicārataḥ |
saṃdhyāyāṃ maithunaṃ yāṃti gṛhaṃ teṣāṃ samāviśa || 53 ||
[Analyze grammar]

bahunā kiṃ pralāpena nityakarmabahiṣkṛtāḥ |
rudrabhaktivihīnā ye gṛhaṃ teṣāṃ samāviśa || 54 ||
[Analyze grammar]

adattvā bhuṃjate yo'nnaṃ baṃdhubhyo'nnaṃ tathodakam |
sapiṇḍānsodakāṃścaiva tatkālāttānnarānbhaja || 55 ||
[Analyze grammar]

yatra bhāryā ca bhartā ca parasparavirodhinau |
saha bhūtairgṛhaṃ tasya viśa tvaṃ bhayavarjjitā || 56 ||
[Analyze grammar]

vāsudeve ratirnāsti yatra nāsti sadā hariḥ |
japahomādikaṃ nāsti bhasma nāsti gṛhe nṛṇām || 57 ||
[Analyze grammar]

parvasvapyarcanaṃ nāsti caturdaśyāṃ viśeṣataḥ || 58 ||
[Analyze grammar]

kṛṣṇāṣṭamyāṃ ca ye martyāḥ saṃdhyāyāṃ bhasmavarjitāḥ |
paṃcadaśyāṃ mahādevaṃ na yajaṃti ca yatra vai || 59 ||
[Analyze grammar]

paurajānapadairyatra prākprasiddhā mahotsavāḥ |
kriyate pūrvavannaiva tadgṛhaṃ vasatistava || 60 ||
[Analyze grammar]

vedaghoṣo na yatrāsti gurupūjādikaṃ na ca |
pitṛkarmavihīnaṃ ca tadbhūtasya gṛhaṃ smṛtam || 61 ||
[Analyze grammar]

rātraurātrau gṛhe yasminkalaho jāyate mithaḥ |
bālānāṃ prekṣamāṇānāṃ yatra vṛddhaśca pūrvataḥ |
bhakṣayettatra vai hṛṣṭā bhūtaiḥ saha samāviśa || 62 ||
[Analyze grammar]

kasminmāse dine cāpi bhavitrī lokapūjitā |
ityukto'haṃ tayā devi tāmavocaṃ punaḥ priye || 63 ||
[Analyze grammar]

amā yā mādhave māsi tasminyā ca caturdaśī |
tasyāṃ mahotsavastatra bhavitā te ciraṃtanaḥ || 64 ||
[Analyze grammar]

yāḥ striyastāṃ ca yakṣyaṃti tasminkāle mahotsave |
balibhiḥ puṣpadhūpaiśca mā tāsāṃ tvaṃ gṛhe viśa || 65 ||
[Analyze grammar]

nārāyaṇa hṛṣīkeśa puṇḍarīkākṣa mādhava |
acyutānaṃta goviṃda vāsudeva janārdana || 66 ||
[Analyze grammar]

nṛsiṃha vāmanāciṃtya keśaveti ca ye janāḥ |
rudra rudreti rudreti śivāya ca namonamaḥ || 67 ||
[Analyze grammar]

vakṣyaṃti satataṃ hṛṣṭāsteṣāṃ dhanagṛhādiṣu |
ārāme caiva goṣṭhe ca mā viśethāḥ kathaṃcana || 68 ||
[Analyze grammar]

deśācārāñjñā tidharmāñjapaṃ homaṃ ca maṃgalam |
daivatejyāṃ vidhānena śaucaṃ kurvaṃti ye janāḥ |
lokāpavādabhītā ye pumāṃsasteṣu mā viśa || 69 ||
[Analyze grammar]

devyuvāca |
kadā pūjā prakartavyā bhūtamātuḥ sukhārthibhiḥ |
puruṣairdevadeveśa etanme vaktumarhasi || 70 ||
[Analyze grammar]

