Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 108

< Previous

Next >

[English text for this chapter is available]

īśvara uvāca |
tato gacchenmahādevi vasūnāṃ liṃgamuttamam |
someśādīśadigbhāge pañcāśaddhanuṣāntare || 1 ||
[Analyze grammar]

sthitaṃ liṃgaṃ mahādevi caturvaktraṃ surapriyam |
pratyūṣeśvaranāmānaṃ mahāpātakanāśanam || 2 ||
[Analyze grammar]

darśanāttasya devasya saptajanmāntarodbhavam |
pāpaṃ praṇāśamāyāti satyaṃsatyaṃ varānane || 3 ||
[Analyze grammar]

devyuvāca |
ko'sau pratyūṣanāmeti kathaṃ liṃgaṃ pratiṣṭhitam |
kasya putraḥ sa vikhyāta etanme vada śaṃkara || 4 ||
[Analyze grammar]

īśvara uvāca |
dakṣo brahmasuto devi prajāpatiriti smṛtaḥ |
tasya kanyāḥ purā ṣaṣṭirdadau dharmāya vai daśa || 5 ||
[Analyze grammar]

tāsāṃ madhye mahādevi ekā viśveti viśrutā |
sā dharmācca mahādevi aṣṭāvajanayatsutān || 6 ||
[Analyze grammar]

āpo dhruvaśca somaśca dharaścaivā'nalo'nilaḥ |
pratyūṣaśca prabhāsaśca vasavo'ṣṭau prakīrtitāḥ || 7 ||
[Analyze grammar]

teṣāṃ madhye saptamo'sau pratyūṣa iti viśrutaḥ |
sa putrakāmo deveśi prabhāsaṃ kṣetramāgataḥ || 8 ||
[Analyze grammar]

sa jñātvā kāmikaṃ kṣetraṃ pratiṣṭhāpya maheśvaram |
tapaścacāra vipulaṃ divyaṃ varṣaśataṃ priye |
dhyāyandevaṃ mahādevaṃ śāntastadgatamānasaḥ || 9 ||
[Analyze grammar]

tatastuṣṭo mahādevastasya bhaktyā nirañjanaḥ |
dadau tasya sutaṃ devi devalaṃ yogināṃ varam || 10 ||
[Analyze grammar]

tataḥ prabhṛti deveśi talliṃgasya prabhāvataḥ |
devalo bhagavānyogī pratyūṣasyā'bhavatsutaḥ || 11 ||
[Analyze grammar]

anena kāraṇenāsau pratyūṣeśvarasaṃjñitaḥ || 12 ||
[Analyze grammar]

yaścānapatyaḥ puruṣastaṃ samārādhayiṣyati |
tasyānvavāye deveśi saṃtatirna vinaśyati || 13 ||
[Analyze grammar]

yaḥ pratyūṣe mahādevi pratyūṣeśvaramuttamam |
pūjayiṣyati sadbhaktyā satataṃ niyatātmavān |
tasyaiṣyati kṣayaṃ pāpamapi brahmavadhodbhavama || 14 ||
[Analyze grammar]

vṛṣastatraiva dātavyaḥ samyagyātrāphalepsubhiḥ || 15 ||
[Analyze grammar]

māghe kṛṣṇacaturddaśyāṃ jāgṛyāttatra vai niśi |
sarveṣāṃ dānayajñānāṃ phalaṃ jāgaraṇāllabhet || 16 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsasakṣetramāhātmye pratyūṣeśvaramāhātmyavarṇanaṃnāmāṣṭottaraśatatamo'dhyāyaḥ || 108 ||
[Analyze grammar]