Chapter 99

[English text for this chapter is available]

īśvara uvāca |
tato gacchenmahādevi yatra cakradharaḥ sthitaḥ |
daṃḍapāṇiśca deveśi yatraikasthānasaṃsthitaḥ || 1 ||
[Analyze grammar]

caṃdreśātpūrvadigbhāge |someśāduttaresthitaḥ |
dhanuṣāṃ paṃcasaṃsthāne gaṃdharveśātsamīpataḥ || 2 ||
[Analyze grammar]

umāyā nairṛte bhāge brahmadevarṣisaṃsthitaḥ |
tasyotpattiṃ pravakṣyāmi sarvapātakanāśinīm || 3 ||
[Analyze grammar]

pauṃḍrako vāsudevastu vārāṇasyāṃ purā'bhavat |
tena śrutaṃ purāṇaṃ tu paṭhyamānaṃ dvijātibhiḥ || 4 ||
[Analyze grammar]

kalpādau dvāparāṃte tu kṣatriyāṇāṃ niveśane |
avatāraṃ mahābāhuvāsudevaḥ kariṣyati || 5 ||
[Analyze grammar]

sa tu mūḍhamatirmene ahaṃ viṣṇuriti priye |
cihnāni dhārayāmāsa cakrādīni varānane || 6 ||
[Analyze grammar]

sa dūtaṃ preṣayāmāsa dvārakāyāṃ mahodaram |
sa gatvā prāha viṣṇuṃ vai cakrādīni parityaja || 7 ||
[Analyze grammar]

ityāha pauṃḍrako rājā nacedvadhamavā psyasi |
tataśca bhagavānviṣṇuḥ prāhāsya ruciraṃ vacaḥ || 8 ||
[Analyze grammar]

vācyaḥ sa pauṃḍrako rājā tvayā haṃta vaco mama |
gṛhītacakra evāhaṃ kāśīmāgamya te purīm || 9 ||
[Analyze grammar]

saṃtyakṣyāmi tataścakraṃ gadāṃ cemāmasaṃśayam |
tadgrāhyaṃ bhavatā cakramanyadvā yattavepsitam || 10 ||
[Analyze grammar]

ityukte'tha gate dūte saṃsmṛtyā'bhyā gataṃ hariḥ |
garutmantaṃ samāruhya tvaritastatpuraṃ yayau || 11 ||
[Analyze grammar]

mitrasnehāttatastasya kāśirājaḥ sahānugaḥ |
sarvasainyaparīvārastataḥ pauṃḍramupāyayau || 12 ||
[Analyze grammar]

tato balena mahatā kāśirājabalena ca |
pauṃḍrako vāsudevo'sau keśavābhimukho yayau || 13 ||
[Analyze grammar]

taṃ dadarśa harirdūrāddurvāre syaṃdane sthitam |
cakrahastaṃ gadāśārṅgasaṃyutaṃ garuḍadhvajam || 14 ||
[Analyze grammar]

taṃ dṛṣṭvā bhāvagaṃbhīraṃ jahāsa garuḍadhvajaḥ |
uvāca pauṃḍrakaṃ mūḍhamātmacihnopalakṣitam || 15 ||
[Analyze grammar]

pauṃḍrakoktaṃ tvayā yattu dūtavaktreṇa māṃ prati |
samutsṛjeti cihnāni tacca sarvaṃ tyajāmyaham || 16 ||
[Analyze grammar]

cakrametatsamutsṛṣṭaṃ gadeyaṃ ca visa rjitā |
garutmāneṣa te gatvā samārohatu vai dhvajam || 17 ||
[Analyze grammar]

ityuccārya vimuktena cakreṇāsau nipātitaḥ |
rathaśca gadayā bhagno gajāścā śvāśca cūrṇitāḥ || 18 ||
[Analyze grammar]

tato hāhākṛte loke kāśinātho mahābalī |
yuyudhe vāsudevena mitraduḥkhena duḥkhitaḥ || 19 ||
[Analyze grammar]

tataḥ śārṅgavinirmuktaiśchittvā tasya śaraiḥ śiraḥ |
kāśīpuryāṃ sa cikṣepa kurvaṃllokasya vismayam || 20 ||
[Analyze grammar]

hatvā tu pauṃḍrakaṃ śauriḥ kāśirājaṃ ca sānu gam |
punardvāravatīṃ prāpto mṛgayāyā gato yathā || 21 ||
[Analyze grammar]

tataḥ kāśipateḥ putraḥ piturduḥkhena duḥkhitaḥ |
śaṃkaraṃ toṣayāmāsa sa ca tasmai varaṃ dadau || 22 ||
[Analyze grammar]

sa vavre bhagavankṛtyā piturhaṃturvadhāya me |
samuttiṣṭhatu kṛṣṇasya tvatprasādātsureśvara || 23 ||
[Analyze grammar]

