Chapter 81

[English text for this chapter is available]

īśvara uvāca |
tato gacchenmahādevi deveśaṃ daityasūdanam |
pāpaghnaṃ sarvajaṃtūnāṃ prabhāsakṣetravāsinām || 1 ||
[Analyze grammar]

anādiyugasaṃsthānaṃ sarva kāmapradaṃ śubham |
saṃsārasāgare ghore sthitaṃ nauriva tāraṇe || 2 ||
[Analyze grammar]

anye sarve'pi naśyaṃti kalpāṃte brahmaṇo dine |
etāni muktvā deveśi nyagrodhaṃ sapta kalpagama || 3 ||
[Analyze grammar]

kalpavṛkṣaṃ tathā'gāraṃ vaiḍūryaṃ parvatottamam |
śrīdaityasūdanaṃ devaṃ mārkaṃḍeyaṃ mahāmunim || 4 ||
[Analyze grammar]

akṣayāścāvyayāścaite saptakalpāni sundari |
devi kiṃ bahunoktena varṇitena punaḥpunaḥ || 5 ||
[Analyze grammar]

śrīdaityasūdanāddevi nānyāsti bhuvi devatā |
yavākāraṃ tu tasyaiva kṣetrapātakanāśanam || 6 ||
[Analyze grammar]

sevitaṃ carṣibhiḥ siddhairyakṣavidyādharoragaiḥ |
tasya sīmāṃ pravakṣyāmi viṣṇukṣetrasya bhāmini || 7 ||
[Analyze grammar]

pūrve yameśvaraṃ yāvacchrīsomeśaṃ tu paścime |
uttare tu viśālākṣī dakṣiṇe saritāṃ patiḥ || 8 ||
[Analyze grammar]

etatkṣetraṃ yavākāraṃ vaiṣṇavaṃ pāpanāśanam || 9 ||
[Analyze grammar]

atra kṣetre mṛtā ye tu pāpino'pi narā dhruvam |
svargaṃ gacchaṃti te sarve saṃtaḥ sukṛtino yathā || 10 ||
[Analyze grammar]

atra dattaṃ hutaṃ japtaṃ tapastaptaṃ kṛtaṃ hi yat |
tatsarvaṃ cākṣayaṃ proktaṃ saptakalpāvadhi priye || 11 ||
[Analyze grammar]

tatraikamapi yo devi brāhmaṇaṃ bhojayiṣyati |
vidhinā viṣṇumuddiśya koṭirbhavati bhojitā || 12 ||
[Analyze grammar]

tatropavāsaṃ yaḥ kuryānnaro bhaktisamanvitaḥ |
ekenaivopavāsena upavāsāyutaṃ phalam |
cakratīrthe naraḥ snātvā sopavāso jiteṃdriyaḥ || 13 ||
[Analyze grammar]

dvādaśyāṃ kārttike māsi dadyādvipreṣu kāṃcanam |
viṣṇuṃ saṃpūjya vidhivanmucyate sarvapātakaiḥ || 14 ||
[Analyze grammar]

devyuvāca |
daityasūdananāmeti kathaṃ tasya prakīrtitam |
kasminkāle tu deveśa tanme vistarato vada || 15 ||
[Analyze grammar]

īśvara uvāca |
śṛṇu devi pravakṣyāmi māhātmyaṃ pāpanāśanam |
daityasūdanadevasya purā vṛttaṃ mahodayam || 16 ||
[Analyze grammar]

devi tasyaiva nāmāni kalpekalpe bhavaṃti vai |
anādinidhanānyeva saṃbhavanti punaḥpunaḥ || 17 ||
[Analyze grammar]

pūrvakalpe śriyā vṛtto vāmanastu dvitīyake |
vajrāṃgastu tṛtīye vai turīye kamalāpriyaḥ || 18 ||
[Analyze grammar]

paṃcame duḥkhaharttā ca ṣaṣṭhe tu puruṣottamaḥ |
śrīdaityasūdano devaḥ kalpe vai saptame smṛtaḥ || 19 ||
[Analyze grammar]

tasyaiva nāma cotpattiṃ kathayāmi yathārthataḥ || 20 ||
[Analyze grammar]

purā devāsure yuddhe dānavairdevakaṃṭakaiḥ |
nirjitā devatāḥ sarve jagmuste śaraṇaṃ harim |
kṣīrodavāsinaṃ devamastuvanpraṇatāḥ sthitāḥ || 21 ||
[Analyze grammar]

devā ūcuḥ |
jaya deva jagannātha daityāsuravimarddana |
vārāharūpamāsthāya uddhṛtā vasudhā tvayā || 22 ||
[Analyze grammar]

uddhṛtā matsyarūpeṇa vedā udadhimadhyataḥ |
kūrmarūpī tathā bhūtvā kṣīrodārṇavamaṃthanam || 23 ||
[Analyze grammar]

kṛtvā tvayā jagannātha uddhṛtā śrīrnamo 'stu te |
śrīpatiḥ śrīdharo deva ārttānāmartināśanaḥ || 24 ||
[Analyze grammar]

balirvāmanarūpeṇa tvayā baddho'surāriṇā |
hiraṇyākṣo mahādaityo hiraṇyakaśipurhataḥ || 25 ||
[Analyze grammar]

nārasiṃhena rūpeṇa antarikṣe dhṛtastvayā |
devamūla mahādeva uddhṛtaṃ bhuvanaṃ tvayā || 26 ||
[Analyze grammar]

tvayā vinā jagannātha bhuvanaṃ niṣprabhī kṛtam |
sūryeṇeva tu vikrāntaṃ tamobhiriva dānavaiḥ || 27 ||
[Analyze grammar]

