Chapter 90

[English text for this chapter is available]

īśvara uvāca |
tato gacchenmahādevi caturthaṃ rudramuttamam |
vṛṣabheśvaranāmānaṃ kalpaliṃgaṃ surapriyam || 1 ||
[Analyze grammar]

bālarūpī mahādevi yatra brahmā svayaṃ sthitaḥ |
tasyaiva cottare bhāge dhanuṣāṃ tritaye sthitam || 2 ||
[Analyze grammar]

ādyaṃ mahāprabhāvaṃ hi nāpuṇyo veda mānavaḥ |
tasyaiva kalpanāmāni sāṃprataṃ prabravīmi te || 3 ||
[Analyze grammar]

pūrvakalpe mahādevi brahmeśvara iti smṛtaḥ |
brahmaṇārādhitaḥ pūrvaṃ varṣāṇāmayutaṃ priye || 4 ||
[Analyze grammar]

sṛṣṭikāmena devena tatastuṣṭo maheśvaraḥ |
caturvidhāṃ bhūtasṛṣṭiṃ tataścakre pitāmahaḥ || 5 ||
[Analyze grammar]

brahmaṇastvīśabhāvena gatastuṣṭiṃ yato haraḥ |
tena brahmeśvaraṃ nāma tasmiṃlliṃge purā'bhavat || 6 ||
[Analyze grammar]

tato dvitīyakalpe tu saṃprāpte varavarṇini |
raivateśvaranāmeti prakhyātaṃ dharaṇītale || 7 ||
[Analyze grammar]

raivato nāma rājā'bhūdbrahmāṃḍe sacarācare |
jagadyonirjigāyedaṃ talliṃgasya prabhāvataḥ || 8 ||
[Analyze grammar]

raivateśvaranāmābhūttena liṃgaṃ mahāprabham |
punastṛtīyakalpe tu saṃprāpte varavarṇini || 9 ||
[Analyze grammar]

vṛṣabheśvaranāmābhūttasya liṃgasya bhāmini |
mamaiva vāhanaṃ yo'sau dharmoyaṃ vṛṣarūpadhṛk || 10 ||
[Analyze grammar]

tena tatpūjitaṃ liṃgaṃ divyābdānāṃ sahasrakam |
tatastuṣṭena deveśi nītaḥ sāyujyatāṃ vṛṣaḥ || 11 ||
[Analyze grammar]

tena talliṃgamabhavadvṛṣabheśeti bhūtale |
tataścaturthe saṃprāpte vārāhekalpa saṃjñite || 12 ||
[Analyze grammar]

aṣṭāviṃśatime tatra tretāyugamukhe tadā |
ikṣvākurnāma rājā'bhūtsūryavaṃśavibhūṣaṇaḥ || 13 ||
[Analyze grammar]

sa liṃgaṃ pūjayāmāsa trikālaṃ bhaktibhāvitaḥ |
ekāhāro jitāhāro bhūbhiśāyī jiteṃdriyaḥ || 14 ||
[Analyze grammar]

evaṃ kāle bahuvidhe tatastuṣṭo maheśvaraḥ |
dadau rājyaṃ mahodagraṃ saṃtatiṃ putra pautrikīm || 15 ||
[Analyze grammar]

ikṣvākvīśvaranāmābhūttenedaṃ liṃgamuttamam |
yastaṃ pūjayate bhaktyā devaṃ vṛṣabhavāhanam || 16 ||
[Analyze grammar]

saptajanmakṛtaiḥ pāpairmucyate nātra saṃśayaḥ |
triṃśaddhanuṣpramāṇena tasya kṣetracaturddiśam || 17 ||
[Analyze grammar]

snānaṃ jāpyaṃ baliṃ homaṃ pūjāṃ stotramudīraṇam |
tasmiṃstīrthe tu yaḥ kuryāttatsarvaṃ cākṣayaṃ bhavet || 18 ||
[Analyze grammar]

catuṣkoṇāṃtarā kṣetramevaṃ mātrāpramāṇataḥ |
ekarātroṣito bhūtvā tasya liṃgasya sannidhau || 19 ||
[Analyze grammar]

