Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 92

< Previous

Next >

[English text for this chapter is available]

īśvara uvāca |
tato gacchenmahādevi aghoreśvaramuttamam |
ṣaṣṭhaṃ liṃgaṃ samākhyātaṃ tadvaktraṃ bhairavaṃ smṛtam || 1 ||
[Analyze grammar]

tryaṃbakeśvaravāyavye dhanuṣāṃ paṃcake sthitam |
sarvakāmapradaṃ puṇyaṃ kalikalmaṣanāśanam || 2 ||
[Analyze grammar]

yastaṃ pūjayate bhaktyā snānapūjādibhiḥ kramāt |
merudānasya kṛtsnasya sa labhenmanujaḥ phalam || 3 ||
[Analyze grammar]

dakṣiṇāmūrtimāsthāya yatkiṃcittatra dīyate |
aghoreśvaradevasya tatsarvaṃ cākṣayaṃ bhavet || 4 ||
[Analyze grammar]

yaḥ śrāddhaṃ kurute tatra aghoreśvaradakṣiṇe |
ākalpaṃ tṛptimāyāṃti pitarastasya tarpitāḥ || 5 ||
[Analyze grammar]

kiṃ śrāddhena gayātīrthe vājimedhena kiṃ priye |
tatra śrāddhena tatsarvaṃ phalamabhyadhikaṃ labhet || 6 ||
[Analyze grammar]

truṭimātra mapi svarṇaṃ yātrāyāṃ yaḥ prayacchati |
sa sarvaṃ phalamāpnoti mahādānasya bhūriśaḥ || 7 ||
[Analyze grammar]

brahmakūrcaṃ caredyastu somāṣṭamyāṃ vidhānataḥ |
aghoreśvarasāṃnidhye aghoreṇābhimaṃtritam |
ṣaḍabdasya mahattena prāyaścittaṃ kṛtaṃ bhavet || 8 ||
[Analyze grammar]

iti saṃkṣepataḥ proktamaghoreśamahodayam |
māhātmyaṃ sarvapāpaghnaṃ śrutaṃ sarvārthasādhakam || 9 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ekādaśa rudramāhātmye'ghoreśvaramāhātmyavarṇanaṃnāma dvinavatitamo'dhyāyaḥ || 92 ||
[Analyze grammar]