Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 94

< Previous

Next >

[English text for this chapter is available]

īśvara uvāca |
tato gacchenmahādevi bhairaveśvaramuttamam |
tasyaiva vahnikoṇasthaṃ dhanuṣāṃdaśake sthitam || 1 ||
[Analyze grammar]

sarvakāmapradaṃ devi dāridryaughavināśanam |
pūrvaṃ caṇḍeśvaraṃnāma khyātaṃ kṛtayuge priye || 2 ||
[Analyze grammar]

caṇḍonāma gaṇo devi tena cārādhitaṃ purā |
divyābdānāṃ sahasraṃ tu tena caṇḍeśvaraṃ smṛtam || 3 ||
[Analyze grammar]

taṃ dṛṣṭvā devadeveśaṃ spṛṣṭvā ca susamāhitaḥ |
mucyate sakalātpāpādājanmamaraṇāṃtikāt || 4 ||
[Analyze grammar]

tatra kṛṣṇacaturdaśyāṃ māse bhādrapade priye |
upavāsa paro bhūtvā yaḥ karoti prajāgaram |
sa yāti paramaṃ sthānaṃ yatra devo maheśvaraḥ || 5 ||
[Analyze grammar]

vācikaṃ mānasaṃ pāpaṃ karmaṇā yadupārjitam |
tatsarvaṃ nāśamāyāti tasya liṃgasya darśanāt || 6 ||
[Analyze grammar]

tilā hiraṇyaṃ vastrāṇi tatra deyaṃ manīṣiṇe |
sarvakilviṣanāśārthaṃ samyagyātrāphalepsunā || 7 ||
[Analyze grammar]

bhairavākāramāsthāya kalpānte sa haredyataḥ |
viśvaṃ samagraṃ deveśi tenāsau bhairavaḥ smṛtaḥ || 8 ||
[Analyze grammar]

asminkalpe mahādevi prabhāsakṣetramāsthitaḥ |
babhūva bhairavo rudraḥ kalpānte liṃgamūrtimān || 9 ||
[Analyze grammar]

evaṃ saṃkṣepataḥ proktaṃ māhātmyaṃ bhairaveśvaram |
yacchrutvā mucyate jantuḥ pātakādatibhairavāt || 10 ||
[Analyze grammar]