Chapter 75

[English text for this chapter is available]

īśvara uvāca |
tato gacchenmahādevi liṃgaṃ śākalakaleśvaram |
śākalyeśvaranairṛtye dhanuṣāṃ ṣaṣṭibhiḥ sthitam || 1 ||
[Analyze grammar]

taccaturyuganāmāḍhyaṃ smṛtaṃ pātakanāśanam |
pūrvaṃ kāmeśvaraṃnāma tretāyāṃ pulaheśvaram || 2 ||
[Analyze grammar]

dvāpare siddhināthaṃ tu nāradeśaṃ kalau smṛtam |
tathā kalakaleśaṃ ca nāma tasyaiva kīrttitam || 3 ||
[Analyze grammar]

samudre ca mahāpuṇye yasminkāle sarasvatī |
āgatā sā mahābhāgā hṛṣṭā tuṣṭā saridvarā |
tasya toyasya śabdena sāgarasya mahātmanaḥ || 4 ||
[Analyze grammar]

tato devāḥ sagandharvā ṛṣayaḥ siddhacāraṇāḥ |
neduḥ kalakalaṃ tatra tumulaṃ lomaharṣaṇam || 5 ||
[Analyze grammar]

tena śabdena mahatā mama mūrttiḥ samutthitā |
kalkaleśvaranāmeti tato liṃgaṃ prakīrtitam || 6 ||
[Analyze grammar]

iti te pūrvavṛttāṃtaṃ kathitaṃ nāmakāra ṇam |
sāṃprataṃ tu yathā jātaṃ punaḥ kalakaleśvaram |
tatte'haṃ saṃpravakṣyāmi śṛṇuṣvaikamanāḥ priye || 7 ||
[Analyze grammar]

purā dvāparasaṃdhau ca praviṣṭe tu kalau yuge |
nāradastu samāgatya kṣetraṃ prābhāsikaṃ śubham |
saṃcakāra tapaścograṃ tatra liṃgasamīpataḥ || 9 ||
[Analyze grammar]

tato varṣaśate pūrṇe samārādhya vṛṣadhvajam |
gāṃdharvaṃ prāpya deveśi bhūṣitaṃ saptabhiḥ svaraiḥ || 9 ||
[Analyze grammar]

tato hṛṣṭamanā bhūtvā talliṃgasya samīpataḥ |
sa cakāra mahāyajñaṃ pauṃḍarīkamiti śrutam || 10 ||
[Analyze grammar]

devadevasya tuṣṭyarthaṃ sa sadā bhāvitātmavān |
samāhūya ṛṣīṃstatra brahmalokātsahasraśaḥ || 11 ||
[Analyze grammar]

tataḥ saṃbhṛtasaṃbhāro yajñopakaraṇānvitaḥ |
kṛtvā kuṇḍādikaṃ sarvaṃ samārebhe tataḥ kratum || 12 ||
[Analyze grammar]

tataḥ saṃpūrṇatāṃ prāpte tasminkratau varānane || 13 ||
[Analyze grammar]

athāgamaṃstato viprāstatra kṣetranivāsinaḥ |
dakṣiṇārthaṃ mahadevi śataśo'tha sahasraśaḥ || 14 ||
[Analyze grammar]

tataḥ sa kautukāviṣṭasteṣāṃ yuddhārthameva hi |
prākṣipattatra ratnāni suvarṇaṃ ca mahītale || 15 ||
[Analyze grammar]

tataste brāhmaṇāḥ sarve yudhyamānāḥ parasparam |
kolāhalaṃ paraṃ cakrurbahudravyaparīpsayā || 16 ||
[Analyze grammar]

eke digaṃbarā devi tyaktayajñopavītinaḥ |
vikacāḥ ke'pi dṛśyaṃte tvanye rudhiraviplavāḥ || 17 ||
[Analyze grammar]

anye parasparaṃ jaghnurmuṣṭibhiścaraṇaistathā |
evaṃ tatra tadā kṣiptaṃ yaddravyaṃ nāradena tu || 18 ||
[Analyze grammar]

athābhāve tu vittasya ye ca viprā hyakiṃcanāḥ |
vidyāvinayasaṃpannā brāhmaṇairjarjarīkṛtāḥ || 19 ||
[Analyze grammar]

te tamūcurbhṛśaṃ śāṃtāḥ smayamānaṃ muhurmuhuḥ |
kalahārthaṃ yato dānaṃ tvayā dattamidaṃ mune || 20 ||
[Analyze grammar]

vidyāyuktānparityajya vidhiṃ tyaktvā tu yājñikam |
tasmādasya mune nāma khyātaṃ kalakaleśvaram || 21 ||
[Analyze grammar]

tena nāmnā dvijaśreṣṭha liṃgametadbhaviṣyati |
etasmātkāraṇāddevi jātaṃ kalakaleśvaram || 22 ||
[Analyze grammar]

yastaṃ snāpya naro bhaktyā kurute triḥ pradakṣiṇam |
sa gacchedrudralokaṃ tu tvatprasādādasaṃśayam || 23 ||
[Analyze grammar]

yastaṃ pūjayate bhaktyā gaṃdhapuṣpānulepanaiḥ |
hemaṃ dattvā dvijātibhyaḥ sa gacchetparamaṃ padam || 24 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye kalakaleśvaramāhātmyavarṇanaṃnāma pañcasaptatitamo'dhyāyaḥ || 75 ||
[Analyze grammar]