Chapter 101

[English text for this chapter is available]

īśvara uvāca |
etasminneva kāle tu nārado bhagavānṛṣiḥ |
brahmaṇo mānasaḥ putrastriṣu lokeṣu garvitaḥ || 1 ||
[Analyze grammar]

sarvalokacaraḥ so'pi yuvā devanamaskṛtaḥ |
tathā yadṛcchayā cāyamaṭamānaḥ samaṃtataḥ || 2 ||
[Analyze grammar]

vāsudevaṃ sa vai draṣṭuṃ nityaṃ dvāravatīṃ purīm |
āyāti ṛṣibhiḥ sārddhaṃ krodhena ṛṣi sattamaḥ || 3 ||
[Analyze grammar]

athāśvāgacchatastasya sarve yadukumārakāḥ |
ye pradyumnaprabhṛtayaste ca prahvānanāḥ sthitāḥ || 4 ||
[Analyze grammar]

abhāvāccārghyapādyānāṃ pūjāṃ cakruḥ samaṃtataḥ |
sāṃbastvavaśyabhāvitvāttasya śāpasya kāraṇāt || 5 ||
[Analyze grammar]

avajñāṃ kurute nityaṃ nāradasya mahātmanaḥ |
ratakrīḍā sa vai nityaṃ rūpayauvanagarvitaḥ || 6 ||
[Analyze grammar]

avinītaṃ tu taṃ dṛṣṭvā cintayāmāsa nāradaḥ |
asyāhamavinītasya kariṣye vinayaṃ śubham || 7 ||
[Analyze grammar]

evaṃ sa cintayitvātu vāsudevamathābravīt |
imāḥ ṣoḍaśasāhasrāḥ striyo yā devasattama || 8 ||
[Analyze grammar]

sarvāstāsāṃ sadā sāṃbe bhāvo deva samāśritaḥ |
rūpeṇāpratimaḥ sāṃbo loke'sminsacarācare || 9 ||
[Analyze grammar]

sadā'rhaṃti ca tāstasya darśanaṃ hyapi satstriyaḥ |
śrutvaivaṃ nāradādvākyaṃ cintayāmāsa keśavaḥ || 10 ||
[Analyze grammar]

yadetannāradenoktaṃ satyamatra tu kiṃ bhavet |
evaṃ ca śrūyate loke cāpalyaṃ strīṣu vidyate |
ślokāvimau purā gītau cittajñairyoṣitāṃ dvijaiḥ || 11 ||
[Analyze grammar]

pauṃścalyādaticāpalyādajñānācca svabhāvataḥ |
rakṣitā yatnato hyetā vikurvaṃti hi bhartṛṣu || 12 ||
[Analyze grammar]

naitā rūpaṃ parīkṣaṃte nā'sāṃ vayasi saṃśrayaḥ |
surūpaṃ vā virūpaṃ vā pumānityeva bhuṃjate || 13 ||
[Analyze grammar]

īśvara uvāca |
manasā cintayitvaivaṃ kṛṣṇo nāradamabravīt |
nahyahaṃ śraddadhāmyetadyadetadbhāṣitaṃ purā || 14 ||
[Analyze grammar]

bruvāṇamevaṃ devaṃ tu nāradaḥ pratyuvāca ha |
tathāhaṃ tu kariṣyāmi yathā śraddhāsyate bhavān || 15 ||
[Analyze grammar]

evamuktvā yayau bhūyo nāradastu yathāgatam |
tataḥ katipayāhasya dvārakāṃ punarabhyagāt || 16 ||
[Analyze grammar]

tasminnahani devo'pi sahāṃtaḥpaurakairjanaiḥ |
anubhūya jalakrīḍāṃ pānamāsevate rahaḥ || 17 ||
[Analyze grammar]

ramye raivatakodyāne nānādrumavibhūṣite |
sarvartukusumairnityaṃ vāsite sarvakāmane || 18 ||
[Analyze grammar]

nānājalajaphullābhirdīrghikā bhiralaṃkṛte |
haṃsasārasasaṃghuṣṭe cakravākopaśobhite || 19 ||
[Analyze grammar]

