Chapter 68

[English text for this chapter is available]

īśvara uvāca |
iti proktāni te devi vaktraliṃgāni paṃca vai |
atha te saṃpravakṣyāmi yatra gauryāstapo vanam |
sthānaṃ mahāprabhāvaṃ hi surasiddhaniṣevitam || 1 ||
[Analyze grammar]

someśātpūrvadigbhāge ṣaṣṭidhanvaṃtare sthitam |
yatra devyā tapastaptaṃ satyā vai pūrvajanmani || 2 ||
[Analyze grammar]

kṛtvā ca praṇayātkopaṃ mayā sārddhaṃ varānane |
prabhāsakṣetramāsādya saṃsthitā sā tapasvinī || 3 ||
[Analyze grammar]

devyuvāca |
kimarthaṃ sā parityajya satī tvāṃ tapasi sthitā |
kasminsthāne sthitā devī etanme vistarādvada || 4 ||
[Analyze grammar]

īcarauvāca |
purā'sīstvaṃ mahādevi śyāmavarṇā manasvinī |
nāmārthaṃ ca mayā proktā kālīti rahasi sthitā || 5 ||
[Analyze grammar]

sā śrutvā vismayaṃ vākyaṃ bhṛśaṃ roṣaparāyaṇā |
abravītparuṣaṃ vākyaṃ bhṛkuṭī kuṭilānanā || 6 ||
[Analyze grammar]

yasmātkālītyahaṃ proktā tvayā śaṃbho'tiviplavāt |
tasmādyāsyāmi gaurīti bhaviṣyāmi ca yatra hi || 7 ||
[Analyze grammar]

evamuktvā mahābhāgā sakhīgaṇasamāvṛtā |
gatvā prabhāsakṣetraṃ sā pratiṣṭhāpya maheśvaram |
gaurīśvareti vikhyātaṃ pūjayaṃtī vidhānataḥ || 8 ||
[Analyze grammar]

tato liṃgasamīpasthā ekapāde sthitā satī |
liṃgamārādhayaṃtī sā cakāra sumahattapaḥ || 9 ||
[Analyze grammar]

paṃcāgnisādhikā devī grīṣma jāpyaparāyaṇā |
varṣāsvākāśaśayanā hemaṃte salilāśayā || 10 ||
[Analyze grammar]

yathā yathā tapo vṛddhiṃ yāti tasyā mahāprabhā |
tathātathā śarīrasya gauratvaṃ pratipadyate || 11 ||
[Analyze grammar]

kālena mahatā gaurī sarvāṃgeṇātha sā'bhavat |
tato vihasya bhagavānuvāca śaśiśekharaḥ || 12 ||
[Analyze grammar]

gaurīti ca muhurvākyamuttiṣṭha vraja mandiram |
varaṃ varaya kalyāṇi yatte manasi varttate || 13 ||
[Analyze grammar]

gauryuvāca |
yo māmatra sthitāṃ paśyennārī vā puruṣo'tha vā |
sa bhūyātsutasaubhāgyaiḥ saptajanmāni saṃyutaḥ || 14 ||
[Analyze grammar]

gītavādyādikaṃ nṛtyaṃ yaḥ kuryātpurato mama |
tasyānvaye na daurbhāgyaṃ bhūyāttava prasādataḥ || 15 ||
[Analyze grammar]

mayā pratiṣṭhitaṃ liṃgaṃ pūrvamabhyarcya māṃ tataḥ |
pūjayiṣyati yo bhaktyā sa yāsyati paraṃ padam || 16 ||
[Analyze grammar]

gaurīśvareti vikhyātaṃ nāma tasya bhavetprabho |
tathetyahaṃ pratijñāya tatra sthāne sthito 'bhavam || 17 ||
[Analyze grammar]

devyā saha mahādevi prahṛṣṭenāṃtarātmanā |
adyāpi ayane prāpte uttare dakṣiṇe'pi vā || 18 ||
[Analyze grammar]

gaurīṃsthānaṃ samabhyeti tatra deva guṇairyutaḥ |
tasminnahani yastatra viśiṣṭāni phalāni ca |
saṃprayacchati viprebhyastasya putrā bhavaṃti ca || 19 ||
[Analyze grammar]

putrahīnā tu yā nārī nālikeraṃ prayacchati |
putraṃ sā labhate śīghraṃ sabalaṃ lakṣaṇānvitam || 20 ||
[Analyze grammar]

ghṛtena dīpakaṃ tatra yā nārī saṃprayacchati |
raktavarttyā mahādevi yāvattasyaiva taṃtava || 21 ||
[Analyze grammar]

tāvajjanmāṃtarāṇyeva sā saubhāgyamavāpnuyāt || 22 ||
[Analyze grammar]

yā nṛtyaṃ kurute tatra bhaktyā paramayā yutā |
ārogyasukhasaubhāgyaiḥ saṃyuktā sā bhavecciram || 23 ||
[Analyze grammar]

tatrāṃte sumahatkuḍaṃ tīrthaṃ svacchodapūritam |
yaḥ snānamācarettatra mucyate sarvapātakaiḥ || 24 ||
[Analyze grammar]

yaḥ śrāddhaṃ kurute tatra pitṝnuddiśya bhaktitaḥ |
sa yāti paramaṃ sthānaṃ pitṛbhiḥ saha puṇyabhāk || 25 ||
[Analyze grammar]

tasmātsarvaprayatnena śrāddhaṃ tatra samācaret |
gītavādyādibhirnṛtyai rātrau kurvīta jāgaram || 26 ||
[Analyze grammar]

daṃpatyoḥ paridhānaṃ ca tatra deyaṃ sadakṣiṇam |
yaścaitatpaṭhate nityaṃ tṛtīyāyāṃ viśeṣataḥ |
pārvatyāḥ purato devi sa saubhāgyamavāpnuyāt || 27 ||
[Analyze grammar]

śṛṇuyādvā'pi yo bhaktyā samyagbhaktiparāyaṇaḥ |
so'pi saubhāgyamāpnoti yāvajjīvaṃ na saṃśayaḥ || 28 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye gaurītapovanamāhātmyavarṇanaṃnāmāṣṭaṣaṣṭitamo'dhyāyaḥ || 68 ||
[Analyze grammar]