īśvara uvāca |
sarvatraiṣā bhagavatī bālānāṃ hitakāriṇī |
nāmabhedaiḥ kālabhedaiḥ kriyābhedaiśca pūjyate || 71 ||
[Analyze grammar]

pratipatprabhṛti vaiśākhe yāvaccaturdaśītithiḥ |
tāvatpūjā prakartavyā preraṇīprekṣaṇīyakaiḥ || 72 ||
[Analyze grammar]

bhagnāmapi gatāṃ caināṃ jarattarutale sthitām |
secayiṣyaṃti ye bhaktyā jalasaṃpūrṇagaṃḍukaiḥ || 73 ||
[Analyze grammar]

grīvāsūtrakasindūraiḥ puṣpairdhūpaistathārcayet |
tatra siddhavaṭaḥ pūjyaḥ śākhāṃ cāsya vinikṣipet || 74 ||
[Analyze grammar]

pūjitāṃ tāṃ narairyatnādavalokya śubhepsubhiḥ |
bhojayetkṣiprāsaṃyāvakṛśarāpūpapāyasaiḥ || 75 ||
[Analyze grammar]

evaṃ vidhiṃ yaḥ kurute puruṣo bhaktibhāvataḥ |
sa putrapaśuvṛddhiṃ ca śarīrārogyamāpnuyāt || 76 ||
[Analyze grammar]

na śākinyo gṛhe tasya na piśācā na rākṣasāḥ |
pīḍāṃ kurvanti śiśavo yānti vṛddhimanāmayām || 77 ||
[Analyze grammar]

atha devi pravakṣyāmi pratipatprabhṛti kramāt |
yathotsavo naraiḥ kāryaḥ preraṇīprekṣaṇīyakaiḥ || 78 ||
[Analyze grammar]

vikarmaphalanirddeśaiḥ pākhaṃḍānāṃ viṭaṃbanaiḥ |
pradarśyate hāsyaparairnarairadbhutaceṣṭitaiḥ || 79 ||
[Analyze grammar]

pañcamyāṃ tu viśeṣeṇa rātrau kolāhalaḥ śubhe |
jāgaraṃ tatra kurvīta devīṃ pūjya prayatnataḥ || 80 ||
[Analyze grammar]

viśvasya dhanalobhena svādhyāyo nihataḥ patiḥ |
āropyamāṇaṃ śūlāgramenaṃ paśyata bho janāḥ || 81 ||
[Analyze grammar]

dṛṣṭo bhavadbhirduṣṭaḥ sa paradārāvamarśakaḥ |
chittvā hastau ca khaḍgena kharārūḍhastu gacchati || 82 ||
[Analyze grammar]

śīrṇaścaivāsipatreṇa asyābharaṇabhūṣitaḥ |
sukhāsana samārūḍhaḥ sukṛtī yātyasau sukham || 83 ||
[Analyze grammar]

he janāḥ kiṃ na paśyadhvaṃ svāmidrohakaraṃ param |
karapatrairvidāryaṃtamucchalacchoṇitāntaram || 84 ||
[Analyze grammar]

cauraḥ kilāyaṃ saṃprāptaḥ sarvodvegakaraḥ paraḥ |
daṃḍaprahārābhihato nīyate daṃḍapāśakaiḥ || 85 ||
[Analyze grammar]

prekṣakaiśceṣṭitaḥ śaśvadāraṭanvividhaiḥ svaraiḥ |
saṃyamya nīyate hantuṃ lajjito'dhomukho janāḥ || 86 ||
[Analyze grammar]

sitakeśaṃ sitaśmaśruṃ sitāṃbaradharadhvajam |
viṭaṃkādyaiśca ceṭībhirhanyamānaṃ na paśyathi || 87 ||
[Analyze grammar]

gṛhānniṣkrāmya māṃ raṃḍāṃ gṛhaṃ nītvā'karodratim |
kasmādasau na kurute mūḍho bharaṇapoṣaṇam || 88 ||
[Analyze grammar]