tasminsa ramate devaḥ strībhiḥ parivṛtastadā |
hāranūpurakeyūrarasanādyairvibhūṣaṇaiḥ || 20 ||
[Analyze grammar]

bhūṣitānāṃ varastrīṇāṃ sarvāṃgīṇāṃ viśeṣataḥ |
tatrasthaḥ pibate pānaṃ śubhagandhānvitaṃ śubham || 21 ||
[Analyze grammar]

etasminnaṃtare buddhvā madyamattāstataḥ striyaḥ |
uvāca nāradaḥ sāṃbamasmiṃstiṣṭha kumāraka || 22 ||
[Analyze grammar]

tvāṃ samāhvayate devo na yuktaṃ sthātumatra te |
tadvākyārthamabuddhvaiva nāradenātha noditaḥ || 23 ||
[Analyze grammar]

gatvā tu satvaraṃ sāṃbaḥ praṇāmamakarotpituḥ |
nirddiṣṭamāsanaṃ bheje yathābhāvena viṣṇunā || 24 ||
[Analyze grammar]

etasminnaṃtare tatra yāstu vai cālpasāttvikāḥ |
tā dṛṣṭvā sahasā sāṃbaṃ sarvāścukṣubhire striyaḥ || 25 ||
[Analyze grammar]

na sa dṛṣṭaḥ purā yābhiraṃtaḥpuranivāsibhiḥ |
madyadoṣāttatastāsāṃ smṛtilopāttathā bahu || 26 ||
[Analyze grammar]

svabhāvato'lpasattvānāṃ jaghanāni visusruvuḥ |
śrūyate cāpyayaṃ ślokaḥ purāṇaprathitaḥ kṣitau || 27 ||
[Analyze grammar]

brahmacarye'pi varttaṃtyā yoginyā vā pramādataḥ |
prakṛṣṭaṃ puruṣaṃ dṛṣṭvā varāṃgaṃ klidyate striyāḥ || 27 ||
[Analyze grammar]

loke'pi dṛśyate hyetanmadyasyāpyatha sevanāt |
lajjāṃ muṃcaṃti niḥśaṃkā hrīmatyo hyapi ca striyaḥ || 29 ||
[Analyze grammar]

samāṃsairbhojanaiḥ snigdhaiḥ pānaiḥ sīdhusurāsavaiḥ |
gaṃdhairmanojñairvastraiśca kāmaḥ strīṣu vijṛṃbhati || 30 ||
[Analyze grammar]

madyaṃ na deyamatyarthaṃ puruṣeṇa vipaścitā |
madonmattāḥ svabhāvena pūrvaṃ saṃti yataḥ striyaḥ || 31 ||
[Analyze grammar]

nārado'pyatha taṃ sāṃbaṃ preṣayitvā tvarānvitaḥ |
ājagāmātha tatraiva sāṃbasyānupadena tu || 32 ||
[Analyze grammar]

āyāṃtaṃ tāḥ svayaṃ dṛṣṭvā priyasaumanasaṃ munim |
sahasaivotthitāḥ sarvā madonmattā api striyaḥ || 33 ||
[Analyze grammar]

tāsāmathotthitānāṃ tu vāsudevasya paśyataḥ |
bhittvā vāsāṃsyanarghāṇi pātreṣu patitāni tu || 34 ||
[Analyze grammar]

jaghaneṣu vilagnāni tāni petuḥ pṛthakpṛthak |
taddṛṣṭvā tu hariḥ kuddhastāḥ śaśāpa tato'balāḥ || 35 ||
[Analyze grammar]

yasmādgatāni cetāṃsi māṃ muktvā'nyatra vaḥ striyaḥ |
tasmātpatikṛtāṃllokānāyuṣoṃ'te na yāsyatha || 36 ||
[Analyze grammar]

patilokātparibhraṣṭāḥ svargamārgāttathaiva ca |
bhūtvā hyaśaraṇā bhūyo dasyuhastaṃ gamiṣyatha || 37 ||
[Analyze grammar]