brahmacaryeṇa jāgartti sa pāpaiḥ saṃpramucyate |
homajāpyasamādhistho nṛtyagītādivādanaiḥ || 20 ||
[Analyze grammar]

goghno vā brahmahā pāpī mucyate duṣkṛtairnaraḥ |
yaḥ saṃprīṇayate viprāṃstatra bhojyaiḥ pṛthagvidhaiḥ || 21 ||
[Analyze grammar]

ekasminbhojite vipre koṭirbhavati bhojitā |
bhairavaṃ caiva kedāraṃ puṣkaraṃ drutijaṃgamam || 22 ||
[Analyze grammar]

vārāṇasī kurukṣetraṃ mahā kālaṃ ca naimiṣam |
etattīrthāṣṭakaṃ devi tasmiṃlliṃge vyavasthitam || 23 ||
[Analyze grammar]

māghe kṛṣṇacaturddaśyāṃ tatra yo jāgṛyānniśi |
saṃpūjya vidhinā devaṃ sa tīrthāṣṭaphalaṃ labhet || 24 ||
[Analyze grammar]

dadāti tatra yaḥ piṇḍaṃ naṣṭendau śivasaṃnidhau |
tṛpyanti pitarastasya yāvadbrahmadināntakam || 25 ||
[Analyze grammar]

dadhikṣīra ghṛtenaiva paṃcagavyakuśodakaiḥ |
kuṃkumāgarukarpūraistalligaṃ pūjayenniśi || 26 ||
[Analyze grammar]

saṃmaṃtryāghoramaṃtreṇa dhyātvā devaṃ sadāśivam |
evaṃ kṛtvā mahādevi mucyate paṃcapātakaiḥ || 27 ||
[Analyze grammar]

aṣṭamyāṃ ca caturddaśyāṃ dadhnā saṃsnāpayedyadi |
sa brāhmaṇaścaturvedo jāyate nātra saṃśayaḥ || 28 ||
[Analyze grammar]

kṣīreṇa snāpayeddevi yadi taṃ vṛṣabheśvaram |
saptadhenusahasrāṇāṃ sa phalaṃ viṃdate mahat || 29 ||
[Analyze grammar]

janmāṃtareṇa yatpāpaṃ sāṃprataṃ yatkṛtaṃ priye |
tatsarvaṃ nāśamāyāti ghṛtasnānena bhāmini || 30 ||
[Analyze grammar]

paṃcagavyena yo devi snāpayedvṛṣabheśvaram |
sa dahetsarvapāpāni sarvayajñaphalaṃ labhet || 31 ||
[Analyze grammar]

taddṛṣṭvā brahmahā goghnaḥ steyī ca gurutalpagaḥ |
śaraṇāgataghātī ca mitraviśraṃbhaghātakaḥ || 32 ||
[Analyze grammar]

duṣṭapāpasamācāro mātṛhā pitṛhā tathā |
mucyate sarvapāpaistu talliṃgārādhanodyataḥ || 33 ||
[Analyze grammar]

kārtikaṃ sakalaṃ yastu pūjayedbrahmaṇā saha |
brahmeśvaraṃ mahāliṃgaṃ sa muktaḥ pātakairbhavet || 34 ||
[Analyze grammar]

tena dattaṃ bhavetsarvaṃ guravastena toṣitāḥ |
śrāddhaṃ kṛtaṃ gayātīrthe tena taptaṃ mahattapaḥ |
yena devādhidevo'saupūjito vṛṣabheśvaraḥ || 35 ||
[Analyze grammar]

iti te kathitaṃ devi māhātmyaṃ devapūjitam |
vṛṣabheśvaradevasya kalpaliṃgasya bhāmini || 36 ||
[Analyze grammar]

yaḥ śṛṇoti mahādevi māhātmyaṃ daivadevatam |
mūrkho vā paṃḍito vā'pi sa yāti paramāṃ gatim || 37 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmya ekādaśarudramāhātmye vṛṣavāhaneśvaramāhāmyavarṇanaṃnāma navatitamo'dhyāyaḥ || 90 ||
[Analyze grammar]