Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 52

< Previous

Next >

[English text for this chapter is available]

īśvara uvāca |
paṃcātha siddhaliṃgāni kathayāmi yaśasvini |
yeṣāṃ darśanato devi siddhā yātrā bhavennṛṇām || 1 ||
[Analyze grammar]

someśādīśadigbhāge varāroheti yā smṛtā |
tasyāśca pūrvadigbhāge devaṃ siddheśvaraṃ param |
abhigamya naro bhaktyā aṇimādikamāpnuyāt || 2 ||
[Analyze grammar]

siddhaiḥ pratiṣṭhitaṃ liṃgaṃ dṛṣṭvā bhaktyā tu mānavaḥ |
mucyate pātakaiḥ sarvaiḥ siddhalokaṃ sa gacchati || 3 ||
[Analyze grammar]

vighnāni nāśamāyāṃti tatra kṣetranivāsinām |
kāmaḥ krodho bhaya lobho rāgo matsara eva ca || 4 ||
[Analyze grammar]

īrṣyā daṃbhastathā'lasyaṃ nidrā mohastvahaṃkṛtiḥ |
etāni vighnarūpāṇi siddhervighnakarāṇi tu || 5 ||
[Analyze grammar]

tāni nāśaṃ samāyāṃti tatra siddhe śvarārcanāt |
evaṃ jñātvā tu yatnena tatra yātrāṃ samācaret || 6 ||
[Analyze grammar]

ityevaṃ kathitaṃ devi siddheśvaramahodayam |
sarvakāmapradaṃ nṛṇāṃ śrutaṃ pātakanāśanam || 7 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye siddheśvaramāhātmyavarṇanaṃnāma dvipañcāśattamo'dhyāyaḥ || 52 ||
[Analyze grammar]