śāpadoṣāttatastasmāttāḥ striyo gāṃ gate harau |
hṛtāḥ pāṃcanadaiścaurairarjunasya prapaśyataḥ || 38 ||
[Analyze grammar]

alpasattvāśca yāścāsaṃstā gatā dūṣaṇaṃ striyaḥ |
rukmiṇī satyabhāmā ca tathā jāṃbavatī priye || 39 ||
[Analyze grammar]

na prāptā dasyuhastaṃ tāḥ svena sattvena rakṣitāḥ |
śaptvaivaṃ tāḥ striyaḥ kṛṣṇaḥ sāṃbamapyaśapatpunaḥ || 40 ||
[Analyze grammar]

yasmādatīva te kāṃtaṃ dṛṣṭvā rūpamimāḥ striyaḥ |
kṣubdhāḥ sarvā yatastasmātkuṣṭharogamavāpnuhi || 41 ||
[Analyze grammar]

tasya tadvacanaṃ śrutvā sāṃbo lajjāsamanvitaḥ |
uvāca prahasanvākyaṃ sa smarannṛṣisattamam || 42 ||
[Analyze grammar]

animittamahaṃ tāta bhāvadoṣavivarjitaḥ |
śapto na me'tra vai kuddho durvāsā nānyathā vadet || 43 ||
[Analyze grammar]

evamuktvā tataḥ sāṃbaḥ kṛṣṇaṃ kamalalocanam |
tato vairāgyasaṃyuktaścintāśokaparāyaṇaḥ || 44 ||
[Analyze grammar]

prabhāsakṣetramagamatsarvapātakanāśanam |
evaṃ tatkṣetramāsādya tapastepe sudāruṇam || 45 ||
[Analyze grammar]

pratiṣṭhāpya sahasrāṃśuṃ devaṃ pāpaniṣūdanam |
tataścārādhayāmāsa paraṃ niyamamāśritaḥ || 46 ||
[Analyze grammar]

trisaṃdhyaṃ pūjayāmāsa divyagaṃdhānulepanaiḥ |
stotreṇānena bhaktyā vai stauti nityaṃ dinādhipam || 47 ||
[Analyze grammar]

sāṃba uvāca |
namastrailokyadīpāya namaste timirāpaha |
namaḥ paṃkajanāthāya namaḥ kumudaśatrave || 48 ||
[Analyze grammar]

namo jagatpratiṣṭhāya jagaddhātre namo'stu te |
devadeva namasyāmi sūryaṃ trailokyadīpakam || 49 ||
[Analyze grammar]

ādityavarṇo bhuvanasya goptā apūrva eṣa prathamaḥ surāṇām |
hiraṇyagarbhaḥ puruṣo mahātmā sa paṭhyate vai tamasaḥ parastāt || 50 ||
[Analyze grammar]

iti stutastadā sūryaḥ prasannenāṃtarātmanā |
uvāca darśanaṃ gatvā sāṃbaṃ jāṃbavatīsutam || 51 ||
[Analyze grammar]

sāṃbasāṃba mahāvāho śṛṇu govindanandane |
stotreṇānena tuṣṭo'haṃ varaṃ brūhi yadīpsitam || 52 ||
[Analyze grammar]

sāṃba uvāca |
kṛṣṇenāhaṃ suraśreṣṭha śaptaḥ pāpaḥ sudurmatiḥ |
kuṣṭhāṃtaṃ kuru me deva yadi tuṣṭo'si me prabho || 53 ||
[Analyze grammar]

śrībhānuruvāca |
bhūya eva mahābhāga nīrogastvaṃ bhaviṣyasi |
yādṛgrūpaḥ purā hyāsīrmama caiva prasādataḥ || 54 ||
[Analyze grammar]

adya prabhṛti nekṣyāstā viṣṇubhāryāḥ kathaṃcana |
na tāsāṃ darśane jātu sthātavyaṃ yadunandana || 55 ||
[Analyze grammar]

tāsāmīrṣyāparītena viṣṇunā prabhaviṣṇunā |
kuṣṭhaṃ te yādavaśreṣṭha pradattaṃ hi mahātmanā || 56 ||
[Analyze grammar]

yo māṃ stotreṇa cānena samāgatya ca stoṣyati |
na tasyānvayasaṃbhūtaḥ kuṣṭhī kaścidbhaviṣyati || 57 ||
[Analyze grammar]

athādityasya nāmāni samyagjānīhi dvādaśa |
dvādaśaiva tathānyāni tāni vakṣyāmyaśeṣataḥ || 58 ||
[Analyze grammar]

