Chapter 98

[English text for this chapter is available]

īśvara uvāca |
tato gacchenmahādevi caṃḍeśvaramiti śrutam |
someśādvāyave bhāge dhanuṣāṃ ṣaṣṭibhiḥ sthitam || 1 ||
[Analyze grammar]

divyaṃ liṃgaṃ mahādevi sarvapātakanāśanam |
tatpūrve tu yuge khyātaṃ manoḥ svāyaṃbhuvāṃtare || 2 ||
[Analyze grammar]

tretāyugamukhe devi pṛthivyā saṃpratiṣṭhitam |
pūrvamanvaṃtare cāsmiṃlliṅgaṃ pṛthvīśvaraṃ priye || 3 ||
[Analyze grammar]

punaścaṃdreṇa tatprāptaṃ liṃgaṃ caṃdreśvaraṃ priye |
brahmahatyādipāpānāṃ nāśanaṃ puṇyavarddhanam || 4 ||
[Analyze grammar]

taṃ dṛṣṭvā mānavo devi saptajanmasamudbhavaiḥ |
mucyate kalmaṣaiḥ sarvaiḥ kṛtakṛtyastu jāyate || 5 ||
[Analyze grammar]

devyuvāca |
kathaṃ pṛthvīśvaraṃ khyātaṃ talliṃgaṃ pāpa nāśanam |
kathaṃ punaḥ samākhyātaṃ candreśvaramiti prabho |
etadvistarato brūhi śrotukāmāhamādarāt || 6 ||
[Analyze grammar]

īśvara uvāca |
śṛṇu devi pravakṣyāmi kathā pāpapraṇāśinīm |
yāṃ śrutvā mucyate jaṃtustrividhaiḥ karmabandhanaiḥ || 7 ||
[Analyze grammar]

āsītpūrvaṃ mahādevi daityabhārārdditā mahī || sā'dho vrajaṃtī sahasā gorūpā saṃbabhūva ha || 8 ||
[Analyze grammar]

itastato dhāvamānā na lebhe nirvṛtiṃ kvacit |
tato varṣaśate pūrṇe bhramamāṇā kvacitkvacit || 9 ||
[Analyze grammar]

āsasāda mahākṣetraṃ prabhāsamiti viśrutam |
devadānavagaṃdharvaiḥ sevitaṃ pāpanāśanam || 10 ||
[Analyze grammar]

tatra sthitvā mahākṣetre kṛtvā manasi niścayam |
liṃgaṃ pratiṣṭhayāmāsa bhaktyā paramayā yutā || 11 ||
[Analyze grammar]

varṣāṇāṃ ca śataṃ sāgraṃ kṛte tapasi duścare |
tutoṣa bhagavānrudro dharitrīṃ vākyamabravīt || 12 ||
[Analyze grammar]

devi viśvaṃbhare sarvaṃ tapaḥ sucaritaṃ tvayā |
mā śokaṃ kuru kalyāṇi bhaviṣyati tavepsitam || 13 ||
[Analyze grammar]

daityā nāśaṃ gamiṣyaṃti viṣṇunā nihatā bhuvi |
bhavitrī tvaṃ mahādevi daityabhāravivarjitā || 14 ||
[Analyze grammar]

idaṃ tvayā sthāpitaṃ yalliṃgaṃ paramaśobhanam |
dharitrīnāmnā vikhyātaṃ loke khyātiṃ gamiṣyati || 15 ||
[Analyze grammar]

atrāhaṃ saṃsthito nityaṃ liṃgarūpī mahāprabhuḥ |
sthāsyāmi kalpekalpe vai nṛṇāṃ pāpāpahārakaḥ || 16 ||
[Analyze grammar]

mūrtyaṣṭakasamāyukto liṃge 'sminsaṃsthitaḥ sadā |
nṛṇāṃ nāśayitā pāpaṃ pūrvajanmaśatārjitam || 17 ||
[Analyze grammar]

bhādre kṛṣṇatṛtīyāyāṃ yaścaitaṃ pūjayiṣyati |
so'śvamedhasahasrasya phalamāpsyatyasaṃśayam || 18 ||
[Analyze grammar]

sarvatīrthābhiṣekasya sarveṣāṃ dānakarmaṇām |
bhaviṣyati phalaṃ tasya liṃgasyaivāsya pūjanāt || 19 ||
[Analyze grammar]

dhanuṣāṃ ṣoḍaśaṃ yāvatsamaṃtātparimaṃḍalam |
kṣetramasya samākhyātaṃ prāṇināṃ muktidāyakam || 20 ||
[Analyze grammar]

tasminmṛtāḥ prāṇino ye kāmato vāpyakāmataḥ |
kṛmi kīṭasamā vāpi te yāṃti paramāṃ gatim || 21 ||
[Analyze grammar]

yo dadyātkāñcanaṃ meruṃ kṛtsnāṃ vā'pi vasundharām |
yaḥ pūjayati pṛthvīśaṃ sa tayoradhikaḥ smṛtaḥ || 22 ||
[Analyze grammar]

īśvara uvāca |
iti dattvā varāndevastatraivāṃtaradhīyata |
pṛthivīśvaranāmābhūttatprabhṛtyeva śaṃkaraḥ || 23 ||
[Analyze grammar]

punarasminmahākalpe vārāha iti viśrute |
kadāciddakṣaśāpena kṣīṇaścandro babhūva ha || 24 ||
[Analyze grammar]

papāta bhūtale devi yakṣmaṇā pīḍitaḥ śaśī |
kṣetraṃ prabhāsamāsādya tanmahodadhisaṃnidhau || 25 ||
[Analyze grammar]

dṛṣṭvā pṛthvīśvaraṃ liṃgaṃ saprabhāvaṃ mahāprabham |
tatpūjānirato bhūtvā varṣāṇāṃ tu sahasrakam || 26 ||
[Analyze grammar]

atapatsa tapo raudraṃ śīrṇaparṇāṃbubhakṣakaḥ |
yataḥ samabhavaddīptyā sarvāhlādakaraḥ śaśī || 27 ||
[Analyze grammar]

talliṃgasyaiva māhātmyāttataścaṃdreśvaro'bhavat |
tasya liṃgasya māhātmyāccaṃdramā gatakalmaṣaḥ || 28 ||
[Analyze grammar]

avāpa siddhimatyugrāṃ sparśaliṃgaprakāśinīm |
somanātheti yāṃ prāhuḥ prasiddhāṃ liṃgarūpiṇīm || 29 ||
[Analyze grammar]

iti saṃkṣepataḥ proktaṃ māhātmyaṃ candradaivatam |
śrutaṃ harati pāpāni tathā'rogyaṃ prayacchati || 30 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye madhyayātrāyāṃ pṛthvīśvara māhātmyavarṇanaṃnāmāṣṭanavatitamodhyāyaḥ || 98 ||
[Analyze grammar]