Chapter 84

[English text for this chapter is available]

īśvara uvāca |
tato gacchenmahādevi ādinārāyaṇaṃ harim |
tasyāśca pūrvadigbhāge sarvapātakanāśanam || 1 ||
[Analyze grammar]

pādukāsanasaṃyuktaṃ sarvadaityāṃtakāriṇam |
ādau kṛtayuge devi daityo'bhūnmeghavāhanaḥ || 2 ||
[Analyze grammar]

mahābalo mahākāyo yojanāyutavistaraḥ |
ajeyaḥ sarvadevānāṃ trailokyakṣayakārakaḥ |
brahmaṇā tasya tuṣṭena varo datto varānane || 3 ||
[Analyze grammar]

yadā pādukayā viṣṇustvāṃ haniṣyati saṃyuge |
tadaiva mṛtyurbhavitā nānyathā maraṇaṃ tava || 4 ||
[Analyze grammar]

iti labdhavaro daityaḥ saṃtāpayati bhūtalam |
yugānāṃ koṭimekāṃ tu sadevāsuramānuṣam || 5 ||
[Analyze grammar]

saṃtapya bahudhā devi dakṣiṇo dadhimāgataḥ |
tatra vidhvaṃsayāmāsa ṛṣīṇāmāśramāṇi vai || 6 ||
[Analyze grammar]

tatasta ṛṣayaḥ sarve vidhvastāśramamaṇḍalāḥ |
śaraṇaṃ caiva saṃprāptā devadevaṃ tu keśavam |
ajeyaṃ taṃ tu saṃjñātvā tuṣṭuvurgaruḍadhvajam || 7 ||
[Analyze grammar]

ṛṣaya ūcuḥ |
namaḥ paramakalyāṇakalyāṇāyātmayogine |
janārddanāya devāya śrīdharāya ca vedhase || 8 ||
[Analyze grammar]

namaḥ kamalakiṃjalkasuvarṇamukuṭāya ca |
keśavāyātisūkṣmāya bṛhanmūrte namonamaḥ || 9 ||
[Analyze grammar]

mahātmane vareṇyāya namaḥ paṃkajanābhaye |
namo'stu māyāharaye haraye harivedhase || 10 ||
[Analyze grammar]

hiraṇyagarbhagarbhāya jagataḥ kāraṇātmane |
acyutāya namo nityamanantāya namonamaḥ || 11 ||
[Analyze grammar]

namo māyāpaṭacchanna jagaddhātre mahātmane |
saṃsārasāgarottāra jñānapotapradāyine |
akuṃṭhamataye dhātre sargasthityaṃta karmaṇe || 12 ||
[Analyze grammar]

yathā hi vāsudeveti prokte naśyati pātakam |
tathā vilayamabhyetu daityo'yaṃ meghavāhanaḥ || 13 ||
[Analyze grammar]

yathā viṣṇuḥ svabhakteṣu pāpamāpnoti saṃsthitam |
tathā vināśamāyātu daityo'yaṃ pāpakarmakṛt || 14 ||
[Analyze grammar]

smṛtamātro yathā viṣṇuḥ sarvaṃ pāpaṃ vyapohati |
tathā praṇāśamabhyetu daityo'yaṃ meghavāhanaḥ || 15 ||
[Analyze grammar]

bhavaṃtu bhadrāṇi samastadoṣāḥ prayāṃtu nāśaṃ jagato'khilasya |
abhedyabhaktyā parameśvareśe smṛte jagaddhātari vāsudeve || 16 ||
[Analyze grammar]

ye bhūtale ye divi ye'ntarikṣe rasātale prāṇigaṇāśca kecit |
bhavantu te siddhiyutā narottamāḥ smṛte jagaddhātari vāsudeve || 17 ||
[Analyze grammar]

ye prāṇinaḥ kutracidatra saṃti brahmāṇḍamadhye parataśca kecit |
teṣāṃ tu siddhiḥ paramāstvaniṃdyā stute jagaddhātari vāsudeve || 18 ||
[Analyze grammar]

īśvara uvāca || |
iti stutastadā devi ādinārāyaṇo hariḥ |
jñātvā sa bhāvi kāryaṃ tatsamāruhya ca pādukām || 19 ||
[Analyze grammar]

babhūva teṣāṃ pratyakṣa ṛṣīṇāṃ pāpanāśanaḥ |
uvāca praṇatānsarvānkiṃ vā kāryaṃ hṛdi sthitam || 20 ||
[Analyze grammar]

kathyatāṃ tatkariṣyāmi yuṣmatstotreṇa tarpitaḥ || 21 ||
[Analyze grammar]

ityuktā ṛṣayaḥ sarve kṛtāṃjalipuṭāḥ sthitāḥ |
ādidevaṃ hariṃ procuḥ sarve nataśirodharāḥ || 22 ||
[Analyze grammar]

ṛṣaya ūcuḥ |
jānāsi sarvaṃ tvaṃ deva na cāstyaviditaṃ tava |
imaṃ daityaṃ mahādeva saṃharasva mahābalam |
yathedaṃ sakalaṃ viśvaṃ nirātaṃkaṃ bhavetprabho || 23 ||
[Analyze grammar]

ityuktastaistadā viṣṇurdaityamāhūya saṃyuge |
tāḍayāmāsa taṃ daityaṃ hṛdi pādukayā śubhe || 24 ||
[Analyze grammar]

sa hataḥ patito daityo vigatāsurmahodadhau |
hatvā daityavaraṃ devastatra sthāne sthito'bhavat |
pādukāsanasaṃsthastu tatrādyāpi varānane || 25 ||
[Analyze grammar]

yastaṃ pūjayate bhaktyā ekādaśyāṃ narottamaḥ |
sośvavamedhaphalaṃ prāpya modate divi devavat || 26 ||
[Analyze grammar]

golakṣaṃ brāhmaṇe dattvā yatphalaṃ prāpnuyānnaraḥ |
tadādideve govinde dṛṣṭe bhaktyā phalaṃ labhet || 27 ||
[Analyze grammar]

kalau kṛtayugaṃ teṣāṃ kleśasteṣāṃ sukhādhikaḥ |
ādinārāyaṇo devo yeṣāṃ hṛdayasaṃsthitaḥ || 28 ||
[Analyze grammar]

ekādaśyāṃ ravidine snātvā saṃnihitā jale |
ādinārāyaṇaṃ pūjya mucyate bhavabandhanāt || 29 ||
[Analyze grammar]

iti te kathitaṃ devi māhātmyaṃ viṣṇudaivatam |
śrutaṃ pāpaharaṃ nṛṇāṃ dāridyaughavināśanam || 30 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ādinārāyaṇamāhātmyavarṇanaṃnāma caturaśītitamodhyāyaḥ || 84 ||
[Analyze grammar]