bhairavābharaṇo netā sadā ghūrṇitalocanaḥ |
pravṛttataṃdravanmūḍho vadhyaścāsāvitastataḥ || 89 ||
[Analyze grammar]

nirvedeko'sya hṛdaye dhanakṣetrādisaṃbhavaḥ |
gṛhītaṃ yadanenādya bālenāpi mahāvratam |
raktākṣaṃ kākakṛṣṇāṃgaṃ satvaraṃ kiṃ na paśyathi || 90 ||
[Analyze grammar]

tarukoṭaragānbaddhvā anyāñchṛṃkhalayā tathā |
śaraughaiḥ kāṣṭhakaiścaiva bahubhiḥ śakalīkṛtān || 91 ||
[Analyze grammar]

vimuktahakkāhuṃkārā nsuprahārānnirīkṣata || 92 ||
[Analyze grammar]

imāṃ kṛṣṇārdhavadanāṃ grahīṣyasi durātmikām |
vimuktakeśāṃ nṛtyantīṃ paśyadhvaṃ yoginīmiva || 93 ||
[Analyze grammar]

gambhīra nūpuradhvānapravṛddhoddhatatāṃḍavā |
unmattanetracaraṇā yātyeṣā ḍimbhamaṇḍalī || 94 ||
[Analyze grammar]

kaṭītaṭasthapiṭikollasatkaṃbaladhāriṇī |
aṭate naṭatī hyurvī paritaśca gṛhādgṛham || 95 ||
[Analyze grammar]

ityevamādibhirnityaṃ preraṇīprekṣaṇīyakaiḥ |
prerayettānmahānitthaṃ putrabhrātṛsuhṛdvṛtaḥ || 96 ||
[Analyze grammar]

ekādaśyāṃ navamyāṃ vā dīpaṃ prajvālya kuṇḍakam |
mukhabiṃbāni tatraiva lepadārukṛtāni vai || 97 ||
[Analyze grammar]

vicitrāṇi mahārhāṇi raudraśāntāni kārayet |
mātṛṇāṃ caṇḍikādīnāṃ rākṣasānāṃ tathaiva ca || 98 ||
[Analyze grammar]

bhūtapretapiśācānāṃ śākinīnāṃ tathaiva ca |
mukhāni kārayettatra hāvabhāvakṛtāni ca || 99 ||
[Analyze grammar]

rakṣibhirbahubhirguptaṃ tirya gdhvanipuraḥsaram |
amāvāsyāṃ mahādevi kṣipetpūjākramairnaraḥ || 100 ||
[Analyze grammar]

tataḥ pradoṣasamaye yatra devī janairvṛtā |
tatra gacchenmahārāvaiḥ phetkārā kulakīrtanaiḥ || 101 ||
[Analyze grammar]

vīracaryāvidhānena nagare bhrāmayenniśi |
vīracaryā sa kathito dīpaḥ sarvārthasādhakaḥ || 102 ||
[Analyze grammar]

nityaṃ niṣkrāmayeddīpaṃ yāva tpañcadaśī tithiḥ |
pañcadaśyāṃ prakurvīta bhūtamāturmahotsavam |
tasya gṛheśvaraṃ yāvadgṛhe vighnaṃ na jāyate || 103 ||
[Analyze grammar]

atha kālāntare'tīte bhūtamātuḥ śarīrataḥ |
jātāḥ prasvedabindubhyaḥ piśācāḥ pañcakoṭayaḥ || 104 ||
[Analyze grammar]

sarve te krūravadanā jihvājvālākṛśodarāḥ |
pāṇipātrāḥ piśācāste nisṛṣṭabalibhojanāḥ || 105 ||
[Analyze grammar]

dhamanīsaṃtatāḥ śuṣkāḥ śmaśrulāścarmavāsasaḥ |
ulūkhalairābharaṇaiḥ śūrpacchatrāsanāṃbarāḥ || 106 ||
[Analyze grammar]

naktaṃ jvalitakeśāḍhyā aṃgārānudgiraṃti vai |
aṃgārakāḥ piśācāste mātṛmārgānusāriṇaḥ || 107 ||
[Analyze grammar]

