Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 89

< Previous

Next >

[English text for this chapter is available]

īśvara uvāca |
tato gacchedvarārohe kapālīśvaramuttamam |
rudraṃ tṛtīyaṃ pāpaghnaṃ nīlarudrasyapūrvataḥ || 1 ||
[Analyze grammar]

budheśvarātpaścimato dhanuṣāṃ saptake sthitam |
chinnaṃ mayā purā devi brahmaṇaḥ paṃcamaṃ śiraḥ || 2 ||
[Analyze grammar]

tatkapālaṃ kare lagnaṃ prabhāsakṣetramāgataḥ |
tato varṣasahasraṃ tu saṃsthitaḥ kṣetramadhyataḥ || 3 ||
[Analyze grammar]

kapāladhārī digvāsāḥ kapālī tena ca smṛtaḥ |
tanmayā pūjitaṃ liṃgaṃ varṣāṇāmayutaṃ priye || 4 ||
[Analyze grammar]

kapālirūpamāsthāya kapālīśastataḥ smṛtaḥ |
sarvapāpaharo nṛṇāṃ darśanātsparśanādapi || 5 ||
[Analyze grammar]

mayā tatra niyuktā vai rakṣārthaṃ śūlapāṇayaḥ |
gaṇāḥ sahasraśo devi pāpināṃ duṣṭacetasām || 6 ||
[Analyze grammar]

tasmātsarvaprayatnena samyakchraddhāsamanvitaḥ |
pūjayettaṃ mahādevaṃ kapālinamanāmayam || 7 ||
[Analyze grammar]

hiraṇyaṃ tatra dātavyaṃ brāhmaṇe vedapārage |
pūjayitvā vidhānena samyaktatpuruṣāṇunā || 8 ||
[Analyze grammar]

janmaprabhṛti yatpāpaṃ prāṇibhiḥ samupārjitam |
ṣaḍaśītimukhe dṛṣṭvā talliṃgaṃ tu vyapohati || 9 ||
[Analyze grammar]

iti saṃkṣepataḥ proktaṃ māhātmyaṃ pāpanāśanam |
kapālirudradevasya tṛtīyasya varānane || 10 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ekādaśarudramāhātmye kapā līśvaramāhātmyavarṇanaṃnāmaikonanavatitamo'dhyāyaḥ || 89 ||
[Analyze grammar]