śrutvā stotramidaṃ devi viṣṇuḥ kamalalocanaḥ |
uvāca devānbrahmādyānkṣīrodārṇava bodhitaḥ || 28 ||
[Analyze grammar]

bhayaṃ tyajadhvaṃ vai devā dānavānprati sarvathā |
acireṇaiva kālena ghātayiṣyāmi dānavān || 29 ||
[Analyze grammar]

evamuktvātha taiḥ sārddhamā jagāma janārddanaḥ |
dānavānghātayāmāsa sa cakreṇa pṛthakpṛthak || 30 ||
[Analyze grammar]

bhayārttā dānavāḥ sarve palāyanaparāyaṇāḥ |
prabhāsaṃ kṣetramāsādya samudrābhimukhā bhavan || 31 ||
[Analyze grammar]

naśyamānāstato dṛṣṭvā daityāndaityavināśanam |
saṃjaghne tānsa cakreṇa niḥśeṣānsarvadānavān || 32 ||
[Analyze grammar]

hateṣu sarvadaityeṣu devabrāhmaṇatāpasaiḥ |
kalyāṇamabhavattatra jagatsvasthamanākulam || 33 ||
[Analyze grammar]

tatprabhṛtyeva devasya daityasūdananāma tat |
etanmāhātmyamatulaṃ kathitaṃ tava sundari |
daityasūdanadevasya mahābhāgyaṃ mahodayam || 34 ||
[Analyze grammar]

taṃ dṛṣṭvā na jaḍo nāṃdho na daridro na duḥkhitaḥ |
jāyate sapta janmāni satyaṃsatyaṃ varānane || 35 ||
[Analyze grammar]

śravaṇadvādaśīṃ puṇyāṃ rohiṇyāṃ cāṣṭamīṃ śubhām |
śayanotthāpanīṃ caiva naraḥ kṛtvā prayatnataḥ || 36 ||
[Analyze grammar]

ekaikenopa vāsena upavāsāyutaṃ phalam |
labhate nātra sandeho daityasūdanasannidhau || 37 ||
[Analyze grammar]

caṇḍālaḥ śvapaco vāpi tiryagyonigato'pi vā |
prāṇatyāge kṛte tasminnācyutaṃ lokamāpnuyāt || 38 ||
[Analyze grammar]

kārtikyāṃ caiva vaiśākhyāṃ māsamekamupoṣayet |
daityasūdanamadhyasthaḥ samyakchraddhāsamanvitaḥ || 39 ||
[Analyze grammar]

ekaikenopavāsena koṭikoṭi pṛthakpṛthak |
labhate tatphalaṃ sarvaṃ viṣṇukṣetraprabhāvataḥ || 40 ||
[Analyze grammar]

dīpaṃ dadāti yastatra māsaṃ vā pakṣameva vā |
ekaika dīpadānena koṭidīpaphalaṃ labhet || 41 ||
[Analyze grammar]

paṃcāmṛtena saṃsnāpya devadevaṃ caturbhujam |
ekādaśyāṃ nirāhāraḥ pūjayitvā'cyuto bhavet || 42 ||
[Analyze grammar]

cāturmāsyaṃ vidhānena daityasūdanasannidhau |
niyamena kṣipedyastu tasya tuṣyati keśavaḥ || 43 ||
[Analyze grammar]

anyakṣetreṣu yatkṛtvā cāturmāsyāni koṭiśaḥ |
tatphalaṃ labhate sarvaṃ daityasūdanadarśanāt || 44 ||
[Analyze grammar]

brahmāṇḍaṃ sakalaṃ dattvā yatpuṇyaphalamāpnuyāt |
tatpuṇyaṃ labhate sarvaṃ daityasūdanadarśanāt || 45 ||
[Analyze grammar]

ekādaśyāṃ tu yastatra kurute jāgaraṃ naraḥ |
gītanṛtyaistathā vādyaiḥ prekṣaṇīyaistathāvidhaiḥ |
sa yāti vaiṣṇavaṃ lokaṃ yaṃ gatvā na nivarttate || 46 ||
[Analyze grammar]

hatyā'yutānīha susaṃcitāni steyāni rukmasya na santi saṃkhyā |
nihaṃti kenāpi purā kṛtāni sarvāṇi bhadrā niśi jāgareṇa || 47 ||
[Analyze grammar]

mārgā na te pretapurī na dūtā vanaṃ ca tatkhecarakhaḍgapatram |
svapne na paśyaṃti ca te manuṣyā yeṣāṃ gatā jāgaraṇena bhadrā || 48 ||
[Analyze grammar]

kanyāsahasraṃ vidhivaddadāti ratnairalaṃkṛtya svadharmabuddhyā |
gavāṃ sahasraṃ kurujāṃgale tu teṣāṃ paraṃ jāgaraṇena viṣṇoḥ || 49 ||
[Analyze grammar]

kṛtvā caivopavāsaṃ ca yo'śnāti dvādaśīdine |
naivedyaṃ tulasīmiśraṃ hatyākoṭivināśanam || 50 ||
[Analyze grammar]

iti te kathitaṃ devi māhātmyaṃ pāpanāśanam |
daityasūdanadevasya kimanyatparipṛcchasi || 51 ||
[Analyze grammar]

pītavastrāṇi devasya gāṃ hiraṇyaṃ ca dāpayet |
snātvā cakravare tīrthe mucyate sarvapātakāt || 52 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe prathameprabhāsakṣetramāhātmye śrīdaityasūdanamāhātmyavarṇanaṃnāmaikāśītitamo'dhyāyaḥ || 81 ||
[Analyze grammar]