ākarṇadāritāsyāśca laṃbabhrūsthūlanāsikāḥ |
balāḍhyāste piśācā vai sūtikāgṛhavāsinaḥ || 108 ||
[Analyze grammar]

pṛṣṭhataḥ pāṇipādāśca pṛṣṭhagā vātaraṃhasā |
viṣādanāḥ piśācāste saṃgrāme piśitāśanāḥ || 109 ||
[Analyze grammar]

evaṃvidhānpiśācāṃstu dṛṣṭvā dīnānukampayā |
tebhyo'hamavadaṃ kiñcitkāruṇyādalpacetasām || 110 ||
[Analyze grammar]

antardhānaṃ prajādehe kāmarūpitvameva ca |
ubhayoḥ saṃdhyayoścāraṃ sthānānyājīvitaṃ tathā || 111 ||
[Analyze grammar]

gṛhāṇi yāni nagnāni śūnyānyāyatanāni ca |
vidhvastāni ca yāni syū racanāroṣitāni ca || 112 ||
[Analyze grammar]

rājamārgoparathyāśca catvarāṇi trikāṇi ca |
dvārāṇyaṭṭālakāṃścaiva nirgamānsaṃkramāṃstathā || 113 ||
[Analyze grammar]

patho nadīśca tīrthāni caityavṛkṣānmahāpathān |
sthānāni tu piśācānāṃ nivāsāyādadāṃ priye || 114 ||
[Analyze grammar]

adhārmikā janāsteṣāmā jīvo vihitaḥ purā |
varṇāśramācārahīnāḥ kāruśilpijanāstathā || 115 ||
[Analyze grammar]

anutāpāśca sādhūnāṃ caurā viśvāsaghātinaḥ |
etairanyaiśca bahubhiranyāyopārjitairdhanaiḥ || 116 ||
[Analyze grammar]

ārabhyate kriyā yāstu piśācāstatra devatāḥ |
madhumāsadine dadhnā tilacūrṇasurāsavaiḥ || 117 ||
[Analyze grammar]

pūpairhāridrakṛśaraistilairikṣuguḍaudanaiḥ |
kṛṣṇāni caiva vāsāṃsi dhūmrāḥ sumanasastathā || 118 ||
[Analyze grammar]

sarvabhūtapiśācānāṃ kṛtā devī mayā śubhā |
evaṃvidhā bhūtamātā sarvabhūtagaṇairvṛtā || 119 ||
[Analyze grammar]

prabhāse saṃsthitā devī samudrāduttareṇa tu |
ya etāṃ veda vai devyā utpattiṃ pāpanāśinīm || 120 ||
[Analyze grammar]

kutsitā saṃtati stasya na bhavecca kadācana |
bhūtapretapiśācānāṃ na doṣaiḥ paribhūyate || 121 ||
[Analyze grammar]

sarvapāpavinirmuktaḥ sarvasaubhāgyasaṃyutaḥ |
sarvānkāmānavāpnoti nārīhṛdayanaṃdanaḥ || 122 ||
[Analyze grammar]

ye mānayaṃti nijahāsakalairvilāsaiḥ saṃsevayā abhayadā bhavabhūtamātām |
te bhrātṛbhṛtyasutabaṃdhujanairyutāśca sarvopasarga rahitāḥ sukhino bhavanti || 123 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye bhūta mātṛkāmāhātmyavarṇanaṃnāma saptaṣaṣṭyuttaraśatatamo'dhyāyaḥ || 167 ||
[Analyze grammar]