ādityaḥ savitā sūryo mihiro'rkaḥ pratāpanaḥ |
mārttaṃḍo bhāskaro bhānuścitrabhānurddivākaraḥ || 59 ||
[Analyze grammar]

ravirdvādaśanāmaivaṃ jñeyaḥ sāmānyanāmabhiḥ |
viṣṇurdhātā bhagaḥ pūṣā mitroṃ'śurvaruṇo 'ryamā || 60 ||
[Analyze grammar]

indro vivasvāṃstvaṣṭā ca parjanyo dvādaśaḥ smṛtaḥ |
iti te dvādaśādityāḥ pṛthaktvena prakīrtitāḥ || 61 ||
[Analyze grammar]

uttiṣṭhaṃti sadā hyete māsairdvādaśabhiḥ kramāt |
viṣṇustapati vai caitre vaiśākhe cāryamā sadā || 62 ||
[Analyze grammar]

vivasvāñjyeṣṭhamāse tu āṣāḍhe cāṃśumāṃstathā |
parjjanyaḥ śrāvaṇe māsi varuṇaḥ prauṣṭhasaṃjñike || 63 ||
[Analyze grammar]

indraścāśvayuje māsi dhātā tapati kārtike |
mārgaśīrṣe tathā mitraḥ pauṣe pūṣā divākaraḥ || 64 ||
[Analyze grammar]

māghe bhagastu vijñeyastvaṣṭā tapati phālgune |
śatairdvādaśabhirviṣṇū raśmīnāṃ dīpyate sadā || 65 ||
[Analyze grammar]

dīpyate gosahasreṇa śataiśca tribhiraryamā |
dvisaptakairvivasvāṃstu aṃśumānpañcakaistribhiḥ || 66 ||
[Analyze grammar]

vivasvāniva parjanyo varuṇaścāryamā iva |
indrastu dviguṇaiḥ ṣaḍbhirbhātyekādaśabhiḥ śataiḥ || 67 ||
[Analyze grammar]

mitravacca bhagastvaṣṭā sahasreṇa śatena ca |
uttaropakrame'rkasya vardhante raśmayaḥ sadā |
dakṣiṇopakrame bhūyo hrasante sūryaraśmayaḥ || 68 ||
[Analyze grammar]

evaṃ dvādaśa mūrtisthaḥ prabhāsakṣetramadhyataḥ |
sāṃbādityeti vikhyātaḥ sthāsye manvantarāntare || 69 ||
[Analyze grammar]

māghasya śuklapakṣe tu pañcamyāṃ yādavottama |
ekabhaktaṃ sadā khyātaṃ ṣaṣṭhyāṃ naktamudāhṛtam || 70 ||
[Analyze grammar]

saptamyāmupavāsaṃ tu kṛtvā sāṃbārkasaṃnidhau |
raktacandanamiśraistu karavīrairmahāvrataḥ || 71 ||
[Analyze grammar]

dattvā kundarakaṃ dhūpaṃ pūjayedbhāskaraṃ budhaḥ |
brāhmaṇāndivyabhojyena bhojayitvā'pi śaktitaḥ || 72 ||
[Analyze grammar]

evaṃ yaḥ kurute samyaksāṃbādityasya pūjanam || |
samyakchraddhāsamāyuktaḥ saṃprāpsyatyakhilaṃ phalam || 73 ||
[Analyze grammar]

īśvara uvāca |
evamuktvā sahasrāṃśustatraivāṃtaradhīyata |
sāṃbo'pi nirjaro bhūtvā dvārakāṃ punarāgamat || 74 ||
[Analyze grammar]

ityetatkathitaṃ devi sāṃbādityamahodayam |
śrutaṃ harati pāpāni tathā'rogyaṃ prayacchati || 75 ||
[Analyze grammar]

iti śrīskānde mahā purāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye sāṃbādityamāhātmyavarṇanaṃnāmaikottaraśatatamo'dhyāyaḥ || 101 ||
[Analyze grammar]