evaṃ bhaviṣyatītyukte dakṣiṇāgnestu madhyataḥ |
mahākṛtyā samuttasthau prasthitā dvārakāṃ prati || 24 ||
[Analyze grammar]

jvālāmālākarālāṃ tāṃ yādavā bhayavihvalāḥ |
dṛṣṭvā janārddanaṃ sarve śaraṇārthamupāgatāḥ || 25 ||
[Analyze grammar]

tataḥ sudarśanaṃ tasyā mumoca garuḍadhvajaḥ |
vadhāya sā tato bhagnā cakratejo'bhipīḍitā || 26 ||
[Analyze grammar]

kṛtyāmanujagāmāśu viṣṇoścakraṃ sudarśanam |
kṛtyā vārāṇasīṃ prāptā tasyāścakraṃ tu pṛṣṭhataḥ || 27 ||
[Analyze grammar]

tataḥ sā bhayasaṃtrastā śaṃkaraṃ śaraṇaṃ gatā |
somanāthaṃ jagannāthaṃ nānyaḥ śakto hi rakṣitum || 28 ||
[Analyze grammar]

tataścakraṃ varairbāṇaistāḍayāmāsa śaṃkaraḥ |
tacca dvāravatīṃ prāptaṃ śivasāyakamiśritam || 29 ||
[Analyze grammar]

taddṛṣṭvā śivanāmāṃkaistāḍitaṃ bhagavānhariḥ |
cakraṃ śaraistataḥ kuddho gṛhītvā ca kareṇa tat |
jagāma tatra yatrāste someśaḥ kālabhairavaḥ || 30 ||
[Analyze grammar]

sa gatvā roṣa tāmrākṣaścakrodyatakaraḥ sthitaḥ |
kṛtyāṃ haṃtuṃ matiṃ cakre kālabhairavanirmitām || 31 ||
[Analyze grammar]

dṛṣṭo devaistataḥ sarvaidaṃḍapāṇigaṇena ca |
devānāṃ prekṣatāṃ tatra daṇḍapāṇirmahāgaṇaḥ |
cakrodyatakaraṃ dṛṣṭvā viṣṇuṃ prāhābjalocanam || 32 ||
[Analyze grammar]

daṃḍapāṇiruvāca |
mā krodhaṃ kuru deveśa kṛtyāṃ prati jagatprabho || 33 ||
[Analyze grammar]

amoghaṃ yudhi te cakraṃ kṛtyā cāpi ca śāṃkarī |
evaṃ cakra vinirmukte bhavetkodho hare yadi |
bhaviṣyati mahadduḥkhaṃ lokānāṃ saṃkṣayo hi vā || 34 ||
[Analyze grammar]

na moktavyamataścakra śṛṇu bhūyo vacaśca naḥ |
atra sthāne niyukto'haṃ śaṃkareṇa purā hare || 35 ||
[Analyze grammar]

pāpināṃ rakṣaṇārthaṃ vai vighnārthaṃ duṣṭacetasām |
tasmāttvaṃ mama sāṃnidhye tiṣṭha cakradharo hare || 36 ||
[Analyze grammar]

atra cakradharaṃ devaṃ pūjayiṣyaṃti mānavāḥ |
dhūpamālyopahāraiśca naivedyairvivi dhairapi || 37 ||
[Analyze grammar]

viṣṇuruvāca |
eṣa eva nivṛttohaṃ tava vākyāṃkuśena vai |
atra cakrodyatakaraḥ sthāsye tava samīpataḥ || 38 ||
[Analyze grammar]

evaṃ hi sthitodevastatra cakradharaḥ priye |
daṃḍapāṇiśca bhagavānmama rūpī gaṇeśvaraḥ || 39 ||
[Analyze grammar]

yastau pūjayate bhaktyā daṃḍapāṇiharī kramāt |
sa pāpa kaṃcukairmukto gacchecchivapuraṃ naraḥ || 40 ||
[Analyze grammar]

māghe māsi caturddaśyāṃ kṛṣṇāṣṭamyāṃ viśeṣataḥ |
gaṃdhadhūpopahārairyaḥ pūjayeddaṇḍanāyakam |
tasya kṣetre nivasato na vighnaṃ jāyate kvacit || 41 ||
[Analyze grammar]

ekādaśyāṃ jitāhāro yo'rcayeccakrapāṇinam |
sa muktaḥ pātakaiḥ sarvairyāti viṣṇoḥ salokatām || 42 ||
[Analyze grammar]

iti saṃkṣepataḥ proktaṃ māhātmyaṃ cakrapāṇinaḥ |
daṇḍapāṇigaṇasyāpi śrutaṃ pāpaughanāśanam || 43 ||
[Analyze grammar]